Morgunblaðið - 23.02.2002, Síða 57

FRÉTTIR
MORGUNBLAÐIÐ LAUGARDAGUR 23. FEBRÚAR 2002 57
Fagna uppbyggingu Landspítala
háskólasjúkrahúss
MORGUNBLAÐINU hefur borist
eftirfarandi ályktun frá Samtökum
um betri byggð:
„Samtök um betri byggð fagna
þeirri niðurstöðu sem starfsnefnd
um framtíðaruppbyggingu há-
skólasjúkrahúss hefur komist að
með tillögu til heilbrigðisráðherra
um að öll starfsemi Landspítala há-
skólasjúkrahúss verði sameinuð og
byggð upp við Hringbraut í nábýli
við Háskóla Íslands.
Samtökin hafa þá trú að stað-
arvalið muni hafa jákvæð áhrif á
þróun spítalans sem vísindastofn-
unar og hátæknisjúkrahúss og fjöl-
þættir möguleikar séu fólgnir í
tengingu Landspítalans við það
rannsókna- og þekkingarþorp sem
rísa mun í Vatnsmýrinni. Sú upp-
bygging er reyndar þegar hafin
með húsi Íslenskrar erfðagrein-
ingar, Náttúrufræðahúsi auk fyr-
irhugaðra Vísindagarða HÍ.
Samtökin telja staðarvalið sér-
lega mikilvægt fyrir framtíð-
arþróun Reykjavíkur sem höf-
uðborgar og að það geti skipt
sköpum fyrir eflingu miðborg-
arinnar. Jafnskjótt og N-S-braut
Reykjavíkurflugvallar verður lögð
niður 2016 fæst langþráð vaxt-
arsvæði fyrir miðborgina og þegar
flugvöllurinn allur verður lagður
niður eftir 2024, samkvæmt nýsam-
þykktu Svæðisskipulagi höfuðborg-
arsvæðisins, hefur borgin end-
urheimt dýrmætasta byggingar-
land sitt í öllu borgarlandinu. Það
er því augljóst að skipuleggja þarf
hvern reit þessa nýja bygg-
ingasvæðis með heildarskipulag
þess alls fyrir augum.
Af þessum sökum ítreka Samtök
um betri byggð fyrri tillögur sínar
um að auglýst verði hið fyrsta al-
þjóðleg samkeppni um skipulag
Vatnsmýrarinnar og flugvall-
arsvæðisins í heild sinni áður en
færsla Hringbrautar og frekari
uppbygging á sér stað. Einungis
með slíkri samkeppni er hægt að
tryggja að bestu hugmyndirnar um
nýtingu þessa mikilvæga svæðis
komi fram. Samtökin leggja sömu-
leiðis áherslu á að svæðið er ekki
hægt að skoða einangrað og því er
mikilvægt að í forskrift samkeppn-
innar verði ótvíræð áhersla lögð á
skipulagslausn sem tryggir tengsl
nýs byggingarsvæðis í Vatnsmýr-
inni við umhverfi sitt; miðborgina
fyrirhugað byggingarsvæði Land-
spítala háskólasjúkrahúss, Há-
skólasvæðið og náttúrusvæði. Skýrt
deiliskipulag Vatnsmýrar, Há-
skólasvæðis og svæðis Landspítala
háskólasjúkrahúss er forsenda þess
að vel takist til með uppbyggingu
þeirrar alþjóðaborgar sem stefnt er
að. Meðan höggvið er inn í svæðið
eins og verið er að gera án þess að
fyrir liggi heildarskipulag svæð-
isins eru ófyrirsjáanleg skipu-
lagsmistök yfirvofandi með ómark-
vissum vegalögnum og
samhengislausri byggð.
Nú þegar jafn stórhuga skipu-
lagsákvarðanir hafa loks verið
teknar ríður á að vel sé farið með
landið, hugkvæmni og framsýni
ráði för þannig að unnt verði að
koma í veg fyrir skipulagsmistök
sem seint yrðu bætt.
