Morgunblaðið - 16.08.2002, Blaðsíða 8

FRÉTTIR
8 FÖSTUDAGUR 16. ÁGÚST 2002 MORGUNBLAÐIÐ
Nú eru skólarnir að hefjast og heimalærdóm-
urinn tekur við. Þá er mikilvægt að hafa góða
aðstöðu. Þessi skrifstofustóll er með gaspumpu
og hreyfanlegu sæti og hægt að bæta við
hann örmum.
Litir: Grár, svartur, blár og rauður.
Mikið úrval skrifstofustóla.
Sími 510 8000 • Bíldshöfða 20 • 110 Reykjavík • www.husgagnahollin.is
9 820
f
a
s
t
la
n
d

-

8
2
2
7
Fáðu þér sæti sæti!
Menningarnótt í Reykjavík á morgun
Gleði og gaman
í miðborginni
Menningarnótt erhaldin í Reykja-víkurborg í sjö-
unda sinn á morgun. Elísa-
bet B. Þórisdóttir, for-
maður verkefnisstjórnar
menningarnætur, sagði
Morgunblaðinu nánar frá
hátíðahöldunum.
– Hve lengi hefur undir-
búningur staðið?
„Við höfum unnið að
undirbúningi í næstum
heilt ár. Að lokinni síðustu
menningarnótt var unnið
að nokkurs konar uppgjöri
þar sem árangur og skipu-
lag síðustu menningar-
nætur var skoðað og athug-
að af hverju mætti læra og
hvað mætti bæta fyrir há-
tíðahöldin í ár. Yfir vetrar-
tímann var unnið úr hug-
myndum og smám saman leit
dagskráin ljós. Okkar hlutverk er í
meginatriðum að tryggja að heild-
arhugsunin sé á hreinu og að
skipulag næturinnar sé gott. Nú er
Reykjavíkurmaraþonið haldið
sama dag og menningarnótt í
þriðja sinn og hefur sú samvinna
gert dagskrána enn viðameiri enda
stendur hún að þessu sinni í rúman
hálfan sólarhring. Undanfarið hef-
ur því mikið mætt á framkvæmda-
stjóranum okkar, Önnu Maríu
Bogadóttur, að koma þessu öllu
heim og saman.“
– Hvað taka margir þátt í fram-
kvæmd menningarnætur?
„Fjölmargir einstaklingar, félög
og stofnanir standa að dagskrár-
atriðum og í fyrra voru um eitt
hundrað félög og fyrirtæki tengd
atburðum menningarnætur. Mörg
söfn, gallerí, kirkjur, veitingahús
og fyrirtæki í miðbænum hafa opið
fram eftir kvöldi og taka virkan
þátt í að skapa einstaka stemn-
ingu.“
– Fjármögnun næturinnar hef-
ur einnig verið í ykkar höndum.
„Já, auk Reykjavíkurborgar og
ýmissa stofnana hennar hefur
Landsbankinn verið aðalstyrktar-
aðili menningarnætur frá upphafi,
auk þess sem þeir eru með viða-
mikla dagskrá í aðalbanka sínum í
Austurstræti. Orkuveita Reykja-
víkur og Samskip styðja einnig
dyggilega við hátíðina. Þar að auki
styður fjöldi fyrirtækja fram-
kvæmdina þótt umfangið sé mis-
mikið og að sjálfsögðu allir þátt-
takendurnir sem leggja sitt af
mörkum til þess að dagskráin
verði sem veglegust.“
– Hvaða ráðleggingar hafið þið
til gesta menningarnætur?
„Við mælum eindregið með að
sem flestir nýti sér þjónustu stræt-
isvagnanna. Miðstöð þeirra í mið-
bænum verður við ráðhús Reykja-
víkur eftir klukkan 16. Ferðir
verða á hálftíma fresti allan dag-
inn. Með þeim hætti má komast á
auðveldan hátt í og úr bænum. Að
sama skapi verðum við öll að gera
okkur grein fyrir að mikill mann-
fjöldi kemur saman í miðborginni
og nauðsynlegt er að sýna tillits-
semi, koma klæddur
eftir veðri með góða
skapið og njóta samver-
unnar. Dagskráin er al-
veg frá hádegi, svo að
við mælum eindregið
með því að fólk heimsæki miðborg-
ina snemma og einblíni ekki á flug-
eldasýninguna. Margir aðrir við-
burðir eiga eflaust eftir að vekja
jafnmikla hrifningu og flugelda-
sýningin, hún er bara eitt af mörg-
um góðum atriðum. Það er um að
gera að skoða vel dagskrárblaðið
sem fylgir með Morgunblaðinu í
dag, en dagskráin liggur einnig
frammi á bensínstöðvum Essó og á
heimasíðunni www.menningar-
nott.is. Dagskráin tekur stöðugum
breytingum. Við leggjum mikla
áherslu á að fjölskyldan finni eitt-
hvað við hæfi og njóti þess að
skemmta sér saman í miðborginni.
Við skulum einnig sýna miðborg-
inni þá virðingu að ganga vel um
og sýna prúðmennsku í framkomu.
Með þeim hætti sýna allir þakklæti
sitt til listamanna, stofnana og fyr-
irtækja fyrir að fá að njóta allra
þeirra menningarviðburða sem
boðið er upp á. Án þeirra væri
þetta ekki framkvæmanlegt og vil
ég nota tækifærið og þakka öllum
þeim sem gera svo viðamikla dag-
skrá og raun ber vitni mögulega
kærlega fyrir. Það er yndislegt að
borgarbúar og gestir borgarinnar
gleðjist saman á þennan hátt.“
– Menningarnóttin er orðinn
einn vinsælasti viðburður ársins.
„Já, það má með sanni segja.
Allt árið um kring berast fyrir-
spurnir ýmissa framkvæmdaaðilja
um þátttöku á menningarnótt og
hátíðin hefur mikið aðdráttarafl.
Allt gistirými í borginni er upptek-
ið um helgina, og fjöldi manns
leggur leið sína til borg-
arinnar, bæði utan af
landi og erlendis frá.
Einnig hefur skapast sú
skemmtilega hefð að
einu sveitarfélagi er
boðið að halda dagskrá á menning-
arnótt og í ár eru Skagfirðingar
gestir borgarinnar.“
– Hvert er gildi næturinnar?
„Gildi hennar er ótvírætt. Það
ánægjulegasta með framkvæmd
menningarnætur hér á landi er
mikil þátttaka almennings frá upp-
hafi. Hún hefur sýnt sig og sannað
sem stærsta skemmtun miðborg-
arinnar ár hvert.“
Elísabet B. Þórisdóttir

