Morgunblaðið - 16.08.2002, Blaðsíða 44

FRÉTTIR
44 FÖSTUDAGUR 16. ÁGÚST 2002 MORGUNBLAÐIÐ
Í TENGSLUM við Menningarnótt
verður Árbæjarsafn með sögu-
göngu um Þingholtin kl. 15 á laug-
ardaginn. Páll V. Bjarnason, arki-
tekt og deildarstjóri húsadeildar
Minjasafns Reykjavíkur, er leið-
sögumaður.
Sunnudaginn 18. ágúst verður
boðið upp á fjölbreytta dagskrá í
Árbæjarsafni fyrir börn og full-
orðna. Leikföng verða við Korn-
húsið, hressir krakkar geta gengið
um á stultum og slegið nýtt met
með húllahringjum. Kassabílar
verða á svæðinu og leiðsögumenn
fara í leiki með börnum og fræða
þau um leyndardóma Völunnar.
Börn og fullorðir geta farið í bú-
leik og handfjatlað leggi og skelj-
ar. Í baðstofunni í Árbæ verður
prjónað og saumaðir roðskór. Við
Nýlendu verða netahnýtingar og í
Suðurgötu verður bróderað. Vert
er að minna á skepnurnar í safn-
inu, hér er að finna kýr og kálf,
hesta og folald, kindur og lömb.
Einnig eru heimalningar við Árbæ.
Klukkan 14 hefst síðan sýning á
sjónleiknum Spekúlerað á stórum
skala en þar býður Þorlákur Ó.
Johnson gestum upp á skemmti-
dagskrá og varpar ljósi á lífið í
Reykjavík á 19. öld. Athugið að að-
eins eru eftir þrjár sýningar á þess-
um vinsæla sjónleik. Húsfreyjan í
Árbæ býður gestum og gangandi
upp á nýbakaðar lummur. Á bað-
stofuloftinu verður spunnið og
saumaðir roðskór. Í Dillonshúsi
eru ljúffengar veitingar en alla
sunnudaga í sumar er boðið upp á
heimilislegt kaffihlaðborð.
Söguganga, leikir og leikrit í Árbæjarsafni
ATVINNU-
AUGLÝSINGAR
I
I
Tryggðu framtíð þína
með aukavinnu, sem þú getur stundað
hvar og hvenær sem er.
http://pentagon.ms/nolimit.Umboðsaðilar
Leitum eftir umboðsaðilum um heim allan fyrir
nýtt MasterCard debetkort með 100% trygg-
ingu. www.chexcard.dk. Hafið samband á
ensku við: chexcard@chexcard.dk. Stuðningsfulltrúi
óskast
Grunnskólinn Tjarnarlundi, Dalasýslu, óskar
eftir stuðningsfulltrúa í fullt starf vegna forfalla.
Áhugasamir hafi samband við Guðjón Torfa
Sigurðsson, símar 899 7237/434 1537 eða net-
fang gudjont@aknet.is .
FRÁ SNÆLANDSSKÓLA
• Við Dægradvöl Snælandsskóla er laust
hálft starf eftir hádegi.
Launakjör skv. kjarasamningi Starfsmanna-
félags Kópavogs og Launanefndar sveitar-
félaga.
Konur jafnt sem karlar eru hvött til að sækja
um starfið.
Upplýsingar gefur skólastjóri, Hanna Hjartar-
dóttir, í síma 554 4911 eða 863 4911.
Starfsmannastjóri
KÓPAVOGSBÆR
Laus störf
í Foldaskóla
fyrir skólaárið 2002—2003
Vegna forfalla er staða íslenskukennara á
unglingastigi laust til umsóknar.
Einnig stöður skólaliða (100% stöður).
Upplýsingar gefur skólastjóri og aðstoðarskóla-
stjóri í síma 567 2222
Umsóknir berist til Foldaskóla, Logafold 1,
112 Reykjavík.
R A Ð A U G L Ý S I N G A R
HÚSNÆÐI ÓSKAST
Vantar til leigu
Höfum verið beðnir um að útvega 4ra—6
herbergja íbúð til leigu. Æskileg stað-
setning Lækirnir eða Túnin, en aðrir
staðir koma til greina. Til greina kæmi að
leigja íbúð með búslóð.
Tryggur leigutaki.
Fyrirframgreiðsla og góðar tryggingar.
Uppl. veitir Fyrirtækjaþjónustan V & L,
sími 898 6337.
TILKYNNINGAR
Skarfagarður og
Skarfabakki í Sundahöfn,
Reykjavík
Mat á umhverfisáhrifum —
athugun Skipulagsstofnunar
Reykjavíkurhöfn hefur tilkynnt til athugunar
Skipulagsstofnunar matsskýrslu um Skarfa-
garð og Skarfabakka í Sundahöfn.
Tillaga að ofangreindri framkvæmd og skýrsla
um mat á umhverfisáhrifum hennar liggur
frammi til kynningar frá 16. ágúst til 27. sept-
ember 2002 á eftirtöldum stöðum: Hjá Skipu-
lags- og byggingarsviði Reykjavíkurborgar,
Borgartúni 3, í Þjóðarbókhlöðunni og hjá
Skipulagsstofnun í Reykjavík. Matsskýrslan er
aðgengileg á heimasíðu Reykjavíkurhafnar:
www. reykjavikurhofn.is.
Allir hafa rétt til að kynna sér framkvæmdina
og leggja fram athugasemdir. Athugasemdir
skulu vera skriflegar og berast eigi síðar en
27. september 2002 til Skipulagsstofnunar,
Laugavegi 166, 150 Reykjavík. Þar fást enn-
fremur nánari upplýsingar um mat á umhverf-
isáhrifum.
Birt samkvæmt lögum um mat á umhverfis-
áhrifum, nr. 106/2000.
Skipulagsstofnun.
SMÁAUGLÝSINGAR
FÉLAGSLÍF
Í kvöld kl. 20.30: Kveðjukvöld
fyrir Óskar Jakobsson. Kaffi-
húsastemning á ljúfu nótunum.
Miriam og fleiri syngja og dansa
lofgjörðardansa.
Allir hjartanlega velkomnir.
17. ágúst, laugard.: Fossinn
Dynkur/Búðarhálsfoss í
Þjórsá. Sjaldfarnar slóðir. 2—
3 klst. ganga. Fararstjóri Sveinn
Tyrfingsson, bóndi. Brottför frá
BSÍ kl. 8, komið við í Mörkinni 6.
Verð kr. 3.700/4.000.
18. ágúst, sunnud.: Svína-
skarð — Hrafnhólar, milli
Skálafells og Móskarðs-
hnjúka. Afmælisferð, munið
stimplana. 5—6 klst ganga,
hæst um 400 m y.s. Fararstjóri
Sigurður Kristjánsson. Brottför
frá BSÍ kl. 10:30, komið við í
Mörkinni 6. Verð kr. 1.500/1.800.
Laugavegur 16.—19. ágúst
(hraðganga). Farangur fluttur
með bíl milli skála. Tvær máltíðir
innifaldar í fargjaldi. Verð kr.
19.900/22.900. Síðasta Lauga-
vegsganga F.Í. 2002.
Fimmvörðuháls 23.—25. ágúst.
Síðasta Fimmvörðuhálsferð F.Í. í
sumar.
Óvissuferð 7.—8. sept. Farið
út í óvissuna eina helgi. Rúta,
gönguferðir og ýmislegt fleira.
Sími F.Í. 568 2533, www.fi.is,
textavarp RUV bls. 619.
ATVINNUAUGLÝSINGAR
sendist á augl@mbl.is
mbl.is
ÍÞRÓTTIR
FÉLAG fagfólks í fjölskyldumeð-
ferð (FFF) efnir til norrænnar ráð-
stefnu um fjölskyldumeðferð í Há-
skólabíói um helgina. Ráðstefnan
ber yfirskriftina The VI Nordic
Therapy Congress og er 6. ráðstefna
sinnar tegundar en hinar 5 hafa ver-
ið haldnar víðsvegar á Norðurlönd-
um. Ráðstefnan stendur yfir frá
föstudeginum 16. ágúst til sunnu-
dags, 18. ágúst. Fyrirlesarar eru alls
staðar af Norðurlöndunum og munu
fjalla um margvísleg málefni sem
tengjast fjölskyldumeðferð. Meðal
umræðuefna er fjölskyldumeðferð
og fjölskyldusambönd í alþjóðlegu
samhengi, úrlausnir varðandi einelti
í skólum, vinna við kulnun og streitu
við fjölskyldumeðferð og vinna sem
henni tengist, leiðbeining einstak-
linga varðandi hjónameðferð, vinna
með ofbeldishneigð í samböndum,
fjölskyldur og fötluð börn, mæður
einhverfra barna, sagnameðferð og
notkun myndlíkinga. Ráðstefnan er
öllum opin og er þátttökugjald 1.500
kr. fyrir daginn eða 3.000 kr. fyrir
alla ráðstefnuna. Í gjaldinu er inni-
falið kaffi og málsverður. Reykjavík-
urborg býður ráðstefnugestum til
móttöku fimmtudaginn 15. ágúst kl.
18til 19.30 á Kjarvalsstöðum. Föstu-
daginn 16. ágúst verður haldinn
kvöldverður með skemmtiatriðum á
Broadway kl. 18 til 2. Verndari ráð-
stefnunnar er forseti Íslands, Ólafur
Ragnar Grímsson. Fundar- og
veislustjóri verður Valgeir Guðjóns-
son, félagsráðgjafi og tónlistarmað-
ur. Ráðstefnan fer fram á ensku.
Nánari upplýsingar er að fá í and-
dyri Háskólabíós. Einnig má fá frek-
ari upplýsingar á Netinu á slóðinni
www.fireandice.mirrorz.com. Í
stjórn Félags fagfólks í fjölskyldu-
meðferð eru Lúðvík Lárusson for-
maður, Helga Þórðardóttir, Toby
Herman og Björg Karlsdóttir.
Norræn ráð-
stefna um fjöl-
skyldumeðferð „FYRIRTÆKJASALA Íslands íSíðumúla hefur opnað nýja og end-
urbætta heimasíðu á slóðinni fyrirta-
ekjasala.is. Fyrirtækjasala Íslands
hefur starfað í átta ár og lagt áherslu
á að vera í forystu á sínu sviði og lið-
ur í því er þessi endurbætta heima-
síða. Á heimasíðunni er hægt er á
mjög einfaldan og aðgengilegan hátt
að skoða alla söluskrá fyrirtækisins
sem telur um 100 fyrirtæki og fjölda
atvinnuhúsnæðis til leigu eða sölu. Í
næði við tölvuna getur áhugasamur
aðili skoðað það sem hann hefur
áhuga á. Tölvert ýtarlegar upplýs-
ingar er að finna um hvert og eitt
fyrirtæki sem er til sölu. Á síðunni er
einnig að finna ýmsan fróðleik.
Hægt er að skoða nýjustu auglýs-
ingu Fyrirtækjasölunnar og kalla
þar fram söluyfirlit.
Áherslan við hönnun síðunnar var
að hún væri auðveld og aðgengileg.
Með þessari heimasíðu vonast fyr-
irtækið til þess að geta sparað nú-
verandi viðskiptavinum sínum og
ekki síst væntanlegum viðskiptavin-
um sporin og gert leitina að drauma-
fyrirtækinu auðveldari en áður. Mik-
il áhersla er lögð á að uppfæra
heimasíðuna og er það gert nær dag-
lega,“ segir í fréttatilkynningu.
Ný og bætt
heimasíða
SKÓGARHLAUP Útilífsmiðstöðv-
arinnar Húsafelli verður haldið í
annað sinn laugardaginn 24. ágúst
næstkomandi. Keppnin felst í því að
keppendur þurfa að komast yfir
ákveðið landssvæði á sem skemmst-
um tíma og á leiðinni þurfa þeir að
yfirstíga ýmsar hindranir. Keppt
verður í þriggja manna liðum og til
að ljúka keppni þurfa liðin að reiða
sig á samstöðu hópsins í heild jafnt
sem frumkvæði einstaklingsins.
Keppninni er stillt upp sem áskor-
endakeppni en þau lið sem skrá sig
til leiks öðlast rétt til að skora á önn-
ur lið að mæta sér í keppninni.
Brautin verður kynnt 19. ágúst en
lögð er áhersla á að hún verði fjöl-
breytt og skemmtileg yfirferðar.
Eftirfarandi þrautir eru meðal þess
sem keppendur þurfa að takast á við;
– Fjallganga (u.þ.b. 450 m)
– Kafsund (synt yfir veituskurð og
kafað undir hindrun)
– Kláfferja yfir og ofan í vatn
– Skógarhlaup
– Þverun straumvatna
Veitt verða vegleg verðlaun fyrir
þrjú efstu sætin en í fyrra voru það
lið Hreyfingar, World Class og
GoPro Landsteina sem unnu til verð-
launa. Frekari upplýsingar er að
finna á www.strik.is/skogarhlaupid.
Skógarhlaup
í Húsafelli