Morgunblaðið - 22.09.2002, Blaðsíða 31

LISTIR
MORGUNBLAÐIÐ SUNNUDAGUR 22. SEPTEMBER 2002 31
Lágmúla 4: 585 4000 • Hlí›asmára: 585 4100 • Keflavík: 420 6000
Akureyri: 460 0600 • Selfossi: 482 1666 • og hjá umbo›smönnum um land allt
Úrval-Úts‡n
Tyrkland
Marmaris er einn
vinsælasti
sólarlandastaðurinn
á Miðjarðarhafsströnd
Tyrklands. Gullnar
strendur, þægilegt
loftslag, góður matur,
iðandi mannlíf,
gestrisið fólk og
ótrúlega hagstætt
verðlag.
Marmaris
* Innifali›: Beint leiguflug, flugvallarskattar, gisting, akstur til og frá flugvelli erlendis og íslensk fararstjórn.
Sí›ustu sætin á stökkpalli
kr.
*69.950
á mann m.v. tvo í íbú›
Skattar innifaldir.
Ver› frá: 30. sept / Uppselt
10. okt í 10 nætur
www.urvalutsyn.is
Á TÍBRÁRTÓNLEIKUM, und-
ir yfirskriftinni „Stríðstónar í
Salnum“, héldu fjórir ungir hljóð-
færaleikarar tónleika í Salnum sl.
þriðjudagskvöld. Á efnisskránni
voru tvö verk, sem eiga það eitt
sameiginlegt, að vera samin á tím-
um síðari heimsstyrjaldarinnar.
Um er að ræða tríó op. 67 eftir
Dmitri Shostakaovitsj og kvart-
ettinn „Fyrir endalok tímans“ eftir
Olivier Messiaen.
Píanótríóið eftir Shostakovitsj
er að því leyti til sérkennilegt, að
hvað vinnubrögð snertir hefur höf-
undurinn horft til barokktímans í
formskipan, því sérkennilegt upp-
haf verksins er keðja (kanón), þar
sem stefið er kynnt í flaututóna-
leik á sellóið. Síðan er stefinu
svarað á lágsviði fiðlunnar og pí-
anóið kemur inn og stefið þá leikið
í áttundum en undir lok inngangs-
ins losnar um kanónformið og að-
alkaflinn hefst. Hægi kaflinn er í
barokktilbrigðaformi, sérlega
áhrifamikill, sem og reyndar allir
fjórir kaflarnir, og var verkið í
heild sérlega vel flutt, þó sérstak-
lega leikur píanistans, sem var
skarpur og skemmtilega mótaður.
Flytjendur voru Una Svein-
bjarnardóttir á fiðlu, Nicole Vala
Cariglia á selló og Árni Heimir
Ingólfsson á píanó. Tríóið eftir
Shostakovitsj gerir mjög ákveðnar
kröfur til flytjenda og í flutningi
seinna verksins, sem er „Kvartett
fyrir endalok tímans“ eftir Messia-
en, var sú sérkennilega þversögn
sláandi, að flytjendurnir, ungir
listamenn, fólk bjartrar framtíðar,
voru að flytja tóngaldur, þar sem
heimsendaspáin vofir yfir sigruð-
um hermönnum í grimmum hild-
arleik síðari heimsstyrjaldarinnar.
Til leiks með fyrrtöldu listafólki
kom Freyja Gunnlaugsdóttir á
klarinett. Það er að bera í bakka-
fullan lækinn að fjalla um þetta
meistaraverk Messiaens en flutn-
ingur unga listafólksins var glæsi-
legur og var í raun spá um að enn
gefist dagur til að fagna. Morg-
unstemmning og fuglasöngur
fyrsta þáttar, sterkar andstæðurn-
ar í öðrum þætti, fallegur klarin-
ettuleikur Freyju í þriðja þætti,
einum sérkennilegasta þætti
verksins, fjórði þáttur, sem er
glaðlegt tríó, lofsöngurinn „til ei-
lífðar Jesú“, syngjandi fallega leik-
in sellósóló af Völu, hinn furðulegi
einraddaði reiðidans sjötta þáttar,
er var áhrifamikill og hrynviss,
regnbogaþátturinn og túlkun
óreiðunnar í næstsíðasta þætti,
sem var einhver best leikni þáttur
verksins, og lofsöngurinn, sem
tónskáldið í trú sinni á almættið
túlkar með leit sinni á hásviði fiðlu
og píanós að sannfærandi niður-
lagi, var allt á sínum stað, oft í
sérlega vel mótuðum leik.
