Morgunblaðið - 12.11.2002, Blaðsíða 19
AKUREYRI
MORGUNBLAÐIÐ ÞRIÐJUDAGUR 12. NÓVEMBER 2002 19
Hverfisgötu 6, Reykjavík, sími 562 2862
Samkvæmisfatnaður
Kynning 8.-16. nóvember
Stærðir 40-52
Blaðbera
vantar
• Skerjafjörður
Upplýsingar fást í síma
569 1122
Hjá Morgunblaðinu starfa um 600 blaðberar á
höfuðborgarsvæðinu
Skólastígur/Eyrarlandsvegur
Oddeyrargata/Brekkugata
ⓦ
Blaðburður verður að hefjast um leið og blaðið
kemur í bæinn. Góður göngutúr sem borgar sig.
Morgunblaðið,
Kau vangsstræti 1, Akureyri,
sími 461 1600.
Stjórnmála-
námskeið
Þátttökugjald 4.000 kr.
Námsmenn 2.000 kr.
Innritun
sími 462 1500 frá kl. 9-12
Netfang: xd@aey.is
Sjálfstæðisfélögin á
Akureyri efna til
stjórnmálanámskeiðs
í Kaupangi. Kennt
verður tvo laugardaga,
16. og 23. nóvember
D A G S K R Á :
16. nóvember kl. 13-17:30
Íslenska stjórnkerfið
Hannes Hólmsteinn Gissurarson
Stefna Sjálfstæðisflokksins
Halldór Blöndal
Skipulag og starf
Sjálfstæðisflokksins
Hanna Birna Kristjánsdóttir
Fjölmiðlar
Gréta Ingþórsdóttir
23. nóvember kl. 13-17:30
Ísland og umheimurinn
Tómas Ingi Olrich
Bæjarmálastarfið
Kristján Þór Júlíusson
Flutningur talaðs máls
Sunna Borg
Fundarstjórn og fundarsköp
Anna Þóra Baldursdóttir
o.fl.
ANNA Margrét Ólafsdóttir hafnaði
í áttunda sæti á Heimsmeistaramóti
unglinga í hreysti, sem fram fór í
Portúgal um helgina. Heiðrún Sig-
urðardóttir hafnaði í tíunda sæti en
þær stöllur voru fulltrúar Íslands á
mótinu. Samkvæmt upplýsingum
frá Einari Guðmann fararstjóra
stúlknanna, var styrkleiki þess mik-
ill, eins og nærri má geta þar sem
30 lönd sendu sína bestu keppendur
til leiks.
Árangur Önnu Margrétar er sá
besti sem náðst hefur á alþjóðlegu
móti í hreysti frá upphafi. Hún
hafnaði í 6. sæti í danslotunni og í 9.
sæti í samanburði. Sigurvegari
mótsins kom frá Rússlandi og heitir
Daria Akinchina og sigraði hún
með yfirburðum. Á sama tíma og
mótið fór fram var keppt í vaxta-
rækt unglinga og í karla- og
kvennaflokkum 40 ára ogeldri.
Önnu Margréti og Heiðrúnu var í
lok mótsins boðið að halda til Ja-
maica, til að kynna íþrótt sína fyrir
þarlendum en báðar vöktu þær
mikla athygli fyrir frumlegar og líf-
legar danslotur.
Anna Margrét Ólafsdóttir í keppni
á heimsmeistaramótinu í hreysti í
Portúgal um helgina.
HM unglinga í hreysti
Anna Margrét
hafnaði
í 8. sæti
FJÖLDI fólks lagði leið sína á vís-
indadag í Háskólanum á Akureyri
sl. laugardag. Þar var boðið upp á
fjölbreytta dagskrá fyrir alla fjöl-
skylduna, sem vakti ekki síður at-
hygli yngstu fjölskyldumeðlim-
anna. Flutt voru fróðleg erindi sem
tengjast daglegu lífi, forvitnilegar
tilraunir voru sýndar á sviði jarð-
vísinda, efna- og eðlisfræði, lifandi
sjávarverur voru til sýnis, sem og
varðveittar lífverur í smásjá og
víðsjá, auk vísindasmiðju fyrir
börnin.
Morgunblaðið/Kristján
Fjöldi fólks lagði leið sína í Háskólann á Akureyri á vísindadegi, þar sem
margt var að sjá og heyra. Þessi börn voru að klappa lifandi þorskum og
ýsum sem geymd voru í körum fyrir utan skólann.
Fjölmenni
á vísindadegi
LÖGREGLAN á Akureyri hætti í
gær, mánudag, þeirri áralöngu þjón-
ustu sinni að opna læsta bíla fyrir
bifreiðaeigendur. Fyrirtæki í einka-
eigu hefur nú tekið þessa þjónustu í
bænum að sér og beinir lögregla því
þeim tilmælum til þeirra sem á þjón-
ustunni þurfa að halda að snúa sér til
Aðstoðar ehf.
Ólafur Ásgeirsson aðstoðaryfir-
lögregluþjónn á Akureyri sagði að
ástæða breytingnna væri fyrst og
fremst sú að einkafyrirtæki hefði
tekið að sér að veita þessa þjónustu
og komið sér upp tækjum og tólum
til þess. Það væri siðlaust af okkur að
halda áfram að veita þessa þjónustu í
samkeppni við einkaaðila,“ sagði
Ólafur og benti á að áður fyrr hefði
lögregla oft verið kölluð til að gefa
straum en eftir að fyrirtæki úti í bæ
hefði boðið upp á slíka þjónustu hefði
því verið hætt.
Óökuhæfur eftir
harðan árekstur
Harður árekstur tveggja bifreiða
varð um helgina á gatnamótum Þór-
unnarstrætis og Glerargötu og
skemmdist önnur mikið og var dreg-
in óökuhæf af vettvangi.
Bifreið, sem ekið var upp í snjó-
ruðning, skemmdist talsvert, en að
því er fram kemur í dagbók lögregl-
unnar leyndust brot af kantsteinum
eftir snjóruðningstæki í ruðningnum
og ollu tjóni á bílnum.
Alls urðu 14 umferðaróhöpp á Ak-
ureyri í liðinni viku en öll án teljandi
meiðsla. Þá voru 18 kærðir fyrir of
hraðan akstur og 2 fyrir meinta ölv-
un við akstur.
Lögreglan á Akureyri
Hættir að opna
læsta bíla
TVÖ tilboð bárust í fram-
kvæmdir í Sundlaug Akureyrar
og voru þau bæði undir kostn-
aðaráætlun. Tréverk ehf. bauð
rúmar 7,7 milljónir króna í
verkið, eða 72% af kostnaðar-
áætlun en SS Byggir ehf. bauð
tæpar 9,6 milljónir króna, eða
um 89% af kostnaðaráætlun,
sem hljóðaði upp á rúmar 10,8
miljónir króna.
Verkið felst í að steypa vegg
þvert yfir gamla laugarkarið og
plötu og stytta laugina úr 33
metrum í 25 metra. Einnig að
sjá um jarðvegsskipti, lagnir og
uppsteypu á burðarvirki undir
vaktturn og jarðvegsskipti í
stíg frá Þórunnarstræti og að
sundlaug.
Framkvæmdir í
Sundlaug Akureyrar
Tréverk
með lægra
tilboð
FYRSTA hverfisnefndin verður
stofnuð á Oddeyri á fundi sem hald-
inn verður í Oddeyrarskóla í kvöld,
þriðjudagskvöldið, 12. nóvember.
Bæjarstjórn Akureyrar hefur ákveð-
ið að hafa forgöngu um stofnun
slíkra nefnda í öllum hverfum bæj-
arins, en þær munu starfa sjálfstætt
og á eigin ábyrgð.
Hlutverk þeirra verður að vera
vettvangur íbúanna til að hafa áhrif á
nánasta umhverfi sitt. Mál sem
hverfisnefndir munu fjalla um eru
m.a. málefni barna og ungmenna,
skipulagsmál, umgengis- umhverfis-
og umferðarmál.
Kristján Þór Júlíusson bæjar-
stjóri mun kynna þá hugmynd sem
liggur að baki stofnun hverfisnefnda
á fundinum. Einnig verður fjallað
um skipulagsmál Oddeyrar og kosið
verður í hina nýju hverfisnefnd.
Fundurinn hefst kl. 20.
Fyrsta
hverfis-
nefndin
stofnuð
Myndir úr heimi íþrótta; er yf-
irskrift ljósmyndasýningar Þóris Ó.
Tryggvasonar, íþróttaljósmyndara
Vikudags á Akureyri, í glugga
Pedromynda við Skipagötu. Þetta er
fyrsta ljósmyndasýning Þóris og
sýnir hann fjölmargar myndir úr
íþróttalífi bæjarins, auk þess sem
hann hefur einnig fest áhorfendur á
einstökum viðburðum á filmu.
Myndirnar eru teknar á 22 ára
gamla Olympus OM-2N myndavél
en unnar og stækkaðar hjá Pedro-
myndum.
Í DAG
MEIRIHLUTI félagsmálaráðs sam-
þykkti að auglýsa starf deildarstjóra
búsetudeildar laust til umsóknar inn-
an bæjarkerfisins. Bragi Guðmunds-
son, fulltrúi Vinstri hreyfingarinnar
– græns framboðs, lagði fram bókun
á fundinum, þar sem fram kemur að
VG telji að auglýsa beri laus störf á
vegum opinberra aðila. Lokuð aug-
lýsing innan bæjarkerfisins sé vafa-
samt fordæmi og geti skapað óraun-
hæfar væntingar í framtíðinni.
Í bókun Braga kemur einnig fram,
að með auglýsingu eigi allir jafnan
rétt og aðstöðu til þess að sækjast
eftir lausum störfum, enda séu þau
kostuð af almenningi. Með auglýs-
ingu náist til þess hluta hæfasta
fólksins sem vilji og hafi aðstöðu til
að sækja um viðkomandi starf, óháð
fyrri störfum og búsetu. Með auglýs-
ingu séu mestar líkur til þess að eðli-
leg nýliðun eigi sér stað hjá viðkom-
andi vinnuveitanda. Með auglýsingu
sé ekki verið að útiloka neinn fyrir-
fram sem á annað borð uppfyllir
kröfur sem gerðar eru til umsækj-
enda.
Starf deildarstjóra búsetudeildar
Aðeins aug-
lýst innan bæj-
arkerfisins