Morgunblaðið - 07.03.2002, Page 25

LISTIR
MORGUNBLAÐIÐ FIMMTUDAGUR 7. MARS 2002 25
MERKILEGT er að sjá hve ólík-
um höndum ljósmyndarar fara um
Ísland þegar þeir eru að festa sér-
kenni þess á filmu. Þau Arsineh
Houspian og Bjarki Reyr Ásmunds-
son virðast hafa haldið sig allmikið
á Austur- og Norð-Austurlandi, en
þó munu þau hafa farið víðar í leit
sinni að myndefni. Alls er á sjötta
tug svarthvítra ljósmynda á sýning-
unni í Straumi og virðist mikill
meirihluti þeirra búa yfir sérstæð-
um töfrum.
Þau Arsineh og Bjarki Reyr
njóta þess að skoða landið með aug-
um aðkomumanna sem uppgötva
oft tærleikann í hversdagslegu
landslagi og menningu, nokkru sem
heimamenn eru ef til vill hættir að
sjá, hvað þá sem verðugt myndefni.
Í myndum beggja býr dramatískur
þungi frásagnalegrar myndgerðar,
sem stærðirnar undirstrika, en þótt
þær láti lítið yfir sér er lögunin
gjarnan víðfeðm, eða panoramísk.
Þá eru ófáar myndir teknar með
safnlinsu svo myndefnið hverfur í
umlykjandi sorta. Þá eru prentin
næld á veggi salarins án ramma
þannig að jaðrar ljósmyndanna
verða mjög áberandi. Þessi fram-
setning eykur mjög grafískt yfir-
bragð sýningarinnar og minnir okk-
ur á hve stutt er milli ljósmyndunar
og grafíklistar.
Báðum ljósmyndurum – mennt-
aðir í Melbourne í Ástralíu – tekst
að gera landið framandi fyrir áhorf-
endum, jafnvel þótt margt af því
sem þau taka sé nærtækt sem ís-
lenskt landslag og lífshættir. Það er
ekki laust við að áhorfandinn sé
fangaður í löngun til að vera kom-
inn á þá staði sem Arsineh og
Bjarki Reyr hafa fest á filmu. Það
getur varla þýtt annað en að þeim
hefur tekist að gæða tökur sínar
nægilegri tilfinningu til að snerta
gesti sýningarinnar, en slíkt er ekki
alltaf jafn algengt þegar í hlut eiga
ljósmyndasýningar.
Arsineh Houspian og Bjarki
Reyr Ásmundsson hverfa bráðlega
til Ástralíu á nýjan leik. Með sýn-
ingu sinni í Straumi hafa þau þó
skilið eftir sig eftirtektarvert spor
með því að bregða nýju og afar per-
sónulegu ljósi á kunnuglega staði.
Sýning þeirra sannar að góð ljós-
myndun er allt annað og meira en
einber tækni.
Frá sýningu Arsineh Houspian og Bjarka Reyrs Ásmundssonar.
Hitt Ísland
MYNDLIST
Straumur
Sýningunni er lokið.
LJÓSMYNDIR
BJARKI REYR ÁSMUNDSSON
& ARSINEH HOUSPIAN
Halldór Björn Runólfsson