Morgunblaðið - 05.03.2002, Qupperneq 17

VIÐSKIPTI/ATHAFNALÍF
MORGUNBLAÐIÐ ÞRIÐJUDAGUR 5. MARS 2002 17
Aðalfundur
Olíuverzlunar Íslands hf.
vegna starfsársins 2001
verður haldinn í Sunnusal Hótels Sögu
miðvikudaginn 13. mars nk. og hefst kl. 16:00.
Dagskrá fundarins er þessi:
1. Venjuleg aðalfundarstörf skv. 13. gr.
samþykkta félagsins.
2. Umræður og atkvæðagreiðsla um önnur
mál, sem löglega hafa verið upp borin.
Ársreikningur félagsins, ásamt skýrslu stjórnar og
endurskoðenda, mun liggja frammi á skrifstofu
félagsins, Sundagörðum 2, hluthöfum til sýnis
7 dögum fyrir aðalfund.
Fundargögn verða afhent við upphaf fundar.
Að loknum aðalfundarstörfum verður hluthöfum
boðið upp á léttar veitingar.
Stjórn Olíuverzlunar Íslands hf.
MAGNÚS Gunnarsson, formaður
bankaráðs Búnaðarbanka Íslands,
sagði á aðalfundi bankans um
helgina að eftir miklar breytingar á
yfirstjórn bankans í fyrra hefði verið
farið út í umfangsmikla stefnumót-
unarvinnu innan hans. Niðurstaða
hennar hefði verið að stækka þyrfti
bankann til að ná fram stærðarhag-
kvæmni og á síðasta ári hefðu mark-
viss skref verið stigin í þá átt með
kaupum á Lýsingu og sameiningu
við Gildingu. Árangurinn væri sá að
nú gæti bankinn veitt keppinautun-
um verðuga samkeppni, eigið fé hans
hefði vaxið um 65% á árinu og heild-
areignir um 38%. Markaðsverðmæti
bankans hefði aukist um 10 milljarða
króna. Þar af mætti skýra 4,5 millj-
arða króna beint vegna kaupa á fyrr-
nefndum félögum en afgangurinn
væri verðmætaaukning.
Á fundinum var samþykkt tillaga
stjórnar um greiðslu 10% arðs, sem
er um helmingur af hagnaði eftir
skatta, og sagði Magnús að þetta
væri í samræmi við þá stefnu bank-
ans að greiða háan arð til hluthafa
þegar eiginfjárstaðan væri sterk.
Starfsmenn í útibúum
fá sölutengda þóknun
Sólon Sigurðsson bankastjóri
sagði hefðbundinn rekstur hafa
gengið betur en nokkru sinni áður og
að það væri meginskýring bættrar
afkomu bankans frá fyrra ári, en
hagnaður bankans hækkaði úr 202
milljónum króna í 1.062 milljónir
króna milli ára og raunarðsemi eig-
infjár, þ.e. arðsemi að teknu tilliti til
verðbólgu, var 12% eftir skatta.
Sólon sagði að samkvæmt vefmæl-
ingu væri heimasíða bankans mikið
notuð og meðal annars þess vegna
væri stefnt að því að draga úr hefð-
bundinni afgreiðslu í útibúum. Í
staðinn yrði þjónusta og sölustarf
aukið í útibúunum og greindi hann
frá því að starfsmenn útibúa fengju
nú greidda sölutengda þóknun fyrir
ákveðnar vörutegundir. Þá mundu
starfsmenn í fullu starfi hjá bank-
anum fá greiddan 75.000 króna
kaupauka vegna árangurs á síðasta
ári.
Í ræðu Sólons kom einnig fram að
Búnaðarbankinn væri eini bankinn
sem hefði sérstaka þjónustu fyrir
eldri borgara. Þessi þjónusta fælist
meðal annars í fasteignalífeyri, sem
gerði fólki kleift að nýta sparnað sem
það ætti í fasteignum sínum og fá út
á hann greiðslur sem hvorki þyrfti að
greiða af afborganir né vexti fyrr en
við eigendaskipti á fasteigninni.
Loks sagði Sólon frá því að veru-
legar breytingar hefðu orðið á verð-
bréfasviði. Þar hefðu vinnuferlar
verið skilgreindir upp á nýtt og nýjar
deildir stofnaðar, meðal annars
vegna áhættustýringar og frágangs
og uppgjöra.
Næstur tók til máls Árni Tómas-
son bankastjóri og fór í gegnum
reikning bankans og útskýrði helstu
liði hans. Þá greindi hann frá áætlun
fyrir yfirstandandi ár og sagði áætl-
aðan hagnað ársins fyrir skatta
nema ríflega 3 milljörðum króna og
eftir skatta gerði áætlun ráð fyrir
um 21⁄2 milljarðs hagnaði, en vegna
sameiningar við Gildingu ætti bank-
inn nú 4,4 milljarða króna í yfirfær-
anlegu skattalegu tapi. Að sögn
Árna er í ár stefnt að 23% raun-
arðsemi eiginfjár fyrir skatta og um
14% útlánaaukningu.
Jón Helgi Guðmundsson fulltrúi
annarra hluthafa í stjórn
Halldór Ásgrímsson, starfandi
viðskiptaráðherra í fjarveru Val-
gerðar Sverrisdóttur, tók til máls í
lok fundarins og minnti á það öldurót
sem verið hefði í kringum síðasta að-
alfund bankans; bæði í tengslum við
miklar breytingar á bankastjórninni
og bankaráðinu, en ekki síst vegna
lögreglurannsóknar sem þá var ný-
lega hafin. Sagði hann að þetta sýndi
hve óheppilegt það gæti verið að
framkvæmdavaldið ætti stóran hlut í
fyrirtækjum í landinu.
Halldór benti á að hlutur ríkisins
hefði minnkað mikið á síðasta ári og
væri nú tæplega 55%. Eina afleið-
ingu þessa sagði hann vera þá að inn
í bankaráðið hefði nú í fyrsta sinn
verið kosinn fulltrúi annarra eigenda
bankans en ríkisins, en það er Jón
Helgi Guðmundsson, forstjóri
BYKO. Þetta sagði hann jákvæða
þróun og ítrekaði þá stefnu ríkisins
að draga sig út af fjármálamarkaði.
Fjármálafyrirtæki þurfa að búa
sig undir erlenda samkeppni
Halldór sagði það einnig skoðun
sína að fjármálafyrirtækjum hér á
landi væri nauðsynlegt að búa sig
undir samkeppni erlendis frá. „Fjár-
málakerfi okkar fær ekki staðist til
langframa nema það standist sam-
keppni,“ sagði Halldór og minnti á að
ýmsar tölur og hlutföll í bankakerf-
inu hér á landi væru óhagstæðari en
þær sem sæjust erlendis.
Á aðalfundinum um helgina voru
Magnús Gunnarsson, Þorsteinn
Ólafsson, Árni Þór Árnason og S. El-
ín Sigfúsdóttir endurkjörin í banka-
ráð Búnaðarbankans, og eins og áð-
ur sagði tók nýr maður, Jón Helgi
Guðmundsson, einnig sæti í ráðinu.
Varamenn voru endurkjörnir Anna
Þóra Baldursdóttir, Haukur Hall-
dórsson, Helga Thoroddsen og Guð-
mundur Kristjánsson, en nýr vara-
maður var kjörinn Þorsteinn
Vilhelmsson.
Aðalfundur Búnaðarbanka Íslands
Aðrir en ríkið með
fulltrúa í bankaráði
í fyrsta sinn
HLUTAFÉ í Afli fjárfestingarfélagi
hf. hefur verið hækkað um
824.074.809 krónur að nafnvirði,
samkvæmt heimild hluthafafundar
frá 28. desember síðastliðnum um
hækkun hlutafjár. Heildarhlutafé fé-
lagsins eftir hækkun er
1.526.514.244 krónur að nafnvirði.
Hópur stofnanafjárfesta keypti hið
nýja hlutafé í lokuðu útboði á með-
algenginu 1,43. Frá þessu var greint
í flöggun frá félaginu á Verðbréfa-
þingi Íslands í gær. Heildarsöluverð
hins nýja hlutafjár er tæpir 1,2 millj-
arðar króna.
Einnig var greint frá því á VÞÍ í
gær að Þorsteinn Vilhelmsson,
stjórnarformaður Afls fjárfestingar-
félags, hefði keypt hlutafé að nafn-
virði 250.682.770 krónur í félaginu.
Eignarhlutur Þorsteins eftir kaupin
er 370.682.770 krónur, eða 24,3%, en
var fyrir kaupin 17,08%. Samkvæmt
upplýsingum frá Styrmi Þór Braga-
syni, framkvæmdastjóra Afls,
keyptu Þorsteinn og Landsbankinn
mest í framangreindu útboði á
hlutafé félagsins en nokkrir lífeyr-
issjóðir fjárfestu einnig í útboðinu.
Þorsteinn og Landsbankinn Fjár-
festing eru stærstu hluthafarnir í
Afli eftir hlutafjárhækkunina, hvor
fyrir sig með 24,3% eignarhlut í fé-
laginu.
Ætlunin er að hafa virk áhrif
Styrmir Þór segir að ákveðið hafi
verið í desember síðastliðnum að
ráðast í breytingar á Íslenska fjár-
sjóðnum hf., forvera Afls fjárfesting-
arfélags. Nafni félagsins hafi verið
breytt, svo og fjárfestingarstefnu
þess. Félagið sé nú svonefndur um-
breytingarsjóður. Það segir Styrmir
að snúist um að félagið muni taka
þátt í umbreytingum í íslensku at-
vinnulífi. Til að byrja með muni fé-
lagið einbeita sér að fyrirtækjum í
sjávarútvegi. Um verði að ræða
valdar fjárfestingar sem miði að því
að Afl fái fulltrúa í stjórnum þeirra
fyrirtækja sem fjárfest er í, til þess
annaðhvort að breyta rekstri þeirra
eða til að koma fyrirtækjum saman
við önnur fyrirtæki, ef þau eru of lít-
il. Ætlunin sé að hafa þannig virk
áhrif á þau fyrirtæki sem félagið
fjárfestir í. Því sé verið að stækka fé-
lagið með hinu aukna hlutafé.
Afl fjárfestingarfélag er skráð á
Verðbréfaþingi Íslands undir fyrra
nafni félagsins, Íslenski fjársjóður-
inn. Félagið er með samning við
Landsvaka ehf., rekstrarfélag sjóða
Landsbankans-Landsbréfa, sem sér
um daglegan rekstur félagsins.
Hlutafé aukið í Afli
fjárfestingarfélagi hf.
alltaf á föstudögum