Flugvallarsvæðið og Vatnsmýrin
eru landið þar sem unnt er að
tryggja framtíð Reykjavíkur sem
lífvænlegrar og glæstrar höf-
uðborgar.“
Könnun meðal
þúsund skot-
veiðimanna
VEIÐISTJÓRAEMBÆTTIÐ er
þessa dagana að gera símakönnun
meðal veiðikorthafa um áreiðanleika
veiðitalna, skráningu þeirra, veiði-
hegðan veiðimanna og veiðisiðfræði.
Niðurstöður könnunarinnar verða
birtar í vísindatímaritum og kynntar
á ráðstefnum erlendis. Eitt þúsund
veiðikorthafar hafa verið dregnir út
úr gagnagrunni yfir veiðikorthafa og
fá þeir á næstunni tölvupóst eða sím-
tal og verða beðnir að taka þátt í
þessari könnun.
„Lítið sem ekkert er vitað um
veiðar á fuglum og spendýrum á Ís-
landi fram til ársins 1995. Eftir að
veiðikortakerfinu var komið á lagg-
irnar árið 1995 hefur embættið feng-
ið heildarveiðitölur yfir landið og síð-
an veiðitölur eftir veiðisvæðum síðan
1998.
Lítið hefur hins vegar verið vitað
um sókn í einstaka stofna eða hvern-
ig veiðimenn skrá veiðitölurnar og
hvernig eða hvort þeir hafa samráð
um skráningu sé veitt í hópi o.s.frv.
Því var ákveðið að ráðast í þessa
könnun m.a. eftir ábendingar frá
breskum og íslenskum fuglafræðing-
um sem sérhæfa sig í gæsarann-
sóknum. Niðurstöður þessarar
könnunar munu m.a. nýtast til veiði-
stjórnunar á gæsum og rjúpum í
framtíðinni ef þörf krefur.
Veiðistjóraembættið hefur yfir-
umsjón með könnuninni en dr. Arnór
Þ. Sigfússon fuglafræðingur er að-
alsamstarfsaðili. Gallup aðstoðaði
við samningu spurninga og aðferða-
fræði könnunar,“ segir í fréttatil-
kynningu frá veiðistjóra.
Spurninga-
keppni ÍTR
ÍÞRÓTTA-og tómstundaráð Reykja-
víkur stendur nú í fyrsta skipti fyrir
Spurningakeppni grunnskólanna
„Nema hvað?“ Keppnin er tvískipt.
Fyrri hluti keppninnar var riðla-
keppni þar sem keppt var með út-
sláttarfyrirkomulagi í 4 borgarhlut-
um um hverfismeistaratitil.
Hverfismeistarnir 4 keppa um
„Mímisbrunninn“, veglegan farand-
grip sem ÍTR gefur til keppninnar.
Mál og menning er styrktaraðili úr-
slitakeppninnar og gefur vegleg
bókaverðlaun.
24 grunnskólar voru skráðir til
leiks þegar keppnin hófst 14.janúar.
Lið Hagaskóla sigraði Landakots-
skóla og hreppti hverfismeistaratitil-
inn í borgarhluta 1. Réttarholtsskóli
sigraði Álftamýrarskóla með eins
stigs mun eftir æsispennandi viður-
eign í borgarhluta 2. Lið Seljaskóla
hafði betur í viðureign við Hóla-
brekkuskóla um hverfismeistaratitil-
inn í borgarhluta 3 og loks sigraði
Rimaskóli í viðureign sinni við Engja-
skóla í borgarhluta 4.
Í undanúrslitum mætast Hagaskóli
og Rimaskóli mánudaginn 25. febrúar
kl. 19.30 og Réttarholtsskóli og Selja-
skóli þriðjudaginn 26. febrúar kl.
19.30. Báðar viðureignir fara fram í
Ráðhúsi Reykjavíkur. Úrslitakeppnin
fer fram fimmtudaginn 7. mars.