Morgunblaðið - 01.11.2002, Blaðsíða 42
UMRÆÐAN
42 FÖSTUDAGUR 1. NÓVEMBER 2002 MORGUNBLAÐIÐ
BJÖRGVIN G. Sigurðsson gefur
kost á sér í flokksvali Samfylking-
arinnar í Suðurkjördæmi. Það er
mjög mikilvægt að
vita að við erum með
kosningu Björgvins í
flokksvalinu að
tryggja kjör framtíð-
armanns okkar á
suðursvæðinu þar
sem hann mun búa
hér nái hann kjöri. Framtíðarfor-
ingja sem við getum verið stolt af
sem fulltrúa okkar á hinu pólitíska
sviði.
Hann er einarður baráttumaður
fyrir hagsmunum og kjörum þeirra
sem minna mega sín og ég veit að
hann mun láta sig miklu varða hags-
muni þeirra sem eiga við geðræn
vandamál að stríða en í gegnum
starf mitt á Sogni veit ég að það þarf
að lyfta grettistaki í málefnum geð-
fatlaðra og treysti ég Björgvini
mæta vel fyrir því mikilvæga verk-
efni.
Tryggjum Björgvini glæsilega
kosningu í flokksvalinu 9. nóvember.
Björgvin er
okkar maður
Drífa Eysteinsdóttir, deildarhjúkrunarfræð-
ingur á réttargeðdeildinni á Sogni, skrifar:
BARÁTTUNNI við að mynda hér
einn stóran og öflugan jafn-
aðarmannaflokk er hvergi nærri lok-
ið. Til að þessi hugsjón verði að
veruleika þurfum við
nú fyrst og fremst
sterkan og sam-
stilltan þingflokk.
Hér í Suðvest-
urkjördæmi höfum
við tækifæri til þess
að velja þetta fólk í
beinni kosningu 9. nóv. nk. Ég vil
hvetja ykkur til að hugsa vel ykkar
gang. Næsta kjörtímabil getur ráðið
úrslitum um framtíð Samfylking-
arinnar. Við skulum því ekki sofna á
verðinum og velja í þessi sæti fólk
sem við treystum best til að halda á
lofti merki jafnaðar og félagshyggju.
Ég drep hér niður penna til stuðn-
ings Stefáni Bergmann. Stefán er
einlægur náttúruverndarsinni og
var m.a. formaður Náttúruvernd-
arfélags Suðvesturlands.
Stefán er dósent í líffræði og um-
hverfismennt við KHÍ. Hann er
þaulvanur sveitarstjórnarmaður og
er nú 1. varabæjarfullrúi Neslistans
á Seltjarnarnesi. Ég skora á ykkur,
félagar, að veita Stefáni öflugt
brautargengi í prófkjörinu 9. nóv.
Styðjum Stefán
Bergmann
Páll Árnason skrifar:
SAMFYLKINGARFÓLK á
margra góðra kosta völ í prófkjörinu
hinn 9. nóvember nk. þar sem 13
karlar og konur hafa gefið kost á
sér. Nú er það okkar hlutskipti að
velja úr þessum hópi
það fólk sem við telj-
um líklegast til af-
reka á alþingi.
Við, sem gerum
kröfu til þess að
samfélagið haldi úti
virku öryggisneti
fyrir þá sem fara halloka í lífsbarátt-
unni, eigum varla betri kost í þessu
prófkjöri en Jóhönnu Sigurð-
ardóttur. Hún hefur áratugum sam-
an barist af ákveðni og eindrægni
fyrir bættum kjörum aldraðra, ör-
yrkja og annarra sem eiga undir
högg að sækja.
Fyrir síðustu alþingiskosningar
vann Jóhanna glæsilegan sigur í
prófkjöri Samfylkingarinnar í
Reykjavík, þar sem 6–7 þúsund
manns kusu hana til að leiða Sam-
fylkinguna í Reykjavík. Ég ætla fyr-
ir mitt leyti að styðja hana til áfram-
haldandi starfa á alþingi og vonandi í
næstu ríkisstjórn. Ég skora á annað
jafnaðar- og félagshyggjufólk að
gera hið sama.
Styðjum Jóhönnu
Vilborg Sigrún Ingvarsdóttir fram-
kvæmdastjóri skrifar:
ÞEGAR fólk sameinaðist úr ólík-
um stjórnmálahreyfingum í eina
fylkingu skipti miklu að sátt ríkti um
forystuna. Rannveig Guðmunds-
dóttir hefur verið í
forystuhlutverkinu í
Reykjaneskjördæmi
og vann frækilegan
prófkjörssigur fyrir
fjórum árum.
Rannveig hefur
verið ötul í að hvetja
áfram og miðla öðru Samfylking-
arfólki af þeirri reynslu og þekkingu
sem hún hefur öðlast á löngum
stjórnmálaferli, hvort sem er í sveit-
arstjórnarmálum eða landsmál-
unum. Hún hefur fylgt fast eftir okk-
ar ýmsu réttlætismálum. Ég treysti
henni fullkomlega til að standa vörð
um helstu baráttumálin, svo sem
jöfnun lífskjara, jafnrétti og bætt
kjör aldraðra og öryrkja svo eitt-
hvað sé nefnt.
Ég hvet Samylkingarfólk til að
velja Rannveigu í 1. sæti í flokksval-
inu 9. nóvember nk.!
Rannveigu
í 1. sæti
Dóra Hlín Ingólfsdóttir skrifar:
VELFERÐARÞJÓÐFÉLAGIÐ
á undir högg að sækja um þessar
mundir. Í prófkjörum flokkanna
keppast flestir fram-
bjóðendur við að
sýna fram á hversu
miklir nútímamark-
aðssinnar þeir séu.
Upp úr hópi fram-
bjóðenda gnæfir
samt einn sem aldrei
hefur sofnað á vaktinni fyrir þá hópa
sem mest þurfa á málsvara að halda
á alþingi Íslendinga. Margir líta svo
á að Jóhanna Sigurðardóttir sé
besta tryggingin fyrir því að hags-
muna þessara þjóðfélagshópa sé
gætt á Alþingi – þannig að aldrei
verði sofnað á verðinum í jafnrétt-
ismálum. Jóhanna hefur ótrauð stað-
ið vörð um grundvallargildi velferð-
arsamfélagsins, hvort sem um er að
ræða hagsmuni fjölskyldunnar,
barna, öryrkja eða aldraðra. Enginn
íslenskur stjórnmálamaður hefur
staðið jafn vel vaktina í þágu þessa
fólks.
Þess vegna skora ég á fólk að
ganga til liðs við Samfylkinguna og
kjósa Jóhönnu Sigurðardóttur í ann-
að sætið – til að leiða annað Reykja-
víkurkjördæmanna.
Hún stendur
vörð um velferð-
arþjóðfélagið
Katrín Theodórsdóttir, lögmaður og fyrrver-
andi framkvæmdastjóri þingflokks jafn-
aðarmanna, skrifar:
ÞEGAR fjallað er um hagsmuni
launamanna á Alþingi eða mál sem
varða elli- og örorkulífeyrisþega
verður maður stundum var við skiln-
ings- og þekkingarleysi á málefnum
er þessa aðila varða. Sárafáir þing-
menn hafa komið að
kjarabaráttu og gerð
kjarasamninga og
skilja því ekki hvern-
ig kaupin gerast á
eyrinni.
Bryndís Hlöðvers-
dóttir starfaði um
tíma sem lögmaður verkalýðshreyf-
ingarinnar og ég kynntist störfum
hennar vel. Hún hefur til að bera
haldgóða þekkingu á lögum og mál-
efnum launamanna. Auk þess rétt-
indamálum þeirra sem minna mega
sín í þjóðfélaginu og hefur verið
ákaflega virk í jafnréttismálum.
Bryndís stefnir að 2. sæti í próf-
kjöri Samfylkingarinnar. Þeir sem
vilja stuðla að því að réttsýnn bar-
áttumaður komi að umfjöllun á Al-
þingi þegar málefni og réttindamál
þessara hópa eru á dagskrá, setja
Bryndísi Hlöðversdóttur ofarlega á
lista í prófkjöri Samfylkingarinnar.
Bryndís í 2. sæti
Guðmundur Gunnarsson skrifar:
SAMANLAGÐUR hagnaður
Landsbanka, Búnaðarbanka og Ís-
landsbanka á síðasta ári var um 6
milljarðar króna og
hafði þrefaldast frá
árinu á undan.
Vaxta- og þjón-
ustugjöld bankanna
voru 36 milljarðar
króna á sl. ári og
höfðu aukist um 40%
á milli ára. Fákeppnin sem ríkir á
bankamarkaði gerir það að verkum
að „bankarnir hafa kverkatak á
litlum og meðalstórum fyr-
irtækjum“, svo vitnað sé orðrétt í
grein sem Jóhanna Sigurðardóttir
alþingismaður skrifaði í DV fyrr á
þessu ári. Án lítilla og meðalstórra
fyrirtækja yrði lítið atvinnulíf á Ís-
landi. En lítil og meðalstór fyrirtæki
eiga ekki auðvelt með að blómstra
við slík ofurkjör.
Við höfum þörf fyrir þingmenn
sem hafa vilja til að taka á bankaokr-
inu, sem Jóhanna hefur að líkindum
oftar vakið máls á en nokkur annar
þingmaður. Sjáum til þess að hún
hljóti glæsilega kosningu í prófkjöri
Samfylkingarinnar í Reykjavík 9.
nóvember.
Bankaokrið burt
Jónas Ástráðsson vélvirki skrifar:
JAFNAÐARMENN leggja jafna
áherslu á frjálst og kraftmikið at-
hafna- og viðskiptalíf og öfluga vel-
ferðarþjónustu. Það sem greinir jafn-
aðarmenn frá hægrimönnum í
nútímalegum stjórnmálum er sú af-
staða að sameiginlegir sjóðir greiði
velferðarþjónustuna. Jafnaðarmenn
hafna því að farið sé ofan í vasa al-
mennings þegar grunnþættir velferð-
ar eru annars vegar.
Samfylkingin þarf að hafa skýra af-
stöðu til velferðarmála. Flokkurinn
þarf að taka af öll tvímæli um að ríkið
beri fjárhagslega ábyrgð á grunn-
þáttum velferðarþjónustunnar. Sam-
fylkingin verður að hafna þeirri þróun
sem átt hefur sér stað á síðustu árum
að sjúklingar greiði hluta nauðsyn-
legrar heilsugæslu eða nemendur
mikilvæg námsgögn í grunn- og fram-
haldsskólum.
Velmegunarþjónusta er
ekki velferðarþjónusta
Samfylkingin þarf einnig að hafa
skýra afstöðu til þess á hverjum tíma
hvaða þjónusta það er á sviði heil-
brigðis-, félags- og menntamála sem
telst velferðarþjónusta og hvað vel-
megunarþjónusta. Það er eitt af mik-
ilvægari verkefnum stjórnmála að
ákveða hvað greiða skal úr sameig-
inlegum sjóðum og hvað ekki. Jafn-
aðarmenn hlaupa ekki undan þeirri
ábyrgð. Jafnaðarmenn geta ekki unað
því að móðir með veikt barn taki þátt í
kostnaði við heimsókn til heimilis-
læknis. Jafnaðarmenn geta ekki verið
sáttir við að nám í framhaldsskólum
sé miðað við fartölvueign nemenda
nema þá að hið opinbera leggi þeim
það til. 150 þúsund króna útgjöld
vegna fartölva raska verulega fjárhag
margra heimila. Ef tölva er í nútíma
skóla jafnmikilvæg í skólastofu og
borð og stóll þá verður skólinn að
leggja nemendum til slík námstæki.
Að velja framtíðina
Fjárhagsleg ábyrgð samfélags-
sjóða á velferðarþjónustu kallar á
aukin útgjöld til þeirra málaflokka.
Hjá því verður ekki komist og því
kallar samfélag framtíðar á að okkur
takist að draga úr útgjöldum á öðrum
sviðum. Má þar t.d. benda á framlög
ríkisins til atvinnuvega sem búa við
skipulag sem ekki hefur staðist tím-
ans tönn. Ber þar helst að nefna land-
búnað. Getur það verið að við teljum
mikilvægara að styðja bónda um 2
milljónir króna á ári svo hann geti
áfram unnið óarðbæra vinnu, fremur
en að leggja til með syni hans við nám
í framhaldsskóla eða greiða fyrir
grunnþjónustu við heilsugæslu barna
hans?
Í stjórnmálum þarf oft að taka erf-
iðar ákvarðanir og velja og hafna.
Jafnaðarmenn velja velferð og hafa
skýra sýn á samfélag menntunar og
umhyggju sem byggist á frjálsu og
arðbæru athafnalífi. Þeir vita að leiðin
að því marki getur verið grýtt en það
dregur ekki úr þeim kjarkinn.
Aukum velferð
Eftir Ásgeir
Friðgeirsson
Höfundur er ritstjóri og tekur þátt í
flokksvali Samfylkingarinnar í
Suðvesturkjördæmi.
„Getur það
verið að við
teljum mik-
ilvægara að
styðja
bónda um 2 milljónir
króna á ári svo hann
geti áfram unnið óarð-
bæra vinnu, fremur en
að leggja til með syni
hans við nám í fram-
haldsskóla eða greiða
fyrir grunnþjónustu við
heilsugæslu barna
hans?“
MENNTUN og mannauður á að
vera undirstaða í efnahags- og vel-
ferðarskipan framtíðarinnar. Það
þarf að lyfta grettistaki á sviði
menntamála eftir áratug metnað-
arleysis undir forystu Sjálfstæð-
isflokksins. Menntastefna stjórn-
valda hefur einkennst af deyfð og
kyrrstöðu. Þessu þarf að breyta
með markvissri menntabyltingu
þar sem skólakerfið allt er endur-
skoðað og auknum fjármunum
veitt til þess. Besta fjárfesting
sem þjóðfélagið getur ráðist í er
að mennta mannaflann á fjölmörg-
um sviðum. Það þarf t.d. að stytta
framhaldsskólann, stórefla verk-
menntun og fjölga verulega tæki-
færum til endur- og símenntunar.
Annað tækifæri
Samfylkingin hefur kynnt metn-
aðarfulla hugmynd um annað tæki-
færi til náms. Samfélagið skuldar
þeim sem hafa horfið frá námi eða
vilja bæta við menntun sína að
dyrnar séu opnaðar fyrir þá til að
nema eitthvað nýtt og öðlast þann-
ig fleiri tækifæri á vinnumarkaði.
Annað tækifæri í menntun á að
byggjast á aðgengilegu grunn-
námi, framhaldsnámi, starfsnámi
eða námstilboðum fyrir þá sem
vilja bæta við sína fyrri menntun
eða hasla sér völl á nýjum sviðum.
Þannig jöfnum við tækifærin og
búum til öfluga veitu inn í atvinnu-
lífið.
Jafn aðgangur og virk símennt-
un skipta höfuðmáli. Fjölbrauta-
skólarnir hleyptu nýju lífi inn á
fjölmörg þéttbýlissvæði á lands-
byggðinni og blasa dæmin við.
Bæjarbragurinn er allur annar og
mannlífið litríkara og kraftmeira
fyrir vikið. Unga fólkið er lengur
heima og foreldrar þurfa ekki að
flytjast búferlum til Reykjavíkur
til að halda heimili meðan á fram-
haldsskólagöngu unglinganna var-
ir. Þessu þarf að fylgja eftir með
því að beita öllu afli við að fá fleiri
skóladeildir á háskólastigi á lands-
byggðina og efla hlutverk
Fræðslunets og fjarnáms. Við
jafnaðarmenn eigum að leggja
metnað okkar í það að standa fyrir
róttækri menntastefnu sem leggur
grunninn að fjölbreyttum atvinnu-
háttum framtíðarinnar.
Markvissa
menntabyltingu
Eftir Björgvin G.
Sigurðsson
Höfundur er þátttakandi í flokksvali
Samfylkingarinnar.
„Annað
tækifæri í
menntun á
að byggjast
á aðgengi-
legu grunnnámi, fram-
haldsnámi, starfsnámi
eða námstilboðum.“
JÓHANNA Sigurðardóttir sækist
eftir að leiða annað Reykjavík-
urkjördæmanna í prófkjöri Samfylk-
ingarinnar í Reykjavík og kannski
álíta einhverjir að
hún muni nánast
sjálfkrafa ná því
sæti, svo almennrar
virðingar sem hún
nýtur. Þetta er þó
ekki sjálfgefið og við
sem viljum styðja
hana áfram til góðra verka þurfum
nú að fylkja liði. Jóhanna Sigurð-
ardóttir hefur um áraraðir barist af
óbugandi þrautseigju fyrir bættum
kjörum þeirra sem minna mega sín í
samfélaginu, bæði sem ráðherra og
óbreyttur þingmaður. Í upphafi þess
þings sem nú situr má nefna frum-
varp um afkomutryggingu aldraðra
og öryrkja sem Jóhanna vill að verði
grundvöllur nýrra laga um almanna-
tryggingar. Og það má líka nefna til-
lögu hennar um framkvæmdaáætlun
til 4 ára um leiguhúsnæði á viðráð-
anlegu verði, svo aðeins séu nefnd
tvö þingmál sem hún flytur nú –
nánast gripin upp af handahófi.
Við þurfum
Jóhönnu áfram
Hildur Erlingsdóttir skrifar:
ÉG ER Reykvíkingur sem skrif-
ar grein um prófkjör Samfylking-
arinnar í Suðvesturkjördæmi. Slíkt
gerist ekki nema
mikið liggi við.
Umræðan um
prófkjörið þar hefur
hingað til nær að-
eins snúist um skip-
an 1. sætisins. Þar
eru tveir ágætir
frambjóðendur að keppa um 1. og
2. sætið og skipti ég mér ekki af
þeirri röð. En áhyggjur mínar
byggjast á hagsmunum Samfylk-
ingarinnar allrar. Hvernig mun
þingkonunni Þórunni Sveinbjarn-
ardóttur vegna? Þórunn hefur á
þingi sérhæft sig í erfiðustu og við-
kvæmustu málum Samfylking-
arinnar, í utanríkismálum og ör-
yggismálum. Hún hefur gert það af
þekkingu og þrótti sem hvarvetna
hefur vakið virðingu og athygli.
Það væri mér og mörgum fleirum
næstum því óbærileg tilhugsun ef
þessi málefnaríka 35 ára kona fengi
ekki öruggt sæti á lista Samfylk-
ingarinnar. Og hvílík skömm slíkt
yrði fyrir Samfylkinguna!
Ágætu félagar í Suðvest-
urkjördæmi: Verið einhuga um að
styðja Þórunni Sveinbjarnardóttur
í 3. sæti.
Styðjið Þórunni
Sveinbjarnar-
dóttur
Gísli Gunnarsson prófessor skrifar: