Morgunblaðið - 07.04.2002, Side 2

FRÉTTIR
2 SUNNUDAGUR 7. APRÍL 2002 MORGUNBLAÐIÐ
EINAR Benediktsson, fyrrverandi
sendiherra, varpar fram þeirri hug-
mynd í grein sem birtist í Morgun-
blaðinu í dag, hvort endurskoðun á
EES-samningnum geti falið í sér
þátttöku í sameiginlegri sjávarút-
vegsstefnu Evrópusambandsins á
þeim nótum sem fram koma í hug-
myndum Halldórs Ásgrímssonar ut-
anríkisráðherra um sérstöðu Íslands
varðandi sjávarútveg.
Í ummælum utanríkisráðherra um
sjávarútvegsstefnu ESB í Berlín 14.
mars sl., kom fram að séraðstæður á
fiskveiðisvæði Íslands geri að verkum
að það hljóti að vera skilgreint sem
sérstakt svæði sameiginlegrar sjáv-
arútvegsstefnu, þar sem ekki væri
um að ræða undanþágu frá sameig-
inlegri stefnu heldur sértæka beit-
ingu hennar. Samkvæmt hugmynd-
um Halldórs byggja Íslendingar
tilveru sína ekki á nýtingu sameigin-
legra stofna því fiskigengd á Íslands-
miðum eigi hvergi heima nema í haf-
inu umhverfis Ísland. Þeir stofnar séu
því ekki sameiginlegir með öðrum
frekar en skógar Finnlands eða olía
Bretlands.
Í framhaldi af því sem Einar Bene-
diktsson kallar „frjóar hugmyndir
ráðherrans“ varpar hann fram þeirri
hugmynd hvort endurskoðun á EES-
samningnum gæti ekki falið í sér þátt-
töku í sameiginlegri sjávarútvegs-
stefnu ESB á þessum nótum og
tryggt fullt og varanlegt viðskipta-
frelsi fyrir sjávarafurðir í stækkuðu
ESB. „Þetta kallar á nýja stofnana-
lausn, en er þá ekki sá þáttur Scheng-
en-samkomulagsins einmitt fordæmi
fyrir því?“ segir í grein Einars.
Einar Benediktsson, fv. sendiherra,
um Ísland og sjávarútvegsstefnu ESB
Séraðstæður tekn-
ar inn í endurnýjun
EES-samningsins

Sjávarútvegsstefna/34
Morgunblaðinu í dag fylgir
auglýsingablað frá Heimsferð-
um, „Prag-Búdapest“. Blaðinu
verður dreift um allt land.
Morgunblaðinu í dag fylgir
auglýsingablaðið „VÍS-fréttir“
frá Vátryggingafélagi Íslands.
Blaðinu verður dreift um allt
land.
„ÞAÐ er mokfiskirí hjá netabát-
unum og bullandi löndun,“ sagði
Torfi Friðfinnsson, á hafnarvog-
inni á Hornafirði, í samtali við
Morgunblaðið. Netabátar hafa
fengið mjög góðan afla suður af
landinu að undanförnu, allt upp í
30 tonn á dag. Sjómenn segja þó
minni fiskigengd á miðunum en
áður og óttast að vertíðin geti
orðið endaslepp.
Alls eru 10 bátar frá Hornafirði
á netum, auk þess sem þar landa
fjölmargir aðkomubátar. Torfi
sagði að vel á fjórða hundrað tonn
hafi farið um hafnarvogina á
fimmtudag. „Það er vor í lofti og
mönnum og hér er vertíð-
arstemmningin að ná hámarki,“
sagði Torfi.
Netabátarnir fengu ágætan afla
á svokölluðum Þverhausamiðum,
skammt undan Hornafirði, fyrir
páska en hafa síðustu viku verið
að veiðum við Ingólfshöfða og á
Meðallandsbugt. Örn Þór Þor-
björnsson, skipstjóri á netabátn-
um Garðey SF frá Hornafirði,
segir aflabrögðin hafa verið góð
framan af en heldur væri farið að
draga úr þeim. Garðey SF landaði
62 tonnum á Hornafirði í vikunni,
eftir þriggja daga veiðiferð. „Við
fengum mjög gott í netin fyrstu
dagana eftir páskafríið, um 33
tonn fyrsta daginn, en það hafa
nú sennilega verið einhverjir
legugemlingar. Aflinn fór síðan
niður í 17 tonn annan daginn og í
12 tonn þann þriðja. Fiskurinn
heldur sig á afmörkuðum svæðum
og stendur undir góðu fiskiríi í
fáa daga. Ég hef því áhyggjur af
því að vertíðin geti orðið nokkuð
endaslepp. Það segja mér fróðir
menn að nú sé minni fiskigengd á
slóðinni en oft áður.“
Örn Þór segir að nú fáist hátt
verð fyrir netafiskinn á fiskmörk-
uðum en kvótaleysi sé farið að há
mörgum útgerðum. „Það er að
skapast ófremdarástand í öllum
flotanum. Þorskkvótinn var skor-
inn mikið niður og margir eru
langt komnir eða hreinlega búnir
með kvótann. Það hefur einnig
verið mjög góð veiði hjá tog-
urunum allt árið og því er sáralít-
ið framboð á leigumarkaðnum,“
segir Örn Þór.
„Netaveiðin hefur nú ekkert
verið til að hrópa húrra fyrir. Það
er sjaldgæft að sjá tveggja stafa
löndunartölur hjá netabátunum,“
sagði Jóna Kristín Engilberts-
dóttir, hafnarvörður í Þorláks-
höfn, í samtali við Morgunblaðið.
Alls landa um 15 netabátar í Þor-
lákshöfn og sagði Jóna Kristín að
dagamunur væri á aflabrögð-
unum, bátarnir fengju góðan afla
annan daginn en lítið hinn.
Hinsvegar væru trollbátarnir
að fá ágætan afla, sem og drag-
nótabátarnir sem lönduðu allt að
70 tonnum eftir 8 daga veiðiferð-
ir.
„Það er því að koma töluvert af
fiski á land hérna en okkur vant-
ar neistann í netaveiðarnar. Það
er oft mjög gott fiskirí í netin eft-
ir að loðnan gengur yfir miðin en
það virðist ætla að bregðast
núna,“ sagði Jóna Kristín.
Mokafli hjá
netabátum fyr-
ir sunnan land
Morgunblaðið/Sigurður Mar Halldórsson
Ágústa Arnardóttir, háseti á Hafdísi SF 75, með myndarlegan þorsk við
löndun úr Hafdísi við Hornafjarðarhöfn í gær.
GREINING Íslandsbanka telur það
vera áleitna spurningu hvort ekki sé
ákjósanlegast fyrir hluthafa Baugs
að félagið leiti leiða til þess að selja
um 20% hlut félagsins í Arcadia, eins
og fram kom í Morgunblaðinu í gær.
Jón Ásgeir Jóhannsson, forstjóri
Baugs, segist vilja benda á að síðan
starfsmenn Íslandsbanka sömdu
þessa greiningu hafi verðmæti hluta-
bréfa Baugs í Arcadia hækkað um
heilar 900 milljónir króna. Jón segir
Arcadia eiga mikið inni og því sé ekki
heppilegt að selja núna.
Aðspurður segir Jón að ekki sé
nokkurt mál að selja bréf Baugs í
Arcadia og það á einum degi, það sé
ekki vandamál. „Fyrirtækið mun
birta afkomutölur 18. apríl. Félagið
er mjög sterkt og þróunin á gengi
bréfa félagsins hefur verið jákvæð.
Gengið var 3,20 á miðvikudag 3,32 í
gær að ég held sem þýðir 900 millj-
ónir fyrir Baug á tveim dögum. Það
er ágætis afli og við tökum því öllu
með ró.“
Forstjóri Baugs um
sölu í Arcadia
Verðmætið
jókst um 900
milljónir á
tveim dögum
VEGNA erfiðrar fjárhagsstöðu
Kvikmyndasafns Íslands verður
ekki ráðinn nýr forstöðumaður að
safninu. Safnið fór 20 milljónum
króna fram úr fjárveitingum á síð-
asta ári og lét forstöðumaður af
störfum í framhaldi af því.
Að sögn Þorfinns Ómarssonar,
framkvæmdastjóra Kvikmynda-
sjóðs Íslands, sem safnið heyrir
undir, er fjárhagsstaða safnsins af-
ar slæm og því verður starfsemin í
lágmarki á þessu ári. Þessi erfiða
fjárhagsstaða veldur því að Kvik-
myndasafnið verður skuldsett til
a.m.k. næstu fjögurra ára, nema
gripið verði til einhverra ráðstafana
til að rétta af fjárhag safnsins, að
sögn Þorfinns.
