Morgunblaðið - 05.03.2002, Qupperneq 21

ERLENT
MORGUNBLAÐIÐ ÞRIÐJUDAGUR 5. MARS 2002 21
Kerfisstjórn og forritun
S t u t t n á m s k e i ð á n æ s t u n n i :
Faxafeni 10 · 108 Reykjavík · Sími 533 3533 · Fax 533 2533 · skoli@ctec.is · www.ctec.is
Vönduð kennslugögn fylgja
öllum námskeiðum.
Athugið!
Nokkur námskeið
í boði á kvöldin.
Net- og kerfisumsjón
MOC Námskeið Dags Tími Lengd Verð
- Implementing Exchange 2000* 07.03-11.04 17:00-20:30 50 kennslust. 150.000
2071 Querying MS SQL Server 2000 with Transact-SQL 12.03-13.03 08:30-16:30 2 dagar 68.000
2154 Implem. and Admin. MS Win 2000 Directory Services 18.03-22.03 08:30-16:30 5 dagar 170.000
- Routertækni, grunnur NÝTT 18.03-21.03 08:30-16:30 4 dagar 136.000
- Managing a MS Win 2000 Network Environment * NÝTT 27.03-06.05 08:30-12:00 50 kennslust. 150.000
- Managing a MS Win 2000 Network Environment * NÝTT 27.03-06.05 17:00-20:30 50 kennslust. 150.000
- Rafræn skírteini - tengdur hugbúnaður 03.04-05.04 08:30-16:30 3 dagar 102.000
2072 Administering a MS SQL Server 2000 Database 08.04-12.04 08:30-16:30 5 dagar 170.000
2272 Implementing and Supporting MS Win XP Professional NÝTT 15.04-19.04 08:30-16:30 5 dagar 170.000
Forritun
Introduction to ASP .NET (Visual Studio .NET) NÝTT 11.03-13.03 08:30-16:30 3 dagar 102.000
Programming the MS .NET Framework using C# NÝTT 18.03-22.03 08:30-16:30 5 dagar 170.000
Programming the MS Visual Basic .NET NÝTT 08.04-12.04 08:30-16:30 5 dagar 170.000
Macro forritun í MS Office NÝTT 22.04-23.04 08:30-16:30 5 dagar 170.000
*Kennt tvisvar í viku, önnur námskeið eru kennd samfellt.
Kennarar okkar eru í stöðugri endurmenntun bæði faglega og kennslufræðilega.
Hjá okkur starfa allir MCT kennarar landsins (Microsoft Certified Trainer).
SVISSLENDINGAR samþykktu
með 54,6% atkvæða í þjóðaratkvæða-
greiðslu á sunnudag að sækja um að-
ild að Sameinuðu þjóðunum. Stefnt
er að því að svissneska þjóðin fái inn-
göngu sem 190. aðildarríkið á alls-
herjarþinginu í september. Sviss er
eina ríkið í heiminum þar sem íbú-
arnir hafa verið spurðir álits á aðild
að Sameinuðu þjóðunum. Kofi Ann-
an, framkvæmdastjóri SÞ, taldi sam-
þykktina vera stuðningsyfirlýsingu
við starf og stefnu stofnunarinnar.
57,6% þjóðarinnar tóku þátt í at-
kvæðagreiðslunni. Það er mikil þátt-
taka á svissneskan mælikvarða.
Niðurstöður lágu ekki fyrir fyrr en
búið var að telja í öllum kantónum.
Það nægði ekki að meirihluti íbúanna
væri hlynntur aðild heldur varð
meirihluti kantónanna einnig að
kjósa „Já“. Þar munaði litlu að til-
lagan yrði felld. Meirihluti íbúa 11
kantóna sagði „Nei“ og 12 „Já“.
(kantónurnar eru 26 en 6 minnstu
hafa bara helmings gildi og þess
vegna er reiknað með 23 kantónum í
kosningum). Stuðningur við aðild var
mestur að þessu sinni í kantónunni
Genf þar sem höfuðstöðvar SÞ í Evr-
ópu eru til húsa.
Íbúar Genfar voru einna hörðustu
andstæðingar aðildar þegar Sviss
kaus um aðild fyrir 16 árum. Afstaða
þeirra til stofnunarinnar hefur gjör-
breyst, ekki síst vegna þess að sam-
keppni um fundi og ráðstefnur á veg-
um SÞ hefur harðnað. Þjóðverjar
geta til dæmis boðið upp á góða að-
stöðu í gömlu stjórnarbyggingunum í
Bonn og Vín er vinsæll fundarstaður.
