Morgunblaðið - 03.02.2002, Page 4

FRÉTTIR
4 SUNNUDAGUR 3. FEBRÚAR 2002 MORGUNBLAÐIÐ
INNAN Samfylkingarinnar er verið
að skoða möguleika á stofnun þjóð-
garðs um þau víðerni, sem ósnortin
verða norðan Vatnajökuls verði ráð-
ist í virkjun við Kárahnjúka.
Össur Skarphéðinsson, formaður
Samfylkingarinnar, sagði að eitt af
því sem liggja þyrfti fyrir yrði ráðist í
virkjun við Kárahnjúka væri land-
nýting norðan Vatnajökuls. „Ef það á
að ráðast í virkjun þarna verður að
vera tryggt að það sé ekki plokkað
frekar úr þessum náttúruperlum,“
sagði Össur.
Hann sagði að með þessum tillög-
um yrðu fjölmargar af dýrmætustu
náttúruperlum landsins verndaðar til
langframa, svo sem Eyjabakkar, og
til dæmis tryggt að Jökulsá á Fjöllum
yrði ekki virkjuð. Víðernin sem við
þetta færu undir þjóðgarð væru sam-
tals um 4.500 ferkílómetrar eða næst-
um þrisvar sinnum stærri en þjóð-
garðarnir bæði í Skaftafelli og
Jökulsárgljúfrum til samans. Slíkur
þjóðgarður yrði þá hluti Vatnajökuls-
þjóðgarðs sem búið væri að sam-
þykkja að nái yfir sjálfa jökulhettuna
og myndi við þetta ná yfir stærstu
ósnortnu víðerni í Evrópu.
„Mörkin sem menn eru að ræða
eru frá Tungnafellsjökli og Nýjadal í
vestri, um Gæsavötn og fylgja vatna-
skilum vestan Ódáðahrauns og skera
hraunið norður fyrir Herðubreiðar-
friðland, þannig að til dæmis Herðu-
breið og Askja yrðu innan þjóðgarðs.
Norðurmörkin eru ákaflega mikil-
væg því þau tryggja friðun vatna-
sviðs Kreppu og Jökulsár á Fjöllum
að því marki, að ekki yrði hægt að
ráðast í að nýta þær með þeim hætti
sem hugmyndir hafa verið um. Þjóð-
garðurinn héldi svo áfram til austurs
og tæki yfir Grágæsadal og Fagra-
dal, Snæfell og Vesturöræfi, Eyja-
bakka og loks Lónsöræfi,“ sagði Öss-
ur.
Kostar 2,5 milljarða króna
Hann sagði að þau legðu málið
þannig upp að þjóðgarðurinn yrði
myndaður á tíu árum og myndi að
lágmarki kosta 2,5 milljarða króna.
Verði af virkjun sé ljóst að margvís-
leg mannvirki sem myndu tengjast
virkjuninni og ekki vera varanleg
væri hægt að gera varanleg. Þannig
mætti gera ráð fyrir því að fast að
helmingi kostnaðarins við uppbygg-
ingu þjóðgarðsins félli til við virkjun
vegna vegagerðar og bygginga sem
þá yrði hægt að hafa varanleg.
Össur bætti því við að þau hugsuðu
málið þannig að aðkoma að þjóðgarð-
inum yrði úr fjórum landsfjórðung-
um. Á hverjum stað þyrftu að vera
miðstöðvar líkt og í Skaftafelli og út
frá þeim fjallasel fyrir göngumenn og
landverði.
„Við teljum að auk þess að greiða
verulega för manna um þetta svæði,
sem er nú meira og minna lokað,
verði þetta mikil lyftistöng fyrir
ferðaþjónustu,“ sagði Össur enn-
fremur.
Samfylkingin skoðar stofnun þjóðgarðs norðan Vatnajökuls verði ráðist í virkjun við Kárahnjúka
Dýrar
náttúru-
perlur
vernd-
aðar
LIÐSMENN íslenska karlalands-
liðsins í handbolta eru þakklátir
fyrir þann mikla stuðning og hlý-
hug sem þeir finna frá þjóðinni, en
undanfarna daga hafa þeim borist
tugir heillaskeyta og árnaðaróska
frá fyrirtækjum jafnt sem ein-
staklingum á Íslandi.
Jóhann Ingi Gunnarsson, for-
maður landsliðsnefndar karla í
Handknattleiksambandi Íslands,
segir kveðjur hafa borist jafnt og
þétt undanfarna daga og séu af
ýmsum toga. Í sumum þeirra sé
jafnvel vitnað í þjóðskáldin en önn-
ur séu látlausari. Forseti Íslands,
Ólafur Ragnar Grímsson, er meðal
þeirra sem sent hefur liðinu bar-
áttukveðjur og segir í skeyti hans
að þjóðin fagni öll. Þá hefur fjöldi
íþróttamanna og forystumenn
íþróttahreyfinga sent liðinu bar-
áttukveðjur og segjast liðsmenn
finna mikinn meðbyr að heiman.
Áhugi íslensku þjóðarinnar
vekur eftirtekt Svía
Svíum þykir mikið til áhuga ís-
lensku þjóðarinnar koma og sýndu í
morgunþætti Stöðvar 4, sem sjón-
varpar beint frá Evrópumótinu,
myndir frá Íslandi af mannlausum
götum og þéttsetnum veitinga- og
kvikmyndahúsum meðan íslenska
landsliðið var að spila.
Í þættinum var sýnt viðtal við
Guðmund Guðmundsson, landsliðs-
þjálfara, þar sem hann var beðinn
um að útskýra þennan gríðarlega
áhuga þjóðarinnar á handbolta.
Þótti Svíunum merkilegt að fólk
felldi niður vinnu meðan á leikjum
stæði og næstum hver einasti Ís-
lendingur fylgdist með leikjum
landsliðsins.
Morgunblaðið/Hilmar Bragi
Þessir handboltaáhugamenn voru meðal þeirra 130 Íslendinga sem voru á leið til Svíþjóðar í gærmorgun til að
horfa á síðustu leiki íslenska handknattleiksliðsins á Evrópumótinu og var góð stemning í hópnum.
Landsliðinu þykir vænt
um stuðning þjóðarinnar
Baráttukveðjur til handboltastrákanna skipta tugum
NEMENDUM Háskóla Íslands í
meistara- og doktorsnámi hefur farið
mjög fjölgandi síðustu ár. Nú eru 750
nemendur í framhaldsnámi og þar af
70 í doktorsnámi en fyrir þremur ár-
um voru þeir um 280 og 20 þar af í
doktorsnámi. Þetta kom fram í ræðu
Páls Skúlasonar háskólarektors við
brautskráningu stúdenta í gær.
Rektor sagði að árið 1998 hefðu 40
nemendur útskrifast með meistara-
gráðu en á síðasta ári voru þeir 100.
„Ef svo fer fram sem horfir verður
áætlun Háskóla Íslands um að 1.000
nemendur verði skráðir í framhalds-
nám við skólann 2005 orðin að veru-
leika fyrr en varir – og þótti víst sum-
um sú áætlun glannaleg þegar hún
var sett fram fyrir tæpum tveimur ár-
um,“ sagði hann.
Páll Skúlason segir einn mikilvæg-
asta þátt þess að byggja upp rann-
sóknarháskóla, að stórauka og
styrkja meistara- og doktorsnám við
skólann og gera ungu fólki kleift að
helga sig rannsóknarnámi á sem
flestum fræðasviðum. Rektor sagði
nýgerðan rannsóknasamning við
menntamálaráðuneytið mikilvægan
áfanga í eflingu rannsókna og rann-
sóknanáms við háskólann. Eitt höfuð-
atriði samningsins sé að tengja fjár-
veitingar til háskólans vegna
rannsókna við mat á árangri og gæð-
um rannsóknastarfsins og rannsókn-
anámsins.
Þá minntist hann á að unnið hefði
verið að því að tengja betur saman
starf Háskóla Íslands og Landspítala
- háskólasjúkrahúss sem væri liður í
því að efla kennslu og rannsóknir í
heilbrigðisvísindum.
Auka þarf alþjóðasamstarf
Þá gerði háskólarektor alþjóða-
samskipti háskólans að umtalsefni og
sagði margar deildir hafa lagt aukna
áherslu á samstarf við háskóla austan
hafs og vestan.
Sagði hann nauðsynleg að stórauka
það, fjölga heimsóknum erlendra
gistikennara og styrkja kennara há-
skólans til meiri þátttöku í erlendu
rannsóknasamstarfi. Þá sagði rektor,
að liður í þessu aukna alþjóðlega
starfi væri að fjölga námskeiðum á
ensku, þau væru nú 85 eða um 6% af
heildarfjölda námskeiða í skólanum.
Mikil fjölgun
nema í meistara-
og doktorsnámi
JANÚAR í ár var með þeim snjó-
léttustu sem menn muna eftir, að
sögn Trausta Jónssonar veður-
fræðings. Ekki hefur verið minna
um snjó í janúarmánuði síðan
1940.
„Það var einn dagur sem varð
alhvítt í janúar en það var svo lítið,
nánast ekki neitt, þannig að ég
held að enginn hafi tekið eftir
því,“ segir Trausti. „ Þetta er ein-
hver allra snjólausasti jan-
úarmánuður sem við þekkjum
hérna en það mun hafa verið svip-
að árið 1940.“
Hann segir líka hafa verið lítið
um snjó í janúar fyrra en þó meira
en í ár.
Ekki er búið að reikna út með-
alhita janúarmánaðar en þær töl-
ur ættu að liggja fyrir á mánudag,
að sögn Trausta.
Óvenju snjóléttur
janúarmánuður