Morgunblaðið - 19.01.2003, Blaðsíða 47
FRÉTTIR
MORGUNBLAÐIÐ SUNNUDAGUR 19. JANÚAR 2003 47
skráning skuldabréfa í Kauphöll Íslands
Nafnverð útgáfu og lánstími: Nafnverð útgáfunnar er 3.000.000.000 kr. Bréfin í flokknum eru til 7
ára, útgefin þann 15. júní 1999 með gjalddaga höfuðstóls þann 15. sept.
2006. Engin uppsagnarákvæði eru í bréfunum.
Útgefandi: Sparisjóður Hafnarfjarðar (SPH), kt. 610269-5599, Strandgötu 8-10,
220 Hafnarfirði.
Skráning í Kauphöll Íslands: Sparisjóðsbréf SPH 99 2 að nafnverði 1.000.000.000 voru upphaflega
skráð í Kauphöll Íslands 5. júlí 1999. Kauphöll Íslands hefur nú
samþykkt að skrá þegar útgefin og seld sparisjóðsbréf að nafnverði
2.000.000.000 kr. þann 24. janúar 2003 enda uppfylli bréfin öll skilyrði
skráningar. Heildarnafnverð flokksins er 3.000.000.000 kr. að
nafnverði. Auðkenni skuldabréfaflokksins í viðskiptakerfi Kauphallar
Íslands er SPH 99 2. Færslunúmer hjá Verðbréfaskráningu Íslands hf.
er IS0000002293.
Ávöxtunarkrafa og sölugengi Ávöxtunarkrafa á fyrsta söludegi var 5,5% og gengið 0,67840.
á fyrsta söludegi:
Einingar: Skuldabréfin eru í 5.000.000 kr. einingum.
Umsjón með skráningu: Sparisjóður Hafnarfjarðar, kt. 610269-5599, Strandgötu 8-10,
220 Hafnarfirði.
Skráningarlýsing og önnur gögn varðandi ofangreind skuldabréf liggja frammi hjá:
Sparisjóði Hafnarfjarðar, Strandgötu 8-10, 220 Hafnarfirði, sími 550 2000, myndsendir 550 2002.
NÝLEGA buðu hótelstjórahjónin
Margrét Runólfsdóttir og Guð-
mundur Sigurhansson yfir fjörutíu
krökkum sem taka þátt í minni bolta
í körfuknattleik á hótelið á Flúðum.
Börnin eru á aldrinum ellefu ára og
yngri. Tilefnið var að gefa hópnum
sextíu þúsund krónur. Þessi upphæð
er hagnaður af Baðstofukvöldi sem
Baðstofuvinir og hótelið efndu til
hinn 10. janúar síðastliðinn. Með
þessari gjöf vilja gefendur styrkja
þátttakendur í minni boltanum en
börn í þessum aldurshópi héðan hafa
staðið sig afar vel í körfubolta. Sama
má einnig segja um fjölda unglinga
og fullorðina, sem keppt hafa í körfu
á undanförnum árum. Um þessar
mundir eru tíu ár liðin síðan íþrótta-
húsið á Flúðum var tekið í notkun.
Það má segja að þá hafi orðið mikil
bylting í félags og íþróttastarfi í
sveitarfélaginu. Að sögn Kristleifs
Andréssonar íþróttakennara, sem
hefur byggt upp afreksfólk í þessari
grein, stunda á annað hundrað
manns körfubolta í íþróttahúsinu á
Flúðum. Körfuboltalið UMF Hruna-
manna hafa verið afar sigursæl á
síðustu árum innan héraðsins sem
utan. Meðal annars má nefna að
drengir í minni boltanum eru nú
meðal þeirra bestu á landinu í dag
og um tuttugu krakkar æfa körfu-
bolta með landsliðshópnum. Þess má
og geta að þrjár stúlkur héðan úr
hreppnum fóru með tólf manna hópi
landsliðsins í síðustu utanlandsferð
stúlknalandsliðsins og hafa staðið
sig frábærlega vel.
Jón Eiríksson, formaður körfu-
knattleiksdeildar Ungmennafélags-
ins, þakkaði gjöfina og sagði að hún
kæmi sér vel vegna mikls ferða-
kostnaðar liðanna á hin ýmsu keppn-
ismót.
Morgunblaðið/Sigurður Sigmunds
Keppendur minni bolta ásamt Kristleifi Andréssyni þjálfara og hótel-
stjórahjónunum Margréti Runólfsdóttur og Guðmundi Sigurhanssyni t.h.
Góð gjöf til
körfuboltabarna
Hrunamannahreppi. Morgunblaðið.
KAJAKRÆÐARINN Svein-
björn Hrafn Kristjánsson var
kjörinn íþróttamaður ársins
2002 í Bolungarvík.
Í veglegu hófi sem íþrótta- og
æskulýðsráð Bolungarvíkur
efndi til af þessu tilefni lýsti
Einar Pétursson, bæjarstjóri
Bolungarvíkur, kjörinu og af-
henti Sveinbirni veglegan bikar
sem sæmdarheitinu fylgir.
Sveinbjörn er vel að þessum
titli kominn en hann vann öll
þau mót sem stóðu kajakræð-
urum á Íslandi til boða á síðasta
ári.
Meðal þeirra móta sem Svein-
björn vann á síðastliðnu ári var
Hvammsvíkurmaraþonið sem
hann vann með yfirburðum ann-
að árið í röð. Sveinbjörn, sem er
aðeins nítján ára gamall, er í
fremstu röð kajakræðara á land-
inu um þessar mundir.
Auk þess að útnefndur var
íþróttamaður ársins voru þrjátíu
íþróttamönnum veittar viður-
kenningar fyrir ástundun, áhuga
og góðan árangur í sínum
íþróttagreinum.
Knattspyrnulið UMFB úr 5.
flokki drengja fengu viðurkenn-
ingu fyrir að hafa orðið Íslands-
meistarar á unglingalandsmóti
UMFÍ í Stykkishólmi sl. sumar.
Þá hlutu þær Helga Guðrún
Magnúsdóttir, Ingibjörg Þórdís
Jónsdóttir og Lóa Júlía Antons-
dóttir viðurkenningar fyrir þátt-
töku sína í sameiginlegu liði
HSB og HSV í knattspyrnu sem
lenti í öðru sæti á unglinga-
landsmóti UMFÍ sl. sumar.
Þá hlaut fjöldi annarra
íþróttamanna viðurkenningu
fyrir hinar ýmsu greinar.
Kajakræðari íþrótta-
maður ársins 2002
Bolungarvík. Morgunblaðið.
Á ÁRSHÁTÍÐ
leigubílastöðv-
arinnar BSR
sem haldin var á
Hótel Borgar-
nesi 11. janúar
sl. voru þremur
fyrrverandi
starfsmönnum
stöðvarinnar
veittir heiður-
splattar fyrir vel
unnin störf.
Þeir sem
verðlaunin hlutu
voru Óskar Sig-
urðsson, Krist-
ján Sveinsson og
Ingimar Einars-
son. Þar af á Ingimar að baki lengst-
an feril af þremenningunum hjá
BSR eða 55 ár í starfi en Kristján
starfaði þar í 44 ár. Óskar starfaði
skemur hjá stöðinni. Um 60 manns
skemmtu sér konunglega á árshátíð-
inni sem haldin var á Hótel Borg-
arnesi þriðja árið í röð.
Ljósmynd/Snorri Karlsson
Frá vinstri: Óskar Sigurðsson, Kristján Sveinsson og
Ingimar Einarsson.
Heiðursverðlaun fyrir
vel unnin störf
Alltaf á þriðjudögum