Morgunblaðið - 01.11.2002, Blaðsíða 50
MINNINGAR
50 FÖSTUDAGUR 1. NÓVEMBER 2002 MORGUNBLAÐIÐ
Í FRÍKIRKJUNNI Kefas er nú hafið
nýtt starf sem ætlað er þeim sem eru
á aldrinum 11–13 ára, þ.e. fæddir
1989, 1990 og 1991.
Starfið verður þannig uppbyggt
að samverustundir verða til að byrja
með á tveggja vikna fresti, tvo tíma í
senn. Markmiðið með þessu starfi er
að mæta þessum hópi ungmenna
sem eru að nálgast unglings- og full-
orðinsárin. Það viljum við gera m.a.
með því að hafa samverustundir sem
miðast einungis að því að þjóna til
þeirra. Þau munu fá fræðslu og leið-
beiningu í orði Guðs, vera frjálst að
ræða það sem er í huga þeirra, koma
með spurningar og sínar eigin hug-
leiðingar og svo eiga samfélag sam-
an sem er mjög mikilvægt er fyrir
þennan aldurshóp.
Samverustundirnar verða í
stórum dráttum þannig að fyrri
hlutinn fer í fræðslu og spjall en síð-
ari hlutinn verður frjáls og hægt
verður þá að fara í billiard, borð-
tennis, hlusta á tónlist og gera ann-
að skemmtilegt. Í nóvember verða
þessar stundir 1., 15. og 29. nóv. kl.
19.30–21.30. Að sjálfsögðu eru allir
á þessum aldri hjartanlega velkomn-
ir og vinir og vinkonur einnig!
Umsjónarmaður starfsins er
Björg R. Pálsdóttir
Fríkirkjan KEFAS,
Vatnsendabletti 601.
Tónleikar til styrktar
hungruðum
FÖSTUDAGINN 1. nóvember kl. 20
verða haldnir tónleikar í húsi KFUM
ogK á Holtavegi 28 til styrktar
hungruðum í Pókot í Kenýa.
Það eru systkinin Heiðrún, Ólöf
Inger og Jón Magnús Kjartansbörn
sem standa fyrir tónleikunum. Þau
hafa alist upp í Kenýa þar sem for-
eldrar þeirra voru kristniboðar.
Systurnar Heiðrún og Ólöf Inger
eru helmingur Kanga kvartettsins
sem margir þekkja vegna geisla-
disksins sem gefinn var út í fyrra til
styrktar starfi Kristniboðs-
sambandsins.
Salóme Huld Garðarsdóttir,
kristniboði í Kenýa, segir að í upp-
siglingu sé hungursneyð á sléttum
Pókot vegna mikilla þurrka og upp-
skerubrests. Það er talið að um 90
þús. manna séu í hættu ef ekkert
verði að gert. Salóme segir að sé
ekki auðvelt að hafa nóg að borða og
þurfa að horfa upp á vini sína og ná-
granna líða skort. Þau systkini vilja
leggja sitt af mörkum til að hægt sé
að hjálpa þessu fólki. Aðgangseyrir
á tónleikana rennur óskiptur til mat-
arkaupa fyrir bágstadda. Allir eru
hjartanlega velkomnir.
Samverustundir
í Kefas fyrir
11–13 ára
Laugarneskirkja. Mömmumorgunn kl. 10
í umsjá Aðalbjargar Helgadóttur. Kaffi-
spjall fyrir mæður, góð upplifun fyrir börn.
Boðunarkirkjan, Hlíðarsmára 9. Sam-
komur alla laugardaga kl. 11–12.30. Lof-
gjörð, barnasaga, prédikun og biblíu-
fræðsla. Barna- og unglingadeildir á
laugardögum. Létt hressing eftir samkom-
una. Allir velkomnir. Biblíufræðsla alla
virka daga kl. 10, 13 og 22 á FM 105,5.
Fella- og Hólakirkja. Starf fyrir 8–10 ára
drengi á laugardögum kl. 11. Starf fyrir
11–12 ára drengi á laugardögum kl.
12.30.
Kefas. Starf fyrir 11–13 ára kl. 19.30–
21.30. Fræðsla, spjall og leikur fyrir 11–
13 ára. Allir á þessum aldri eru hjartan-
lega velkomnir.
Hvítasunnukirkjan á Akureyri. Unglinga-
samkoma í kvöld kl. 21.
Sjöundadags aðventistar á Íslandi:
Samkomur á laugardögum:
Aðventkirkjan, Ingólfsstræti: Biblíu-
fræðsla kl. 10. Guðsþjónusta kl. 11.
Ræðumaður Sigríður Kristjánsdóttir.
Loftsalurinn Hólshrauni 3, Hafnarfirði:
Guðsþjónusta/Biblíufræðsla kl. 11.
Ræðumaður Björgvin Snorrason.
Safnaðarheimili aðventista, Blikabraut
2, Keflavík: Biblíufræðsla kl. 10.15.
Guðsþjónusta kl. 11.15. Ræðumaður
Gavin Anthony.
Safnaðarheimili aðventista, Gagnheiði
40, Selfossi: Biblíufræðsla kl. 10. Guðs-
þjónusta kl. 11. Ræðumaður Eric Guð-
mundsson.
Aðventkirkjan, Brekastíg 17, Vest-
mannaeyjum: Biblíufræðsla kl. 10.
Safnaðarstarf
KR-kveðja
Gegnheill KR-ingur
er fallinn frá, Magnús
Thorvaldsson, blikk-
smíðameistari. Hann
var keppandi og þjálfari í sundknatt-
leik í áratugi.
Magnús tók mikinn þátt í starfi
sunddeildar KR sem stjórnarmaður.
Hann var glæsilegur, skemmtilegur
og drífandi, í einu orði sagt „prímus
mótor“.
Sem góður KR-ingur eins og
bræður hans allir lét hann sér mjög
annt um gengi félagsins í öllum
greinum íþrótta og gladdist mjög í
haust þegar KR varð Íslandsmeist-
ari í knattspyrnu í „okkar eigin bún-
ingi“ eins og hann sagði við mig.
Aðalstjórn sendir fjölskyldu hans
samúðarkveðjur með þakklæti fyrir
störf og stuðning Magnúsar við fé-
lagið.
Kristinn Jónsson,
formaður KR.
Látinn er í Reykjavík Magnús
Thorvaldsson blikksmíðameistari.
Ég kynntist Magnúsi þegar ég á
unglingsárum hóf sundæfingar hjá
KR. Margir knáir ungir menn voru á
æfingunum hjá Jóni Inga þjálfara.
Meðal þeirra var Maggi Thorv
eins og hann var oftast nefndur. Það
gustaði af þessum unga manni.
Hann var myndarlegur, kraftmikill
og duglegur.
Fljótlega var hann valinn til for-
ystustarfa hjá sunddeild KR. Við
deildaskiptinguna í KR 1948 varð
hann fyrsti formaðurinn og síðan um
langt árabil í stjórn deildarinnar.
Um skeið var hann fulltrúi KR í
Sundráði Reykjavíkur. Við Magnús
áttum langt og gott samstarf. Magn-
ús var hugmyndaríkur og gæddur
einstaklega mikilli bjartsýni og átti
því gott með að hrífa menn til átaka í
félagsstarfinu. Magnús var lengi
fastamaður í sundknattleiksliði KR.
Ekki var annað hægt en að vera dá-
lítið montinn með Magga okkar
Thorv þegar hann hafði það verkefni
á flestum sundmótum í Reykjavík að
ræsa keppendur af stað og sýndi þar
mikla röggsemi.
