Morgunblaðið - 04.07.2002, Blaðsíða 14

HÖFUÐBORGARSVÆÐIÐ
14 FIMMTUDAGUR 4. JÚLÍ 2002 MORGUNBLAÐIÐ
www.oo.is
ÚTSALA
ÞAÐ virðist ætla að verða þraut-
in þyngri fyrir Kjalnesinga að
koma flugdrekum á loft, að
minnsta kosti þegar skipulagt er
að gera það í hópum því blíða-
logn var á Kjalarnesdeginum sem
haldinn var síðastliðinn laug-
ardag þar sem m.a. átti að láta
flugdrekana njóta sín.
Dagurinn var geysivel heppn-
aður, að sögn Sigþórs Magn-
ússonar, formanns Íbúasamtaka
Kjalarness. „Þetta var virkilega
ánægjulegt, margt fólk og veðrið
lék við okkur.“
Eins og Morgunblaðið greindi
nýlega frá hefur ítrekað þurft að
aflýsa flugdrekadegi á Kjalarnes-
inu vegna blíðviðris og sú saga
endurtók sig þennan daginn. „Við
erum farin að hafa það sem reglu
að auglýsa flugdrekadag þegar
við ætlum að fá gott veður,“ segir
Sigþór. „Við erum búin að reyna
þetta nokkrum sinnum og það er
alltaf dúnalogn en ég held að það
sé líka vegna þess að það er oftar
logn hérna en fólk áttar sig á.“
Minnt á Einbúann
Þetta kom þó ekki að sök því
nóg annað var að sýsla á þessum
degi en dagskráin stóð frá klukk-
an hálfellefu um morguninn til
klukkan átta um kvöldið. Að sögn
Sigþórs plöntuðu menn trjám,
farið var í alls kyns leiki, borð-
aður var veislumatur bæði í há-
degi og um kvöldið, allir skelltu
sér í sund og gengið var í skrúð-
göngu um hverfið. Þá var varða
hlaðin við Klébergið til að minna
á vætt sem kallaður er Einbúi og
býr í klettum. „Hann er vernd-
arvættur skólans og er búinn að
vera það frá því að skólinn var
stofnaður.
Við hófum vörðubygginguna til
þess að minna á hann og ætli við
reynum ekki að bæta jafnt og
þétt í þessa vörðu og sjá hvort
hún geti ekki einhverntíman orð-
ið bara býsna stór. Það kæmi mér
að minnsta kosti ekki á óvart,“
segir Sigþór.
Hattar og annar furðufatnaður var dreginn fram fyrir skrúðgöngu sem farin var frá hverfinu og að Fólkvangi.
Varða
hlaðin
en eng-
ir flug-
drekar
Kjalarnes
BORGARRÁÐ hefur samþykkt að
ganga til samninga við Ó.G. Bygg ehf.
um byggingu skolpdælustöðvar í
Gufunesi. Þrettán tilboð bárust í
verkið en ekkert þeirra var í fullu
samræmi við tilboðsskrá og var þeim
því öllum hafnað.
Kostnaðaráætlun vegna dælu-
stöðvarinnar hljóðaði upp á tæpar 152
milljónir króna. Í bréfi gatnamála-
stjóra kemur fram að við opnun til-
boða hafi komið í ljós að tilboð Ó.G.
Bygg hafi verið lægst eða upp á tæpar
137 milljónir króna sem er um 10 pró-
sentum undir kostnaðaráætlun.
Hæsta tilboðið hljóðaði hins vegar
upp á tæpar 194 milljónir króna.
Í bréfinu segir að við yfirferð til-
boðanna hafi komið í ljós að enginn
bjóðenda skilaði tilboði sem var í fullu
samræmi við tilboðsbók. Henni hafði
verið breytt eftir að fyrstu útboðs-
gögn voru afhent og því var hún send
síðar til tilboðsgjafa. „Ljóst er að leið-
rétting í samræmi við breytta tilboðs-
skrá breytir ekki stöðu lægstbjóð-
anda,“ segir í bréfi gatnamálastjóra.
Var því niðurstaða borgarráðs að
hafan öllum tilboðum en engu að síður
yrði gengið til samninga við lægst-
bjóðandann, Ó.G. Bygg.
