Morgunblaðið - 01.02.2003, Side 27

LANDIÐ
MORGUNBLAÐIÐ LAUGARDAGUR 1. FEBRÚAR 2003 27
RSH.is
Dalvegi 16b • 201 Kópavogur
Sími 544 5570 • Fax 544 5573
www.rsh.is • rsh@rsh.is
Verkstæði
VERSLUN • VERKSTÆÐI
Radíóþjónusta Sigga Harðar
Áratuga reynsla tryggir gæðin
Allar viðgerðir á fjarskiptabúnaði
Setjum öll tæki í bílinn þinn
w
w
w
.d
es
ig
n.
is
©
20
03
Sig
ur
ðu
rH
ar
ða
rso
n,
ra
fe
in
da
vir
ki
MT-BÍLAR afhentu nýlega Ólafs-
fjarðarbæ nýjan slökkvibíl. Sigur-
jón Magnússon, bílasmiður og
frumkvöðull fyrirtækisins, afhenti
Stefaníu Traustadóttur bæjar-
stjóra bílinn, en hún afhenti hann
síðan slökkviliðsstjóranum, Magn-
úsi Sigursteinssyni. Var það gert
við formlega athöfn í húsakynnum
MT-bíla í Ólafsfirði. Viðstaddir
voru starfsmenn fyrirtækisins,
fulltrúar Ólafsfjarðarbæjar, og
menn úr slökkviliðinu, ásamt
sýslumanni. Bæjarstjórn Ólafs-
fjarðar ákvað þegar árið 1998 að
kaupa bíl af MT-bílum, en það var
ekki síst gert á þeim tíma til að
styðja við bakið á fyrirtækinu.
Yfirbygging bílsins, sem Ólafs-
fjarðarbær fékk afhentan, er úr
viðhaldsfríu trefjaplasti og er hún
sambyggð vatns- og froðutönkum.
Dæluskápur er að aftan en auk
þess þrír rúmgóðir búnaðarskápar
á hvorri hlið. Á þaki má komafyrir
stigum og öðrum búnaði. Dælu-
búnaður er frá þýska framleiðand-
anum Ziegler, framleiddur úr ís-
lensku áli. Í áhafnarhúsi er rými
fyrir allt að átta slökkviliðsmenn,
þar af fimm í reykköfunarstólum.
Hliðarhurðir eru stórar og aðgengi
fyrir slökkviliðsmennina þar af
leiðandi gott.
Fyrirtækið MT-bílar ehf. hefur
starfað frá því í byrjun árs 1999 og
hefur frá því fyrsta haft að mark-
miði að framleiða fyrsta flokks
slökkvibifreiðar fyrir íslenskar að-
stæður. Verð- og gæðasamanburð-
ur hefur enda leitt í ljós að MT-
slökkvibílarnir eru fyllilega sam-
keppnisfærir og þjónusta þeir nú
þegar stærstu slökkviliðin á Ís-
landi og í Færeyjum.
Með þróun á yfirbyggingum úr
trefjaplasti hefur tekist að fram-
leiða slökkvibíla sem í senn hafa
mikla burðargetu fyrir slökkviefni
og búnað en eru jafnframt kraft-
miklir og viðbragðsfljótir. Þessir
eiginleikar eru einmitt þeir sem
hvað mikilvægastir eru fyrir ís-
lenskar aðstæður.
Við stofnun fyrirtækisins var
lagt til grundvallar að þróa yf-
irbyggingar úr trefjaplasti og má
segja að þar hafi fyrirtækið verið í
sama takti og stórir erlendir fram-
leiðendur slökkvibifreiða. Í byrjun
var horft til þróunar á minni gerð-
um slökkvibifreiða en fljótlega út-
færði fyrirtækið trefjaplastsyfir-
byggingar á stærri slökkvibíla,
sem þegar eru komnir í notkun hjá
slökkviliðum í Grundarfirði, á
Akranesi og á höfuðborgarsvæð-
inu. MT-bílar ehf. leggja áherslu á
framleiðslu á jafnt stórum sem
minni slökkvibílum fyrir íslenskan
markað en fyrirtækið hefur einnig
náð góðri fótfestu á markaði í
Færeyjum. Unnið er að því að efla
þann markað enn frekar.
MT-slökkvibílar búa yfir flestum
þeim kostum sem prýða þurfa
góða slökkvibíla, segir Sigurjón
Magnússon. Þeir eru kraftmiklir,
léttbyggðir og sérstaklega einfald-
ir í allri notkun. Bílarnir hafa
mikla burðargetu á búnaði og
slökkviefni. MT-bílar framleiða
tvær meginstærðir slökkvibifreiða
en kaupendur hafa mest að segja
um endanlegar útfærslur bif-
reiðanna og uppsetningu þeirra.
Mikið hagræði er að því fyrir
slökkvilið hér á landi að hafa að-
gang að innlendum framleiðanda,
ekki aðeins hvað varðar tíma held-
ur sparast einnig umtalsverðir
fjármunir sem slökkvilið hafa
hingað til þurft að bera vegna
ferðakostnaðar erlendis.
Bærinn kaupir
slökkvibíl
af MT-bílum
Morgunblaðið/Helgi Jónsson
Frá afhendingunni. Stefanía Traustadóttir bæjarstjóri, lengst til vinstri, sýslumaðurinn, Ástríður Grímsdóttir,
lengst til hægri, og Magnús Sigursteinsson slökkviliðsstjóri, fremstur fyrir miðju. Aðrir eru úr slökkviliðinu.
Ólafsfjörður
SÉRKENNILEGT þjófnaðar-
mál kom upp á Egilsstöðum á
dögunum þegar hluta af ritsafni
Halldórs Kiljans Laxness var
stolið úr íbúðarhúsi.
Þegar menn vöknuðu árla
morguns á heimili sínu á Egils-
stöðum sáu þeir brátt að farið
hafði verið inn í húsið um bak-
dyr og hluta heildarsafns fyrstu
útgáfu bóka Laxness verið stol-
ið. Þjófurinn hafði af einskærri
kurteisi farið úr skónum áður en
hann gekk inn í húsið og fundið
sér innkaupapoka undir bæk-
urnar í kústaskáp eldhússins.
Ekkert annað hafði verið tekið,
m.a. stóð stafræn myndbands-
tökuvél á borði við hlið bóka-
skápsins og hafði ekki verið
snert.
Snjóföl var á jörðu og eftir að
hafa hringt í lögreglu og til-
kynnt þjófnaðinn, rakti heimilis-
faðirinn spor þjófsins. Þau voru
auðrakin því skómunstrið mun
hafa verið allsérstakt og auðvelt
að greina sporin í mjöllinni.
Komst hann þannig að því að
sporin áttu upphaf sitt í Vala-
skjálf, en þar hafði verið haldið
þorrablót Egilsstaðabúa um
nóttina og þjófurinn sjálfsagt
verið þar við skemmtun. Endaði
sporrekjandi við hús eitt í bæn-
um, þar sem lögregla var þegar
við skófarsrannsóknir og telst
málið nú upplýst og bókunum
hefur verið skilað til síns heima.
Brotamaðurinn er ungur pilt-
ur og mun ekki hafa komið við
sögu lögreglu áður. Gat hann
enga skýringu gefið á uppátæk-
inu. Ástæða þess að hann tók
ekki ritsafnið allt, var að hann
hafði ekki komið fleiri bókum í
pokann. Ekki er vitað hvort pilt-
urinn er sérlega bókhneigður,
en eigandi bókanna sagði að aðr-
ar og mun dýrmætari bækur
hefðu verið í skápnum. Ekki
verður lögð fram kæra í málinu.
Bóka-
þjófur á
þorrablóti
Egilsstaðir
HIÐ árlega þorrablót Hjóna-
klúbbsins í Grundarfirði verður
haldið laugardaginn 1. febrúar nk.
Um nokkurra ára skeið hefur það
tíðkast að miðar eru seldir helgina
á undan hjá einhverjum stjórn-
armeðlima. Samkeppni hefur
skapast um það hver fyrstur verð-
ur í röðinni eða fyrstur á húninn.
Sunnudaginn 26. janúar sl. var
sala hafin fyrir komandi þorrablót
og þar var fyrsti gesturinn mætt-
ur kl. 10 um morguninn en salan
hófst síðan kl. 19.15 um kvöldið.
Eftir því sem á daginn líður fjölg-
ar í röðinni og er þar ýmislegt
dundað til að stytta mönnum
stundir, m.a. var sjónvarpi stillt út
í glugga svo hægt væri að fylgjast
með strákunum okkar í handbolta
tapa fyrir Þjóðverjum. Árni kaup-
maður í Tanga var mættur með
gítarinn eftir miðjan dag og skap-
aðist þá útihátíðarstemning. Á
þorrablótinu sjálfu er síðan sá
verðlaunaður sem fyrstur var á
húninn þetta árið. Verðlaunin eru
að sjálfsögðu hurðarhúnn og sitt-
hvað fleira.
Morgunblaðið/Gunnar Kristjánsson
Þær urðu fyrstar þetta árið. F.v. María, Þórey, Fjóla og Anna. Sigrún
Hauksdóttir sem var fyrst er á bak við Önnu.
Hangið á
húninum
Grundarfjörður
AÐALFUNDUR Ungmennafélags-
ins Neista á Djúpavogi var haldinn í
lok janúar. Auk venjulegra aðalfund-
arstarfa var farið
yfir starf félags-
ins á árinu en þar
kom fram að yfir
80% barna og
unglinga taka
þátt í starfi ung-
mennafélagsins.
Rafn Heiðdal
knattspyrnumað-
ur var valinn
íþróttamaður ársins að þessu sinni.
Hann spilaði sitt fyrsta sumar með
meistaraflokki sl. sumar og stóð sig
sérstaklega vel. Rafn er áhugasamur
og samviskusamur og þykir til fyr-
irmyndar jafnt innan vallar sem ut-
an. Þessi verðlaun eru nú veitt í sjö-
unda sinn og eru hugsuð sem
hvatningarverðlaun fyrir íþrótta-
menn Umf. Neista.
Íþrótta-
maður
ársins
Djúpivogur
KVENFÉLAGIÐ Sif á Patreksfirði
hélt á dögunum sitt 54. þorrablót.
Það voru um 310 manns sem sóttu
blótið að þessu sinni. Um kl. 12 deg-
inum áður var fólk farið að bíða eft-
ir að miðasalan yrði opnuð, en hún
var ekki opnuð fyrr en kl 20. Ein-
hver hafði á orði að þetta hefði verið
eins og bomsubiðröð á stríðsárun-
um, eða eins og stórútsala er í dag.
Maturinn var mjög góður hjá þeim
kvenfélagskonum og ekki voru
skemmtiatriðin af verri endanum.
Þær hreinlega fóru á kostum. Þema
kvöldsins var sala á þorpinu, sem
endaði að sjálfsögðu í höndum kven-
félagskvenna, enda yrði þorpinu
trúleg vel stjórnað af þeim, eins og
öðru því sem þær taka sér fyrir
hendur. Mest allt skemmtiefnið var
sungið við undirleik tveggja manna,
þeirra Eggerts Björnssonar og
Gests Rafnssonar, og stóðu þeir sig
með prýði. Textann höfðu þær sam-
ið sjálfar. Þarna mættu nokkrar
konur í upphlut og nokkrir karl-
menn í íslenska þjóðbúningnum.
Þarna mátti líka sjá færeyska þjóð-
búninginn ásamt tveim herrum í
skoskum búningi. Ekki þarf að hafa
mörg orð um hversu glæsilegir þeir
voru og hve mikla lukku þeir gerðu.
Og að sjálfsögðu vöknuðu upp
spurningar um innri klæðnað. Að
loknum skemmtiatriðum og borð-
haldi var dansað fram eftir nóttu.
Það var svo hljómsveitin Baldur og
Margrét sem sáu um að halda fjör-
inu uppi. Að allra áliti voru þau
mögnuð, þau spiluðu hreinlega allan
tímann og sáu um að músíkin hæfði
öllum.
Fjölmenni á þorrablóti
Ljósmynd/Sigurbjörn Sævar Grétar
Patreksfjörður