Kvikmyndasafn
Íslands
Enginn ráðinn
í stöðu for-
stöðumanns

Starfsemin lömuð/B24
♦ ♦ ♦
SAMGÖNGURÁÐHERRA og
Ferðamálaráð kynntu í gær mark-
aðsátak sem hleypt var af stokk-
unum í kjölfar hryðjuverkanna í
Bandaríkjunum.
Magnús Oddsson ferðamálastjóri
segist vilja taka fram að hér sé um
að ræða aðgerðir til viðbótar við
venjulega kynningarstarfsemi og
markaðsvinnu í ferðageiranum.
Við afgreiðslu fjárlaga var ákveð-
ið að úthluta samgönguráðuneytinu
150 milljónum sem varið yrði til
þess að draga úr yfirvofandi sam-
drætti í ferðaþjónustunni. Ferða-
málastjóri segir að það sé skoðun
þeirra, sem þekki best til á mark-
aðssvæðunum, að með þessum við-
bótarfjármunum hafi mönnum tek-
ist þokkalega að verja þann árangur
sem lagt var upp með að verja.
Mönnum hafi tekist að bregðast
mjög fljótt við breyttum aðstæðum;
Flugleiðir hafi brugðist mjög fljótt
við og minnkað framboð, síðan hafi
stjórnvöld verið snögg að taka við
sér með því að veita aukið fjármagn
til kynningarstarfsemi. „Þannig að
ég held að miðað við þá stöðu sem
var framundan í október séu menn
hægt og bítandi að vinna sig betur
út úr þessu en leit út fyrir.“
Langstærstum hluta fjárins í er-
lenda kynningu var varið í vegg-
spjaldaauglýsingar á lestarstöðvum.
Magnús segir að það séu þær kynn-
ingar sem hafi skilað hvað mestum
árangri. Þá var ákveðið að verja
fimm milljónum króna til fram-
leiðslu efnis sem dreift yrði í sam-
vinnu við íslensk fyrirtæki í rekstri
erlendis.
Mæta samdrætti í
ferðaþjónustunni
ELLERT Eiríksson, bæjarstjóri í
Reykjanesbæ, segir að einstakling-
urinn sem kært hafi álagningu
gjalds vegna fráveituvatns hafi
kært það til úrskurðarnefndar en
hún hafi hins vegar hafnað kröfum
hans og þá hafi maðurinn leitað til
umboðsmanns alþingis. „Hann er
því ekki að svara okkur enda feng-
um við einungis afrit af úrskurði
hans. Hann er hins vegar að svara
úrskurðarnefndinni. Þetta mál verð-
ur þó tekið fyrir í bæjarráði á
fimmtudaginn en við eigum eftir að
kynna okkur úrskurð hans betur.“
Ellert segir að gjaldið hafi verið
ákveðið lögum samkvæmt og að
bestu manna vitund. Það sé síður en
svo að þetta hafi verið einhver geð-
þóttaákvörðun af hálfu bæjarstjórn-
arinnar: „Við máttum innheimta
það sem við vildum í holræsagjöld-
um og auðvitað hefðum við getað
hækkað þá prósentu. Við vildum
hafa þetta verkefni um hreinsun á
fráveituvatni alveg sér. Það vill oft
verða þannig,“ segir Ellert, „að
þegar lagður er á skattur í prósent-
um vill oft verða erfitt að lækka
hann þegar fram líða tímar. Því var
það okkar skoðun og þótti í raun
nýbreytni að setja sérstaka reglu-
gerð um sérstakan tekjustofn til
þess að vinna að þessu þannig að
ljóst væri í hvað tekjur færu og
hvernig þeim væri ráðstafað. Bæj-
arstjórnin var sammála um að inn-
heimta gjald meðan á þessu stæði
og allir töldu að þetta væri gert
með réttum hætti.“
Ellert segir ljóst að skattgreið-
endur í Reykjanesbæ hefðu ekki
sloppið við að borga þessar 125
milljónir. Málið snúist ekki um það
að verið sé að taka fé sem að öðrum
kosti hefði ekki verið tekið. „Við
munum setjast yfir þetta en bíðum
auðvitað eftir því hvað úrskurðar-
nefndin gerir. Það er ekki víst að
hún fallist á álit umboðsmanns.“
Vildu sérstak-
an tekjustofn
Hreinsun fráveituvatns í Reykjanesbæ