Morgunblaðið - 31.05.2002, Blaðsíða 24

ERLENT
24 FÖSTUDAGUR 31. MAÍ 2002 MORGUNBLAÐIÐ
BORGIR
Ármúla 1, sími 588 2030 – fax 588 2033
F A S T E I G N A S A L A
Reisuleg húseign í mjög góðu
ásigkomulagi. Húsið er við
mynni Svarfaðardals og er um
300 fm auk þess bílskúr, hita-
veita og góð lóð. Þarna er starf-
rækt ferðaþjónusta í mikilli nátt-
úrufegurð rétt við Dalvík. Í
næsta nágrenni er veiði, hesta-
aðstaða, gönguleiðir, skíða-
svæði, stór sundlaug ofl.
Verð 25,0 milljónir.
ÁRGERÐI VIÐ DALVÍK
Einbýlishús með 100 fm auka-
íbúð með sérinngangi á jarð-
hæð. Húsið er vel staðsett innst
í botnlangagötu. Húsið er um
300 fm auk bílskúrs með góðu
geymslurými. Hús, að innan
sem utan er í góðu ásigkomu-
lagi. Verð 29,0 milljónir.
JÓRUSEL
BRESK stjórnvöld kynntu í gær til-
lögur um hvernig draga megi úr
fjölda þeirra sem leita hælis í land-
inu, þ. á m. leiðir til að flytja fólk,
sem synjað er um landvistarleyfi, til
annarra Evrópuríkja á borð við
Frakkland. Samkvæmt tillögunum
yrðu þeir sem vilja áfrýja synjun um
landvist að gera það annaðhvort í
heimalandi sínu eða í landi sem þeir
fóru um á leið sinni til Bretlands.
Myndi þetta þó ekki eiga við um alla
hælisleitendur, aðeins þá sem gætu
farið til lands þar sem öryggi þeirra
teldist borgið.
En breska innanríkisráðuneytið
staðfesti að þessar nýju reglur
myndu m.a. þýða að þeim sem
kæmu frá hinni umdeildu flótta-
mannamiðstöð Sangatte í Norður-
Frakklandi yrði snúið þangað aftur
ef þeim yrði synjað um hæli í Bret-
landi og þeir vildu áfrýja. Sagði
David Blunkett innanríkisráðherra
að sumum hælisleitendum yrði vísað
úr landi „bókstaflega innan eins eða
tveggja daga“ eftir að umsókn
þeirra væri synjað.
Misnotkun
ekki lengur liðin
Aðrir hælisleitendur, sem nýju
reglunum yrði beitt gegn, væru
einkum þeir sem teldust „greinilega
ekki“ hafa forsendur fyrir hælisum-
sókn. Sagði Blunkett, að eins og
málum væri nú háttað gætu þeir
sem hefðu leitað hælis án fullnægj-
andi forsendna eða kvæðust hafa
sætt mannréttindabrotum haldið til
í Bretlandi á kostnað skattborgar-
anna uns áfrýjun þeirra væri tekin
fyrir.
„Stjórnvöld ætla ekki lengur að
þola slíka misnotkun kerfisins,“
sagði Blunkett. „Við munum snúa
þessu fólki aftur til heimalands síns
um leið og við höfum hafnað beiðni
þess. Vilji það áfrýja verður það að
gera slíkt frá heimalandi sínu.“ Til-
lögurnar eru hluti af frumvarpi um
lög um innflytjendur sem er nú til
umfjöllunar í breska þinginu.
Flóttamannamiðstöðin Sengatte
hefur verið þrætuepli Frakka og
Breta. Er hún rekin af Rauða kross-
inum og er yfirfull af flóttafólki, þar
eru nú um 1.500 ólöglegir innflytj-
endur, flestir af asískum uppruna,
og reyna þeir oft að komast um borð
í lestir sem fara til Bretlands. Bret-
ar hafa ítrekað farið fram á að mið-
stöðinni verði lokað, en Frakkar
segja að það leysi ekki innflytjenda-
vandann þótt hún verði skyndilega
aflögð.