Elísabet Bjarklind Þórisdóttir
fæddist í Reykjavík árið 1954. Er
ein af stofnendum Leiklistar-
skóla SÁL og stundaði þar nám á
árunum 1972–1975 og lauk prófi
frá Leiklistarskóla Íslands 1976.
Aðstoðarforstöðumaður í félags-
miðstöðinni Fellahelli á árunum
1977–1982 og forstöðumaður
Menningarmiðstöðvarinnar
Gerðubergs frá opnun hennar
1983. Elísabet starfaði með Al-
þýðuleikhúsinu og hefur fengist
við þáttagerð fyrir sjónvarp.
Hún var í stýrihópi fyrir verk-
efnið Betra Breiðholt og í undir-
búningshópi fyrir Listahátíð
æskunnar sem haldin var 1989
að frumkvæði menntamálaráðu-
neytisins. Hún var fyrsti verkefn-
isstjóri menningarnætur í mið-
borginni árið 1996, hefur setið í
stjórn hennar síðan og sem for-
maður síðan 1998. Elísabet á þrjú
börn, Þóri Örn, Júlíu og Katrínu.
Almenningur
tekur virkan
þátt í gleðinni
Þetta er ekki veggjakrot, hæstvirtur æðstidoktor, þetta er grafskriftin.