Morgunblaðið - 12.11.2002, Blaðsíða 8

FRÉTTIR
8 ÞRIÐJUDAGUR 12. NÓVEMBER 2002 MORGUNBLAÐIÐ
Rúmteppi frá kr. 5.600
Z-brautir og
gluggatjöld
Faxafen 14
108 Reykjavík
sími 525 8200
Fax 525 8201
Veffang www.z.is
Netfang z@z.is
Þetta gæti gerbreytt stöðunni hjá okkur í heilbrigðisgeiranum, Davíð minn, engar pillur
eða skurðaðgerðir, bara svona títiprjónar.
Fundur um vistvæna byggingarstarfsemi
Sjálfbær þróun
að leiðarljósi
RÁÐSTEFNA, sember yfirskriftinaVistvæn bygging-
arstarfsemi – frá skipulagi
til niðurrifs, verður haldin
á Grand Hótel Reykjavík
nk. fimmtudag, 14. nóvem-
ber, klukkan 9 til 17. Hrafn
Hallgrímsson, deildar-
stjóri hjá umhverfisráðu-
neytinu, er í forsvari fyrir
ráðstefnuna.
– Hvað er vistvæn bygg-
ingarstarfsemi?
„Þetta er spurning sem
kannski er ekki auðsvarað
í stuttu máli. En rétt er að
taka mið af hugmynda-
heimi sjálfbærrar þróunar
þar sem grunntónninn er
að ganga ekki á auðlindir
heims, skila heiminum til
komandi kynslóða í betra
eða að minnsta kosti jafngóðu
ástandi og við búum við. Þar sem
byggingariðnaður nýtir alla jafna
óendurnýjanlegt hráefni er
kannski erfitt að heimfæra þann
hugmyndaheim á byggingarstarf-
semina. Hugtakið vistvænn er hér
valið með skírskotun til að vera í
sátt við náttúruna. Það er þó ekki
alveg án vandamála því að öll
mannvirki eru misjafnlega lítið í
sátt við náttúruna. Þegar farið er
að deila byggingarstarfsemi niður
í einstaka þætti, þ.e. frumhug-
mynd, hönnun, framkvæmd,
rekstur og niðurrif, er kannski
auðveldara að gera sér grein fyrir
hvernig unnt er að nálgast lausn á
þessum þáttum í bestu hugsan-
legri sátt við manneskjuna, nátt-
úruna og umhverfið. Þá gefur líka
að skilja að vistvæn byggingar-
starfsemi getur verið önnur eða
allavega fengið aðrar áherslur á
Íslandi en í öðrum löndum. Við
höfum fengið hollenskan fyrirles-
ara, Ronald Rovers, ritstjóra al-
þjóðlegs tímarits um sjálfbær
byggingarmálefni, til að segja frá
hvernig byggt er í sátt við náttúru
og umhverfi um heim allan og í
Hollandi sérstaklega. Björn Mar-
teinsson verkfræðingur og arkí-
tekt mun svo setja þessar hug-
myndir inn í íslenskan veruleika
með áherslu á efnis- og orkunotk-
un í byggingariðnaði.“
– Hverjar verða helstu áhersl-
urnar á ráðstefnunni?
„Þarna er sum sé kominn upp-
taktur ráðstefnunnar en hér er
verið að brydda upp á skoðun
byggingarmálefna út frá sjónar-
horni sem lítt hefur verið sinnt
hér á landi. Hins vegar ber að geta
þess að nokkurs konar byrjun á
viðfangsefninu vistvæn bygging-
arstarfsemi hér á landi kom út frá
spurningunni: Hvað eigum við að
gera við byggingarúrganginn? Og
á vegum Rannsóknarstofnunar
byggingariðnaðarins og ERGO-
ráðgjafastofu í samvinnu við
Sorpu, Samtök iðnaðarins, Iðn-
tæknistofnun og Reykjavíkur-
borg hefur verið unnið rannsókn-
arverkefni er lýtur að
byggingarúrgangi. Meðal annarra
hefur umhverfisráðuneytið styrkt
verkefnið. Þegar komið
var að lokum verkefn-
isins og áformað að
kynna niðurstöður,
m.a. með ráðstefnu
kom fram hugmyndin
um að setja þetta verkefni sem er
í hæsta máta með sjálfbæra þróun
að leiðarljósi í víðtækara sam-
hengi við byggingarstarfsemi í
landinu. Þá er hugsað til allra
fyrrgreindra þátta: skipulags,
hönnunar, framkvæmdar, rekst-
urs og niðurrrifs (umbreytinga).“
– Hver er tilgangur ráðstefn-
unnar?
„Tilgangur ráðstefnunnar er að
vekja umræðu um að byggingar-
starfsemi í landinu lúti lögmálum
sjálfbærrar þróunar. Það er því
von og ósk þeirra sem að ráðstefn-
unni standa að í kjölfarið komi al-
menn umræða, málþing og fundir
sem setji þennan viðamikla geira
samfélagsins í skynjanlegt og
skiljanlegt samhengi við sjálf-
bæra þróun.“
– Hvernig verður ráðstefnan
byggð upp?
„Ráðstefnan er þannig byggð
upp að auk þeirra almennu fyr-
irlestra sem fyrr um getur verður
allítarlega gerð grein fyrir niður-
stöðum rannsóknarverkefnis um
byggingarúrgang sem unnið hef-
ur undir verkefnisstjórn Eddu
Lilju Sveinsdóttur. Auk þess er
um morguninn hugleitt í hvaða
mæli löggjöf gæti stuðlað að vist-
vænum byggingariðnaði.
Eftir hádegi er ráðstefnunni
skipt í tvær málstofur. Í annarri
þeirra eru fyrirlestrar sem eink-
um snúa að skipulagi hverfa og
hönnun bygginga. Hvað er unnt
að gera strax á skipulagsstigi?
Eru byggingarlistinni settar
skorður? Sýndar verða myndir frá
norrænni sýningu um vistvænan
arkitektúr. Þetta er raunar sam-
sýning norrænna arkitekta sem
sett var saman til sýningar í Berl-
ín í sumar. Um er að ræða far-
andsýningu og standa vonir til að
hún komi til Íslands á næsta ári.
Í hinni málstofunni verður sjón-
um beint að hringrás samfélags-
ins, þátt stjórnvalda og
hlutverki Staðardag-
skrárvinnu sveitarfé-
laga. Stuttlega verður
greint frá niðurstöðum
úr málstofum en ráð-
stefnunni lýkur með tveimur hug-
leiðingum. Önnur af vettvangi
stjórnvalds sveitarstjórna og hin
frá íbúa og notanda vistvæns um-
hverfis.“
– Hverjum er ráðstefnan ætl-
uð?
„Hún er að sjálfsögðu öllum op-
in og ætti að höfða til allra sem
áhuga hafa á víxláhrifum manns
og náttúru.“
Hrafn Hallgrímsson
 Hrafn Hallgrímsson er fæddur
í Reykjavík 1938, arkitektanám
frá 1959 í Finnlandi og starfaði
þar. Arkitekt við embætti Skipu-
lagsstjóra ríkisins 1975–83 og
frá 1984–91 á skrifstofu Nor-
rænu ráðherranefndarinnar í
Ósló og Kaupmannahöfn sem
ráðgjafi um byggingar- og hús-
næðismálefni. Deildarstjóri í um-
hverfisráðuneyti frá 1991. Eig-
inkona er Sigurlaug
Jóhannesdóttir myndlistarmaður
og börnin eru Margrét og Hall-
grímur, auk þess sem hann á
dóttur, Gyðu Kristínu, sem bú-
sett er í Svíþjóð.
Skynjanlegt
og skiljanlegt
samhengi
NÝ hjarta- og lungnaskurðlækningadeild var opnuð á
Landspítala við Hringbraut í síðustu viku. Við það
tækifæri gaf Lionsklúbburinn Víðarr deildinni 18 sjón-
varpstæki sem þýðir að hver og einn sjúklingur þar
hefur eigið sjónvarp. Með opnun nýju deildarinnar er
lokið endurskipulagningu á starfsemi og húsnæði
vegna sameiningar hjartalækninga á Landspítala – há-
skólasjúkrahúsi. Hafa hjartadeildir, bæði skurð- og lyf-
lækningar, sem verið hafa í Fossvogi, smám saman ver-
ið fluttar að Hringbraut á árinu. Á nýju deildinni verða
einnig nokkur rúm sem ætluð eru augnlækningum.
Bjarni Torfason, yfirlæknir hjartalækninga, flutti
ávarp við opnun deildarinnar. Að baki honum er Jónas
Magnússon, prófessor í skurðlækningum.
Morgunblaðið/Golli
Sameiningu hjartadeilda lokið