Flugvellir veikur hlekkur
Evrópskir innanríkisráðherrar
funda nú í Róm um leiðir til að draga
úr innflytjendastraumi til Evrópu-
landa, og í gær greindi spænski inn-
anríkisráðherrann, Mariano Rajoy,
frá því að alþjóðaflugvellir í Evrópu-
ríkjum væru veikari þættir í vörnum
gegn ólöglegum innflytjendum en
landamæri ríkjanna.
Sagði Rajoy ennfremur, að á ein-
um mánuði, fyrir ekki löngu, hefðu
4.500 ólöglegir innflytjendur verið
handteknir á 25 evrópskum flugvöll-
um. Flestir innflytjendur sem kæmu
ólöglega til Evrópuríkja væru kín-
verskir, en einnig kæmu margir frá
Ekvador, Angóla, Brasilíu, Nígeríu
og Senegal. Algengast væri að fólkið
kæmi til flugvalla í París, Dublin,
London og Madríd.
Bretar hyggjast herða
lög um hælisleitendur
London. AFP.
Reuters
Hælisleitendur þurrka föt sín á girðingu í Sangatte-flóttamannamiðstöðinni í Frakklandi.
VÍSINDAMÖNNUM hefur tekist að
breyta moskítóflugum með því að
krukka í erfðaefni þeirra og geta
„nýju“ flugurnar ekki borið með sér
malaríusmit í menn. Við tilraunina
voru notaðar mýs en talið að svipuð
niðurstaða fáist gagnvart mönnum.
Áður en leyft verður að kanna það
þarf að miklar rannsóknir til að
tryggt sé að breyttu flugurnar geti
ekki valdið ófyrirséðu tjóni af ein-
hverju tagi. Erfðabreyttri flugu hef-
ur ekki fyrr verið sleppt lausri í nátt-
úrunni.
Malaría er sjúkdómur sem herjar á
um 300 milljónir manna víða um heim
ár hvert og dregur marga til dauða,
einkum í fátækum ríkjum í Afríku.
Nær helmingur allra heilbrigðisút-
gjalda indversku stjórnarinnar fer til
baráttu gegn malaríu. Sýkinni hafði
verið nær útrýmt í mörgum löndum
fyrir nokkrum árum en hún er nú far-
in að sækja í sig veðrið á ný. Eiturefni
eins og DDT spilla náttúrunni og
flugurnar þola auk þess stöðugt bet-
ur ýmis eiturefni og örveran eða sník-
illinn sem veldur sjúkdómnum er
orðinn ónæmur fyrir flestum lyfjum.
Tilraunirnar voru undir stjórn
Marcelo Jacobs-Lorena, erfðafræð-
ings við Case Western Reserve-há-
skólann í Cleveland í Bandaríkjun-
um. „Við þurfum að gæta fyllstu
varkárni áður en við sleppum þeim út
í náttúruna,“ sagði hann. „Við verð-
um að vera viss um að erfðabreyttar
moskítóflugur hafi ekki öðlast aðra
[hættulega] eiginleika. Þær ættu
ekki að gera það en við verðum að
leggja okkur fram til að sanna að svo
sé.“
Nýtt gen sem hindrar smit
Erfðamengi flugunnar var breytt,
búið til nýtt gegn, kallað SM1 sem
notað var til að bæta sameind við
erfðamengi flugunnar. Breytingin
veldur því að sníkillinn kemst ekki úr
innyflum flugunnar í slefuna sem
annars ber sníkilinn yfir í fórnar-
lambið þegar flugan bítur til að sjúga
blóð. Breytingin kemur því í veg fyrir
smit, umrætt gen verður virkt í hvert
sinn sem flugan bítur og genabreyt-
ingin erfist milli kynslóða flugnanna.
Við tilraunir með þrjá hópa sem
sagt er frá í tímaritinu Nature,
reyndust flugur í tveim af hópunum
ófærar um að smita og tíðni smitsins
var aðeins um 50% í þriðja hópnum.
Ef rannsóknirnar ganga vel verður
aragrúa af breyttum flugum dreift
um stór svæði og reynt að sjá til þess
að þær útrými flugum með óbreytt
genamengi.