Öllum tilboð-
um í skolp-
dælustöð
hafnað
Grafarvogur
HREINSA þarf skurði í ná-
grenni skóla og íþróttasvæðis
Bessastaðahrepps af skólp-
mengun og gera þá öruggari
með því að stækka fláa þeirra.
Þetta er mat fulltrúa Á-lista í
hreppsnefnd.
Á síðasta fundi nefndarinnar
lögðu fulltrúarnir til að þegar
yrði ráðist í hreinsun skurðanna
og segir í tillögunni að hluti
þessara framkvæmda verði að
lagfæra fráveitukerfi Vestur-
túns sem í dag veitir skolpi í
skurði við íþróttasvæði. Þá er
lagt til að skurðirnir verði gerðir
öruggari með tilliti til barna og
segir í bókun fulltrúanna að í
dag séu skurðirnir slysagildrur.
Eimir af gamalli
skurðamenningu
Aðspurður um þetta segir
Gunnar Valur Gíslasonar sveit-
arstjóri að víða séu skurðir um
hreppinn. „Sums staðar þar sem
börn eru að leik er hætta á að
þau geti dottið ofan í skurði. Við
erum búin að setja upp æfinga-
svæði fyrir ungmennafélagið og
þurfum að kanna hvort við get-
um ekki bætt aðkomu að skurð-
um þar þannig að það sé ekki
eins hátt að príla upp úr þeim ef
krakkarnir þurfa að sækja bolta
eða eitthvað slíkt,“ segir hann
en málið verður tekið fyrir á
fundi hreppsráðs á morgun.
Varðandi skolpmengunina
segir Gunnar Valur að hana
megi finna í einum skurði og að
til standi að vinna í því máli á
næsta ári. „Hér er bæði láglent
og flatt og við höfum ekki alveg
sömu fallhæð til sjávar og aðrir.
Hér eimir enn eftir af gamalli
skurðamenningu sem við þurf-
um smám saman að vinna okkur
út úr.“
Hætta af
skurðum
rædd í
hrepps-
nefnd
Bessastaðahreppur
SUNDLAUGARGESTIR og aðrir
vegfarendur í Laugardalnum hafa
sjálfsagt tekið eftir því að skammt
frá lauginni hafa skurðgröfur og
aðrar vinnuvélar verið að störfum
um nokkurt skeið. Eru þar á ferð-
inni jarðvinnuframkvæmdir vegna
líkamsræktarstöðvar og innisund-
laugar sem fyrirhugað er að rísi þar
á næstu mánuðum.
Það er Reykjavíkurborg sem er
að byggja innisundlaugina en lík-
amsræktarstöðin er á vegum World
Class en jarðvinnuverktaki beggja
verkefnanna er Arnarverk. Að sögn
Kristins J. Gíslasonar, verk-
efnastjóra hjá Fasteignastofu
Reykjavíkurborgar, hófust fram-
kvæmdir fyrir um mánuði. Segir
hann byggingaraðila innilaug-
arinnar og líkamsræktarstöðv-
arinnar stefna að því að vera sam-
stiga í jarðvinnuframkvæmdum,
uppsteypu og ytri frágangi. Hins
vegar sé innréttingavinna töluvert
ólík í mannvirkjunum tveimur.
Kristinn segir borgina stefna að
því að opna innisundlaugina árið
2004 en kostnaðaráætlun vegna
hennar sé um einn milljarður króna.
Að sögn Björns Leifssonar, fram-
kvæmdastjóra World Class, er
stefnt að opnun líkamsræktarstöðv-
arinnar upp úr áramótum 2003/
2004 en áætlaður kostnaður vegna
hennar er um 1250 milljónir króna.
Morgunblaðið/Þorkell
Jarðvinna hafin
vegna líkamsrækt-
ar og innilaugar
Laugardalur
Á FALLEGUM sumardögum er
allsendis ómögulegt að aka um götur
borgarinnar á skítugum bíl. Þetta
vita þessi mægðin sem þrifu farkost
sinn hátt og lágt við Ægisíðuna á
þriðjudag. Vinnumaðurinn ungi virð-
ist óspar á handtökin og ekki dóna-
legt fyrir mömmu hans að fá svona
góða aðstoð við bílþvottinn.
Morgunblaðið/Jim Smart
Þrifið af
krafti
Vesturbær
♦ ♦ ♦