Morgunblaðið - 22.09.2002, Blaðsíða 45
MINNINGAR
MORGUNBLAÐIÐ SUNNUDAGUR 22. SEPTEMBER 2002 45
Fyrr á þessu ári var farið af stað
með að fá flutning fyrir þig hingað
suður á Skjól svo þú gætir verið nær
börnun og barnabörnum. Því miður
entist þér ekki ævin til þess. Að
morgni 12. september kvaddir þú
þetta líf með börnin þín sex við hlið
þér.
Margs er að minnast,
margt er hér að þakka.
Guði sé lof fyrir liðna tíð.
Margs er að minnast,
margs er að sakna,
Guð þerri tregatárin stríð.
(V. Briem.)
Nú þegar tengdafaðir minn hefur
lokað augunum í hinsta sinn bið ég
honum blessunar og þakka samfylgd-
ina. Sérstakar þakkir til starfsfólks
Sjúkrahúsins á Hvammstanga fyrir
góða umönnun í veikindum hans.
Hvíl í friði.
Helga Kristín
Sigurðardóttir.
Elsku góði afi. Í dag kveðjum við
þig í síðasta sinn. Það er sárt að hugsa
til þess að þú sért farinn, en nú ert þú
engill hjá Guði.
Sunnudaginn áður en þú kvaddir
fórum við norður með mömmu og
pabba í heimsókn til þín. Við komum
með súkkulaðimola handa þér og
fylltum á kistilinn sem Margrét smíð-
aði, því þú elskaðir súkkulaði.
Þú sagðir okkur að þú ættir ekki
langt eftir. En auðvitað trúðum við
því ekki því þú leist svo vel út og þú
varst svo hress og glaður.
Það gat bara ekki verið, því þú ætl-
aðir suður aftur og við hlökkuðum svo
óskaplega mikið til að geta heimsótt
þig oftar og farið með þig heim til
okkar þegar þú hefðir treyst þér til.
En þú vissir betur. Tveimur dögum
seinna fengum við slæmar fréttir. Þú
hafðir veikst alvarlega og að þér
myndi ekki batna.
Við báðum Guð um kraftarverk, en
auðvitað var betra fyrir þig að fá
hvíldina.
Stundin líður tíminn tekur
toll af öllu hér.
Sviplegt brotthvarf söknuð vekur,
sorg í hjarta mér.
Þó veitir yl í veröld kaldri,
vermir ætíð mig
að hafa þó á unga aldri
eignast vin sem þig.
Þú varst ljós á villuvegi,
viti á minni leið,
þú varst skin á dökkum degi
dagleið þín var greið.
Þú barst tryggð í traustri hendi,
tárin straukst af kinn,
þér ég mínar þakkir sendi,
þú varst afi minn.
(Hákon Aðalsteinsson.)
Þú varst okkur góður afi og við
þökkum þér fyrir allar góðu stund-
irnar sem við áttum með þér og
geymum minninguna um þig í hjarta
okkar um alla ævi.Við elskum þig.
Margrét, Andrea og Dagmar.
„Hann Jói afi er dáinn og farinn
upp til Guðs,“ voru fyrstu orð Helgu
Lilju fimmtudaginn 12. september
þegar henni hafði verið sagt að Jói afi
væri dáinn. Það var alltaf svo gaman
að koma til þín í heimsókn því þú
varst svo góður við okkur, og ekki var
gamansemin og stríðnin langt undan.
Afi fór líka oft með okkur í ferðalög,
bæði í tjaldvagninn og sumarhús.
Þótti honum sérstaklega gaman á
ættarmótinu og svo á Borðeyrarhá-
tíðinni 1997.
Ekki er ætlun okkar að telja allar
stundir með þér upp heldur að geyma
þær í hjörtum okkar.
Far þú í friði,
friður Guðs þig blessi,
hafðu þökk fyrir allt og allt.
Gekkst þú með Guði,
Guð þér nú fylgi,
hans dýrðarhnoss þú hljóta skalt.
(V. Briem.)
Elsku afi, Guð geymi þig.
Sigurður, Kristjana og
Helga Lilja.
Elsku afi, við komum til þín í heim-
sókn á Hvammstanga í sumar og það
var svo gaman að hitta þig aftur eftir
langan tíma. En við vissum ekki að
þetta mundi verða í síðasta skipti sem
við sæjum þig. Við hlökkuðum svo
mikið til að fá þig til Reykjavíkur, svo
að við gætum hitt þig oftar og verið
með þér á jólunum. Við munum sakna
þín mjög mikið og við vitum að nú líð-
ur þér vel.
Legg ég nú bæði líf og önd,
ljúfi Jesú, í þína hönd,
síðast þegar ég sofna fer
sitji Guðs englar yfir mér.
(Hallgr. Pét.)
Þín barnabörn
Kolbrún, Vignir og Kári Már.
Þegar vinir frá barnæsku kveðja
fer ekki hjá því að minningar liðinna
daga sæki á hugann. Meðal þeirra eru
minningar frá löngu liðnum árum í
Grænumýrartungu, þegar við systk-
inin vorum að alast upp. Þegar lóan
kom á vorin frá suðrænun löndum þá
var farið að hlakka til að sumargest-
irnir að sunnan kæmu til okkar.
Margt af þessu fólki er nú horfið sjón-
um okkar og nú hefur Jói frændi okk-
ar á Strætó, eins og við kölluðum
hann, kvatt okkur.
Jói var um áratugaskeið vagnstjóri
hjá Strætisvögnum Reykjavíkur.
Jói fæddist í Gilhaga í Hrútafirði,
fimmta barn afa míns Guðmundar og
ömmu Ragnheiðar. Börn afa míns
voru tíu, nú eru eftirlifandi faðir
minn, næstelstur þeirra systkina, og
þrír yngstu bræðurnir. Jói ólst upp
frá eins árs aldri á Fögrubrekku í
Hrútafirði hjá Guðrúnu Finnboga-
dóttur og Halldóri Ólafssyni og bar
hann alla tíð mikla væntumþykju til
þeirra hjóna og Gógóar, uppeldissyst-
ur sinnar. Á þessum tímum var það
mikið lán að koma börnum fyrir hjá
góðu fólki þegar börnin voru mörg og
veikindi og þröngt í búi heimafyrir.
Já, það létti yfir fólkinu á afdala-
bænum heima hjá mér þegar þeir
komu í sumarfríinu sínu, bræður hans
pabba með sínar fjölskyldur.
Ég man vel eftir Jóa og Siggu fyrst
þegar þau komu og þau voru þá
nýtrúlofuð og birtist okkur systrun-
um þá nýr og heillandi heimur hinna
fullorðnu. Nokkrum sumrum seinna
eru komnir tveir litlir strákar, sem
leika sér við okkur heimabörnin á
hlaðinu. Með tímanum bætast svo við
tvær stúlkur, en alls eignuðust þau
sex börn.
Í sveitinni biðu ótal verk og þau
tóku þátt í öllu því sem að höndum
bar, þeim féll aldrei verk úr hendi, þó
var fólkið í sumarfríi og eins var það
um aðra sem dvöldu hjá okkur.
Jói tók alltaf jeppann hans pabba í
gegn, eitt sumarið var hann málaður
og það næsta var eitthvað tekið til
skoðunar í vélinni og svo framvegis.
Afi minn Guðmundur hafði gaman af
því eins og aðrir þegar þeir komu
bræðurnir með fólkið sitt og oft var
glatt á hjalla á kvöldin í eldhúsinu
þegar allir voru saman komnir í
kvöldkaffið. Litlir krakkar létu þá
fara lítið fyrir sér til að missa ekki af
neinu. Jói var einstaklega kátur og
glettinn og maður var oft ekki alveg
viss hvort hann var að tala í alvöru
eða gríni, en hann var viss með það að
koma fólki til að hlæja og sá alltaf
spaugilegu hliðarnar á hlutunum.
Sigga varð mikil vinkona okkar systr-
anna og í fábreytni vetrarins var
gaman að fá sendar myndir frá liðnu
sumri, sem nú vekja hlýjar minning-
ar.
Síðustu árin átti Jói heimili hjá
dóttur sinni Guðrúnu, kaupfélags-
stjóra á Borðeyri, og naut þar hlýju
og umönnunar, en hann átti við
heilsuleysi að stríða sín síðustu ár.
Við systkinin komum til þeirra fyr-
ir tveimur árum og áttum með þeim
ógleymanlegan dag á æskustöðvum
okkar allra í Hrútafirðinum. Fyrir
það ber nú að þakka.
Að leiðarlokum þökkum við fjöl-
skyldan frá Grænumýrartungu Jóa
samfylgd og vináttu á ævinnar leið og
biðjum öllu hans fólki Guðs blessunar.
Ingunn Ragnarsdóttir.
Mínar fyrstu minningar af Jóa ná
aftur til þess tíma er ég var barn.
Báðir ólumst við upp við Hrútafjörð,
ég í þorpinu Borðeyri, en Jói á sveita-
heimilinu Fögrubrekku, sem var þar
skammt frá. Hann hafði á unga aldri
verið tekinn í fóstur af hjónunum þar.
Þar sem Jói var sjö árum eldri en ég
kynntist ég honum ekki náið á þeim
tíma.
Níu ára gamall fluttist ég síðan til
Reykjavíkur, en fór frá tíu ára aldri til
sumardvalar í nokkur sumur að
Fjarðarhorni við Hrútafjörð, en
Fjarðarhorn er næsti bær við Fögru-
brekku.