Talið er að eftir fáein ár muni vís-
indamenn ráða yfir fullkomnu korti
yfir genamengi mannsins, moskító-
flugunnar og malaríusníkilsins og
geti þessi þekking valdið því að hægt
verði að útrýma sjúkdómnum. Aðrar
tegundir moskítóflugna valda hita-
beltissjúkdómunum gulusótt og bein-
brunasótt. Er gert ráð fyrir að hafnar
verði einnig tilraunir með flugurnar
til að reyna að vinna bug á þessum
tveim sjúkdómum.
Erfðabreyttar moskító-
flugur gegn malaríu
BOEING 777-þota breska flug-
félagsins British Airways festist á
flugvellinum á Karíbahafseynni
Antigua, að því er greint var frá á
fréttavef breska ríkisútvarpsins,
BBC, í gær.
Þotan kom frá Gatwick-flugvelli
við London og á Antigua lenti hún á
flugbraut sem nýbúið var að mal-
bika og hafði ekki storknað fylli-
lega. Vélin átti að halda áfram til
nágrannaeyjarinnar St. Lucia og
var allt klárt fyrir flugtak þegar
hjól vélarinnar sukku í malbikið.
Flugstjórinn reyndi að nota hreyf-
ilafl vélarinnar til að losa hana, en
þegar ljóst varð að vélinni yrði ekki
haggað gaf hann fyrirmæli um að
hún skyldi yfirgefin.
BBC hefur eftir talsmanni flug-
vallarins að fyrr um daginn hefði
brautin verið malbikuð. Hefði þota
British Airways verið stærsta flug-
vélin sem kom til vallarins þann
daginn. Boeing 777 er tveggja
hreyfla breiðþota sem tekur um 300
farþega og vegur um 250 tonn.
Verkfræðingar British Airways
og flugvallarstarfsmenn á Antigua
reyndu að finna leið til að losa vél-
ina, en ekki var vitað til þess að á
eynni væri neitt nógu stórt og öfl-
ugt tæki til að draga hana lausa.
Á meðan voru mörg hundruð
breskra ferðamanna strandaglópar
á Antigua þar sem hvorki þessi vél
né aðrar vélar sem áttu að fljúga
frá eynni komust þaðan, og var
flugvellinum lokað. Um síðir tókst
þó að losa þotuna með trukki sem
fékkst lánaður á bandarískri her-
stöð á eynni.
Föst á
Antigua
BERTIE Ahern, forsætisráðherra
Írlands, sagði í gær að ef leiðtogar
Evrópusambandsins (ESB) gæfu Ír-
um fyrirheit um það á leiðtogafund-
inum í næsta mánuði að þeir gætu
haldið hlutleysi sínu í hernaðarmál-
um myndi hann leggja Nice-sáttmál-
ann um stækkun Evrópusambands-
ins að nýju í dóm írskra kjósenda
síðar á þessu ári.
Einir aðildarríkja ESB ákváðu Ír-
ar á sínum tíma að halda þjóðarat-
kvæðagreiðslu um Nice-sáttmálann.
Lýstu Írar sig þar mjög óvænt and-
snúna sáttmálanum og er talið að þar
hafi ráðið mestu að Írar vilji ekkert
gera, sem stofna muni hlutleysi
þeirra í hættu, en alla tíð frá því að
Írland fékk sjálfstæði frá Bretum
hefur hernaðarlegt hlutleysi verið
hornsteinn utanríkisstefnu þeirra.
Leiðtogar ESB munu funda á
Spáni í júní og sagði Ahern í gær að
ef þeir gætu þar komið til móts við
sjónarmið Íra varðandi hernaðar-
málin yrði sáttmálinn aftur lagður í
dóm kjósenda.
Kemur yfirlýsing Aherns í kjölfar
þess að óháð nefnd, sem falið var að
rannsaka afstöðu Íra til ESB, komst
að þeirri niðurstöðu að Írar ættu
einna helst erfitt með að sætta sig
við breytingar á hlutleysisstefnunni,
sem væru óhjákvæmilegar miðað við
skilmála Nice-sáttmálans um evr-
ópsk varnar- og öryggismál.
Ahern býðst til að láta kjósa aftur um Nice-sáttmálann
Vill fyrirheit um að Írar
geti haldið hlutleysi sínu
Dublin. AFP.