Morgunblaðið - 12.11.2002, Blaðsíða 13
VIÐSKIPTI/ATHAFNALÍF
MORGUNBLAÐIÐ ÞRIÐJUDAGUR 12. NÓVEMBER 2002 13
IS200
LEXUS STYRKIR SINFÓNÍUHLJÓMSVEIT ÍSLANDS.
ÍS
LE
N
SK
A
A
U
G
LÝ
SI
N
G
A
ST
O
FA
N
/S
IA
.I
S
TO
Y
19
07
6
10
/2
00
2
LEXUS N†B†LAVEGI 6 SÍMI 570 5400 WWW.LEXUS.IS
Ef til vill finnst flér tvisvar á dag ekki
nóg. A› minnsta kosti ekki flegar
upplifun í IS200 er annars vegar. fia›
ver›ur nánast vanabindandi a› finna
spennuna, sem fylgir flví a› snúa
lyklinum, a› skynja afli› og fjöri›. Stíll
og fágun au›kenna sérhvert
smáatri›i. Glæsileg innrétting og
sjálfvirk loftræsting ver›a til fless a›
ökumanni og farflegum lí›ur betur en
í nokkrum ö›rum bíl. 6 diska geisla-
spilari er felldur inn í mælabor›i›. fiú
hlustar á uppáhaldstónlistina flína og
ert í sjöunda himni frá flví a› lagt er af
sta› og flar til slökkt er á bílnum.
Sérkenni Lexusbíla, hva› fleir láta vel
a› stjórn og eru gæddir frábærum
aksturseiginleikum, gera fla› enn
ánægjulegra a› aka IS200. En fyrst
og fremst er léttir til fless a› vita a›
flví eru engin takmörk sett hversu oft
á dag má njóta fless a› aka IS200. En
hér er gó› vi›mi›unarregla: fieim
mun oftar, fleim mun skemmtilegra.
Rá›lag›ur dagskammtur: a.m.k. tvisvar
N Á N A R I U P P L † S I N G A R U M I S 2 0 0 O G U M A L L A R A ‹ R A R G E R ‹ I R A F L E X U S M Á F Á H J Á S Ö L U D E I L D L E X U S Í S Í M A 5 7 0 5 4 0 0 E ‹ A Á W W W . L E X U S . I S
HUGMYNDUM um „grisjun“ þorsk-
stofnsins og að aukinn náttúrulegur
dauði gæti verið skýringin á ofmati
Hafrannsóknastofnunar á stærð
þorskstofnsins á árunum 1997 og
1998 var hafnað af vísindamönnum á
fyrirspurnarþingi sjávarútvvegs-
ráðunetisins í gær. Á þinginu var far-
ið yfir þá gagnrýni, sem fram hefur
komið á störf Hafrannsóknastofnun-
ar við stofnstærðarmat og veiðiráð-
gjöf og flutt áfangaskýrsla um afla-
regluna svokölluðu.
Réttar reikniaðferðir
Andrew Rosenberg, deildarforseti
líffræði- og landbúnaðardeildar há-
skólans í New Hamshire, kynnti nið-
urstöður skýrslu um rannsókn á ná-
kvæmni og öryggi á stofnstærðar-
mati þorsks hér við land og
hagnýtingu aflareglu. Rosenberg fór
yfir fyrri útreikninga Hafrannsókna-
stofnunar sem leiddu til ofmats á
stofninum og sagði hann reikniað-
ferðir stofnunarinnar hafa verið rétt-
ar í öllum meginatriðum, en niður-
staða annarra, sem endurskoðað hafa
matið er á svipuðum nótum. Hann
taldi að ekki hefði verið hægt að sjá
ofmatið fyrir, enda hefði það ekki
komið í ljós fyrr en tveimur árum eft-
ir að það átti sér stað. Hann sagði
marga þætti hafa valdið ofmatinu, en
taldi að taka mætti meira tillit til
vafaatriða og óvissuþátta við matið og
ætíð bæri að fara varlega í aukningu
aflaheimilda. Vísindamenn Hafrann-
sóknastofnunar telja að aukinn veið-
anleiki á árinu 1998 sé skýringin á of-
matinu en ekki sé ljóst hvers vegna
veiðanleikinn hafi aukizt á því ári.
Töluvert var deilt á aðferðir Haf-
rannsóknastofnunar, það gerðu með-
al annarra Kristinn Pétursson, fisk-
verkandi á Bakkafirði, Páll
Bergþórsson, veðurfræðingur, Jónas
Bjarnason, fyrrum forstjóri RF, Jón
Kristjánsson fiskifræðingur og
Sveinbjörn Jónsson, fyrrum sjómað-
ur. Fulltrúar stofnunarinnar og And-
rew Rosenberg höfnuðu með öllu
þeim hugmyndum að of lítið væri
veitt og ekki borgaði sig að geyma
fiskinn í sjónum, heldur þyrfti að
veiða meira af smáfiski. Enginn
þeirra taldi heldur að aukinn náttúru-
legur dauðdagi væri skýringin á of-
matinu. Máli sínu til stuðning bentu
þeir meðal annars á að þorskstofninn
væri nú aðeins um fjórðungur þeirrar
stærðar, sem hann var fyrir nokkrum
áratugum og hann ætti því frekar að
hafa meira að éta nú en þá.
Í svipuðum sporum og 1994
Friðrik Már Baldursson við við-
skipta- og hagfræðideild Háskóla Ís-
lands, kynnti áfangaskýrslu um afla-
regluna svokölluðu, sem tekin var
upp 1995. Meginmarkmið hennar er
að ekki verði veitt meira en 25% úr
veiðistofni þorsks hverju sinni. Hann
taldi að vafalítið hefði töluvert áunn-
izt með aflareglunni, miðað við að
annars hefði verið haldið áfram á
sömu braut og gert var fyrir upptöku
hennar, en þá var mun hærra hlutfall
úr stofninum veitt. Taldi hann að hag-
rænn ávinningur af því að taka upp
regluna gæti verið um 20 milljarðar
króna fram til ársins 1998, er stofninn
var ofmetinn. Hann sagði að stað-
reyndin væri reyndar sú að við vær-
um nú í svipaðri stöðu og 1994, þegar
ákveðið var að taka aflaregluna upp.
Aflinn væri svipaður og staða þorsk-
stofnins líka.
Sjávarútvegsráðherra, Árni M.
Mathiesen, sleit þinginu og lýsti
ánægju sinni með gang mála. Hann
sagði marga hafa komið að þessari
umfjöllun. Helzt hefði verið fjallað
um stofnstærðarmatið sjálft og að-
ferðir við það, aflaregluna og viðmið,
sem nota mætt við beitingu hennar
og loks líffræðilegar forsendur
stjórnkerfisins. Nú væri að vinna úr
því sem fram hefði komið.
„Við þurfum nú að finna nýjan far-
veg til að halda umræðunni áfram.
Það er nauðsynlegt að alltaf sé í gangi
umræða um þessi málefni, þannig að
við séum alltaf að hugsa, alltaf að
skiptast á skoðunum og alltaf að taka
inn nýja þætti í vinnuna hjá okkur.
Við megum aldrei staðna í þessum
fræðum og verðum alltaf að vera
tilbúin.
Það hefur verið mikil gagnrýni á
Hafrannsóknastofnun en mér finnst
hún hafa brugðizt rétt við. Hún hefur
haft forystu um það að leita að skýr-
ingum og hún hefur verið tilbúin til
þess að breyta aðferðum og bæta
vinnubrögð sín. Það er ekki þar með
sagt að þau á Hafrannsóknastofnun
hafi alltaf haft rétt fyrir sér. En þau
hafa alltaf sýnt ýtrasta vilja til að
gera eins vel og mögulegt hefur verið
á hverjum tíma. Ég trúi því að það
hafi enginn getað gert betur,“ sagði
Árni.
Morgunblaðið/RAX
Árni M. Mathiesen ræðir málin við Jónas Bjarnason, fyrrv. forstjóra Rf.
„Grisjun“ hafnað
HAGNAÐUR SÍF nam sem svarar 36 milljónum
króna á fyrstu níu mánuðum ársins, en SÍF gerir
nú upp í evrum og er þetta miðað við meðalgengi
tímabilsins. Hagnaðurinn er 418 þúsund evrur, en
var 3,4 milljónir evra á sama tímabili í fyrra.
Rekstrartekjur námu 499 milljónum evra eða
tæpum 43 milljörðum króna en voru 513 milljónir
evra á sama tímabili í fyrra.
Hagnaður fyrir afskriftir nam 11 milljónum
evra á fyrstu níu mánuðum þessa árs eða 960 millj-
ónum króna en í fyrra var hagnaður fyrir afskriftir
rúmar 12 milljónir evra að frádregnum söluhagn-
aði eigna.
Veltufé frá rekstri var jákvætt um 6,1 milljón
evra, 528 milljónir króna, en á sama tímabili í fyrra
var veltufé frá rekstri 6,5 milljónir evra.
Í fréttatilkynningu frá SÍF kemur fram að
rekstur félagsins á þriðja fjórðungi ársins hafi
verið nokkru betri en áætlanir gerðu ráð fyrir, en í
þeim var reiknað með taprekstri. Tekjur þriðja
ársfjórðungs hafi aukist um tæp 7% frá fyrra ári
og rekstrarkostnaður lækkað um 17%.
Arðsemi eigin fjár á ársgrundvelli var 1,3% á
fyrstu níu mánuðum ársins en 11,0% á sama tíma-
bili í fyrra. Eiginfjárhlutfall var 14,4% í lok tíma-
bilsins en 16,0% á sama tíma í fyrra.
Arðsemi eigin fjár 1,3%
Horfur fyrir árið eru sagðar þær að eftirspurn
eftir saltfiski sé vaxandi, sala meiri en gert hafi
verið ráð fyrir og verð hafi hækkað. Framleiðsla
saltfisks sé minni en oft áður og birgðir fari hratt
minnkandi. Ljóst sé að aðhaldsaðgerðir muni skila
jákvæðum áhrifum á rekstur samstæðunnar á síð-
ustu mánuðum ársins. Áætlanir geri ráð fyrir
hagnaði á síðasta fjórðungi ársins, sem samkvæmt
venju sé afgerandi besti fjórðungur samstæðunn-
ar.
Hagnaður SÍF 36 milljónir króna
Þriðji fjórðungur
yfir áætlun