Morgunblaðið - 23.02.2002, Qupperneq 23

VIÐSKIPTI/ATHAFNALÍF
MORGUNBLAÐIÐ LAUGARDAGUR 23. FEBRÚAR 2002 23
Borgarkeppni í borðtennis
(einstaklingskeppni)
Reykjavík - Cardiff
Einvígið milli Guðmundar E.
Stephensen og Ryan Jenkins fer
fram í TBR - Íþróttahúsinu
laugardaginn 23. febrúar 2002
kl. 14.00
LANDSBANKI Íslands hefur aukið
hlut sinn í Heritable Bank í London
um 24,68%. Fyrir átti Landsbankinn
70% eignarhlut og á því nú 94,68%.
Stjórnendur Heritable eiga 5,32%
hlut en reiknað er með að Lands-
bankinn kaupi þann hlut í júlí á þessu
ári og mun Landsbankinn þá eignast
Heritable Bank að fullu.
Seljandur fjórðungshlutarins eru
tvö dótturfélög Wachovia Bank, sem
varð til við samruna Wachovia og
First Union National Bank í Banda-
ríkjunum, og eiga þau nú enga aðild
að breska bankanum.
Í kjölfar samruna Wachovia og
First Union var mörkuð sú stefna að
selja alla erlenda eignarhluti dóttur-
félaga bankans í fjármálafyrirtækj-
um og draga sig nær heimamarkaði.
Til hafði staðið að Landsbankinn
keypti hluti Wachovia í Heritable
Bank 1. júlí 2003 en að ósk beggja að-
ila eru þau nú gerð fyrr. Það gerir
kaupverð hlutabréfanna jafnframt
mun hagstæðara Landsbankanum
en áður hafði verið um samið.
Getur þýtt hraðari vöxt
Halldór J. Kristjánsson, banka-
stjóri Landsbankans, segir að þrátt
fyrir að kaupin fari nú fram fyrst og
fremst vegna áherslubreytinga hjá
Wachovia þá hafi Landsbankinn í
sjálfu sér átt frumkvæðið að þessu.
„Þar sem Landsbankinn var fyrir
eigandi 70% hlutafjár, var allur
áhættugrunnur Heritable Bank inni í
áhættugrunni Landsbankans. Þar
með var skynsamlegast að kaupa all-
an hlutinn og eignast svo bankann að
fullu.“
Halldór segir kaupin, þ.m.t. kaup á
hlut stjórnenda félagsins í júlí nk.,
hafa þá þýðingu fyrir Landsbankann
að nú verði mögulegt að fella starf-
semi breska bankans að öllu leyti inn
í starfsemi Landsbankans auk þess
sem allar tekjur af starfseminni komi
framvegis í hlut Landsbankans.
Þá verði Heritable Bank dóttur-
félag Landsbankans og það gefi
möguleika á auknum umsvifum fé-
lagsins í Bretlandi.
„Fram að þessu hefur stærð verk-
efna félagsins í Bretlandi afmarkast
af eiginfjárkröfum Heritable en nú
verður Heritable hluti af stærri efna-
hagsreikningi. Félagið getur þar af
leiðandi farið í stærri verkefni í Bret-
landi. Forsvarsmenn félagsins sjá
því fyrir sér nokkuð hraðari vöxt
starfseminnar en áður var gert ráð
fyrir.“
Halldór segir rekstur Heritable
hafa gengið mjög vel og afkoman á
síðasta ári hafi verið talsvert betri en
reiknað var með. Þá hafi fyrstu vikur
þessa árs verið hagstæðar og við-
skipti hafi aukist með auknum styrk
bankans.
Samhliða þessum viðskiptum tók
verðbréfamiðlun Landsbankans-
Landsbréfa að sér að selja 4,25%
eignarhlut dótturfélags Wachovia í
Landsbanka Íslands til íslenskra
fjárfesta og veitir Landsbankinn
sölutryggingu fyrir viðskiptunum.
Halldór segir það hafa legið beint
við að Wachovia seldi hlut sinn í
Landsbankanum eftir söluna á Her-
itable Bank. Hann segir Landsbank-
ann hafa átt í viðræðum við mögu-
lega kaupendur hlutarins í
Landsbankanum og gera megi ráð
fyrir að gengið verði frá sölu hlut-
arins í byrjun næstu viku. Hann vildi
ekki gefa upp hverjir mögulegir
kaupendur hlutarins eru.
Landsbankinn með
95% í Heritable Bank
Mun eignast breska bankann að fullu í júlí
FULLTRÚAR úkraínskra fyr-
irtækja verða staddir hér á
landi dagana 27. febrúar til 1.
mars næstkomandi með það að
markmiði að koma á viðskipt-
um milli Íslands og Úkraínu.
Í fréttatilkynningu frá Út-
flutningsráði Íslands kemur
fram að í tilefni komu sinnar
hingað til lands muni fulltrúar
úkraínsku fyrirtækjanna halda
fund til að kynna fyrir íslensk-
um viðskiptaaðilum menning-
arheim, efnahagsástand og við-
skiptaumhverfi í Úkraínu og
fer fundurinn fram í Versölum
að Hallveigarstíg 1 miðviku-
daginn 27. febrúar kl. 10-12.
Vilja koma á
viðskiptum
milli Úkraínu
og Íslands
GAGNASAFN
MORGUNBLAÐSINS
mbl.is