Morgunblaðið - 01.11.2002, Blaðsíða 41

UMRÆÐAN
MORGUNBLAÐIÐ FÖSTUDAGUR 1. NÓVEMBER 2002 41
ÞAÐ stefnir í ófremdarástand í
heilsugæslunni á Suðurnesjum og í
Hafnarfirði. Fólki á Suðurnesjum
hefur verið bent á að sækja sér
læknishjálp til Læknavaktarinnar í
Kópavogi. Læknavaktin segist
ekki munu ráða við allan þann
mannfjölda sem gæti þurft að leita
til hennar úr Reykjanesbæ. Hafn-
firðingar verða einnig án heim-
ilislækna innan skamms ef fram
heldur sem horfir.
Heimilislæknirinn:
Fyrsta stopp
Mitt í þessu alvarlega ástandi
má lesa í fréttum af vísindaþingi
Félags íslenskra heimilislækna að
fátt sé líklegra til þess að efla lýð-
heilsu og almenna hreysti Íslend-
inga en öflug heilsugæsla þar sem
fyrsta stopp fólks er hjá heim-
ilislækninum sínum; þeim sem
þekkir sjúkrasögu viðkomandi,
jafnvel sjúkrasögu fjölskyldu hans,
og veit hvernig einstaklingnum
hefur reitt af í lífinu. Þetta eru
ekki ný sannindi en afar markverð
í ljósi þróunar íslenska heilbrigð-
iskerfisins undanfarin ár. Sérfræð-
ingar hafa oft ekki heildarmynd af
sjúklingnum og kvillum hans, eins
og heimilislæknir sem leitað hefur
verið til, oft árum saman. Vissu-
lega er stundum einfaldast fyrir
fólk að leita beint til sérfræðinga.
Til dæmis eru kvenlækningar ólík-
ar öðrum sérfræðilækningum að
því leyti að varla er sú kona til
sem ekki þarf að leita til kven-
læknis um ævina og þau vandamál
sem konur kunna að glíma við geta
verið mjög sértæk og kalla á milli-
liðalaus samskipti við sérfræðinga.
Ég hygg að sú staðreynd sé al-
mennt viðurkennd.
Þúsundir án heimilislæknis
Við blasir að þúsundir manna á
suðvesturhorni landsins eru án
heimilislæknis. Það leiðir svo aftur
til þess að fólk neyðist til að leita
dýrari úrræða til að fá lækningu
við almennum kvillum og um-
gangspestum. Í Kópavogi eru nú
2.200 manns um hvern heilsu-
gæslulækni. Brýn þörf er fyrir að
ný heilsugæslustöð í Salahverfinu
verði opnuð sem allra fyrst. En af
ríkisins hálfu virðist allt standa
fast í þeim efnum. Sú staðreynd að
ríkisvaldið hefur ekki gripið í
taumana og takmarkað aðgang al-
mennings að sérfræðingum með
einhverjum hætti hefur leitt til
þess að frá árinu 1997 hefur kostn-
aður ríkisins vegna hverrar komu
til sérfræðilæknis aukist. Við þetta
ástand verður ekki unað. Á valda-
árum Framsóknarflokksins í heil-
brigðiráðuneytinu hefur rekstur
heilbrigðiskerfisins bólgnað út en
um leið hefur þjónusta þess orðið
dýrari og óaðgengilegri fyrir hinn
almenna borgara.
Ófremdarástand
í heilsugæslu
Eftir Þórunni
Sveinbjarnardóttur
„Í Kópavogi
eru nú
2.200
manns um
hvern heilsu-
gæslulækni.“
Höfundur er alþingiskona fyrir
Samfylkinguna.
EINAR Karl Haraldsson er fé-
lagsmálamaður. Hann er hug-
myndaríkur dugnaðarforkur og
skirrist hvorki við
að taka áhættu né
ábyrgð. Hann nam
stjórnmálafræði í
Frakklandi og Sví-
þjóð og frá unga
aldri hefur hann
verið tengdur og
virkur í stjórnmálabaráttu á Ís-
landi. Sem fréttamaður á Rík-
isútvarpinu, blaðamaður á Tím-
anum, fréttastjóri og síðar ritstjóri
Þjóðviljans og ritstjóri hins nor-
ræna stjórnmálatímarits Nordisk
kontakt hefur hann haft stjórnmál
að viðfangsefni sínu í áratugi. Eftir
að hann haslaði sér völl sem ráð-
gjafi hefur hann ekki aðeins unnið
náið með stjórnmálaforingjum og
verkalýðsleiðtogum heldur einnig
með mörgum forystumönnum í at-
vinnulífinu, einkum á sviði nýsköp-
unar á fyrirtækja- og fjár-
málamarkaði. Einar Karl var fyrsti
ritstjóri Fréttablaðsins. Hann er
því maður með víðfeðma þekkingu
á samfélaginu og mikla yfirsýn.
Með því að veita honum braut-
argengi í 4. sæti á lista Samfylking-
arinnar stuðlar þú, lesandi góður,
að því að á alþingi setjist afburða
liðsmaður. Taktu þátt í prófkjörinu
og kjóstu Einar Karl í 4. sæti.
Einar Karl
í 4. sæti
Guðmundur Þ. Jónsson skrifar:
NÆSTA vor gengur Samfylkingin
til Alþingiskosninga í fyrsta sinn sem
stjórnmálaflokkur. Mikið hefur áunn-
ist síðan ábyrgir for-
ystumenn á vinstri
væng stjórnmála
ákváðu að hreinsa til
og hefja nýja sókn
undir merkjum sam-
einingar. Margrét
Frímannsdóttir stóð
sig eins og hetja á þeirri leið og sýndi
í síðustu kosningunum að hún á per-
sónufylgi langt út fyrir raðir hörðustu
stuðningsmanna Samfylkingarinnar.
Hún er því rökrétt val í fyrsta sæti í
Suðurkjördæmi fyrir þá sem vilja
styrkja forystu flokksins til frekari
átaka. Sem varaformaður flokksins
gegnir hún mikilvægu hlutverki fyrir
okkur öll sem viljum veg Samfylking-
arinnar sem mestan. Persónuleiki
hennar og jarðsamband í stjórn-
málum tryggir þá breidd sem verður
að vera í Samfylkingunni.
Rétt eins og ég lýsi yfir stuðningi
mínum við varaformann flokksins í
fyrsta sæti í Suðurkjördæmi hvet ég
Reykvíkinga til að skipa formann-
inum, Össuri Skarphéðinssyni, í önd-
vegi í prófkjörinu sem fer fram í
borginni. Þessir tveir forystumenn
flokksins þurfa að fá góða kosningu
sem veganesti í baráttu þar sem
reyna mun mjög á krafta þeirra.
Veganesti frá flokksmönnum í próf-
kjöri skiptir miklu máli fyrir styrk
þeirra.
Margrét
Frímannsdóttir
í fyrsta sæti
Stefán Jón Hafstein skrifar: