Morgunblaðið - 06.03.2003, Blaðsíða 43

FRÉTTIR
MORGUNBLAÐIÐ FIMMTUDAGUR 6. MARS 2003 43
Í TILKYNNINGU sem Morgun-
blaðinu hefur borist frá útvarpsstöð-
inni Radíó Reykjavík er beðist af-
sökunar á því ef auglýsing
stöðvarinnar, sem birtist í DV á
þriðjudag, hafi sært blygðunar-
kennd einhverra. Segir að aldrei hafi
staðið til að særa lesendur, en texti
auglýsingarinnar var, að mati rit-
stjóra DV sem og formanns Samtaka
auglýsenda, ósmekklegur. Segir út-
varpsstöðin að meiningin hafi verið
góð, en orðavalið óheppilegt, og á því
er beðist afsökunar.
Yfirlýsing frá
Radíói Reykjavík
Orðavalið
óheppilegt
LAUNAJAFNRÉTTI – hvernig
gengur? er yfirskrift fundar sem
haldinn verður í tilefni af alþjóðleg-
um baráttudegi kvenna, föstudaginn
7. mars kl. 12 á Setrinu, Grandhótel.
Framreiddur verður léttur máls-
verður kr. 1.000.
Ingólfur V. Gíslason, sérfræðing-
ur hjá Jafnréttisstofu, fjallar um
stöðuna varðandi launamun
kynjanna, Þorgerður Einarsdóttir,
lektor í kynjafræðum, og Gunnar
Páll Pálsson, formaður Verzlunar-
mannafélags Reykjavíkur, fjalla um
dreifðstýrð launakerfi, hvaða mögu-
leikar þeirra séu og hvað beri að var-
ast. Hildur Jónsdóttir, jafnréttisráð-
gjafi Reykjavíkurborgar, og
Ragnhildur Helgadóttir, jafnréttis-
fulltrúi hjá ÍTR, fjalla um hugmynd-
ir og veruleika bak við jafnrétt-
isáætlanir og jafnlaunastefnu. Að
lokinni framsögu verður gefinn kost-
ur á fyrirspurnum.
Fundarstjóri er Halldóra Frið-
jónsdóttir, formaður BHM.
Að fundinum standa Alþýðusam-
band Íslands, BHM, BSRB, KÍ,
KRFÍ, SÍB, jafnréttisnefnd Reykja-
víkurborgar, Jafnréttisráð og Jafn-
réttisstofa, og Rannsóknarstofa í
kvennafræðum, segir í fréttatilkynn-
ingu.
Alþjóðlegur
baráttu-
dagur kvenna
Tourette-samtökin hafa opið hús í
kvöld, fimmtudagskvöldið 6. mars,
kl. 20.30 í Hátúni 10b (austasta ÖBÍ
blokkin), í kaffiteríunni á jarðhæð-
inni. Opið hús er mánaðarlega að
vetrinum og gefst fólki þá tækifæri
til að hlusta á fyrirlestra eða kynn-
ingar, horfa saman á myndband,
fjalla um bækur varðandi TS heil-
kennið og spjalla saman yfir kaffi-
bolla um Tourette-málefni.
Í DAG
Brúðkaupssýningin Já í Vetr-
argarði Smáralindar verður hald-
in dagana 7.- 9. mars og verður
formlega opnuð á morgun, föstu-
daginn 7. mars, kl. 15. 56 fyrirtæki
taka þátt í að kynna vörur sínar og
þjónustu.
Tískusýningar verða frá Brúð-
arkjólaleigu Katrínar, Debenhams,
Oasis, versluninni Isis, Skradd-
arahúsinu og Borgarfataleigunni.
Þá syngja og leika Páll Óskar og
Monika, Guðbjörg Magnúsdóttir,
Matthías Matthíasson, Margrét
Eir, Bjarni Ara, VSOP söng-
kvartettinn, Harold Burr úr „The
Platters“, LB band, Hjálmar Frið-
bergsson, Þorvaldur Þorvaldsson,
Jón Jósep Snæbjörnsson, Regína
Ósk, Margrét Grétarsdóttir, Þór-
unn Clausen og JB Band. Veislu-
borð frá veisluþjónustunni Kokk-
unum verður kynnt, dregið í
brúðkaupsleik Morgunblaðsins o.fl.
