Morgunblaðið - 06.03.2003, Qupperneq 12

FRÉTTIR
12 FIMMTUDAGUR 6. MARS 2003 MORGUNBLAÐIÐ
MEGN óánægja er meðal forsvars-
manna sumra framhaldsskóla lands-
ins með stóraukinn kostnað vegna
tengingar við nýtt háhraðanet
menntastofnana, sem tekið var í
notkun í byrjun febrúar. Heildar-
kostnaður við netið er sagður vera
um hálfur milljarður króna á fjórum
árum. Margir skólastjórnendur vilja
bíða og sjá hver endanlegur kostn-
aður við tenginuna verður en Már
Vilhjálmsson, rektor Menntaskólans
við Sund, segir að upplýsingar um
það hafi ekki enn borist frá mennta-
málaráðuneytinu.
Þetta kemur fram í nýjasta hefti
Tölvuheims, sem fjallar um tilurð
FS-netsins. Skýrr bauð í samvinnu
við Landssíma Íslands lægst í að
koma netinu á fót í útboði sem fram
fór fyrir áramót. FS-netið mun
tengja saman yfir 60 framhaldsskóla
og símenntunarstöðvar um allt land.
Margrét Friðriksdóttir, skóla-
meistari Menntaskólans í Kópavogi,
segir í blaðinu að á sínum tíma hafi
hún látið undan miklum þrýstingi
menntamálaráðuneytisins að skrifa
undir viljayfirlýsingu um þátttöku í
verkefninu. Setti hún þann fyrirvara
að í því fælist ekki aukinn kostnaður
fyrir skólann. Már Vilhjálmsson seg-
ist líka hafa sagt skólann hafa áhuga
á þessu verkefni enda sagt að slík
tenging myndi ekki verða dýrari og
að öllum líkinum ódýrari en þær
tengingar sem fyrir væru.
Samkvæmt Tölvuheimi gæti
kostnaðarauki skólanna tvö- eða þre-
faldast með tengingu við FS-netið
miðað við þær tengingar sem fyrir
eru. Misjafnt er hvernig það skiptist
á milli skólanna og fer það eftir
stærð og hvernig tengingar eru í
skólanum fyrir. Lárus H. Bjarnason,
rektor Menntaskólans við Hamra-
hlíð, segir að miðað við bráðabirgða-
tölur myndi tengikostnaður skólans
meira en tvöfaldast. Hjalti Jón
Sveinsson, skólameistari Verk-
menntaskólans á Akureyri, segist
einnig bíða með ákvörðun og er
ósáttur hvað þetta er „ofboðslega“
dýrt.
Stórauknir möguleikar
Arnór Guðmundsson, þróunar-
stjóri hjá menntamálaráðuneytinu,
segir afstöðu ráðuneytisins að hafa
sama gjald fyrir skólana um allt land
og ætlunin hafi verið að nota stærð
verkefnisins til að ná niður verðinu
fyrir heildina. Hann viðurkennir að
þau markmið hafi ekki náðst eins vel
og æskilegt var. Því hafi komið til
veruleg niðurgreiðsla af hálfu ríkis-
ins til að lækka kostnað skólanna.
Magnús Böðvar Eyþórsson, fram-
kvæmdastjóri þjónustulausna hjá
Skýrr, segir ánægjuraddir yfirgnæf-
andi, jafnt meðal menntastofnana,
ráðuneytis og opinberra stofnana.
Hann segir misskilning að halda því
fram að kostnaður við FS-netið sé
meiri en talið var að hann yrði.
Kostnaður hafi ekki verið ljós fyrr en
útboð voru opnuð. Það hafi ekki
breyst og miðað við gæði þjónust-
unnar hafi hagkvæmni skólanna við
rekstur netsins aukist. Einnig sé erf-
itt að reikna til fjár stóraukna mögu-
leika skólanna með tilkomu netsins
m.a. til fjarkennslu, myndfunda og
samreksturs tölvuneta.
Nokkrir framhaldsskólar bíða með að tengjast háhraðaneti menntastofnana
Skólastjórnendur
gagnrýna tengikostnað
ÞEIR bíða spenntir eftir merkjum frá þjálfara sínum, Labrador
Retriever-hundarnir, sem Höskuldur Ólafsson er þarna að þjálfa til
ýmissa kúnsta í hálfrökkrinu. Þessir hundar þykja afburða greindir og
vinalegir og hafa vinsældir þeirra verið eftir því enda notaðir við hin
fjölbreyttustu störf, mannfólkinu til aðstoðar. Þeir sjást gjarnan í sér-
hæfðum hlutverkum, t.d. sem blindrahundar eða fíkniefnaleitarhundar
og ófáir Retriever-hundar þjóna sem bestu vinir mannsins inni á heim-
ili þess síðarnefnda.
Morgunblaðið/Ingó
Bestu vinir mannsins
ÞRÁTT fyrir að enn hafi ekki tekist
að gera við vatnsleiðslu sem liggur til
Vestmannaeyja er fiskvinnsla í fullum
gangi bæði í Vinnslustöðinni og Íshúsi
Vestmannaeyja. Enn hefur ekki tek-
ist að staðsetja skemmdina nákvæm-
lega en hún er talin vera um kíló-
metra út af ströndinni rétt vestan við
ósa Markarfljóts. Friðrik Friðriksson
veitustjóri sagði að erfitt væri að
finna skemmdina þar sem hún sé
grafin í sand. Hann sagði einnig að
erfitt væri að komast að leiðslunni
vegna öldugangs.
Sigurgeir Kristgeirsson, fram-
kvæmdastjóri Vinnslustöðvarinnar í
Vestmannaeyjum, sagði vatnsskort-
inn ekki farinn að hafa áhrif á fisk-
vinnslu þeirra. „Þetta er ekki farið að
há okkur ennþá, en við vitum af þessu.
Þetta hamlar okkur ekki á meðan við
förum sparlega með vatnið og reyn-
um að passa okkur. Við notum heil-
mikinn sjó í staðinn,“ sagði Sigurgeir.
Hann vonast þó til að ástandið batni
fljólega. „Þetta er sá tími sem skiptir
okkur mestu máli núna og ef hann
klikkar þá klikkar allt árið. Við erum
byrjuð að vinna í loðnuhrognum og
vonumst til að geta haldið áfram í
þeim. Það má eiginlega segja að tím-
inn fram undir páska sé tíminn okkar.
Þá stendur netavertíðin sem hæst.
Við veiðum þorskinn og loðnuna á
þessum tíma,“ sagði Sigurgeir. Ægir
Páll Friðbertsson, framkvæmdastjóri
Ísfélags Vestmannaeyja, sagði að
vatnsskortur sé enn ekki farinn að
hafa áhrif á vinnslu félagsins.
Vatnsskortur
hamlar ekki
fiskvinnslu
UMSÓKNARFRESTUR um emb-
ætti forstöðumanns Rannsóknar-
miðstöðvar Íslands rann út sl. mánu-
dag. Menntamálaráðuneytinu bárust
sextán umsóknir um embættið. Um-
sækjendur eru: Ármann Höskulds-
son, Bjarki Jóhannesson, Edda Lilja
Sveinsdóttir, Erla Björk Þorgeirs-
dóttir, Eyþór Haraldur Ólafsson,
Hans Kristján Guðmundsson, Her-
mundur Sigmundsson, Ívar Jónsson,
Jóhannes Gíslason, Kristján Krist-
jánsson, Loftur Altice Þorsteinsson,
Oddur Már Gunnarsson, Ólafur
Oddgeirsson, Ragnheiður I. Þórar-
insdóttir, Stefanía Óskarsdóttir og
Viðar Helgason. Menntamálaráð-
herra mun skipa í embættið í síðasta
lagi 1. apríl næstkomandi samanber
ákvæði laga um opinberan stuðning
við vísindarannsóknir.
Forstöðumaður Rann-
sóknarmiðstöðvar
Sextán um-
sóknir bárust
♦ ♦ ♦
VINNUAÐSTÆÐUR Íslendinganna sem frá
og með sl. mánudegi stýra Pristina-flugvelli í
Kosovo í umboði Atlantshafsbandalagsins
(NATO) í Kosovo eru frumstæðar og mikið
vantar upp á að flugvöllurinn uppfylli þær kröf-
ur, sem gerðar eru til slíkra mannvirkja, þótt
flugöryggismál séu í lagi. Ljóst er þó að Íslend-
ingarnir tíu, sem nú vinna að þessu verkefni fyr-
ir hönd íslensku friðargæslunnar, láta slíkt ekki
koma í veg fyrir að flugumferð um völlinn gangi
eins vel og kostur er.
Þetta er mat Þorgeirs Pálssonar flug-
málastjóra og Björns Inga Knútssonar, flug-
vallarstjóra á Keflavíkurflugvelli, en þeir voru
ásamt Ásgeiri Pálssyni, framkvæmdastjóra
flugumferðarsviðs Flugmálastjórnar, og Har-
aldi Stefánssyni, slökkviliðsstjóra á Keflavík-
urflugvelli, í föruneyti Halldórs Ásgrímssonar,
utanríkisráðherra, sem á mánudag tók við
stjórn flugvallarins úr höndum Ítala fyrir Ís-
lands hönd.
Þorgeir og Björn Ingi dvöldust í Kosovo um
fjögurra daga skeið og kynntu sér verkefnið og
aðstæður Íslendinganna. Hafa báðir orð á því að
þarna sé unnið gott starf við erfiðar aðstæður.
„Flugvöllurinn er vel starfhæfur í dag eins og
hann er. Það vantar hins vegar mikið upp á að
allt gangi eins hratt og vel og æskilegt væri,“
sagði Björn Ingi.
„Vinnuaðstæðurnar eru
mjög frumstæðar,“ segir
Þorgeir. „Flugturninn er lít-
ið glerhýsi, sem komið er
fyrir uppi á gámi, og er
vinnurýmið í lágmarki.
Skrifstofupláss er í bráða-
birgðahúsnæði og mjög
þröngt. Þó má búast við að
aðstæður batni nú þegar
ítalski flugherinn hefur lokið
sínu hlutverki og heldur
heim á leið.
Flugvallarratsjáin er ekki
tengd inn í flugturninn held-
ur er hún á öðrum stað sem
gerir nýtingu hennar erf-
iðari en ella. Þetta er her-
ratsjá, sem Ítalirnir komu
með fyrir tveimur árum, og
verður notuð áfram þar til
Sameinuðu þjóðirnar hafa
fest kaup á nýrri ratsjá, sem verður væntanlega
af fullkomustu gerð,“ sagði Þorgeir einnig.
Telur hann þó engan vafa á því að íslenski
hópurinn ráði við hina faglegu þætti í stjórnun
flugumferðarinnar og þjónustu tengdri henni.
Björn Ingi segir flugvöllinn í Pristina engan
veginn standast samanburð við flugvöllinn í
Keflavík, þar sem hann stýrir málum, en m.a. er
flugstöðin sjálf lítil og vanefnum búin. Engu að
síður er það staðreynd að næstum jafn margir
farþegar fari um þennan flugvöll á árs-
grundvelli.
„Hér erum við að líkja saman tveimur gjör-
ólíkum hlutum. Keflavíkurflugvöllur hefur aldr-
ei verið vettvangur stríðsátaka eins og þessi
flugvöllur,“ segir Björn Ingi. „Hitt er annað mál
að umferðin um þennan flugvöll er miklu jafnari
en um Keflavíkurflugvöll. Þarna er flugumferð
allan daginn, fram á kvöld, en völlurinn er síðan
lokaður á nóttunni. Keflavíkurflugvöllur er op-
inn 24 klst. á sólarhring, 365 daga á ári. Það fara
mun fleiri farþegar um okkar flugvöll á mjög
skömmum tíma, á eins konar álagspunktum,
heldur en á þessum flugvelli, sem útheimtir
mun meiri og betri aðstæður.“
Þorgeir og Björn Ingi lýsa aðdáun sinni á því
starfi, sem Íslendingarnir tíu hafa unnið und-
anfarna mánuði. „Sú staðreynd að yfirmanni
hópsins, Hallgrími Sigurðssyni, var veitt sér-
stakt heiðursmerki NATO við athöfnina sl.
mánudag segir meira en nokkuð annað hve góð-
an orðstír hann og hans fólk hefur aflað sér,“
sagði Þorgeir. „Það er ljóst af ummælum
margra aðila, sem ég ræddi við, að Íslending-
arnir hafa getið sér mjög gott orð og vel er látið
af samskiptum við þá,“ segir hann ennfremur.
Æðstu yfirmenn flugmála á Íslandi fylgdu utanríkisráðherra til Kosovo
Gott starf við erfiðar aðstæður
Björn I. Knútsson
Þorgeir Pálsson
FJÖLMIÐLAR í Kosovo fylgdust mjög grannt
með heimsókn Halldórs Ásgrímssonar utan-
ríkisráðherra til Kosovo í vikunni. Allir ljós-
vakamiðlar í héraðinu greindu á mánudag og
þriðjudag frá því að Halldór hefði formlega
tekið við stjórn flugvallarins í Pristina fyrir
Íslands hönd við hátíðlega athöfn á mánudag
og þá var sagt frá viðræðum hans við Michael
Steiner, æðsta yfirmann Sameinuðu þjóðanna
í Kosovo, en SÞ fara þar með stjórn mála.
Einkenndist nálgun miðlanna að efninu af
því að það yrði verk Íslendinga að þjálfa
heimamenn til að geta tekið við verkefninu,
en sem kunnugt er setja Kosovo-Albanar það
á oddinn að ráða sínum málum sjálfir.
Fréttastofan Kosovalive rakti þau ummæli
Steiners ítarlega að honum þætti gott að Ís-
land tæki við stjórn flugvallarins, enda hefðu
Íslendingar mikla reynslu af flugmálum þar
sem þeir væru mjög háðir flugsamgöngum.
Sömuleiðis hefðu þeir reynslu af flug-
málastjórn við erfitt veðurfar en slík reynsla
myndi reynast vel í Pristina, þar sem oft er
þoka yfir flugvellinum og þar sem rigning
getur jafnframt leikið flugbrautina grátt.
Þrjú af fimm dagblöðum í Kosovo greindu
frá athöfninni á mánudag á forsíðu og fylgdu
myndir frá henni. Dagblöðin Zeri og Bota Sot
fjölluðu einnig sérstaklega um fund Halldórs
með Ibrahim Rugova, forseta Kosovo-héraðs.
Heimsókn Halldórs
vakti mikla athygli