Toppurinn í sundstarfi Magnúsar
var uppbygging og þjálfun sund-
knattleiksliðsins í upphafi sjöunda
áratugarins. Hann hélt utan um
MAGNÚS
THORVALDSSON
✝ Magnús Thor-valdsson fæddist
í Reykjavík 22. júní
1926. Hann lést á
Landspítalanum í
Fossvogi 24. október
síðastliðinn og var
útför hans gerð frá
Bústaðakirkju 31.
október.
þrotlausar æfingar af
mikilli elju og óbilandi
áhuga og unga liðið
hans vann svo sinn
fyrsta titil árið 1967.
Magnús lét þetta ekki
duga. Hann æfði jafn-
framt sjósund, synti
m.a. Skerjafjarðarsund
og Viðeyjarsund.
Ég hef einkum rætt
um þátt Magnúsar
varðandi sundíþrótt-
ina, sem var sameigin-
legt áhugamál okkar.
Í viðkynningu var
Magnús þægilegur
maður, ætíð kurteis og virðulegur í
viðmóti. Hann hafði einstaklega
góða frásagnarhæfileika enda oftast
líflegt þar sem hann var í hópi.
Að leiðarlokum vil ég votta eftir-
lifandi eiginkonu hans, Önnu Gests-
dóttur, og fjölskyldu samúð svo og
Helga bróður Magnúsar. Helgi á
einnig að baki mikið og gott starf
fyrir sunddeild KR. Við gömlu fé-
lagarnir í sundinu þökkum Magnúsi
samfylgdina og samstarfið, sem hjá
sumum spannaði meira en hálfa öld.
Jón Otti Jónsson.
Kveðja frá
Golfklúbbi Borgarness
Magnús Thorvaldsson var einn af
stofnendum Golfklúbbs Borgarness
sem stofnaður var í janúar 1973.
Hann var ötull liðsmaður sem lagði
sig ávallt fram og vann af heilum hug
að þeim verkefnum sem hann tók sér
fyrir hendur. Hann vann mikið að
uppbyggingu golfvallarins að
Hamri, en á fyrstu árum klúbbsins
var mikið unnið í sjálfboðavinnu við
að byggja upp teiga, brautir og flat-
ir. Magnús sinnti einnig ýmsum öðr-
um störfum fyrir klúbbinn og var
formaður stjórnar árin 1985 og 1986.
Magnús studdi klúbbinn með ýms-
um öðrum hætti og var á tímabili
keppt um Blikksmiðjubikarinn en
fyrirtæki Magnúsar gaf verðlaun í
það mót. Magnús var mikið snyrti-
menni og lagði mikla áherslu á að
kylfingar gengju vel um golfvöllinn
og væru snyrtilegir til fara.
Magnús vann af kappi að því sem
hann tók sér fyrir hendur, hvort sem
það var fyrir Golfklúbb Borgarness
eða í öðrum verkefnum í samfélag-
inu, aðsópsmikill og fylginn sér.
Eftir að Magnús flutti úr Borg-
arnesi hafði hann frekari afskipti af
golfíþróttinni og sat m.a. í nefndum á
vegum Golfsambands Íslands.
Félagar í Golfklúbbi Borgarness
þakka af heilum hug störf Magnúsar
Thorvaldssonar fyrir klúbbinn og
senda innilegar samúðarkveðjur til
Önnu og annarra aðstandenda.
Stjórn Golfklúbbs Borgarness.
Ég veit að þú gleðst ef þú
gerir mig mát
ég græt ekki, heimur, af því.
Og þó að í mola þú brjótir minn bát,
ég byggi mér annan á ný.
Þessar hendingar komu upp í
huga mér þegar ég heyrði að hann
Kalli væri dáinn. Ég veit að þannig
varð hann stundum að hugsa,
kannski var uppbyggingin frekar
fólgin í því andlega. Það var tveim
dögum áður sem við keyrðum saman
niður Laugaveginn og vorum að
skeggræða lífið og tilveruna. Hann
keyrði mig niður á Klapparstíg þar
sem við kvöddumst í síðasta sinn. Ef
ég man rétt þá voru okkar fyrstu
kynni á Klapparstígnum.