Fyrirlestraröð um fötlunarrann-
sóknir Dóra S. Bjarnason flytur
erindið, Fötlun og fullorð-
inshlutverk, á morgun, föstudaginn
7. mars, kl. 12-13 í stofu 101 í
Odda, Háskóla Íslands. Fyrirlest-
urinn fjallar um niðurstöður rann-
sóknar á reynslu ungs fatlaðs fólks
af uppvexti sínum, skólagöngu, vin-
áttu og aðstæðum og hvernig þetta
tengist framtíðardraumum þeirra.
Kynning á meistara- og dokt-
orsnámi við véla- og iðn-
aðarverkfræðiskor Háskóla Ís-
lands verður á morgun,
föstudaginn 7. mars, kl. 14 í VR II,
stofu 262. Við skorina eru skráðir
39 meistaranemar og 4 dokt-
orsnemar. Flest verkefnin eru
styrkt af íslenskum aðilum og eru
unnin í samstarfi við íslensk fyr-
irtæki og rannsóknarstofnanir. Er-
indi halda: Páll Valdimarsson, pró-
fessor, Valdimar K. Jónsson,
prófessor, Burkni Helgason, meist-
aranemi, Stefán Örn Stefánsson,
meistaranemi, Páll Jensson, pró-
fessor, og Magnús Þór Jónsson,
prófessor. Eftir kynninguna verður
opið hús þar sem fastir kennarar,
meistara- og doktorsnemar dreifa
verkefnishugmyndum og svara
spurningum. Öllum heimill aðgang-
ur.
Á MORGUN
STJÓRN Fuglaverndarfélags Ís-
lands telur úrskurður Sivjar Frið-
leifsdóttur umhverfisráðherra, sem
heimilar Kárahnjúkavirkjun, er að
nokkru leyti byggður á gögnum sem
séu bæði villandi og jafnvel í sumum
tilvikum röng. Því telur stjórnin að
rétt sé að fella fyrri úrskurð úr gildi,
afla nýrra gagna og úrskurða á ný.
„Íslenski landselsstofninn hefur
minnkað um 67% á síðustu 20 árum
og samkvæmt alþjóðlegum skilgrein-
ingum á tegundin heima á válista. Ár-
ið 1980 var stofninn um 45.000 dýr en
um 15.000 dýr árið 2000 samkvæmt
talningum Hafrannsóknastofnunar.
Á Úthéraði við ósa Jökulsár á Dal og
við Lagarfljót er selalátur með 400–
600 urtum eða um 10% af íslenska
stofninum, þegar tekið er tillit til bæði
brimla og geldsela. Þetta látur, eitt
hið stærsta á Íslandi, mun að öllum
líkindum eyðileggjast verði af Kára-
hnjúkavirkjun. Í umhverfismats-
skýrslu Landsvirkjunar segir að 3%
landselastofnsins verði fyrir áhrifum
af framkvæmdunum og þar miða sér-
fræðingar fyrirtækisins við að stofn-
inn sé 45.000 dýr! Þessar rangfærslur
eru furðulegar þar sem ljóst má vera
af lestri skýrslunnar að höfundum var
fullkunnugt um mikla fækkun í stofn-
inum.
Í matsskýrslunni segir að „á Út-
héraði séu kjóar algengir“. Hér er
logið með þögninni, en í kjóavarpinu á
Úthéraði eru 1.300 pör og er það
stærsta þekkta kjóavarp í heiminum!
Fyrirhugaðar virkjunarframkvæmd-
ir við Kárahnjúka ógna tilvist þessa
varps þar sem bæði mun verða veru-
leg röskun á varplöndum þeirra og
eins viðbúið að fæðuskilyrði á grunn-
sævi við Héraðsflóa muni breytast til
verri vegar.
Hérað er eitt mesta varp- og
fjaðrafellisvæði grágæsa á landinu.
Um 2.000 pör verpa þar eða 10% ís-
lenska stofnsins og síðsumars eru um
10.000 grágæsir á svæðinu. Varplönd,
fellistaðir og beitilönd þeirra munu
breytast verulega. Í matsskýrslunni
segir að gæsirnar geti fært sig eitt-
hvað annað, en slíkur málflutningur
er ekki samboðinn virtum sérfræð-
ingum Landsvirkjunar.
Úrskurður umhverfisráðherra er
því skýlaust brot á tveimur sáttmál-
um sem Íslendingar eru aðilar að,
Ríósáttmálanum um líffræðilega fjöl-
breytni og Bernarsáttmálanum, um
verndun villtra dýra, plantna og líf-
svæða í Evrópu.“
Byggður á villandi gögnum
Ragnar upplýsingar um
úrslit kosninga í HÍ
Rangt var farið með úrslit kosn-
inga til Stúdentaráðs Háskóla Ís-
lands í Staksteinum í gær. Hið
rétta er, eins og raunar kom fram
í frétt blaðsins 1. marz, að Vaka
hlaut 5 fulltrúa, Röskva 3 fulltrúa
og Háskólalistinn einn fulltrúa.
Þá var ranghermt í dálkinum að
Röskva hefði verið stofnuð seint á
áttunda áratugnum; stofnár sam-
takanna var 1988.
Beðizt er afsökunar á þessum
mistökum.
Föðurnafn rangt stafsett
Á baksíðu Morgunblaðsins í gær
var birt mynd af börnum á leik-
skólanum Sæborg sem voru að
undirbúa öskudaginn. Í mynda-
texta var föðurnafn Helga Alberts
Reinhardssonar rangt stafsett.
Beðist er velvirðingar á þessum
mistökum.
LEIÐRÉTT
SAMKOMULAG hefur verið gert
á milli Sæferða ehf. sem er rekstr-
araðili ferjunar Baldurs og Vega-
gerðarinnar um breytta áætlun
ferjunnar í vetraráætlun. Þetta er
gert í tilraunaskyni, í kjölfar álits
nefndar sem samgönguráðherra
skipaði sl. haust. Verkefnisnefnd
af hálfu samgönguráðuneytisins
hefur unnið út frá þessu áliti og er
þessi breyting niðurstaða þeirrar
vinnu.
Ný áætlun tekur gildi 15. mars
nk. og mun gilda til að byrja með
til þess tíma að sumaráætlun tekur
gildi 1. júní. Brottfarartímar hafa
verið samræmdir og fer ferjan alla
daga nema þriðjudaga og föstu-
daga frá Stykkishólmi kl 13.30 og
frá Brjánslæk kl. 17. Á föstudög-
um og þriðjudögum verða farnar
tvær ferðir daglega og er þá farið
frá Stykkishólmi kl. 9 og 15.45 og
frá Brjánslæk kl 12.30 og aftur kl
19.
Með því að færa áætlunina
lengra fram á daginn er m.a. verið
að koma á móts við óskir fisk-
vinnslufyrirtækja á sunnanverðum
Vestfjörðum auk þess sem margir
íbúar svæðisins telja daginn nýtast
betur með því að ferðast síðdegis.
Er það von allra sem að þessu
standa að þetta nýja fyrirkomulag
muni reynast notendum ferjunnar
betur. Þessar breytingar rúmast
að öllu leyti innan ákvæða rekstr-
arsamningsins sem gerður var við
Sæferðir ehf. í kjölfar útboðs
haustið 1999, segir í fréttatilkynn-
ingu.
Bætt þjónusta
ferjunnar
Baldurs yfir
Breiðafjörð
NÝLEGA hélt Landhelgisgæslan
kynningu fyrir starfsfólk Rauða
krossins um hættur sem stafa af
sprengjum, t.a.m. jarðsprengjum,
efna- og sýklavopnum og þær var-
úðarráðstafanir sem gera þarf
vegna slíkrar hættu. Kynningin
var liður í fræðslu fyrir verðandi
sjálfboðaliða á vegum Rauða
krossins, m.a. vegna yfirvofandi
stríðs í Írak.
Kynningin stóð yfir í 3 klukku-
stundir og fólst m.a. í því að sýndar
voru ýmsar tegundir sprengna og
jarðsprengna og margvísleg verk-
færi sem nota má til að verjast
þeim. Tilgangur kynningarinnar
var að gera fólk meðvitaðara um
hætturnar, kynna mismunandi teg-
undir sprengna, áhrif þeirra og
varúðarráðstafanir vegna efna- og
sýklavopna.
Í flestum tilfellum er sprengju-
svæðum stjórnað af herjum, bæði á
stríðstímum og eftir stríð, og ljóst
er að fyrst og fremst er horft á
hernaðarlegan tilgang og mark-
mið við stjórnun þeirra. Skipulögð
hreinsun sprengjusvæða er yfir-
leitt framkvæmd af herjum en oft í
samráði við Sameinuðu þjóðirnar
og stofnanir sem hafa það að
markmiði að standa fyrir slíkri
hreinsun. Vandamál vegna jarð-
sprengna og annarra virkra
sprengna vegna stríðsátaka eru
umtalsverð. Stór svæði í heiminum
eru ónothæf til landbúnaðar og
jafnvel á Íslandi er 70–100 sprengj-
um, frá því í seinni heimsstyrjöld-
inni og síðar, eytt á hverju ári.
Þrátt fyrir að Rauði krossinn
hafi þá stefnu að setja starfsfólk
sitt ekki vísvitandi í hættu er óhjá-
kvæmilegt að eftirstríðshjálp fer
fram undir kringumstæðum þar
sem ýmis hætta er til staðar, m.a.
virkar sprengjur sem skildar hafa
verið eftir eða jarðsprengjur. Það
er von Landhelgisgæslunnar að
kynning sem þessi geri starfsmenn
Rauða krossins meðvitaðari um
mögulegar hættur sem fylgja
störfum þeirra og geri þá hæfari
til að takast á við sjálfboðaliðastörf
í þágu mannúðar, segir í frétta-
tilkynningu.
Gæslan með námskeið fyrir starfsfólk Rauða krossins
Sprengjusérfræðingar Landhelgisgæslu stóðu fyrir kynningunni.
Fræðsla um
efna- og
sýklavopn
YELENA Yershova hlaut verkefnastyrk Félagsstofn-
unar stúdenta fyrir MA-verkefni sitt í íslenskum bók-
menntum „Rýnt í myrkrið: Íslenskar lausavísur frá
1440–1550“. Verkefnið fjallar um þá bókmenntagrein
sem ætíð hefur verið vinsæl með íslensku þjóðinni,
bæði sem þjóðariðkun og þjóðlist. Verkefnið er braut-
ryðjendaverk en erfitt hefur verið að gera grein fyrir
lausavísnagerð á þessu tímabili þar sem heimildir eru
ófullkomnar og vandmeðfarnar og tímabilið eitt helsta
umbrotatímabil íslensks kveðskapar.
Yelena setti sér það markmið við vinnuna að leita að
lausavísum í handritum og prentuðum heimildum og
uppskar ríkulegar en búist var við í upphafi, en um 70
vísur fundust þegar upp var staðið. Aðalleiðbeinandi
við verkefnið var Guðrún Nordal, dósent í íslenskum
bókmenntum.
Yelena útskrifaðist frá Háskóla Íslands 22. febrúar
síðastliðinn.
Verkefnastyrkur Félagsstofnunar stúdenta er veitt-
ur þrisvar á ári. Tveir við útskrift að vori, einn í októ-
ber og einn í febrúar. Nemendur sem skráðir eru til út-
skriftar hjá Háskóla Íslands og þeir sem eru að vinna
verkefni sem veita 6 einingar eða meira í greinum þar
sem ekki eru eiginleg lokaverkefni geta sótt um styrk-
inn. Markmiðið með Verkefnastyrk FS er að hvetja
stúdenta til markvissari undirbúnings og metnaðar-
fyllri lokaverkefna. Jafnframt að koma á framfæri og
kynna frambærileg verkefni. Styrkurinn nemur
100.000 kr.
Verkefnastyrk-
ur FS afhentur
Morgunblaðið/Jim Smart
Andri Óttarsson, stjórnarformaður Félagsstofnunar
stúdenta, afhendir Yelena Yershova styrkinn.
Stjórn Fuglaverndarfélags gagnrýnir úrskurð ráðherra