Morgunblaðið - 23.02.2002, Page 1

45. TBL. 90. ÁRG. LAUGARDAGUR 23. FEBRÚAR 2002 PRENTSMIÐJA MORGUNBLAÐSINS
STOFNAÐ 1913
MORGUNBLAÐIÐ 23. FEBRÚAR 2002
Savimbi
sagður
hafa fallið
Lissabon. AFP.
STJÓRN Angóla sagði í gærkvöldi að
leiðtogi uppreisnarhreyfingarinnar
UNITA, Jonas Savimbi, hefði beðið
bana í átökum við
stjórnarhermenn
og hvatti stuðn-
ingsmenn hans til
að leggja niður
vopn.
Talsmaður for-
seta Angóla sagði
að stjórnarher-
menn hefðu fund-
ið lík Savimbis eft-
ir bardaga í austurhluta landsins.
„Lík hans verður sýnt opinberlega
innan skamms.“
Stjórnarherinn sagði að margir
aðrir UNITA-menn lægju í valnum.
UNITA hefur barist gegn stjórn-
arhernum nær látlaust síðan Angóla
fékk sjálfstæði frá Portúgal árið 1975.
Marxistahreyfingin Þjóðfrelsisfylk-
ing Angóla, MPLA, komst þá til valda
og UNITA hóf skæruhernað gegn
henni með stuðningi Bandaríkjanna
og Suður-Afríku.
Talið er að stríðið hafi kostað meira
en hálfa milljón manna lífið og hundr-
uð þúsunda annarra hafa flúið af
átakasvæðunum. Friðarsamkomulag
fyrir milligöngu Sameinuðu þjóðanna
leiddi til kosninga í september 1992
en UNITA beið ósigur og hóf stríðið
að nýju nokkrum mánuðum síðar.
Portúgalska utanríkisráðuneytið
kvaðst ekki geta staðfest fréttina um
dauða Savimbis og sagði að áður
hefðu borist rangar fréttir um að
hann væri fallinn.
Jonas Savimbi
Samkomulag
næst um vopna-
hlé á Sri Lanka
Vavuniya. AP.
FORSÆTISRÁÐHERRA Sri
Lanka og leiðtogi tamílsku tígranna
svokölluðu undirrituðu í gær vopna-
hléssamning sem fagnað var sem
mikilvægum áfanga í átt að friðarvið-
ræðum eftir 18 ára blóðuga borgara-
styrjöld.
Ranil Wickremesinghe, forsætis-
ráðherra Sri Lanka, afhenti sendi-
herra Noregs, Jon Westborg, samn-
inginn eftir að hafa heimsótt tamílskt
þorp þar sem uppreisnarmenn höfðu
dregið upp hvíta fána í tilefni af
vopnahléinu. Tamílar afhentu for-
sætisráðherranum sjal og hrísgrjón,
hefðbundin tákn hagsældar.
„Ég hef mikla trú á því að var-
anlegur friður komist á, en ég geri
mér engar tálvonir um að það verði
auðvelt,“ sagði forsætisráðherrann.
Vonast eftir friðar-
viðræðum í vor
Norska stjórnin hefur reynt að
koma á friðarviðræðum á Sri Lanka í
tvö ár til að binda enda á stríðið sem
hefur kostað meira en 65.000 manns
lífið.
Jan Petersen, utanríkisráðherra
Noregs, sagði að vopnahléssamning-
urinn tæki gildi í dag og kvaðst vona
að friðarviðræðurnar hæfust í vor.
Norsku samningamennirnir fögnuðu
samningnum en sögðu að næstu
skref í friðarumleitunum þeirra yrðu
ekki auðveld.
Tamílsku tígrarnir hafa barist fyr-
ir sjálfstæðu ríki tamíla í norður- og
austurhluta Sri Lanka frá 1983.
Tamílar eru um 3,2 milljónir, flestir
hindúar, og tígrarnir segja að þeir
geti ekki þrifist í sama ríki og singa-
lesar, stærsta þjóðarbrotið á eyj-
unni. Singalesar eru búddatrúar og
hafa bæði tögl og hagldir í stjórn-
kerfinu.
STARFSMAÐUR evrópskrar
súkkulaðikaupstefnu í Róm raðar
páskaeggjum á Spænsku tröpp-
urnar á torginu Piazza di Spagna.
3.000 páskaeggjum var stillt þar
upp í gær til að vekja athygli á
kaupstefnunni.
Sælkera-
hátíð í Róm
GEORGE W. Bush Bandaríkja-
forseti hélt til Washington frá
Peking í gær eftir sex daga heim-
sókn til Kína, Suður-Kóreu og
Japans. Fyrr um daginn skoðuðu
Bush og eiginkona hans, Laura,
Kínamúrinn í Badaling, við útjað-
ar Peking, þar sem þessi kín-
versku börn tóku á móti þeim.
Richard Nixon skoðaði sama
hluta múrsins fyrir 30 árum þeg-
ar hann var í sögulegri heimsókn
í Kína.
Reuters
Bush fetar í fótspor Nixons

Norður-Kórea/26
Danir
selja
sendi-
ráðin
Vona að 10
sendiráð gefi af
sér um 600
milljónir króna
SAMÞYKKTAR hafa verið í
utanríkismálanefnd danska
þingsins tillögur nýrrar ríkis-
stjórnar Venstre og Íhalds-
flokksins um að loka allt að tíu
sendiráðum og ræðismanns-
skrifstofum og munu alls um
120 starfsmenn utanríkisráðu-
neytisins, þar af 60 í Dan-
mörku, missa vinnuna, að sögn
AP-fréttastofunnar.
Aðgerðirnar eru liður í áætl-
unum stjórnvalda um að draga
úr ríkisútgjöldum og er stefnt
að því að störfum hjá ríkinu
verði fækkað á næstu árum úr
137 þúsund í 133.000.
Sendiráðin sem verða lögð
niður eru í Argentínu, Ástralíu,
Úkraínu, Malawi, Eritreu,
Bhútan og á Filippseyjum auk
þess sem lokað verður ræðis-
mannsskrifstofum í Los Angel-
es og í Düsseldorf. Frestað
verður ákvörðun um að loka
sendiráðinu í Zimbabwe þar til
eftir forsetakosningar í landinu
í næsta mánuði.
Hús dönsku sendiráðanna
verða seld og er þess vænst að
fyrir þau fáist alls um 50 millj-
ónir danskra króna, tæpar sex
hundruð milljónir íslenskra
króna.
Aðrar þjóðir gæti
hagsmuna Íslendinga
Morgunblaðið spurði Søren
Kragholm, embættismann í ut-
anríkisráðuneytinu í Kaup-
mannahöfn, hvort einhverjar
hugmyndir væru uppi um að
leggja niður sendiráðið á Ís-
landi. Sagði hann það alls ekki
hafa komið til umræðu.
Danir gæta hagsmuna Ís-
lendinga í mörgum löndum þar
sem við höfum hvorki sendiráð
né ræðismannsskrifstofu.
Sverrir Haukur Gunnlaugsson,
ráðuneytisstjóri í utanríkis-
ráðuneytinu, sagði aðgerðir
dönsku stjórnarinnar ekki
myndu valda neinum vanda.
Samið yrði við aðrar Norður-
landaþjóðir um að taka að sér
þetta hlutverk fyrir Íslendinga
á umræddum stöðum.
„Í löndum eins og til dæmis
Argentínu og Filippseyjum eru
sendiráð á vegum hinna Norð-
urlandanna,“ sagði Sverrir
Haukur Gunnlaugsson.