Þrátt fyrir að túlkun unga lista-
fólksins væri gædd æskubirtu og
átökin væru jafnvel leikandi og allt
að því fjörug var flutningurinn
mjög góður. Það væri ef til vill
skemmtilegt að heyra þau leika
þetta verk eftir svo sem þrjátíu til
fjörutíu ár, þegar lífið hefur dregið
sínar dökku línur í hina djúpu duld
tilfinninganna og nálgun endalok-
anna, sem býr í verkinu, er að
verða þeirra veruleiki.
Jón Ásgeirsson
TÓNLIST
Salurinn
Kvartett skipaður ungu tónlistarfólki
flutti verk kammerverk eftir Shost-
akovitsj og Messiaen. Þriðjudaginn 10.
september.
KAMMERTÓNLEIKAR
Nálgun
endalokanna
HENRIETTA Horn, listdansari og
danshöfundur og annar af tveimur
listrænum stjórnendum Folkwang
Tanzstudio í Essen í Þýskalandi, er
stödd hér á landi ásamt tíu öðrum
dönsurum úr hópnum. Koma þeirra
hingað til lands er í tengslum við
hausthátíð sem fram fer í Borg-
arleikhúsinu þar sem nútímadans
og dansleikhús verða í brennidepli.
Sýning hópsins verður í kvöld kl.
20.30 en til hátíðarinnar er einnig
boðið dansflokk Merce Cunningham
frá Bandaríkjunum.
Henrietta stýrir sem fyrr segir
Folkwang Tanzstudio ásamt Pinu
Bausch. Verk hennar þykja vera
þungamiðja þeirrar vinnu sem fram
fer hjá flokknum og er hún almennt
talin arftaki Pinu Baush við að þróa
áfram nútímadansleikhús í Þýska-
landi.
Henrietta stundaði nám í dansi
við Deutsche Sporthochschule í Col-
ogne á árunum 1987–1992. Árið
1992 stofnaði hún danshópinn
Terza e Uno þar sem hún starfaði
sem danshöfundur og dansari.
Sama ár hóf hún framhaldsnám í
dansi við Folkwang-akademíuna og
lauk því námi árið 1996. Í apríl árið
1999 tók hún við sem listrænn
stjórnandi hjá Folkwang Tanz-
studio og hefur hún stýrt hópnum í
samstarfi við Tinu.
Dansflokkurinn á rætur sínar að
rekja til Folkwang-akademíunnnar
í Essen. Í honum eru ellefu dans-
arar með ólíkan bakgrunn og hefur
flokkurinn víða komið við og haldið
sýningar meðal annars í Suður-
Ameríku, Indlandi, Egyptalandi og
Kóreu auk þess sem haldnar hafa
verið sýningar víðsvegar um Evr-
ópu.
Flokkurinn hefur hlotið verð-
skuldaða athygli og viðurkenningu,
meðal annars frá þýskum gagnrýn-
endum sem segja sýningar flokksins
á heimsmælikvarða. Hingað til
lands kemur hópurinn fyrir milli-
göngu Goethe Zentrum í Reykjavík,
þýska sendiráðsins og sam-
bandslandsins Nordrhein-West-
falen.
Ferðalögin taka
mikinn tíma
Verkin sem flutt verða hér á landi
eru Auftaucher (Sá sem birtist) og
Solo sem Henrietta Horn dansar
ein, m.a. við tónlist Arvos Pärts. Í
Solo notast Henrietta við borð og
stól sem eru persónugerð í verkinu.
