Morgunblaðið - 20.09.2002, Side 17

VIÐSKIPTI/ATHAFNALÍF
MORGUNBLAÐIÐ FÖSTUDAGUR 20. SEPTEMBER 2002 17
SJÓVÁ-Almennar tryggingar hf.,
keyptu þann 18. september sl. 100
milljónir að nafnverði hlutafjár í Ís-
landsbanka hf. á verðinu kr. 5,175.
Söluverðmætið var því 517,5 milljónir
króna. Eignarhlutur Sjóvár-Al-
mennra trygginga eftir kaupin er kr.
479.386.141 að nafnverði, eða 4,79%
hlutafjár í Íslandsbanka. 32,5 milljón-
ir af nafnverði bréfanna hafa verið af-
hentar, en 67,5 milljónir afhendast 15.
janúar 2003, að því er fram kemur í
tilkynningu til Kauphallar Íslands.
Einar Sveinsson forstjóri Sjóvár-
Almennra trygginga hf. situr í banka-
ráði Íslandsbanka hf. Lokagengi
hlutabréfa Íslandsbanka í gær var
4,90 krónur á hlut.
Sjóvá-Almennar með
4,79% í Íslandsbanka
ÁÆTLUN um samruna Hlutabréfa-
sjóðsins Auðlindar hf. og Kaupþings
banka hf. hefur verið samþykkt af
stjórnum beggja félaga. Hlutabréfa-
sjóðurinn Auðlind hf. var skráður á
markað árið 1992 en Kaupþing banki
er rekstraraðili sjóðsins. Í kjölfar
sameiningar sjóðsins við Kaupþing
verður honum slitið og hann afskráð-
ur. Allir hluthafar Auðlindar fá 0,1923
hluti í Kaupþingi banka fyrir hlut
sinn en þeim verður einnig boðið að fá
reiðufé í skiptum fyrir og er þá greitt
m.v. gengið 12,5 krónur á hvern hlut.
Ennfremur hafa hluthafar möguleika
á að yfirfæra hlutabréfaeign sína að
hluta eða öllu leyti í verðbréfasjóði
Kaupþings banka.
Skattaafsláttur afnuminn
Niðurfelling skattaafsláttar ein-
staklinga vegna kaupa á hlutabréfum
er ein helsta ástæða sameiningarinn-
ar. Frá næstu áramótum geta ein-
staklingar ekki lengur fengið þá fjár-
hæð (eða hluta hennar) sem varið er
til hlutabréfakaupa dregna frá skatti.
Afsláttur vegna hlutabréfakaupa ein-
staklinga var tekinn upp árið 1984 en
síðustu ár hefur hann verið lækkaður
verulega og skv. gildandi löggjöf
verður hann afnuminn með öllu í lok
þessa árs. Í tilkynningu frá Kaup-
þingi segir að niðurfelling á skattaaf-
slætti vegna fjárfestinga einstaklinga
í hlutabréfum komi væntanlega til
með að „auka innlausnir og torvelda
sölu nýrra hluta í hlutabréfasjóðum
eins og Hlutabréfasjóðnum Auðlind
hf. og óhjákvæmilega leiða til þess að
þeir dragast saman með tímanum“.
Ennfremur segir í tilkynningu að fyr-
irhugaðar séu breytingar á lögum um
verðbréfasjóði og að hlutabréfasjóðir
verði með tímanum felldir undir verð-
bréfasjóðalöggjöfina. Langtímaáhrif
verði þau að æskilegt sé að slíta
hlutabréfasjóðum með einum eða
öðrum hætti.
Hlutabréfasjóðir eru skv. gildandi
lögum frábrugðnir verðbréfasjóðum
að því leyti að þeir eru tvískattlagðir.
Annars vegar greiða þeir sem standa
að sjóðnum tekjuskatt af hagnaði
sjóðsins og hins vegar leggst fjár-
magnstekjuskattur á sjóðsfélaga.
Verðbréfasjóðir greiða ekki tekju-
skatt af hagnaði. Tekjuskattlagning
hlutabréfasjóða kemur þó ekki að sök
þegar innstreymi er í sjóðinn, þ.e.
þegar hlutabréfin fara hækkandi og
sjóðurinn og hluthafar hagnast. Þá er
hægt að fresta greiðslu tekjuskatts
og endurfjármagna sjóðinn með því
að kaupa önnur hlutabréf. Öðru máli
gegnir þegar útstreymi er úr hluta-
bréfasjóði, eins og raunin hefur verið
hjá Auðlind og fleiri hlutabréfasjóð-
um að undanförnu. Þá reynist erfið-
ara að fresta tekjuskatti og ekki er
unnt að endurfjármagna sjóðinn með
hlutabréfakaupum. Vegna útstreym-
is úr sjóðnum hefur Auðlind því ekki
getað frestað tekjuskatti. Tap Auð-
lindar vegna tekjuskattbyrði nýtist
Kaupþingi banka hf. til skattaafslátt-
ar og er hluti af yfirverði til hluthafa
Auðlindar.
Blómatími sjóðanna liðinn
„Það eru að verða miklar breyting-
ar á starfsumhverfi þessara sjóða.
Það er verið að afnema skattaafslátt-
inn um áramótin og sökum þessa er
fyrirséð að það verður erfitt að selja
nýja hluti í svona sjóðum,“ segir
Hreiðar Már Sigurðsson, aðstoðar-
forstjóri Kaupþings banka. Hann
segir sameininguna breyta töluverðu
fyrir Kaupþing. Aukning eigin fjár
um 30% muni auka möguleika félags-
ins til vaxtar. Hreiðar kveðst telja
sameininguna jákvæða fyrir hluthafa
beggja félaga. „Við teljum að þetta sé
jákvætt fyrir hluthafa Auðlindar. Í
fyrsta lagi fá þeir 14% hærra verð en
innra virði sjóðsins er. Í öðru lagi fá
hluthafar rétt til að selja bréfin og fá
reiðufé í staðinn. Í þriðja lagi er þeim
tryggður réttur til að færa sig yfir í
aðra verðbréfasjóði sem við rekum.
Það er því enginn þvingaður til sam-
starfsins. Ég held að þetta sé einnig
hagstætt fyrir hluthafa Kaupþings.
Þetta styrkir vaxtamöguleika okkar
og stöðu Kaupþings sem norræns
fjárfestingabanka,“ segir Hreiðar.
Að mati stjórnarformanns Auð-
lindar, Sveins Hannessonar, fá hlut-
hafar Auðlindar sanngjarnt verð fyrir
hlutabréf sín. „Það er okkar hlutverk
í stjórninni að gæta hagsmuna hlut-
hafanna. Ég tel það samkomulag sem
náðst hefur við Kaupþing banka vera
mjög hagstætt fyrir okkar hluthafa
sem eru að fá talsvert yfirverð á sín
bréf.
Við sjáum það að undanfarin miss-
eri hefur verið talsvert útstreymi úr
hlutabréfasjóðum. Segja má að
blómatími þeirra sé liðinn. Flestir
þessir sjóðir voru stofnaðir þegar fólk
var að byrja að kaupa hlutabréf og
nýta sér skattaafsláttinn en núna er
fólk frekar að fjárfesta sjálft í ein-
stökum félögum,“ segir Sveinn.
Kaupþing banki og Hlutabréfasjóðurinn Auðlind
Afnám skattaafsláttar
ástæða sameiningar
ÍS
LE
N
SK
A
A
U
G
LÝ
SI
N
G
A
ST
O
FA
N
/S
IA
.I
S
H
U
S
18
79
0
0
9/
20
02
Verð áður: 26.892 kr.
Verð áður: 29.980 kr.
Opnari, Motorlift 1000.
19.890 kr.
Opnari, Motorlift 2000.
21.995 kr.
Verð áður: 1.354kr.
Skúffur á vegg.
795 kr.
Verkfærataska, 16".
695 kr.
Upphengjur.
Verð frá 209 kr.
Allt í bílskúrinn
Áltrappa, Elkop 4 þrepa.
Verð áður: 4.482 kr.
2.913 kr.
35%
afsláttur
Plasthúðað hilluefni,
uppistöður og hilluberar
á 25% afslætti.
Verð áður: 1.743 kr.
Allt að 35% afsláttur