Morgunblaðið - 18.04.2002, Side 15

Óskað eftir leyfi til
að beita dagsektum
SLÖKKVILIÐSSTJÓRI hefur
óskað eftir heimild Garðabæjar
til að beita eiganda Garðatorgs 1
dagsektum þar sem húsnæðið
uppfyllir ekki kröfur Slökkvi-
liðsins um brunavarnir.
Í bréfi deildarstjóra forvarn-
ardeildar Slökkviliðs höfuðborg-
arsvæðisins til bæjarins eru tí-
undaðir ágallar á brunavörnum
hússins, en það er hluti verslun-
armiðstöðvar í miðbæ Garða-
bæjar. Segir að ekki hafi verið
unnið eftir samþykktri bruna-
hönnun, ekki sé reyklosunar-
búnaður í þaki, ekki sé vatns-
úðakerfi í byggingunni og að
rýmingarleiðir hússins uppfylli
ekki lágmarkskröfur bygginga-
reglugerðar hvað varðar merk-
ingar, brunahólfanir og notkun.
Segir í bréfinu að eðli og um-
fang ofangreindra ágalla á eld-
vörnum sé líklegt til að hafa um-
talsverð áhrif á öryggi fólks ef
eldsvoði verður í húsinu.
Þá kemur fram að húseigand-
inn hafi verið varaður við fyr-
irhuguðum dagsektum og sam-
hliða því hafi honum verið
gefinn kostur á að ljúka málinu á
viðunandi hátt eða semja um úr-
lausn þess við slökkviliðið. Ekki
hafi verið orðið við þeim tilmæl-
um.
Á fundi sínum á þriðjudag fól
bæjarráð bæjarstjóra að ræða
við húseiganda og fá fram sjón-
armið hans vegna málsins.
Bruna-
vörnum
ábótavant
Garðabær
HÖFUÐBORGARSVÆÐIÐ
MORGUNBLAÐIÐ FIMMTUDAGUR 18. APRÍL 2002 15
MIKILL munur var á tilboðum í
byggingu 6. áfanga Hlíðaskóla en
borgarráð hefur samþykkt að taka
tilboði Pálmatrés ehf. í verkið. Til-
boð bárust frá 19 aðilum.
Tilboð Pálmatrés var næstlægst
og hljóðaði upp á tæpar 180 millj-
ónir sem er um 91,4% af kostnaðar-
áætlun. Samkvæmt upplýsingum
frá Innkaupastofnun skilaði eigandi
lægsta tilboðsins, sem var rúmlega
160 milljónir, ekki tilskildum gögn-
um um fjárhagsstöðu sína og var
því ekki unnt að taka tilboði hans.
Hæsta tilboðið var hins vegar
tæplega 160% af kostnaðaráætlun
og hljóðaði upp á rúmlega 312 millj-
ónir króna.
Viðbygging að hluta til
tekin í notkun í haust
Að sögn Sigvalda Arnarsonar hjá
Fasteignastofu Borgarverkfræðings
felst verkið í því að ljúka við 1.900
fermetra viðbyggingu við skólann
sem annar verktaki er nú að steypa
upp. Áætlað er að nyrsta hluta
byggingarinnar, sem í verða
kennslustofur, verði lokið í haust og
verður hann þá tekinn í notkun.
Byggingin verður svo fullkláruð fyr-
ir haustið 2003. Mun hún hýsa fjór-
ar almennar kennslustofur, tón-
menntastofu, myndmenntastofu,
raungreinastofu, aðstöðu námsráð-
gjafa, mötuneyti nemenda og fleira.
Áætlaður heildarkostnaður vegna
byggingarinnar er 360 milljónir en
að sögn Sigvalda er það fyrir utan
framkvæmdir við lóð skólans. Þá
stendur til að breyta töluvert inni í
gamla skólahúsinu að þessum fram-
kvæmdum loknum.
Að sögn Ingibjargar Möller að-
stoðarskólastjóra stendur samein-
ing Hlíðaskóla og Vesturhlíðaskóla,
sem er sérskóli fyrir heyrnarlausa,
einnig fyrir dyrum og verða nem-
endur skólans þá alls um 600 tals-
ins.
Morgunblaðið/Þorkell
Framkvæmdir við nýja viðbyggingu skólans eru hafnar en heildar-
kostnaður vegna hennar er áætlaður 360 milljónir króna.
Hlíðaskóli tekur
á sig nýja mynd
Hlíðar