Morgunblaðið - 16.08.2002, Blaðsíða 60

MORGUNBLAÐIÐ, KRINGLUNNI 1, 103 REYKJAVÍK, SÍMI 569 1100, SÍMBRÉF 569 1181, PÓSTHÓLF 3040,
ÁSKRIFT-AFGREIÐSLA 569 1122, NETFANG: RITSTJ@MBL.IS, AKUREYRI: KAUPVANGSSTRÆTI 1 FÖSTUDAGUR 16. ÁGÚST 2002 VERÐ Í LAUSASÖLU 190 KR. MEÐ VSK.
TILLAGA Íslands um að Sameinuðu
þjóðirnar safni saman á einn stað
upplýsingum um mengun hafsins er
komin inn í drög að yfirlýsingu leið-
togafundar Sameinuðu þjóðarinnar
um sjálfbæra þróun. Allar líkur eru á
að tillagan verði samþykkt. Siv Frið-
leifsdóttir umhverfisráðherra segir
þetta mikinn sigur fyrir Ísland, en
stjórnvöld hafi á liðnum árum lagt
mjög mikla áherslu á það á alþjóð-
legum vettvangi að dregið verði úr
mengun hafsins.
„Umhverfisráðuneytið hefur lagt
afar mikla áherslu á að vinna að vörn-
um gegn mengun sjávar. Á alþjóðleg-
um vettvangi höfum við sett þetta mál
í forgang. Við lögðum til að það yrði
settur upp vettvangur innan Samein-
uðu þjóðanna þar sem safnað yrði
gögnum á einn stað um mengun hafs-
ins. Við teljum að þegar upplýsingar
um þetta liggja fyrir verði auðveldara
að ná samstöðu um þá pólitísku
ákvörðun að vernda hafið,“ sagði Siv.
Siv sagði að eftir að sett var á stofn
nefnd á vegum Sameinuðu þjóðanna
sem safnaði upplýsingum um áhrif
losunar gróðurhúsalofttegunda út í
andrúmsloftið hefði athygli heimsins
beinst að þessu vandamáli og þrýst-
ingur aukist á að taka á málinu.
Siv sagði að Ísland væri búið að
leggja mikla vinnu í þetta mál. Það
hefði fyrst verið tekið upp á fundi
Umhverfisstofnunar Sameinuðu
þjóðanna í Nairobi í Kenýa. Málið
hefði síðan áfram verið til umræðu á
ráðstefnu FAO í Reykjavík um sjálf-
bærar fiskveiðar. Á undirbúnings-
fundi fyrir leiðtogafundinn í Jóhann-
esarborg, sem haldinn var á Balí fyrr
á þessu ári, hefði tillaga Íslands feng-
ið mjög góðar viðtökur.
Nú benti flest til að tillagan yrði
samþykkt á fundinum í Jóhannesar-
borg, sem hefst 26. ágúst. Ríkis-
stjórnin hefur samþykkt stefnuskrá
um sjálfbæra þróun til ársins 2020.
Tillaga Íslands er í drögum að ályktun um sjálfbæra þróun
SÞ safni upplýsingum
um mengun hafsins
 Árangur hefur/30
STARFSMÖNNUM sundlaug-
arinnar á Tálknafirði tókst með
snarræði að bjarga tíu ára dreng
frá drukknun í gær þegar hann
festist í stiga í lauginni. Þetta er
þriðja tilvikið á tæpum mánuði
þar sem rétt viðbrögð fullorðinna
hafa komið í veg fyrir banaslys á
börnum í vatni.
Slysið á Tálknafirði bar að með
þeim hætti að drengurinn, sem
var að synda í kafi, festi fótinn í
álstiga sem festur er innan á
sundlaugarvegginn. Amma hans
reyndi í fyrstunni að losa hann og
fékk fljótlega aðstoð sundlaug-
arvarðar sem tókst að losa fótinn.
Þurfti vörðurinn að kafa tvisvar
sinnum niður til drengsins áður
en fóturinn losnaði. Meðan á þessu
stóð missti drengurinn meðvitund
og var hann hættur að anda þegar
hann náðist upp á bakkann. Þar
tók við honum Kristín Ólafsdóttir,
forstöðumaður Íþróttamiðstöðvar
Tálknafjarðar, og hóf blásturs-
aðferð og tókst með því að lífga
drenginn við. Var hann síðan
fluttur með sjúkrabifreið á
Sjúkrahúsið á Patreksfirði.
Stiginn lokaður og
rannsakaður í dag
Drengurinn var í dýpri enda
laugarinnar þar sem dýpið er um
2 metrar að sögn Kristínar og
sagði hún drenginn syndan. Í sam-
ráði við Vinnueftirlitið og lög-
reglu var tekin ákvörðun um að
halda lauginni opinni eftir slysið
en stiganum var lokað. Von er á
Vinnueftirlitinu í sundlaugina í
dag, föstudag, til að rannsaka
stigann. Stiginn er eini stiginn
sinnar tegundar í lauginni og er
þetta í fyrsta skipti sem slys verð-
ur í honum síðan hann var settur
upp árið 1987.
„Ég bað til guðs að barnið lifði
þetta af. Það var það eina sem
komst að í huganum,“ sagði Krist-
ín við Morgunblaðið í gær og
sagði starfsfólkið hafa haldið ró
sinni við björgunarstarfið. „Þetta
vekur fólk til umhugsunar um
hvað það er gífurlega mikilvægt
að þeir sem vinna við sundlaugar
geti brugðist rétt við,“ sagði
Kristín, en allir starfsmenn sund-
laugar Tálknafjarðar hafa lært
skyndihjálp.
Læknir á Sjúkrahúsinu á Pat-
reksfirði sagði í gær að drengnum
liði vel og yrði hann hafður til eft-
irlits á sjúkrahúsinu yfir nótt.
Síðustu fjórar vikurnar hefur
það gerst í þrígang að börnum
hefur legið við drukknun en verið
bjargað með snarræði fullorðinna.
Fyrsta tilvikið var í hótelsund-
lauginni í Hveragerði 18. júlí þeg-
ar 6 ára dreng var bjargað með-
vitundarlausum á þurrt og
lífgaður við. Rúmri viku síðar var
18 mánaða stúlkubarni bjargað á
síðustu stundu eftir að það féll í
garðtjörn á Breiðdalsvík og var
nærri drukknað.
Sundlaugarverðir á Tálknafirði björguðu barni frá drukknun
„Ég bað til
guðs að barnið
lifði þetta af“
Morgunblaðið/Finnur Pétursson
Glaðir starfsmenn sundlaugarinnar að björgun lokinni, f.v.: Kristín
Ólafsdóttir forstöðumaður, Fannar Karvel Steindórsson, Kristjana
Andrésdóttir, Sigríður Jónsdóttir og Guðlaugur Jónsson.
HLUTABRÉF deCODE genetics,
móðurfélags Íslenskrar erfðagrein-
ingar, kostuðu 2,93 dollara við lok
viðskipta á Nasdaq-markaðinum í
New York í gærkvöldi og hefur
gengi þeirra aldrei verið lægra.
Bréfin lækkuðu um 21,5 sent hlut-
urinn í gær en í fyrradag var loka-
gengi þeirra 3,14 dollarar. Nemur
hlutfallsleg lækkun bréfanna 6,85%.
Viðskipti voru með 107.800 hluti.
Bréf de-
CODE aldr-
ei lægri
LÖGREGLAN á Akureyri og hjálp-
arsveitir hófu um hádegi í gær víð-
tæka leit að ítölskum ferðamanni sem
talinn er týndur á Látraströnd, aust-
anvert við Eyjafjörð. Stóð leit yfir
fram í myrkur í gærkvöldi. Skv. upp-
lýsingum lögreglunnar á Akureyri er
leit haldið áfram frá birtingu í dag.
Verður leitin þá stórefld og leitað ná-
kvæmar á því svæði sem líklegt er tal-
ið að maðurinn hafi ætlað að fara um.
Fundu ódagsetta bókun
Maðurinn, sem heitir Davide Patie
og er 33 ára, gaf sig fram við sund-
laugarstarfsmann á Grenivík fyrir
viku og bað hann að gæta fyrir sig
búnaðar meðan hann færi í göngu á
Látraströnd. Var reiknað með að
maðurinn yrði kominn til baka innan
tveggja daga. Búnaðurinn var
geymdur fyrir manninn en hans hef-
ur ekki verið vitjað síðan.
Björgunarsveitarbifreiðar voru
sendar í gær á Flateyjardal og í Hval-
vatnsfjörð til að grennslast fyrir um
manninn og björgunarbátar fóru með
ströndinni. Leitarmenn fundu bókun
eftir manninn í neyðarskýlinu á Látr-
um en hún er ódagsett.
Björgunarsveitarmenn gengu yfir
Uxaskarð í Keflavík í gær og sigldu
auk þess með ströndum á svæðinu.
Leitarsvæðið er seinfarið og erfitt yf-
irferðar og er eingöngu hægt að aka
eftir slóða um mjög lítinn hluta þess.
Lögregla og hjálparsveit óska eftir
því að þeir sem hafa einhverjar upp-
lýsingar um ferðir mannsins hafi
samband við stjórnstöð björgunar-
sveitarinnar Súlna á Akureyri í síma
460 7553.
Víðtæk leit
að ítölskum
ferðamanni
STEINN Sigurðsson hugvitsmað-
ur hefur hannað búnað á ryksugu-
barka, sem stoppar smáhluti, sem
annars gætu farið forgörðum í
ruslið. Steinn hefur fengið einka-
leyfi fyrir búnaðinum, undir nafn-
inu Visio-Vac, í fjórum Evrópu-
löndum og Bandaríkjunum og er
búnaðurinn nú kominn í fram-
leiðslu og dreifingu víða um heim.
Nilfisk hefur hafið framleiðslu
og sölu á búnaðinum undir nafninu
Pelican. Seinna á þessu ári er fyr-
irhugað að setja á markað nýja
gerð að Visio-Vac, með millistykkj-
um, sem gerir kleift að setja bún-
aðinn á flestar gerðir ryksugna.
Íslenskt hugvit í
heimsframleiðslu
Morgunblaðið/Jón Svavarsson
 Hugvit/B6
Visio-Vac ryksugubúnaður-
inn sem Steinn Sigurðsson
hefur hannað.
♦ ♦ ♦
ELDUR kviknaði í gömlu sumarhúsi
í landi Ölkeldu austan við Staðará í
Staðarsveit og var tilkynnt um eld-
inn um níuleytið í gærkvöldi.
Að sögn lögreglunnar í Stykkis-
hólmi kviknaði í út frá gasísskáp sem
verið var að tengja. Töluvert af fólki
var í húsinu og komust allir út af
sjálfsdáðum.
Bændur í nágrenninu hófu
slökkvistarf og dældu vatni úr nær-
liggjandi á með haugsugu sem er
notuð til að dreifa mykju. Þeir náðu
að koma í veg fyrir útbreiðslu eldsins
þar til slökkvilið frá Ólafsvík kom á
staðinn.
Slökkvistarf gekk vel, að sögn lög-
reglu, en því var þó ekki lokið þegar
Morgunblaðið fór í prentun. Ljóst er
að miklar skemmdir hafa orðið á
húsinu.
Héldu eldin-
um niðri með
haugsugu
Morgunblaðið/Alfons