Morgunblaðið - 19.01.2003, Blaðsíða 49

FÓLK Í FRÉTTUM
MORGUNBLAÐIÐ SUNNUDAGUR 19. JANÚAR 2003 49
Þorrinn er að byrja
Við erum tilbúin.
Þorramatur eins og
þú vilt hafa hann.
Meira af þessu og
minna af hinu.
Smiðjuvegi 14 • Kópavogi • www.veislusmidjan.is
Pantanir og upplýsingar í símum 587 3800 og 899 2959.
ARNBJÖRG Hlíf Valsdóttir hefur ver-
ið mikið í sviðsljósinu undanfarna
vikuna. Hún leikur og syngur aðal-
kvenhlutverkið í Sól og mána, nýj-
um söngleik sem frumsýndur var í
Borgarleikhúsinu um síðustu helgi.
Fer hún þar með hlutverk Sólar,
sorgmæddrar stúlku sem Máni,
fallinn engill, setur sér markmið að
fá til að brosa og gleðjast yfir lífinu
og ástinni. Arnbjörg Hlíf útskrifaðist
úr Leiklistarháskóla Íslands síð-
asta vor og áður en hún steig á fjalir
Borgarleikhússins sem Sól lék hún
Ófelíu í uppsetningu Leikfélags Ak-
ureyrar á leikritunu Hamlet.
Hvernig hefur þú það í dag?
Mjög gott, þakka þér fyrir.
Hvað ertu með í vösunum?
Nákvæmlega ekki neitt.
Er mjólkurglasið hálftómt eða
hálffullt?
Stútfullt.
Ef þú værir ekki leikkona hvað
vildirðu þá helst vera?
Læknir eða einhverskonar
þerapisti.
Hefurðu tárast í bíói?
Já, skrilljón sinnum.
Hverjir voru fyrstu tónleikarnir
sem þú fórst á?
Úff, man það ekki …en sennilega
sinfóníutónleikar í Akureyrarkirkju
þegar ég var enn lægri í loftinu en
ég er núna.
Hvaða leikari fer mest í taugarnar
á þér?
Ég sjálf get farið mjög í
taugarnar á mér.
Hver er þinn helsti veikleiki?
Óþolinmæði.
Finndu fimm orð sem lýsa per-
sónuleika þínum vel.
Bráðlát, opinhuga, skipulögð, um-
burðarlynd, óákveðin.
Westlife eða Backstreet Boys?
Westlife, ekki spurning. Góðir þeg-
ar maður vill taka væmnina föstum
tökum.
Hver var síðasta bók sem þú last
tvisvar?
Scary Fairies eftir Dugald
Steer.
Hvaða lag kveikir blossann?
„Straight to you“ með Nick Cave.
Og svo mörg fleiri …
Hvaða plötu keyptirðu síðast?
Daysleeper EveAlice og Ske Life,
death, happiness and stuff. Ís-
lenskt er gott! Nei í alvöru …mjög
góðar plötur.
Hvert er þitt mesta prakk-
arastrik?
Ánamaðkarækt í herberginu mínu.
Það kom enginn í heimsókn.
Hver er furðulegasti matur sem þú
hefur bragðað?
Hrútspungar …undarleg fæða.
Hverju sérðu mest eftir í lífinu?
Tímanum sem farið hefur í
óþarfa.
Trúir þú á líf eftir dauðann?
Já.
Heimaræktað-
ir ánamaðkar
SOS
SPURT & SVARAÐ
Arnbjörg Hlíf
Valsdóttir
M
or
gu
nb
la
ði
ð/
Á
rn
i S
æ
be
rg
NÝ ÍSLENSK heimildarmynd,
Skemmtilegir leikir, verður frum-
sýnd í Sjónvarpinu í kvöld klukkan
20. Myndin fjallar um spilafíkn og
segir fyrst og fremst sögu spilafíkl-
anna sjálfra.
Titillinn, Skemmtilegir leikir,
vísar til þess texta sem stendur á
skjá spilakassa þegar að þeim er
komið.
Rauði þráðurinn í myndinni er
síðan saga drengs er verður for-
fallinn spilafíkill 13 ára og er svo
langt leiddur 16 ára að hann hug-
leiðir að fyrirfara sér. Strákurinn
leiðist út í innbrot og fer seinna að
selja eiturlyf til að fjármagna spila-
fíknina. Sýnir myndin með ýmsum
hætti hversu sterkum tökum spila-
fíknin getur náð á fíklunum.
Ennfremur er rætt við aðstand-
endur fíkla og fulltrúa frá Lands-
björg, Rauða krossi Íslands, SÁÁ
og Happdrætti Háskóla Íslands svo
eitthvað sé nefnt. Fram kemur að
tekjur stofnana sem oftar en ekki
kalla sig mannúðarsamtök af spila-
kössum eru mjög miklar.
Játning Eiðs Smára hjálpar
Fótboltakappinn Eiður Smári
Guðjohnsen hefur verið í um-
ræðunni að undanförnu eftir að
hann játaði að vera spilafíkill og
hafa tapað 50 milljónum í spilavít-
um.
„Ég held að Eiður Smári geri sér
ekki grein fyrir því hvað þetta
hjálpar hugtakinu spilafíkill á Ís-
landi. Hann er að gera sjálfum sér
og öðrum hér á landi svo rosalega
gott með því að viðurkenna þetta.
Hann er íþróttastjarna og á við
þennan vanda að stríða. Sjúkdóm-
urinn spyr hvorki um stétt né
stöðu. Það geta allir lent í þessu.
Ég vona og trúi því að hann verði
öðrum víti til varnaðar,“ segir Jón-
as Jónasson, stjórnandi mynd-
arinnar, sem framleidd er af fyr-
irtæki hans og fleiri, Edisons
lifandi ljósmyndum.
Í byrjun myndarinnar kemur
fram að orðið „spilafíkill“ sé ekki
að finna í nýjustu útgáfu Íslenskrar
orðabókar en þar megi hins vegar
sjá „spilafífl“. Tilgangurinn með
myndinni er einmitt að reyna að
koma af stað viðhorfsbreytingu hjá
almenningi og ráðamönnum í garð
þessa vandamáls, útskýrir Jónas
sem hefur unnið að myndinni síð-
ustu tvö árin.
Viðmælendurnir voru fundnir
með því að ræða við samtökin
Gamblers Anonymous, Samtök
gegn spilafíkn og meðferðarfull-
trúa. „Þetta er lítið land og auðvelt
að hafa uppá fólki. Við ræddum við
ansi marga,“ segir Jónas en við-
tölin urðu alls 24 og rötuðu 12
þeirra í myndina fullkláraða.
Varpar ljósi á vandann
Hann vonast til þess að myndin
veki athygli á þeim vanda sem fylgt
getur fjárhættuspilunun og veki
upp umræðu. „Ég vona þessi mynd
varpi ljósi á hvað spilafíkn er. Ég
er ansi hræddur um að fólki eigi
eftir að finnast þetta agalegt í viku
og gleymi þessu svo.“
Þrátt fyrir að umræðan deyi út
vonast hann ekki síst til þess að
myndin leiði til þess að börnum og
unglingum verði haldið frá spila-
kössunum.
„Það er enginn munur á því að
taka eiturlyf eða drekka bjór undir
aldri eða spila undir aldri. Þetta er
allt jafnhættulegt.“
Í myndinni er sýnt fram á afleið-
ingar spilafíknar og spilafíklar lýsa
örvæntingunni og vanlíðaninni sem
fylgir fíkninni. Orð á borð við
skömm og sektarkennd koma oft
upp og ungi strákurinn segist hafa
litið á spilakassann sem vin sinn.
40–50 þúsund á klukkustund
„Að kalla sumt af þessu happ-
drætti er fáránlegt. Þetta er ekkert
annað en fjárhættuspil,“ segir Jón-
as og bendir á að nákvæmlega
sömu spilakassa og eru hérlendis
sé að finna í spilavítum í Las Vegas.
Hann segir að hann hafi komist
að því að auðvelt sé að eyða um 40–
50 þúsund krónum á klukkustund í
spilakössum. Fram kemur í mynd-
inni að í ólöglegu spilavíti í mið-
bænum hafi starfað um tíu manns
og tap einstaklings á einu kvöldi
hafi mest verið um tvær milljónir.
„Það er svo mikið ósamræmi á
þessum markaði og löggjöfin er í
þvílíkum ólestri,“ segir Jónas og
segir samræmda löggjöf eitt af því
sem ríkisvaldið geti gert til að bæta
ástandið.
Skafmiði í skóinn?
Kvikmyndasjóður Íslands styrkti
myndina auk fleiri aðila en Jónas
segir að það hafi verið erfitt að fá
fjármagn til framleiðslu mynd-
arinnar. „Þessi tveggja ára vinna
hefur bara verið hugsjón. Ástæðan
fyrir því að fyrirtæki vildu ekki
taka þátt í þessu er kannski sú að
þau sáu það hversu eldfimt efni
þetta er. Þeim fannst efnið áhuga-
vert en vildu ekki leggja nafn sitt
við þetta,“ segir hann.
„Ef þessi mynd gerir eitthvað þá
er það vonandi það að fólk hugsi
sig tvisvar um áður en það gefur
skafmiða í skóinn eða fer að tippa á
leiki með syninum,“ segir Jónas.
„Ég vonast til að fólk átti sig á
því að það er sáralítill munur á
þessu og öðrum fíknum og að fólk
líti ekki á þá sem aumingja sem
hafa ánetjast spilafíkninni.“
Skemmtilegir leikir segir sögu
spilafíklanna sjálfra og fram kemur
að hægt er að eyða háum fjár-
hæðum á stuttum tíma.
Morgunblaðið/Kristinn
Jónas Jónasson stjórnar og fram-
leiðir myndina, sem hann vonar að
breyti viðhorfi fólks til spilafíknar.
Skemmtilegir leikir eru á dagskrá
Sjónvarpsins klukkan 20 í kvöld.
Happdrætti eða
fjárhættuspil?
Heimildarmynd um spilafíkn frumsýnd í Sjónvarpinu
RAFMÓTORAR
ALLAR GERÐIR OG STÆRÐIR
w
w
w
.d
es
ig
n.
is
©
20
02 Skeifunni 2
108 Reykjavík
Sími 530 5900
www.poulsen.is