Morgunblaðið - 03.10.2002, Side 6

FRÉTTIR
6 FIMMTUDAGUR 3. OKTÓBER 2002 MORGUNBLAÐIÐ
Netsalan ehf. Garðatorgi 3, 210 Garðabæ
Sími 565 6241 Fax 5 444 211 Netf.: netsalan@itn.is
Opið mán. - fös. kl. 10:00 - 18:00, lau. 10:00 - 12:00
Sýningarbílar á staðnum
OVERLAND og LIMITED
2003 ÁRG. ER KOMIN
JEEP GRAND CHEROKEE
NETSALAN
SAMEIGINLEGT átak Skákfélags-
ins Hróksins og Eddu – miðlunar og
útgáfu hf. til að kynna skákina í
grunnskólum landsins hófst í Mela-
skóla í Reykjavík í gær, en um er að
ræða viðamesta verkefni sem Hrók-
urinn hefur ráðist í. Við þetta tæki-
færi var Arngrímur Þ. Gunnhalls-
son kennari sérstaklega heiðraður
fyrir uppbyggingu skáklistarinnar
í skólanum.
Hrafn Jökulsson, forseti Skák-
félagsins Hróksins, segir að átakið
felist í því að allir nemendur í 3.
bekk grunnskólans fái eintak af
skákbókinni Skák og mát, sem
Anatolij Karpov, fyrrverandi
heimsmeistari, skrifaði í samvinnu
við Walt Disney fyrirtækið, en
Helgi Ólafsson þýddi á íslensku og
staðfærði. Í bókinni kennir heims-
meistarinn ungu skákfólki spenn-
andi aðferðir til að tefla til sigurs
og nýtur aðstoðar teiknimyndaper-
sóna úr smiðju Disneys. Um
skemmtilega byrjendabók er að
ræða þar sem undirstöðuatriði
skákarinnar eru sett fram á lifandi
og aðgengilegan hátt fyrir yngstu
aldurshópana, en Karpov segir í
formála að þetta sé fyrsta kynning-
arritið um skák þar sem mátið sé
aðalatriðið. „Ég hef skrifað fjöl-
margar skákbækur en í þessari er
leikgleðin í fyrirrúmi.“
Merkilegt starf í Melaskóla
Að sögn Hrafns leggur Edda –
miðlun og útgáfa til 5.000 eintök af
þessari bók en hann og félagar í
Hróknum sjái um dreifinguna og
kynninguna á skákíþróttinni. Hann
segir að átakið hafi hafist í Mela-
skóla vegna þess að Melaskóli væri
einn helsti skákskóli landsins. Þar
hafi verið unnið gríðarlega merki-
legt starf í skákfræðslu og skáklífi
á undanförnum árum undir stjórn
skólastjórnenda og sérstaklega
Arngríms Þ. Gunnhallssonar kenn-
ara með þeim árangri að ótrúlega
hátt hlutfall efnilegra skákmanna
hafi komið úr skólanum. Melaskóli
sé margfaldur Íslandsmeistari í
skák, nemendur skólans hafi orðið
Norðurlandameistarar og skólinn
hafi lagt Hagaskóla til efnivið í
Norðurlandameistarasveitir.
„Hér hefur farið fram, án þess að
mikið hafi farið fyrir því, eitthvert
mikilvægasta uppbyggingarstarf í
skákinni á síðustu árum.“
Hrafn segir ástæðu til að vekja
athygli á glæsilegum árangri Mela-
skóla en árangur nemenda skólans
og reyndar ýmissa annarra skóla
sýni hvað hægt sé að gera í skák-
inni. Þetta eigi að vera hvatning til
skólastjórnenda og bæjaryfirvalda
um allt land að sinna skákinni bet-
ur.
Stefán Kristjánsson, 19 ára al-
þjóðlegur meistari og einn efnileg-
asti skákmaður Íslendinga, var í
Melaskóla og tefldi fjöltefli við
nemendur skólans í gær rétt eins
og tékkneski stórmeistarinn Tomas
Oral, sem var Evrópumeistari 14
ára og yngri á sínum tíma og er á
Íslandi á vegum Hróksins.
Um 100 nemendur eru í 3. bekk
Melaskóla og voru flestir með í fjöl-
teflinu, en nokkrir þeirra náðu
jafntefli við meistarana. Hrafn seg-
ir að það hafi verið mjög skemmti-
legt að hitta þessa meistara fram-
tíðarinnar og ljóst hafi verið að í
hópnum voru margir krakkar sem
voru ekki byrjendur og svo aðrir
sem hafi sýnt gífurlegan áhuga á að
kynnast leyndardómum skáklist-
arinnar.
Sameiginlegt átak Skákfélagsins Hróksins og Eddu – miðlunar og útgáfu hf.
Morgunblaðið/Árni Sæberg
Nemendur í 3. bekk Melaskóla fengu eintak af skákbókinni Skák og mát í gær.
Skákin kynnt í
öllum grunn-
skólum landsins
STJÓRN Byggðastofnunar samþykkti nýverið
lánareglur fyrir stofnunina en í þeim felst m.a. að
forstjóri og lánanefnd undir forsæti hans hafa nú
umboð til að fjalla um og afgreiða lánsbeiðnir, fjár-
hagslegar beiðnir og önnur fyrirgreiðsluerindi
samkvæmt nánari skilgreiningu. Aðalsteinn Þor-
steinsson, settur forstjóri Byggðastofnunar, segir
að þessar reglur einfaldi og flýti fyrir afgreiðslu
lána.
Lánanefnd, sem skipuð er forstjóra, forstöðu-
manni fyrirtækjasviðs, forstöðumanni lögfræði-
sviðs og þeim starfsmanni sem fjallað hefur um er-
indi, afgreiðir umsóknir. Auk lánamála fjallar
lánanefnd um erindi sem varða styrki, hlutafé, veð,
skuldbreytingar, niðurfellingar, fyrningar og fleira.
Skal lánanefnd gæta þess að öll erindi sem hún fær
til umfjöllunar hljóti meðferð í samræmi við lög,
reglur og góða stjórnsýsluhætti. Nefndin afgreiðir
erindi sem eru allt að 30 milljónir króna enda krefj-
ist erindi varasjóðsframlags sem ekki er hærra en
12 milljónir króna. Heimilt er umsækjanda að
skjóta ákvörðun lánanefndar til stjórnar. Í stærri
lánamálum gerir lánanefnd tillögur til stjórnar. Er-
indi telst því aðeins móttekið að það sé áritað og
dagstimplað á skrifstofu Byggðastofnunar en mót-
taka með öðrum hætti hefur ekki formlegt gildi.
Mönnun tekist vel
Ár er nú liðið frá því Byggðastofnun var flutt til
Sauðárkróks. Segir Aðalsteinn Þorsteinsson að
stofnunin sé nú fullmönnuð á ný og starfsemin kom-
in í fastar skorður eftir flutninga og mannabreyt-
ingar. Hann telur staðsetningu stofnunarinnar
mjög heppilega og telur að flutningurinn frá höf-
uðborgarsvæðinu hafi síður en svo skapað nokkur
vandræði.
Valgerður Sverrisdóttir, iðnaðar- og viðskipta-
ráðherra, sat fund með stjórn og starfsmönnum
stofnunarinnar nýlega og í samtali við Morgunblað-
ið sagði hún það aðalatriðið að starfsemi Byggða-
stofnunar gengi nú smurt og þar væri gott og metn-
aðarfullt starfsfólk.
Ráðherra sagði það hafa verið djarfa ákvörðun
að flytja stofnunina frá Reykjavík, það hefði verið
ákveðið áfall að aðeins einn starfsmaður skyldi
flytja með henni en vel hefði tekist að manna stofn-
unina á ný. Valgerður kvaðst sjá fyrir sér sterka
stofnun og sagði það skoðun sína að aðsetur stofn-
unar sem ynni að málefnum landsbyggðarinnar
væri best komið á landsbyggðinni.
Starf forstjóra Byggðastofnunar var nýlega aug-
lýst laust til umsóknar og verður staðan veitt frá 1
janúar á næsta ári. Umsóknarfrestur er til 14. októ-
ber.
Byggðastofnun samþykkir lánareglur
NORMI hf. í Kópavogi átti lægsta
tilboðið í útboði Vegagerðarinnar á
nýrri brú sem reisa á yfir Þjórsá
við hringveginn. Tilboð Norma
hljóðar upp á tæpar 234 milljónir
króna eða um 90% af kostnaðar-
áætlun. Þegar er búið að bjóða út
lagningu vegarins vegna brúarinn-
ar og nemur sá kostnaður hátt í
200 milljónum þannig að heildar-
kostnaðurinn við framkvæmdirnar
verður vel yfir 400 milljónir króna.
Næstlægstu tilboðin áttu Ístak
með 249,4 milljónir og Íslenskir
aðalverktakar með 249,7 milljónir.
Hæsta tilboðið í verkið nam 369,5
milljónum króna sem 43% umfram
kostnaðaráætlun.
Að sögn Svans G. Bjarnasonar,
rekstrarstjóra hjá Vegagerðinni á
Selfossi, verður nýja brúin um 800
metrum neðar en gamla brúin sem
nú er ekið um yfir Þjórsá á hring-
veginum. Svanur segir að gamla
brúin sé enn mjög sterk og í góðu
lagi en einreina eins og menn
kannist vafalaust við og það sé
fyrst og fremst þess vegna sem
ráðist sé í gerð nýrrar brúar. Þá sé
því ekki að neita að í gegnum tíð-
ina hafi orðið töluvert af slysum
við gömlu brúna.
Framkvæmdir við að leggja veg-
inn eru hafnar.
Ný og breiðari
brú yfir Þjórsá
Heildarkostn-
aður yfir 400
milljónir
KRISTINN Haukur Skarphéðinsson
líffræðingur telur ekki ólíklegt að
haförn sem tók þátt í hrafnaþingi í
Búðahrauni á Snæfellsnesi í vikunni
hafi verið að voka yfir hræi.
Viktor Sveinsson, hótelhaldari að
Búðum, varð vitni að því þegar örn
skellti sér niður á klett þar sem 20–
30 hrafnar voru á hrafnaþingi. Vikt-
or segir að hrafnarnir hafi í fyrstu
hrokkið frá en fljótlega hópast í
kringum örninn.
„Það geta verið ýmsar skýringar
á því að hrafnar setjast á þessi svo-
kölluðu hrafnaþing. Þegar þeir safn-
ast saman á þessum árstíma er það
oft vegna þess að þeir eru að voka
yfir hræi. Það getur verið eitthvað
sjórekið eða dauð kind. Örninn get-
ur verið á höttunum eftir því sama.
Yfirleitt sækja ernir ekki í hrafna-
hópa vegna þess að þeir eiga til að
áreita hann. Ég hef oft séð það ger-
ast. Þá hafa hrafnarnir elt örninn og
hrakið hann í burtu,“ sagði Kristinn.
Kristinn sagði að ernir ættu það
til að drepa hrafna, en hrafnar væru
hins vegar miklu fimari fuglar og
ættu auðvelt með að komast undan
örnum. Kristinn sagði að örninn sem
Viktor sá í Búðahrauni gæti líka ver-
ið ungur örn, en þeir gerðu stundum
alls kyns undarlega hluti sem væru
ekki eftir bókinni.
Kristinn sagði að ernir væru hræ-
ætur líkt og hrafninn. „Það er þekkt
erlendis þar sem ernir hafa verið of-
sóttir að þeir nota stundum hrafna
og krákur sem eins konar gæðastýr-
ingu á því hvort óhætt sé að fara í
hræið. Þeir bíða eftir að smærri
fuglarnir safnist að því. Þegar þeir
sjá að öllu er óhætt skella þeir sér í
hópinn. Gammar og ernir gera þetta
gjarnan,“ sagði Kristinn.
Örn á hrafnaþingi í Búðahrauni
Voru líklega að voka yfir hræi
FORMENN Kjördæmissambands
framsóknarmanna í Reykjavíkur-
kjördæmi norður, Félags ungra
framsóknarmanna í Reykjavíkur-
kjördæmi norður og Framsóknar-
félags Reykjavíkurkjördæmis
norður hafa skorað á Halldór Ás-
grímsson, formann flokksins að
bjóða sig fram í efsta sæti listans í
kjördæminu. Haldinn var fundur í
gær að frumkvæði Ólafs Arnar
Haraldssonar þingmanns í Reykja-
víkurkjördæmi þar sem áskorunin
á Halldór var samþykkt.
Í ályktun fundarins segir að
ljóst sé að nýlegar breytingar á
kjördæmaskipan feli í sér tækifæri
fyrir framsóknarmenn. „Fram-
sóknarflokkurinn nýtur vaxandi
fylgis í höfuðborginni og framboð
Halldórs Ásgrímssonar myndi
auka enn á styrk flokksins þar. Að
því vilja framsóknarmenn í
Reykjavíkurkjördæmi norður
vinna og skora því á formann
Framsóknarflokksins að leiða lista
flokksins í kjördæminu við næstu
alþingiskosningar.“
Skora á Halldór að fara
fram í Reykjavík