Morgunblaðið - 18.04.2002, Qupperneq 2

FRÉTTIR
2 FIMMTUDAGUR 18. APRÍL 2002 MORGUNBLAÐIÐ
Fylgstu
með
nýjustu
fréttum
www.mbl.isHreinn tryggði KA
sigur á Nesinu / B3
Rakel Ögmundsdóttir
sleit krossband / B1
4 SÍÐUR16 SÍÐUR
Sérblöð í dag
Á FIMMTUDÖGUM
VIÐSKIPTABLAÐ MORGUNBLAÐSINS
S É R B L A Ð Á F I M M T U D Ö G U M U M V I Ð S K I P T I , S J Á V A R Ú T V E G & A T H A F N A L Í
STÓRSÝNINGIN Matur 2002 hefst
í dag og stendur fram á sunnudag, 21.
apríl. Kaupstefnuhluti Matar 2002 er
í dag og gefst almenningi kostur á að
skoða sýninguna á morgun, föstudag,
frá klukkan 16 og um helgina.
Á annað hundrað aðilar sem tengj-
ast mat, matargerð eða brúðkaupum
kynna starfsemi sína á sýningunni
sem er í nýju knatthúsi Kópavogs-
bæjar. Húsið sjálft er 9.000 fermetr-
ar og er sýningarsvæðið á 2⁄3 hlutum
þess. Sýnendur og sýningarstjórn
hafa boðið fjölda kaupenda að mat og
matvöru og vörum tengdum mat-
vælaiðnaði á Mat 2002 og er gert ráð
fyrir að boðsgestir verði á sjöunda
þúsund. Búist er við 30.000 gestum á
sýninguna.
Samskip er aðalstyrktaraðili Mat-
ar 2002.
Morgunblaðinu í dag fylgir 16
síðna blaðauki um sýninguna Matur
2002.
Búist við
30.000
gestum
á Mat 2002
HAGKAUP lækka í dag verð á yfir 700 vöruteg-
undum í verslunum sínum og er um varanlega
verðlækkun að ræða, að sögn Finns Árnasonar,
framkvæmdastjóra Hagkaupa.
Hefur meðal annars verið ákveðin umtalsverð
verðlækkun á rúmlega 300 tegundum af mat-
vörum, sem lækka að meðaltali um 8%.
Einnig lækkar verð um 10–40% á um 350 teg-
undum af nýjum fatnaði, auk verðlækkunar á
rúmlega 50 vörutegundum af heimilisvöru.
Með þessari aðgerð vilja Hagkaup undir-
strika mikilvægi stöðugleika í íslensku efna-
hagslífi eftir 1. maí og hins vegar bjartsýni og
tiltrú á þann árangur, sem náðst hefur í barátt-
unni við verðbólgu undanfarna mánuði, að sögn
Finns. ,,Við erum náttúrlega að styrkja okkar
stöðu á þessum markaði varanlega. Verðið
skiptir í ríkara mæli máli fyrir okkar viðskipta-
vini,“ segir hann.
Verð á geisladiskum
lækkar um 10%
Sem dæmi um verðlækkanir sem taka gildi í
dag benti Finnur á að pakki af Pampers bleium,
sem kostaði 2.099 kr. í desember, lækkar í 1.949
kr., heimilisbrauð frá Myllunni, sem kostaði 239
kr., kostar núna 195 kr., Cocoa Puffs pakki
lækkar úr 443 kr. í 389 kr., smjörlíki fer úr 163
kr. í 145 kr. og Ritz kexpakki lækkar úr 97 kr. í
77 kr. Þá hefur verð á öllum geisladiskum, eða á
fimmta hundrað titlum, verið lækkað um 10%.
Einnig munu fjölmargar valdar sérvörur lækka
í verði, m.a. ýmsar tegundir af leikföngum, film-
um o.fl.
Forsvarsmenn Hagkaupa benda á að til við-
bótar þessum verðlækkunum hafi verslunin frá
áramótum lækkað verð á rúmlega 1.400 mat-
vörutegundum. Unnið hafi verið markvisst með
birgjum að því að ná fram verðlækkun, samhliða
styrkingu íslensku krónunnar. Árangur af þess-
ari samvinnu hafi gengið beint til lækkunar
vöruverðs í verslunum Hagkaupa.
Hagkaup lækka verð á yfir 700 vörutegundum frá deginum í dag
300 matvörutegundir munu
lækka að meðaltali um 8%
Á LEIKSKÓLANUM Víðivöllum í
Hafnarfirði dvelja daglega rúm-
lega 100 börn á fjórum deildum.