Jói byrjaði ungur að vinna við
vegavinnu. Mikil vegavinna var í
kringum Fjarðarhorn og síðar á
Holtavörðuheiði og urðu kynni mín af
honum nánari á þeim árum, sem ég
var í sumardvöl að Fjarðarhorni. Þótt
ég væri ungur að árum fór ekki fram
hjá mér að Jói bar af sér sértaklega
góðan þokka og hafði góða kímnigáfu.
Snemma komu einnig í ljós eðlisþætt-
ir eins og hjálpsemi og greiðvikni í
garð náungans.
Undirritaður stofnaði járnsmíða-
verkstæði að Melbæ við Sogaveg árið
1959 og fljótlega urðu verkefnin of
umfangsmikil fyrir einn mann til að
sinna þeim svo vel væri. Jói sem var
nú búsettur í Reykjavík og starfaði
sem strætisvagnastjóri bjó ásamt
fjölskyldu sinni við Sogaveg og gekk
daglega fram hjá Melbæ. Í ljósi góðra
kynna minna af Jóa hugleiddi ég um
nokkurn tíma hvort ég ætti að gefa
mig á tal við hann og bjóða honum
starf á verkstæðinu. Að lokum lét ég
af því verða og gekk einn góðan veð-
urdag í veg fyrir hann. Jói þáði sam-
stundis vinnutilboðið og hálfri
klukkustund seinna var hann kominn
í vinnugalla og gekk hreint til verks.
Hann hélt þó jafnframt áfram vinnu
sinni hjá Strætó. Jói hafði til að bera
þá lagni og kunnáttu sem til þurfti til
að leysa þau verkefni sem biðu. Enda
var Guðmundur faðir hans hagleiks-
smiður og tengsl Jóa við foreldra sína
héldust alla tíð þó svo hann hafi verið
látinn í fóstur.
Þórir, bróðir Jóa, hóf síðan störf
hjá fyrirtækinu einu ári síðar. Það
hafði þá hlotið nafnið Stáliðjan og var
nú starfrækt í Súðarvogi 26.
Bræðurnir unnu síðan farsælt starf
hjá Stáliðjunni í áratugi og áttu þann-
ig sinn þátt í framgangi fyrirtækisins.
Synir þeirra fylgdu síðan í fótspor
feðra sinna og hófu störf hjá Stáliðj-
unni þegar aldur þeirra leyfði, enda
hafa þeir erft hæfni þeirra á verklega
sviðinu. Þannig hefur fjölskyldan
markað sín spor í sögu fyrirtækisins
og ber að þakka það framlag.
Örlögin höguðu því þannig að ég
kynntist Jóa snemma á lífleiðinni og
leiðir okkur lágu saman í gegnum
störf okkar í áratugi. Kynnin sem hóf-
ust svo snemma voru farsæl og að
leiðarlokum vil ég þakka Jóa fyrir
samfylgdina og trúmennskuna í
gegnum árin.
Helgi Halldórsson.
!
"##
$ %
&' ( %(
) *
'
!"
# $
# $
% &!' # $
%( #% $
) % $*
!
" #$
!
%& & &'
!
"#$ %&
!
$ ##
'( )
! * +,- $$
$
!
. ./
!"# $
%#$!& '$ "# $
( ) '$ "# $
$ *++ '$
+ $ , $ "# $
-+.$) '$ "# $ !+! !$
$$ #
'$ / '$
( ) &0$$ .$
" & .$ "# $ 1 + 2!$ $&!3'!"
$ 4 .$
&.$.5$
! "# $%%"& ' (
!""#
$) )#$ * + " ,& -+ )% ,
" (" #$ * + . '/ )$, ,
"( '* ,
"(# ," ) +
0 * , . ) +
1)) * + $) . &" ( ,
*$("
"(#! * , 2 )$" / ) +
# #! +# # #! 3
ÚTFARARSTOFA
HAFNARFJARÐAR
Stapahrauni 5, Hafnarfirði, sími 565 5892
www.utfararstofa.is
ÚTFARARSTOFA ÍSLANDS
Sjáum um alla þætti sem hafa ber í huga
er andlát verður, í samráði við aðstandendur
Sími 581 3300
Allan sólarhringinn — www.utforin.is
Suðurhlíð 35, Fossvogi
Sverrir
Olsen
útfararstjóri
Sverrir
Einarsson
útfararstjóri
Kistur
Krossar
Duftker
Gestabók
Legsteinar
Sálmaskrá
Blóm
Fáni
Erfidrykkja
Tilk. í fjölmiðla
Prestur
Kirkja
Kistulagning
Tónlistarfólk
Val á sálmum
Legstaður
Flutn. á kistu milli landa
Landsbyggðarþjónusta. Áratuga reynsla.
Bryndís
Valbjarnardóttir
útfararstjóri
Útfararþjónustan ehf.
Stofnuð 1990
Rúnar Geirmundsson
útfararstjóri
Önnumst allt er lýtur að útför.
Hvítar kistur - furukistur
- eikarkistur.
Áratuga reynsla.
Símar 567 9110 & 893 8638
utfarir.is