Í Auftaucher taka tíu dansarar þátt
en Henrietta dansar ekki með.
Verkið hefst á kvöldverðarboði þar
sem gestir mæta prúðbúnir til leiks.
Hægt og rólega hverfur virðuleik-
inn fyrir óbeislaðri framkomu gest-
anna hvers í annars garð. Í verkinu
nota dansararnir hristur sem eiga
þátt í magna upp andrúmsloftið.
Henrietta segist fá ákaflega mik-
ið út úr dansinum en um leið sé mik-
ilvægt fyrir hana að semja dansa.
Með því móti fái hún ákveðna sýn á
dansverkin sem hana skortir þegar
hún dansar sjálf.
Á undanförnum árum hefur
Folkwang Tanzstudio ferðast vítt
og breitt um heiminn. Aðspurð
hvernig sé að lifa og starfa sem
dansari á eilífum ferðalögum segir
Henrietta að ferðalögin taki vissu-
lega mikinn tíma og við bætist að
oft gefist ekki tími til að skoða
markverða hluti í þeim löndum þar
sem hópurinn er með sýningar. Á
móti bendir hún á að þegar hún fái
tækifæri til að vinna með listamönn-
um í viðkomandi löndum nái hún
gjarnan að kynnast betur fólkinu
sem þar býr.
Henrietta heldur af landi brott
ásamt dansflokknum á mánudag.
Dagurinn í gær var eini frídagurinn
hér á landi og ætlaði hún m.a. að
nota tækifærið og bregða sér í Bláa
lónið. Hún segist hafa hlakkað mik-
ið til ferðarinnar hingað til lands og
að sér finnist gaman að fá að dansa
á Íslandi sem sé sjaldgæfur mun-
aður fyrir dansara. Hún þekkir ekki
til íslenskra dansara en segist
þekkja nafn Katrínar Hall frá því
hún starfaði í Þýskalandi. Hugs-
anlega fái hún tækifæri til að hitta
einhverja íslenska dansara áður en
hún heldur af landi brott á mánu-
dag.
Henrietta Horn, dansari, danshöfundur og stjórnandi
Sjaldgæfur
munaður að
fá að dansa
á Íslandi
Henrietta Horn dansar ein í verkinu Solo sem flutt verður á hausthátíð í
Borgarleikhúsinu í kvöld, sunnudag. Sýningin hefst klukkan 20.30.
Morgunblaðið/Kristinn
HIN árlega haustsýning í Galleríi
Kambi var opnuð í gær, með sam-
sýningu sextán listamanna. Þeir eru
fulltrúar fjögurra kynslóða, sumir
eru vel þekktir aðrir minna og enn
aðrir hálfgerðir huldumenn í ís-
lenskri myndlist.
Öll verkin eru í eigu staðarhald-
ara.
Þeir sem sýna eru: Bjarni Ragnar
Haraldsson, Bragi Ásgeirsson, Elías
Hjörleifsson, Eyjólfur Einarsson,
Guðmundur Guðmundsson, Erro,
Guðmundur Ingólfsson, Gunnar
Guðsteinn Gunnarsson, Magnús
Kjartansson, Ólafur Elíasson, Sam-
úel Jóhannsson, Sigurður Örlygs-
son, Sigurgeir Sigurjónsson, Svavar
Guðnason, Sverrir Ólafsson, Tryggvi
Ólafsson og Örn Þorsteinsson.
Gallerí Kambur er í Rangárþingi
ytra, á Þjórsárbökkum. Sýningin er
til 13. október 2002.
Opið daglega kl. 12–18. Lokað
miðvikudaga.
Haustsýn-
ing á Þjórs-
árbökkum
Gallerí Kambur.
Kauptu eina flík,
hún endist á við þrjár
www.bergis.is
Nýr lífsstíll
Skráðu þig í Broste klúbbinn - bergis.is