Mörg þeirra eru systkini en
óvenjulegt þykir að þar er að
finna sjö tvíbura. Tvíburarnir eru
á öllum aldri, þeir yngstu eru á
þriðja ári og þeir elstu byrja í
grunnskóla í haust. „Við teljum
þetta nú frekar óvenjulegt þó að
hér hafi oft verið margir tvíbur-
ar,“ segir Margrét Brandsdóttir,
aðstoðarleikskólastjóri á Víðivöll-
um. „Við sáum í blöðunum frétt
um að fimm tvíburar væru á leik-
skóla á Ísafirði, en hér er gert
enn betur og tvíburarnir sjö, sem
er kannski met.“
Margrét segir að í samráði við
foreldra sé oft séð til þess að tví-
burar séu hvor á sinni deildinni,
það auki sjálfstæði þeirra og hin
börnin líti þá á þá sem ein-
staklinga frekar en tvíbura. „Það
hefur reynst vel hér hjá okkur,“
segir Margrét. „Eins þegar um
systkini er að ræða, þá fer það
auðvitað mikið eftir aldursmun-
inum. En oft vill það verða að
eldra systkini taki ósjálfrátt að
sér „foreldrahlutverkið“ og gæti
yngri systkina sinna ef þau eru á
sömu deild.“
Margrét segir að tvíburar og
systkini hittist líka daglega úti í
garðinum svo og á sal, en þar
koma börnin saman í viku hverri,
syngja og skemmta sér.
Morgunblaðið/Golli
Tvíburar eru ekki alltaf saman á deild á leikskólanum Víðivöllum en hittast daglega úti í garði.
Sjö tvíburar á
einum leikskóla
ÖNUNDUR Jónsson, yfirlögreglu-
þjónn á Ísafirði, segir að það komi
ekki til greina að jeppafólk, sem ætl-
aði að aka um Hornstrandir og ofan í
Hornvík, fái til þess leyfi. „Það er al-
gjörlega bannað að aka þarna um á
vélknúnum ökutækjum og það á
jafnt við um sumar sem vetur,“ sagði
hann. Jeppafólkið hyggst ekki fara í
stríð við yfirvöld.
Fimm sérútbúnir fjallajeppar
lögðu af stað frá Reykjavík á þriðju-
dag í fimm daga ferð frá Hornvík á
Ströndum yfir hálendið til Hafnar í
Hornafirði. Leiðangursmenn gistu í
tjöldum á Drangajökli í fyrrinótt og
ætluðu sér að fara niður í Hornvík í
gær.
Jeppum ekki
hleypt
í Hornvík
ÞRÍR AF hverjum fjórum eða 75%
Íslendinga eru á móti því að de-
CODE verði veitt tuttugu milljarða
króna ríkisábyrgð.
Mest er andstaðan í Reykjavík en
þar voru 83% á móti því að ábyrgðin
yrði veitt. Andstæðingar eru fleiri
en meðmælendur í öllum kjördæm-
um og öllum stjórnmálaflokkum.
Þetta kemur fram í könnun sem
Talnakönnun hf. gerði fyrir vef-
svæðið heimur.is kvöldið 16. apríl en
spurt var: Er það rétt að veita de-
CODE 20 milljarða króna ríkis-
ábyrgð?
Af þeim sem tóku afstöðu voru
75% á móti ríkisábyrgðinni. Niður-
stöður byggjast á svörum 438 ein-
staklinga og þar af tóku 316 afstöðu.
Óákveðnir voru 28% og vikmörk
miðað við 95% eru +/-4,9%.
Mest var andstaðan í Reykjavík
eða 83% en minnst í Norðaustur-
kjördæmi eða 56%. Ekki reyndist
vera marktækur munur á afstöðu
kynjanna, en 74% karla og 76%
kvenna eru á móti ábyrgðinni.
Andstaðan reyndist vera minnst í
Samfylkingunni eða 63% en mest
hjá vinstrigrænum eða 94%. Af
sjálfstæðismönnum voru 72% á móti
því að veita ábyrgðina og hjá fram-
sóknarmönnum voru 68% á móti.
Andstaða er við tillöguna í öllum
aldurshópum og er ekki marktækur
munur á hópum.
Í tilkynningu á heimur.is segir að
þessi niðurstaða veki athygli í ljósi
þess að framsóknarmenn, sjálfstæð-
ismenn og formaður Samfylkingar-
innar hafa lýst stuðningi við tillög-
una á þingi.
75% á móti
ríkisábyrgð
136 umsóknir bárust um nám í ný-
stofnaðri lagadeild Háskólans í
Reykjavík áður en fyrri umsóknar-
frestur rann út, 15. apríl sl., en 75
nemendur geta hafið nám við deild-
ina í haust. Síðari umsóknarfrestur
um nám við Háskólann í Reykjavík
rennur út 5. júní nk.
Þórður S. Gunnarsson, forseti
lagadeildar HR, segir þessar viðtök-
ur betri en hann þorði að vona.
„Þetta eru framúrskarandi viðtökur.
Við eigum von á mun fleiri umsókn-
um áður en síðari umsóknarfrestur-
inn rennur út. Reynslan er sú að
margar umsóknir berast á síðustu
dögunum.“
Þórður segir umsóknarfyrirkomu-
lagið svipað og þekkist víða í Banda-
ríkjunum.
Mikil aðsókn
að nýrri laga-
deild HR