Karli Péturssyni kynntist ég í
kringum 1968 og hafa tengsl haldist
síðan. Kalli var afar rólegur og dag-
farsprúður maður, lét ekki mikið yfir
sér, hann keyrði leigubíl á þeim ár-
um sem við kynntumst. Í kringum
1966 urðu miklar breytingar þegar
hann flutti ásamt fjölskyldu vestur á
Skarðsströnd og hóf búskap á Hval-
gröfum. Eignuðust þau hluta af
þeirri jörð og byggðu þar nýbýli sem
þau nefndu Klifmýri. Á Klifmýri bjó
hann ásamt konu sinni Eddu Her-
mannsdóttur og börnum myndarleg-
um fjárbúskap í nær 30 ár. Edda og
undirritaður eru systkinabörn. Í
kringum 1984 urðu miklar breyting-
ar, tók þá elsti sonur Kalla við jörð-
inni. Kalli flutti til Reykjavíkur og
bjó þar til dauðadags.
Ég á þér margt að þakka, Kalli,
það eru ekki margir sem áttu jafn
greiðan aðgang að hugarskoti mínu
og þú. Margt lærði ég af þinni ágætu
sérvisku sem var þér svo töm enda
var þér margt til lista lagt. Góður
fjárbóndi og hafðir gott vit á búskap
og skepnum, rakst bú þitt með
myndarbrag og ekki skaðaði allt það
dugnaðarfólk sem stóð þér við hlið. Á
ég þar við fjölskyldu þína. Eftir að
þú komst til Reykjavíkur hófust
bridskvöldin, það voru góðar stund-
ir. Þakka þér, Kalli, allt það góða við-
mót sem þú sýndir mér með látleysi
þínu og drengskap. Þakka þér góðu
stundirnar.
Hermann, Bryndís, Dagný, Sverr-
ir og Viðar, tengdabörn og barna-
börn, ég votta ykkur samúð mína.
Við vorum sammála um að á þessu
jarðríki erum við aðeins í heimsókn.
Hörður Bjarnason.
Mig langar að kveðja Kalla á Klif-
mýri með nokkrum orðum. Ég var í
sveit hjá honum í sex sumur sem
barn. Ég minnist margra góðra
stunda sem ég átti í sveitinni. Ég
KARL HAFSTEINN
PÉTURSSON
✝ Karl HafsteinnPétursson var
fæddur 21. mars 1931
í Búðardal á Skarðs-
strönd í Dalasýslu.
Hann lést á Landspít-
alanum við Hring-
braut 22. október síð-
astliðinn og var útför
hans gerð frá Grafar-
vogskirkju 31. októ-
ber.
man eins og það hafi
gerst í gær þegar við
gengum saman niður í
fjárhús og ég fékk hana
Móru í afmælisgjöf. Ég
man líka hvað mér
fannst ég verða orðinn
stór þegar hætt var að
borga með mér í sveit-
ina. Ég man líka þegar
við Sverrir vorum beðn-
ir um að moka sand-
hlassi inn í hlöðu. Ef
okkur tækist ætlunar-
verkið fyrir kvöldið yrði
okkur umbunað með
tveggja daga fríi. Tilfinningin sem
fylgdi því að klára verkið á tilsettum
tíma var ólýsanleg, svo ekki sé talað
um fríið sjálft. Ég man líka eftir
þeim umræðum sem spunnust um
veðrið í lok hvers veðurfréttatíma í
útvarpi. Í kjölfar þess voru teknar
ákvarðanir um verkefni næsta dags.
Þetta fannst mér mjög merkilegt og
þessum umræðum missti maður ekki
af. Ég man líka hversu ég dáðist að
samskiptum hans við dýrin og
hvernig hann náði til þeirra, Smala,
Skjóna og allra hinna.