Frönskumælandi kantónurnar í
vesturhluta landsins og fjölmenn-
ustu þýskumælandi kantónurnar
voru allar hlynntar aðild. Andstaðan
jókst eftir því sem austar dró og
dreifbýlið varð meira. Tessin,
ítölskumælandi kantónan sunnan við
Alpana, var einnig hörð á móti aðild.
Meirihluti þjóðarinnar telur
hvorki hlutleysi né sjálfstæði þjóð-
arinnar í hættu þótt hún gerist aðili
að Sameinuðu þjóðunum. Fyrir
flesta skiptir aðild út af fyrir sig litlu
máli.
Tillaga verkalýðsfélaga um að
stytta vinnuvikuna úr um 42 tímum í
36 var felld. 74,7% þjóðarinnar og
meirihluti í öllum kantónum landsins
eru á móti styttri vinnuviku.
Svisslendingar í SÞ
Zürich. Morgunblaðið.
CHEN Wu var himinlifandi þegar
þorpið hans var gert að nokkurs
konar öskuhaug fyrir tölvuúrgang
frá Bandaríkjunum. Í ruslinu mátti
finna ýmislegt nýtilegt og það þýddi
vinnu og tekjur fyrir hann og aðra
þorpsbúa. Ánægjan minnkaði þó
mikið fyrir tveimur árum þegar ell-
efu ára gömul dóttir hans veiktist.
Það tók að blæða úr nefinu á henni
og í ljós kom, að hún var með hvít-
blæði. Nokkru síðar greindust tveir
skólafélagar hennar með sama
sjúkdóm.
„Við hlustuðum ekki á það þótt
einhverjir utanaðkomandi væru að
tala um mengunarhættu en nú eru
börnin okkar orðin veik,“ segir
Chen. Umhverfisverndarsamtök
segja, að Guiyu, sem er í raun hverfi
fimm þorpa í Guangdong-héraði, sé
stórslys og sýni vel hvað geti gerst
þegar fátæk ríki fallast á að taka
við iðnaðarúrgangi frá ríku þjóð-
unum.
Talsmenn þeirra segja, að síðasta
áratuginn hafi um 80% af gömlum
tölvum, skjáum og prenturum, sem
safnað er saman að því er fullyrt er
til „endurvinnslu“ í Bandaríkjunum,
hafnað í Kína, Indlandi og Pakistan.
Á þessum öskuhaugum, eins og til
dæmis í Guiyu, reyna menn síðan að
tína til allt nýtilegt og málmurinn er
bræddur til að unnt sé að skilja úr
honum verðmæt efni á borð við gull
og platínu. Það, sem eftir er, skjá-
irnir og plastið, er brennt eða urðað
og oft mjög nærri ám og vötnum og
sjálfum hrísgrjónaökrunum. Eitruð
efni eins og kvikasilfur og blý eiga
því greiða leið út í loftið og vatnið.
Á kostnað heilsunnar
Nú eru allir brunnar eitraðir
þannig að drykkjarvatnið verður að
flytja að á bílum. Fnykurinn frá
brennandi plastinu er svo mikill, að
oft verður að loka skólunum.
„Fólkið hér hefur vissulega
efnast á þessu en það hefur verið á
kostnað heilsunnar,“ segir einn
kennarinn, Guo að nafni.
Talsmenn umhverfisvernd-
arsamtaka segja, að bara á þessu
ári muni Bandaríkjamenn flytja út
10,2 milljónir ónýtra tölva og lang-
mest af því fer til Kína. Ekki er ljóst
hve mikið af því fer til Guiyu, sem
er orðið efnahagslega háð þessum
úrgangi. Talsmennirnir segja, að í
Guangdong séu um 2.500 fyrirtæki,
aðallega fjölskyldufyrirtæki, er
starfi við tölvuúrganginn og starfs-
menn þeirra hugsanlega um
100.000.
Bandarískar tölvur eitra
kínversk þorp
Guiyu. AP.
AP
Tínt úr einum tölvuhauginum í
Guiyu. Allt umhverfið er orðið
meira eða minna eitrað.