Morgunblaðið - 04.07.2002, Blaðsíða 60

60 FIMMTUDAGUR 4. JÚLÍ 2002 MORGUNBLAÐIÐ
BRÉF
TIL BLAÐSINS
Kringlunni 1 103 Reykjavík  Sími 569 1100
 Símbréf 569 1329  Netfang bref@mbl.is
Allt efni sem birtist í Morgunblaðinu og Lesbók er varðveitt í upplýsinga-
safni þess. Morgunblaðið áskilur sér rétt t i l að ráðstafa efninu þaðan, hvort
sem er með endurbirtingu eða á annan hátt. Þeir sem afhenda blaðinu efni
ti l birtingar teljast samþykkja þetta, ef ekki fylgir fyrirvari hér að lútandi.
MIKIÐ hefur verið ritað um Sól-
heima í Grímsnesi síðustu vikur og
sannarlega mál til komið. Allmarg-
ir hafa orðið til
að verja staðinn
og þá starfsemi
sem þar fer fram
í dag, m.a. með
skírskotun til
þeirrar merku
starfsemi sem
Sesselja Sig-
mundsdóttir stóð
fyrir á staðnum
fyrir áratugum
síðan.
Það er alveg rétt að Sólheimar
þeir sem Sesselja byggði upp voru
merkileg stofnun og um margt býr
staðurinn enn að fyrstu gerð. En
því fer fjarri að nafn Sesselju geti
á nokkurn hátt breitt yfir það pen-
ingasukk, óráðsíu og sérgæsku
sem einkennt hefur staðinn í tíð
núverandi ráðamanna. Sesselja
byggði staðinn upp til hagsbóta
fyrir fatlaða og bar hag þeirra fyr-
ir brjósti. Nú eru þeir fáu fötluðu
einstaklingar sem dvelja á Sól-
heimum hafðir þar til hagsbóta
fyrir annarlegar draumsýnir mis-
heppnaðra ráðamanna. Talsmenn
staðarins hafa jafnvel látið að því
liggja að ef ríkið greiði ekki nægi-
legt fé til Sólheima sé ekki annað
að gera en að staðurinn losi sig við
hina fötluðu ómaga „vistmenning-
arþorpsins“.
Á undanförnum árum hafa ráða-
menn á Sólheimum rakað saman fé
frá fyrirtækjum og einstaklingum
og haldið úti starfskröftum sem
hafa það verkefni að hringja og
biðja um fjárhagslegan stuðning.
Að vonum hefur staðnum orðið vel
til fanga því þeir sem styrkja telja
sig vera að styðja við bakið á fá-
tæku andlega fötluðu fólki. En
þetta sama fé hefur verið notað til
allt annarra hluta en þeirra sem
gagnast hinum fötluðu íbúum Sól-
heima. Byggð hafa verið ráð-
stefnuhús, gistihús og ótrúlega
miklu fé varið til tilraunastarfsemi
á sviði lífrænnar ræktunar, safn-
haugagerðar og annarra áhuga-
mála ráðamanna á Sólheimum.
Þrátt fyrir meira en tvöföldun á
húsnæði á staðnum hefur fötluðum
ekkert fjölgað á Sólheimum. Hug-
sjónamanneskja um málefni fatl-
aðra á borð við Sesselju Sig-
mundsdóttur hefði vitaskuld nýtt
hvert hús og hverja krónu sem
Sólheimum hefði hlotnast til að
bæta hag hinna fötluðu og bæta á
sig fleiri fötluðum einstaklingum.
Þeir sem þekkja til í málaflokki
fatlaðra vita að þörfin er ærin og
biðlistarnir eftir húsnæði hrópa á
aðgerðir. Á staðnum eru nú tveir
einstaklingar á forstjóralaunum, –
ég efast um að það hafi verið
nokkur á öðru en verkamanna-
launum í tíð Sesselju Sigmunds-
dóttur.
Það er því aldeilis fráleitt að nú-
verandi ráðamönnum Sólheima
skuli líðast það framferði að
byggja upp hús fyrir fé fatlaðra og
nýta það síðan undir samkeppn-
isrekstur eins og ferðaþjónustu
eða önnur dekurverkefni. Fram-
kvæmdasjóður fatlaðra, sem er
fjársvelt stofnun, hefur látið fé til
bygginga á Sólheimum sem upp-
haflega voru sett niður sem hús-
næði handa fötluðum en síðan
ákveðið að breyta í gistiheimili.
Það setur síðan punktinn yfir
i-ið í ófyrirleitni ráðamanna Sól-
heima þegar í ljós kemur með
skýrslu Ríkisendurskoðunar að
beinum fjárveitingum til málefna
fatlaðra skuli einnig að stórum
hluta hafa verið varið til verkefna
sem tengjast lítið eða ekkert hags-
munum fatlaðra. Í nefndri skýrslu
kemur einnig fram það sem for-
eldrar og aðstandendur fatlaðra
íbúa á Sólheimum hafa lengi vitað,
að faglegri umönnun hefur verið
mjög ábótavant. Þess eru dæmi að
einstaklingar á Sólheimum hafi
verið misnotaðir til auglýsinga fyr-
ir staðinn burtséð frá augljósum
andlegum skaða sem viðkomandi
hljóta að líða fyrir það. Þess eru
einnig dæmi að fólki sem hrakað
hefur heilsufarslega þannig að
fötlun þess eykst, hafi verið komið
af staðnum í hendur annarra
stofnana. Ráðamenn Sólheima
hafa í engu hirt um að gera stað-
inn þægilegan til umgengni fyrir
líkamlega fatlaða og nýleg heim-
sókn fólks frá Vinnustofu fatlaðra
á Selfossi staðfesti að fá þorp eru
eins ógreiðfær hljólastólum og Sól-
heimar.
Fyrir nokkrum dögum reyndu
stjórnendur Sólheima að fá For-
eldra- og vinafélag Sólheima til að
samþykkja traustsyfirlýsingu á
núverandi stjórn. Félagið hafnaði
því og það er ekki af engu. Það
sama gera allir þeir sem unna hug-
sjónum Sesselju Sigmundsdóttur
stofnanda Sólheima.
BJARNI HARÐARSON,
blaðamaður, stjórnarmaður í
Þroskahjálp á Suðurlandi og for-
eldri fatlaðs drengs.
Í dag er engin
Sesselja á
Sólheimum!
Frá Bjarna Harðarsyni:
Bjarni
Harðarson
PIPAR OG SALT
Klapparstíg 44
Sími 562 3614
NESTISKÖRFUR
2ja og 4ra manna körfur
frá kr. 8.500 án fylgihluta
frá kr. 22.900 með öllu