Þessar og margar aðrar góðar
minningar eru tengdar Kalla. Full-
orðnir eru börnum mikilvægar fyr-
irmyndir. Kalli var ein af mínum fyr-
irmyndum. Í samskiptum við hann
upplifði maður virðingu og væntum-
þykju. Hann gaf, hann umbunaði,
hann virti og hann hlustaði. Blessuð
sé minning Kalla á Klifmýri.
Markús H. Guðmundsson.
Í dag kveðjum við Kalla. Það
hvarflaði ekki að mér að réttarferðin
í haust yrði sú síðasta. Urðum við í
mörg ár samferða vestur og naut ég
þeirra samverustunda mjög. Hann
hafði einstakt lag á að láta fólki líða
vel í návist sinni og átti það við um
unga sem aldna. Hann var hafsjór af
fróðleik og svör hans og frásagnir
voru vel ígrunduð. Ég sem borgar-
barn fékk annað og nýtt sjónarhorn
á lífið og tilveruna.
Hann passaði strákhvolpana fyrir
okkur Bryndísi öll árin svo að við
kæmumst á fjall – en auðvitað hefði
hann kosið að vera í atinu sjálfur ef
heilsan hefði leyft.
Hann naut þess að vera með
krökkunum sínum og barnabörnum
og var stoltur af hópnum. Það var
líka auðséð að hann naut samveru
við sveitunga og vini og lék þar á als
oddi. Það var oft kátt á hjalla í sveit-
inni og margt um manninn hjá systk-
inunum. Oft var vakað lengi fram-
eftir, spjallað, spáð og hlegið.
Hann var góður dansmaður og
hafði gaman af að taka snúning í
veislum og við þessi yngri fengum
oft tilsögn hjá honum. Þegar ég
minntist á við dætur hans hvað hann
væri góður danskennari sögðu þær:
„Hann pabbi, hann kenndi okkur allt
sem við kunnum.“
Ég á eftir að sakna þessara ferða
með Kalla. Kæra fjölskylda, megi
minningin um góðan föður, tengda-
föður og afa lifa um ókomna framtíð.
Hafðu þökk fyrir allt
Sigrún.
KIRKJUSTARF
Innilegar þakkir fyrir auðsýnda samúð og hlý-
hug við andlát og útför eiginmanns míns, föður
okkar, tengdaföður og afa,
GUNNLAUGS MAGNÚSSONAR,
Rauðalæk 4.
Sérstakar þakkir færum við starfsfólki Fríðu-
húss og öldrunardeildar L1 á Landakoti fyrir
góða umönnun.
Maggý Valdimarsdóttir,
Vilborg Gunnlaugsdóttir, Gamalíel Sveinsson,
Einar Gunnlaugsson, Hildigunnur Þorsteinsdóttir,
Björg Gunnlaugsdóttir Long, Gary Long,
Sigríður Gunnlaugsdóttir Bak, Brian Bak
og barnabörn.
Lokað
Verslunin Storkurinn verður lokuð í dag frá kl. 12.00 vegna jarð-
arfarar ÖRLYGS SIGURÐSSONAR.
Verslunin Storkurinn,
Laugavegi 59.
Innilegar þakkir til allra þeirra sem sýndu okk-
ur samúð, vinarhug og stuðning við andlát og
útför
GÍSLA ÓLAFSSONAR,
Glæsibæ 4,
Reykjavík,
sem jarðsunginn var frá Árbæjarkirkju föstu-
daginn 25. október.
Sérstakar þakkir til yndislegs starfsfólks hágæslu- og gjörgæsludeilda
Landspítala Fossvogi.
Minning um ástkæran eiginmann, föður, tengdaföður og afa lifir.
Aðalheiður Sigurjónsdóttir,
Margrét Gísladóttir, Haukur Halldórsson,
Grettir Gíslason, Sigríður Magnúsdóttir,
Guðrún Kristín Antonsdóttir,
barnabörn og langafabörn.