Morgunblaðið - 25.08.2002, Síða 42

42 SUNNUDAGUR 25. ÁGÚST 2002 MORGUNBLAÐIÐ
BRÉF
TIL BLAÐSINS
Kringlunni 1 103 Reykjavík  Sími 569 1100
 Símbréf 569 1329  Netfang bref@mbl.is
Allt efni sem birtist í Morgunblaðinu og Lesbók er varðveitt í upplýsinga-
safni þess. Morgunblaðið áskilur sér rétt t i l að ráðstafa efninu þaðan, hvort
sem er með endurbirtingu eða á annan hátt. Þeir sem afhenda blaðinu efni
ti l birtingar teljast samþykkja þetta, ef ekki fylgir fyrirvari hér að lútandi.
EFTIR hin hörmulegu stórslys í
sumar vil ég leggja til að fjölgað
verði hringtorgum á hættulegum
vegamótum s.s. á Landvegi og sums
staðar sett líka framhjáhlaup þar
sem aðstæður mundu greiða umferð
og stórlega draga úr slysahættunni.
Nú þarf líka að fara að þrefalda
víða vegi og útbúa svæði til öruggari
framúraksturs á hringveginum þar
sem umferðin er mest. Fjármunir í
slíkar framkvæmdir mun fljótt
fækka alvarlegum slysum.
Uppbyggðan hálendisveg þarf að
gera sem fyrst á Sprengisandsleið af
því að hann er auðveldur og hag-
kvæmur fyrir alla landsbúa. Án efa
sá vegur sem mest gæti sparað á
landsvísu.
Slysaaldan heldur áfram!
Enn berast okkur fréttir af fleiri
stórslysum í umferðinni þessa dag-
ana. Þéttasta umferðin um verslun-
armannahelgina gekk með ágætum.
Ég lenti í basli með bílinn minn
inni á Galtalæk. Vatnskassinn bilaði
og varð næstum ónýtur. Hiti af og
mikill leki á kerfinu. Varð ég því að
keyra hægt og bæta vatni á eða
stöðva alveg bı́linn og bíða stöku
sinnum eftir kælingu. Föstudags-
kvöld eftir brennuna varð ég því að
flýja staðinn og halda til Hellu í rign-
ingarveðrinu sem þá varð.
Lögreglan hitti mig þrisvar sinn-
um á þessari leið og varð ætíð vand-
ræðaleg og kurteis þegar ég tjáði
mín vandræði við fyrstu tvær stöðv-
anir. Í þriðja skiptið fékk ég bláu
ljósin á móti mér rétt áður en ég kom
á brúna við Hellu. Auðvitað stöðvaði
ég og lögreglubíllinn keyrði aftur
fyrir minn bíl. Ég brást þannig við að
ég fékk bara rosalegt hláturskast og
settist þvert á sætið, opnaði dyrnar
og hló og hló. Gufustrókurinn magn-
aðist upp undan húddinu. Hinn kurt-
eisi lögreglumaður áttaði sig strax á
aðstæðum, sem ég gaf skýringu á.
J-há, sagði hann og og þú verið
stoppaður áður. Já, þetta er í þriðja
skiptið sagði hlæjandi því hlátur-
kastið stóð ennþá yfir. Jæja, vinur,
hlæðu bara áfram og gangi þér vel,
sagði hann.
Þennan ágæta lögregluþjón bið ég
afsökunar á framferði mínu sem ég
gat ómögulega ráðið við undir þess-
um kringumstæðum. Ég er nú einn
af þessum gömlu templurum í land-
inu sem kann að einhverju leyti að
hafa valdið þessum húmor.
Vonandi var þetta tökumet lög-
gæslunnar og yfir trompaði Óla Þ.
hjá umferðarráði sem að sögn var
tekinn tvisvar sama dag.
Meðferð peninga
Ég undrast mest áformin á jarð-
göng á milli Siglufjarðar og Ólafs-
fjarðar. Hvernig í ósköpunum er
hægt að réttláta þá framkvæmd fjár-
hagslega?
Sem borinn og barnfæddur Sigl-
firðingur skil ég vel óskir þeirra.
Hættusvæði verða á þessari leið eins
og á Ólafsfjarðarvegi. Ég er ekki bú-
inn að gleyma stórviðri sem geta
geisað á þessum leiðum. Þekki þau af
gamalli reynslu minna yngri ára.
Þetta er pólitískt samkerfisrekald
sem spillir að hluta hinum einstaka
Héðinsfirði sem verðugra væri að
varðveita um ókomin ár.
MATTHÍAS Ó. GESTSSON,
Hamarstíg 2, 600 Akureyri.
Umferðar-
öryggismálin
Frá Matthíasi Ó. Gestssyni:
OFT ber það við þegar sagt er frá
málefnum sem bæjarstjórnir (eða
borgarstjórn) fjalla um hvort heldur
er í útvarpi, sjónvarpi eða í dagblöð-
um að sjaldnast er talað um að við-
komandi bæjarstjórn eða bæjar-
stjórnir hafi um málefnið eða
málefnin fjallað, samþykkt þau eða
hafnað heldur tönnlast menn í sífellu
á orðinu bæjaryfirvöld.
Sitt er nú hvað bæjarstjórn eða
bæjaryfirvöld.
Þessi orðanotkun er nánast óvið-
felldin og í raun og veru ruglandi
þótt kunnugir viti að oftast sé átt við
viðkomandi bæjarstjórn (eða borg-
arstjórnina) en ekki lögregluna,
sýslumanninn eða dómstólana.
Einstaklingarnir stjórna gjörðum
sínum á sínum afmörkuðu básum,
heimilum sínum, fyrirtækjum sínum
o.s.frv. Hið sama gildir um bæjar-
stjórnirnar (borgarstjórnina). Bæj-
arstjórnir hafa skilgreind verkefni
sem þær sinna og þeim ber að sinna,
en þær eru ekki löggæsluaðilar og
hafa ekki dómsvald ef til kærumála
kemur, en þær geta að sjálfsögðu
kært til yfirvalds eins og aðrir í sam-
félaginu ef þær telja lög hafa verið
brotin og þá mun yfirvaldið, dóms-
valdið, úrskurða eða dæma í málinu.
Hvaða skilning á þá að leggja í
orðið yfirvald? Samkvæmt venju-
legri skilgreiningu er það yfirboðari
eða valdsmaður, sbr. orðasambandið
yfirvöld og undirgefnir; sýslumaður:
yfirvaldið. Stundum er talað um yf-
irvöld (í fleirtölu) sem merkir þá
venjulega framkvæmdavald og
dómsvald á vegum ríkisins.
Í reynd á þetta orð: bæjaryfirvöld
engan grundvöll til að standa á og er
því markleysa, enda hygg ég það
ekki til í orðabókum.
Þeir sem hafa dómsvald eða vinna
í umboði þess eins og lögreglumenn,
sem eru hinir daglegu gæslumenn
laga og réttar, lögreglustjórar,
sýslumenn og dómarar eru hið eig-
inlega yfirvald og er þó öllum þess-
um aðilum markaður bás í grundvall-
arlögum landsins, stjórnarskránni.
Að síðust þetta: Mér finnst það
fráleitt að sniðganga í sífellu jafn-
augljós og stílhrein orð eins og bæj-
arstjórn eða borgarstjórn og minni á
að þegar við göngum til kosninga og
kjósum fulltrúa í bæjar- eða borg-
arstjórn þá göngum við til bæjar-
eða borgarstjórnarkosninga en
hvorki til bæjaryfirvalda- né borg-
aryfirvaldakosninga.
SNORRI JÓNSSON,
Sléttahrauni 27, Hafnarfirði.
Yfirvald eða
bæjarstjórn
Frá Snorra Jónssyni: