Morgunblaðið - 16.08.2002, Qupperneq 17

LANDIÐ
MORGUNBLAÐIÐ FÖSTUDAGUR 16. ÁGÚST 2002 17
meistar inn. is
HÖNNUN LIST
LISTSÝNINGAR í tilefni 50 ára
afmælis Sjúkahúss Akraness halda
áfram og nú hefur verið opnuð
sýning með verkum feðginanna
Guttorms Jónssonar og Helenu
Guttormsdóttir. Guttormur sýnir
stóra steinskúlptúra úr íslensku og
erlendu bergi en Helena málverk
og texta. Guttormur segir að vinna
með náttúruleg efni hafi lengi ver-
ið viðfangsefni sitt, þar sem hluti
af vinnuferlinu felst í að finna hrá-
efnið í náttúrunni og hann ýmist
vinnur það á staðnum með um-
hverfið í huga eða flytur það á
vinnustofu til frekari vinnslu. Til
þess að ná því besta út úr hverju
grjóti er nauðsynlegt að vera með-
vitaður um að hver steinn býr yfir
sérstökum eiginleikum og getur
kennt manni ýmislegt um mynd-
unarsögu landa, efnasamsetningu
mismunandi bergtegunda, áhrif
veðrunar og ferð hafstrauma fyrir
utan fagurfræðilegt gildi, svo fátt
eitt sé nefnt. Guttormur starfar
sem safnvörður við Byggðasafn
Akraness.
Verk Helenu eru unnin út frá
manninum sem lífveru, félagsveru
og því óræða sem býr innra með
hverjum og einum og gerir enga
tvo eins. Hún hefur undanfarið
starfað við myndskreytingar,
fræðsludeild Listasafns Reykjavík-
ur og stundakennslu við LBH.
Feðginin hafa haldið einkasýning-
ar og tekið þátt í samsýningum.
Sýning Guttorms og Helenu stend-
ur til loka ágúst.
Morgunblaðið/Jón Á. Gunnlaugsson
Feðginin Guttormur Jónsson og Helena Guttormsdóttir við eitt verkið.
Feðgin sýna verk
sín á Akranesi
Akranes
KRAFTAKEPPNIN Aust-
fjarðatröll var haldin á
Djúpavogi og Breiðdalsvík í
sjötta sinn um síðustu helgi,
en þar tókust á átta tröll-
vaxnir kraftakallar í tvo
daga. Eftir æsispennandi
keppni sigraði Jón Valgeir
Williams Benedikt Magn-
ússon með einu stigi.
Keppnin byrjaði á föstu-
degi á Djúpavogi þar sem
keppt var í þremur grein-
um af átta. Byrjað var á
bíldrætti á höndum við
Hótel Framtíð, bíldrátturinn var
sérstakur að því leyti að dreginn
var pallbíll og sátu keppendur í
pallinum, spyrntu í gaflinn og
drógu sig sjálfa með og þurftu
einnig að leggja frá sér kaðalinn
hjálparlaust.
Á Djúpavogi var einnig keppt í
drumbalyftu við Voginn og brúsa-
lyftu við Löngubúð. Jón Valgeir
hafði nauma forustu eftir fyrri
dag. Á laugardeginum var keppt
á Breiðdalsvík og byrjað á Steina-
tökum við Álfastein teknir steinar
frá 90 kílóum til 152 kílóa og sett-
ir á stall, 140 kílóa steinninn
reyndist mönnum erfiður, enda
bleyta og steinninn afsleppur.
Næst var þrælaþraut við Óskaup
þar sem keppendur keyrðu á und-
an sér landsins stærstu hjólbörur
sem eru 800 kíló að heildarþyngd.
Næst var bóndaganga við frysti-
hús, þar var borinn stór reka-
drumbur 20 metra vegalengd og
tveir 90 kílóa mjólkurbrúsar til
baka. Í víkingaglímunni sem fór
fram næst við Ellabryggju sigraði
Benedikt Magnússon og komst
þar með fram úr Jóni Valgeiri
sem haldið hafði forustunni fram
að því. Það var síðan í trukka-
drættinum sem var síðasta greinin
og fór fram við Handverkshúsið
þar sem dreginn var þriggja há-
singa trukkur frá Arnarfelli að
Jón Valgeir náði að komast aftur
fram úr Benedikt og vinna keppn-
ina með eins stigs mun.
Úrslitin urðu: Jón Valgeir með
54 stig, Benedikt með 53, Ingvar
Ingvarsson 45, Baldur Sigurðsson
39, Elvar Óskarsson 33, Víkingur
Traustason 32, Erlendur Ósk-
arsson 21 og Njáll Torfason 11
stig. Þetta verður að teljast mjög
góður árangur hjá Benedikt sem
er aðeins 19 ára. Einnig hjá
bræðrunum Elvari og Erlendi
Óskarssonum sem tóku nú þátt í
sinni fyrstu kraftakeppni. Það er
Njáll Torfason, kraftakarl og hót-
elhaldari á Breiðdalsvík, sem
skipuleggur keppnina Aust-
fjarðatröll nú í sjötta skipti en
hann rekur Hótel Bláfell á Breið-
dalsvík ásamt Kristínu Ársæls-
dóttur, konu sinni.
Krafta-
keppnin
Aust-
fjarða-
tröll
Kraftajötnarnir átta samankomnir fyrir utan Hótel Bláfell á Breiðdalsvík með
verðlaun sín. Víkingur „heimskautabangsi“ Traustason, bræðurnir Elvar og Er-
lendur Óskarssynir, Benedikt „litli“ Magnússon sem varð í öðru sæti, Jón Valgeir
Williams sem sigraði, Baldur „skafl“ Sigurðsson, Ingvar „tortímandi“ Ingvars-
son sem varð í þriðja sæti og Njáll „skelfir“ Torfason sem skipulagði keppnina.
Norður-Hérað
Morgunblaðið/Sigurður Aðalsteinsson