Morgunblaðið - 12.11.2002, Blaðsíða 18
HÖFUÐBORGARSVÆÐIÐ
18 ÞRIÐJUDAGUR 12. NÓVEMBER 2002 MORGUNBLAÐIÐ
EINHLEYPIR karlar mynda
stærsta hóp þeirra sem fengu fjár-
hagsaðstoð frá Félagsþjónustunni
í Reykjavík árið 2001, eða 41%.
Einstæðir foreldrar eru næst
stærsti hópurinn, eða 35%. Þetta
kemur fram í ársskýrslu Fé-
lagsþjónustunnar fyrir árið 2001.
12% fleiri fengu fjárhagsaðstoð á
árinu 2001 en árið áður og var 48%
fleiri synjað um fjárhagsaðstoð á
sama tíma.
Sé skjólstæðingum skipt upp
eftir atvinnustöðu kemur í ljós að
36% þeirra sem fengu fjárhags-
aðstoð voru atvinnulaus og 23%
öryrkjar. Þriðji stærsti hópurinn,
15%, var í launaðri vinnu, sjúkling-
ar 12%, nemar 11% og ellilífeyr-
isþegar 2%.
Langflestir voru skjólstæðingar
Félagsþjónustunnar sem fengu
fjárhagsaðstoð árið 2001 á aldr-
inum 20–29 ára, eða 35%. 24%
voru á aldrinum 30–39 ára og 21%
40–49 ára. Flestir, eða 26%,
bjuggu í leiguhúsnæði á almennum
markaði, 19% dvöldu hjá ættingj-
um eða vinum, 15% í félagsbústöð-
um og 10% bjuggu í eigin húsnæði.
Verður komið með
tillögur til úrbóta
Á fundi borgarstjórnar á
fimmtudagskvöld spurði Guðrún
Ebba Ólafsdóttir, borgarfulltrúi
Sjálfstæðisflokks, hvernig meiri-
hlutinn í borgarstjórn hygðist taka
á þessum vanda. Hún sagði sér-
staklega áhugavert hversu stór
hópur ungra og einstæðra karla
leitaði til Félagsþjónustunnar.
Björk Vilhelmsdóttir, formaður
félagsmálaráðs, sagði að nú væri
unnið að því að greina þessa aukn-
ingu hjá þróunardeild Félagsþjón-
ustunnar, en vitað væri að aðal-
ástæðan væri aukið atvinnuleysi á
höfuðborgarsvæðinu. Þetta yrði
skoðað og komið með tillögur til
úrbóta.
Ungir einhleypir karlar leita í auknum
mæli eftir aðstoð Félagsþjónustunnar
48% fleiri synj-
að um fjárhags-
aðstoð í fyrra
Reykjavík
„ÞAÐ var rosalega gaman að vinna
að þessu og skemmtilegt að tengja
saman atvinnulífið, háskólann og
grunnskólana. Ég er ofboðslega
hamingjusöm með þetta,“ segir El-
ín Ágústsdóttir, framkvæmdastjóri
Barnasmiðjunnar ehf., sem unnið
hefur að hönnunarkeppni meðal
grunnskólanema, ásamt verk-
fræðideild Háskóla Íslands.
Keppnin fór fram í Háskólabíói á
sunnudag og endaði með sigri
Hjallaskóla á miðstigi og Klé-
bergsskóla á unglingastigi.
Lið af mið- og unglingastigi tólf
grunnskóla fengu tvær vikur til að
hanna og forrita farartæki úr
LegoDacta-tæknikubbum fyrir
keppnina. Farartækið átti að geta
flutt tennisbolta eftir þar til gerðri
keppnisbraut og skilað boltanum
síðan í holu á enda brautarinnar.
Nemendur í verkfræðideild
stjórnuðu og dæmdu keppnina en
Barnasmiðjan lagði til allan efnivið
og hannaði keppnisbrautina í sam-
starfi við Tómas Rasmus, kennara
í Salaskóla í Kópavogi, og Sigurð
Brynjólfsson, deildarforseta verk-
fræðideildar.
Léku sér litlir með legó
Einn þriggja úr vinningsliði Klé-
bergsskóla, Pétur Þór Elíasson,
sagði að þeir félagarnir hefðu unn-
ið keppnina á tíma og að farartæki
þeirra hefði verið 4,1 sekúndu að
flytja boltann yfir keppnisbraut-
ina. ,,Við höfum ekki unnið með
legó síðan við vorum litlir strákar
að leika okkur. Þetta var mest
spennandi í endanum, þá vorum
við tvö jöfn lið með sömu stig en
við unnum á tíma. Það var svona
mest spennandi þátturinn.“
Pétur sagði að nokkrar stúlkur
hefðu verið með í hópnum hans til
að byrja með en að þær hefðu lík-
lega hætt vegna þess að þeim hefði
ekki fundist þær eiga heima í
strákahópnum. ,,Því fleiri sem við
vorum því erfiðara var þetta. Í lok-
in vorum við bara þrír eftir og
byrjuðum að búa til einn bíl sam-
an,“ sagði Pétur.
„Við lékum okkur allir mikið
með legó þegar við vorum litlir,“
segja þeir Hafsteinn Unnar
Snorrason, Ólafur Garðar Gunn-
arsson og Jón Pétur Gunnarsson,
sem ásamt Hirti Pálma Guðmunds-
syni, sem var veikur er blaðamað-
ur hitti liðið, skipuðu sigurlið
Hjallaskóla. Þeir eru allir tólf ára
og segjast ekkert skilja í því af
hverju fleiri stelpur hafi ekki tekið
þátt í keppninni. „Það bauð sig
bara engin stelpa fram,“ útskýrir
Hafsteinn.
Hjallaskólaliðinu fannst mjög
gaman að taka þátt í hönn-
unarkeppninni, einfaldlega af því
að „það er gaman að keppa og búa
eitthvað til.“ Þeir segjast alltaf
fylgjast með hönnunarkeppni
verkfræðinema í Sjónvarpinu og
gætu alveg hugsað sér að starfa
við hönnun í framtíðinni. „Það var
erfiðast að hanna kló til að taka
upp boltann og sleppa honum síð-
an,“ segja strákarnir. „Við end-
uðum með því að nota fjórar teg-
undir af klóm,“ segir Jón Pétur.
Þeir segjast hafa hannað far-
artækið alfarið sjálfir. „Vonandi
megum við líka taka þátt í keppn-
inni á næsta ári.“
Elín sagði að með keppni sem
þessari hefði hún komið auga á
tækifæri til að kveikja áhuga
stúlkna á vélbúnaðarhönnun með
legó. „Rannsóknir sýna að stelpur
detta út úr legóinu við fimm til sex
ára aldur. Þetta er kannski ekki
áhugasvið þeirra en ef þær fá
svona efnivið, þekkja tækniorðin
og sjá hvernig þetta virkar þá
verður þessi heimur opnari fyrir
þeim. Það var þónokkuð af stelp-
um í keppninni en ég hefði viljað
sjá fleiri.“
Hún sagði að ekki væri ólíklegt
að hönnunarkeppni ýtti undir
áhuga stúlkna á tækniheiminum.
,,Þetta er allt að koma, þó að við
eigum enn langt í land.“
Hjallaskóli og Klébergsskóli unnu hönnunarkeppni
Stelpur hætta fyrr
að leika með legó
Liðsmaður Flúðaskóla kemur einbeittur farartækinu fyrir á brautinni.
Morgunblaðið/Golli
Sigurður Brynjólfsson, deildarstjóri verkfræðideildar HÍ, ásamt sigurlið-
unum frá Klébergsskóla og Hjallaskóla.
Vesturbær
örugg stýring viðskiptakrafna
Málning
fyrir vandláta