Morgunblaðið - 30.03.2003, Blaðsíða 50
50 SUNNUDAGUR 30. MARS 2003 MORGUNBLAÐIÐ
BRÉF
TIL BLAÐSINS
Kringlunni 1 103 Reykjavík Sími 569 1100
Símbréf 569 1329 Netfang bref@mbl.is
Allt efni sem birtist í Morgunblaðinu og Lesbók er varðveitt í upplýsinga-
safni þess. Morgunblaðið áskilur sér rétt t i l að ráðstafa efninu þaðan, hvort
sem er með endurbirtingu eða á annan hátt. Þeir sem afhenda blaðinu efni
ti l birtingar teljast samþykkja þetta, ef ekki fylgir fyrirvari hér að lútandi.
FLESTIR gera sér grein fyrir þeim
mikla hjúkrunarvanda sem við eig-
um við að etja, sérstaklega á höfuð-
borgarsvæðinu, en til allrar ham-
ingju eru uppi áform og áætlanir um
betri tíð.
Það var ánægjulegt að sjá hvernig
nefnd á vegum heilbrigðisráðuneyt-
isins beitti sér í vetur til að minna á
þau mikilvægu störf sem unnin eru á
hjúkrunarheimilum landsins og í
umönnun aldraðra. En þar sem
sjaldan er rætt um starfsfólk í öldr-
unarþjónustu langar mig aðeins til
að minnast á tvo hópa starfsmanna
sem meðal annarra vinna afar þýð-
ingarmikil störf í þágu aldraðra.
Alltof sjaldan er rætt og ritað um
mikilvægar stéttir og starfsmenn
sem eiga að þjóna elsta og oft veik-
asta fólki landsins. Þeir sem eiga að
annast veika aldraða þurfa að vera
vel í stakk búnir til að sinna þeim
þjóðfélagsþegnum sem hafa lagt sig
fram um áraraðir og lagt hornsteina
að nútímaþjóðfélagi. Aldraðir eiga
skilið að við leggjum okkur öll fram
um að veita þeim þá aðhlynningu
sem þeir þurfa og til allrar hamingju
hefur yfirleitt valist gott fólk til þess-
ara starfa. Undirstaða starfsfólks á
dvalar- og hjúkrunarheimilum eru
sjúkraliðar og almennt starfsfólk
sem taka að sér þessi störf sem ekki
eru alltaf jafn vel metin og sjaldan
gefinn nógu mikill gaumur.
Það er erfitt að sinna sjúku fólki
og oft enn erfiðara að sinna veiku,
öldruðu fólki. Sumir eru þjáðir og
þjakaðir af verkjum og andlegri van-
líðan, sumir virðast þvermóðskufull-
ar nöldurskjóður sem sjá aldrei
bjartan dag þó að flestir séu vel við-
ræðuhæfir og gefi alltaf eitthvað af
sér, miðli af reynslu sinni og þekk-
ingu. Það er ekki fyrir hvern sem er
að umgangast fólk með erfiða sjúk-
dóma til líkama og sálar. Það þarf
trausta og þolinmóða starfsmenn,
skilningsríka með gott hjartalag og
umfram allt starfsfólk sem sér frem-
ur björtu hliðar lífsins en það sem
einblínir á dökku hliðarnar. Slík
umönnunarstörf eru krefjandi, lýj-
andi og erfið, en veita líka sýn inn í
heim þeirra sem oft líða og þjást og
gefa starfsfólki veganesti sem er
mikils virði á lífsleiðinni.
Starfsfólk af þessu tagi sem legg-
ur sig fram um að öðlast meiri þekk-
ingu og reynslu til að geta unnið
störf sín betur en áður á skilið mikið
þakklæti og virðingu fyrir frábær
störf sín og laun í takt við ábyrgðina.
Við höldum áfram að byggja
hjúkrunarheimili. Það er þörf á
þeim. En engin hjúkrunarheimili
verða rekin í þessu landi ef ekki fæst
hæft og gott starfsfólk sem ber virð-
ingu fyrir sjálfu sér og öðrum.
Umönnunarstarf og þjónusta við
aldraða bæði í heimahúsum og á
hjúkrunarheimilum er eitt þýðingar-
mesta starf sem unnið er í þágu aldr-
aðra og skipta þau þó öll miklu máli.
ÞÓRIR S. GUÐBERGSSON,
Látraströnd 7.
Starfsmenn í öldrunar-
þjónustu sem mega
ekki gleymast
Frá Þóri S. Guðbergssyni:
STJÓRNMÁLAMENN lofa nú sem
fyrr hver um annan þveran skatta-
lækkunum á hinn almenna laun-
þega, nái þeir til þess umboði í
komandi kosningum.
Sjálfstæðismenn gera út á að við
ofangreind, þ.e. stærsti hluti laun-
þega, séum svo fáfróð að við skilj-
um ekki hvernig skattamál hafa
þróast á undanförnum árum. For-
sætisráðherra segir að um skatta-
lækkanir hafi verið að ræða síðustu
ár, en skoðum nú raundæmi þeirra
lækkana. Þar hefur hinn almenni
launþegi verið algerlega sniðgeng-
inn.
Það eru stórfyrirtæki og fjár-
magnseigendur sem notið hafa
skattalækkana.
Tekjuskattur þeirra hefur lækkað
niður í um 18% úr um 30%, eða um
tæplega helming. Einnig lækkaði
eignar- og fjármagnsskattur þeirra.
Frá árinu 1995 hefur hins vegar
skattbyrði launafólks og lífeyris-
þega þyngst allverulega, eða frá því
að tenging persónuafsláttar og vísi-
tölu var afnumin.
Framreiknað frá þeim tíma ætti
persónuafsláttur einstaklinga nú að
nema um 40 þús. kr. í stað 26 þús.
eins og er og skattleysismörk að
vera um 90 þús. í stað 70 þús. eins
og nú er raunin. Það erum við al-
mennt launafólk sem höfum með
aukinni skattbyrði staðið undir
skattalækkunum stórfyrirtækja og
fjármagnseigenda. Er eitthvert
réttlæti í því að við „litlu þúfurnar“
þurfum að velta svo þungu fargi?
Fyrir utan allt þetta hafa svo t.d.
barnabæturnar verið svo skertar
með tekjutengingu að aðeins örfáir
njóta þeirra að fullu. Þar krækir
skatturinn enn í milljarðasparnað
sem bitnar á barnafólki.
Eignarskatturinn er enn eitt
dæmið þar sem engin samræming
er hvað varðar hækkanir á mati
fasteigna á landsvísu og þess verð-
gildis sem einstaklingur eða hjón
mega eiga umfram skuldir í sinni
fasteign. Þar tekur skatturinn sitt
löngu áður en fólk hefur eignast
eðlilegt hlutfall í fasteign sinni mið-
að við verðgildi eignarinnar samkv.
mati.
Nú skulum við launþegar sitja
fast við okkar kröfur um úrbætur í
málefnum hins almenna launþega,
þ.e. leiðréttingu á okkar hag til
jöfnunar, ekki seinna en strax.
ELÍN BIRNA ÁRNADÓTTIR,
Vesturholti 6,
Hafnarfirði.
Gellur hæst í
tómri tunnu
Frá Elínu Birnu Árnadóttur: