Morgunblaðið - 17.10.2002, Page 19

LANDIÐ
MORGUNBLAÐIÐ FIMMTUDAGUR 17. OKTÓBER 2002 19
SKJERN Salonorkester heimsótti
Stykkishólm á sunnudaginn, 13.
október, og hélt tónleika í félags-
heimilinu. Hljómsveitin er í viku
ferðalagi um Ísland og notar
haustfríið sitt til þess. Í hljómsveit-
inni eru tveir Íslendingar, Daði Þór
Einarsson, og Kristjón, sonur hans.
Daði var í mörg ár skólastjóri Tón-
listarskólans í Stykkishólmi, en
hefur búið í Skjern á Jótlandi í 2 ár.
Skjern Salonorkester hóf starf-
semi sína árið 1989 og eru hljóð-
færaleikarar frá Skjern og næsta
nágrenni. Hljómsveitina skipa 25
manns á aldrinum 14–75 ára.
Hljóðfæraleikararnir eiga það
sameiginleg að þeir hafa yndi af að
leika salon-tónlist, sem er tónlist
eins og leikin er fyrir fínni
skemmtanir eins og síðkjólaböll
eins og árshátíðir og galaböll.
Hljómsveitin samanstendur af
strengjasveit, tré- og málmblás-
urum, píanói, bassa og trommum
og söngvörum.
Á dagskránni voru marsar, vals-
ar, tangóar, cha-cha og fleiri
fjörug danslög sem gaman var á að
hlusta.
Hljómsveitin hefur í gegnum tíð-
ina ferðast töluvert og ásamt því að
ferðast innan Danmerkur hefur
hljómsveitin m.a. farið til Póllands,
Frakklands og Ungverjalands. Með
þessari ferð bætist Ísland í safnið.
Meðan á dvölinni stendur verður
farið víða um suðvesturhornið.
Stjórnendur hljómsveitarinnar
eru Lis Theilgaard, sem jafnframt
er skólastjóri Skjern Musikskole,
og Daði Þór Einarsson aðstoð-
arstjórnandi.
Morgunblaðið/Gunnlaugur Árnason
Kristjón Daðason söng einsöng með dönsku hljómsveitinni í félagsheimilinu í Stykkishólmi.
Dönsk hljómsveit í heimsókn
Stykkishólmur
STÓR flutningabifreið valt á hring-
vegi 1 við vegamótin til Hvamms-
tanga um miðjan dag á þriðjudag.
Bifeiðin er frá Hringrás ehf. og var
að flytja brotamálm frá vinnslusvæði
á Hvammstanga til Skagastrandar
þegar óhappið varð. Hlassið var um
tuttugu og þrjú tonn og var bifreiðin
með tengivagn. Hann fór ekki af
hjólunum, en allur farmur bifreiðar-
innar hentist af. Ökumaður bifreið-
arinnar hlaut áverka á eyra og
eymsli í öxlum og hálsi. Var hann þó
á vettvangi til að koma bifreiðinni
aftur á veginn, en vagninn var tæmd-
ur yfir á aðra bifreið. Þessi gatnamót
eru ekki vel hönnuð og hafa oft orðið
umferðaróhöpp við þau.
Morgunblaðið/Karl Á. Sigurgeirsson
Valt með 23 tonna hlass
Hvammstangi