Morgunblaðið - 30.03.2003, Side 46

MINNINGAR
46 SUNNUDAGUR 30. MARS 2003 MORGUNBLAÐIÐ
Blómastofa Friðfinns,
Suðurlandsbraut 10,
sími 553 1099, fax 568 4499.
Opið til kl. 19 öll kvöld
Kransar • Krossar • Kistuskreytingar
Sími 551 3485 • Fax 551 3645
Áratuga reynsla í umsjón útfara
Önnumst alla þætti
Davíð Osvaldsson
útfararstjóri
Sími 896 8284
Eyþór Eðvarðsson
útfararstjóri
Sími 892 5057
Vaktsími allan sólarhringinn
Miðasala í síma 555 2222
eftir Ólaf Hauk Símonarson
laugard. 29. mars frumsýning kl.14 uppselt
sunnud. 30. mars 2. sýning kl.14 örfá sæti
laugard. 5. apríl kl. 14
sunnud. 6. apríl kl.14
Elsku hjartans frændi minn er
látinn, aðeins nokkurra mánaða
gamall. Söknuðurinn er mikill og
hugur okkar er hjá frænku minni,
Helgu James, og fjölskyldu hennar í
Gulf Shores í Alabama. Við vorum
nýbúin að endurnýja gömul kynni í
sept. 2002 og bjuggum í góðu yf-
irlæti hjá föðursystur minni, Kiddý,
og Sonny. Það voru góðar samveru-
stundir sem við áttum saman. Það
var mikil tilhlökkun eftir að nýja
barnabarnið liti dagsins ljós. Hinn
26. sept. 2002 fæddist þeim Helgu og
Jeff yndislegur drengur sem var
gefið nafnið Sonny í höfuðið á afa
sínum. Kiddý hringdi í mig og tjáði
mér að ég hefði eignast yndislegan
frænda sem myndi bera nafn afa
síns, Sonny. Við vorum yfir okkur
ánægð með komu nýja frændans og
hlökkuðum mikið til að sjá hann þeg-
ar við kæmum næst í heimsókn. Í
byrjun febrúar fengum við þau vá-
legu tíðindi að frændi minn hefði
greinst með krabbamein í mænu og
að krabbameinið væri ólæknandi.
Læknarnir töldu að hann ætti ekki
langan tíma eftir. Margar hugsanir
SONNY MAXWELL
JAMES
✝ Sonny MaxwellJames fæddist í
Gulf Shores í
Alabama í Banda-
ríkjunum 26. sept.
2002. Hann andaðist
á St. Jude children
research hospital í
Memphis í Tenn-
essee 5. mars síðast-
liðinn. Hann var son-
ur hjónanna Helgu
Rachel Barr James
og Jeffrey Allan
James, þau eiga fyrir
dótturina Oliviu
Kristjönu James.
Útför Sonny Maxwell var gerð í
Gulf Shores 10. mars.
og erfiðir tímar fóru í
hönd og bænir okkar
og hugsanir dvöldu hjá
ástvinum okkar með
von um að miskunn-
samur Guð bænheyrði
okkur og aðstoðaði ást-
vini okkar.
Hinn 5. mars 2003 dó
frændi minn, Sonny
Maxwell James, eftir
aðeins nokkra mánuði í
þessari jarðvist. Okkar
hugsanir og bænir
sendi ég föðursystur
minni, Kiddý, og eigin-
manni hennar, Sonny
Barr, frænkum mínum, eiginmönn-
um þeirra og dætrum. Okkar inni-
legustu samúðarkveðjur og vonum
að Guð almáttugur vaki yfir þeim og
styrki á þessum erfiða tíma. Ég er
ekki í neinum vafa um að ástkær fað-
ir minn sem kallaður var Bóbó og
varð bráðkvaddur um mitt árið 2001
og foreldrar hans, Ragna og afi
Helgi, taka vel á móti frænda mín-
um.
Vertu yfir og allt um kring
með eilífri blessun þinni,
sitji Guðs englar saman í hring
sænginni yfir minni.
(Sig. Jónsson frá Presthólum.)
Elsku hjartans Helga og Jeff,
hugur okkar er hjá ykkur og við
biðjum þess að algóður Guð gefi
ykkur þann styrk sem þið þurfið á að
halda. Í elskulegri minningu um ást-
kæran frænda minn, þar sem sorgin
er mest og söknuðurinn sárastur.
Leiddu mína litlu hendi,
ljúfi Jesús, þér ég sendi
bæn frá mínu brjósti sjáðu,
blíði Jesús, að mér gáðu.
(Ásmundur Eiríksson.)
Þín frænka á Íslandi,
Sif Björk Hilmarsdóttir.
✝ Elísabet Axels-dóttir fæddist á
Ísafirði 14. janúar
1927. Hún lést í Los
Angeles 20. janúar
síðastliðinn.
Foreldrar hennar
voru Axel Ketilsson,
f. á Ísafirði 1887, d.
16. maí 1941, út-
gerðarmaður og
kaupmaður á Ísa-
firði, síðan í Reykja-
vík, og Ólöf Björns-
dóttir, f. á Ísafirði
1893, d. 5. janúar
1960. Systkini Elísa-
betar eru: Sigríður bankamaður,
f. 1920, d. 1997, Axel, f. 1921, bú-
settur í Bandaríkjunum, Soffía
Svava Ólöf, skrifstofu- og banka-
maður, f. 1923, Björn verkfræð-
ingur, f. 1928, búsettur í Banda-
ríkjunum, Ketill, kaupmaður í
Reykjavík, f. 1930, d. 2002, og
Ólöf, f. 1940, búsett í Danmörku.
Fyrri maður
Elísabetar var
Stephen Alvin
Thomas f. 1914, d.
1972. Sonur þeirra
er Harvey Alvin
Thomas f. 1954,
fyrri kona hans var
Debra Nora Luna, f.
1955, þau eiga: a)
Sharlo Marie, f.
1972, maki Mathew
Romero, börn
þeirra eru Jadine, f.
1999, og drengur, f.
2001, og b) Jakob
Moon, f. 1978.
Harvey eignaðist Ryan, f. 1983,
með Kimmie Huges. Seinni kona
Harveys er Nancy, f. 1963.
Seinni maður Elísabetar var
William Day, f. 1927, hann er lát-
inn.
Útför Elísabetar var gerð í Los
Angeles.
Látin er í Corona í Suður-Kali-
forníu yndisleg íslensk kona, Elísa-
bet Axelsdóttir Thomas-Day. Þegar
ég hóf rannsóknir mínar á íslenskum
konum sem giftust bandarískum
hermönnum á stríðsárunum sendi ég
bréf til margra kvenna til að kynna
mig og verkefni mitt. Konurnar tóku
mér misvel eins og við var að búast.
Sumar svöruðu alls ekki, aðrar
sendu mér kveðju, óskuðu mér alls
hins besta en sögðu að reynsla þeirra
á stríðsárunum hefði verið of sárs-
aukafull til að fara rifja hana upp.
Aðrar konur sýndu rannsókninni
áhuga, en voru á varðbergi, voru
hræddar um að ég ætlaði að fara að
vekja upp gamla drauga og ýta enn
frekar undir fordóma í þeirra garð.
Síðan voru það konur sem voru yfir
sig ánægðar með framtak mitt og
tóku mér opnum örmum, ein þeirra
kvenna var Beta.
Beta bjó í Bellflower, sem er ein af
útborgum Los Angeles. Þegar ég
sagði henni að ég væri á leið til LA til
að hitta konurnar þar bauð hún mér
strax að búa hjá sér. Ég hafði aldrei
komið til LA og gerði mér enga grein
fyrir vegalengdum í borginni og átt-
aði mig ekki á því að ég hefði getað
bókað flug á flugvöll rétt hjá Betu en
ekki á völl í rúmlega klukkutíma
fjarlægð. En Beta taldi það ekki eftir
sér að keyra alla leiðina til að ná í
mig, ekki frekar en annað. Beta var
afskaplega gestrisin, eindæma skap-
góð, létt og kát og alltaf stutt í kímn-
ina og hláturinn.
Það var mjög gaman að koma inn
á heimili Betu og William Day, seinni
manns Betu. Litli kaliforníski
búngalóinn þeirra var svo ólíkur
þeim heimilum íslenskra kvenna sem
ég hafði áður heimsótt. Beta lagði
ekki mikið upp úr blúndugardínum
og dönskum postulínsdiskum; heim-
ili hennar var fyrst og fremst vett-
vangur fyrir athafnasemi hennar og
sköpunargleði. Beta hafði yndi af
bókum og blöðum og handavinnu og
saumaskap og bar betri stofa Betu
þess greinilega merki.
Þegar ég heimsótti Betu vann hún
sem sjúkraliði á hermannasjúkra-
húsi í Long Beach og var á nætur-
vöktum. Ég eyddi með henni einni
nótt þar, en hennar verkefni var að
sinna ungum sem öldnum hermönn-
um sem þurftu á umönnum að halda
allan sólarhringinn. Alls staðar var
Betu fagnað og sinnti hún sjúkling-
um sínum af einstakri alúð og natni.
Næturvaktinni lauk í sömu mund og
sjúklingarnir mættu til morgunverð-
ar. Þeir voru allir klæddir í eins nátt-
föt og náttsloppa, en voru ekki sáttir
við að vera allir eins, svo þeir settu
upp hatta til að skilja sig hvor frá
öðrum. Ég uppgötvaði einmitt svip-
aðan hlut í rannsókn minni. Íslensku
konurnar sáu verðandi eiginmenn
sína ekki sem nafnlausa, einkennis-
klædda hermenn, heldur sem ein-
staklinga sem þær kolféllu fyrir og
það gerði Beta. Hennar stóra ást var
Steven Thomas, óbreyttur hermað-
ur, ættaður frá Kaliforníu, sem hún
hitti kornung á Íslandi og ákvaðu
þau fljótt að gifta sig. Fjölskyldu
Betu leist ekki vel á ráðahaginn og
hið sama var að segja um fjölskyldu
Steve. Áður en Steve hélt til Íslands
hafði hann verið heitbundinn annarri
stúlku, en því sambandi var lokið
þegar hann bað Betu. Fjölskylda
hans gerði sér vonir um að Steve
skipti um skoðun og gerði allt sem í
hennar valdi stóð til að stía ungu
hjónunum í sundur. En Steve elskaði
Betu sína og stóð með henni eins og
klettur og þau stóðu vörð um hvort
annað þar til Steve lést um aldur
fram árið 1972.
Mesta hamingja í lífi Steve og
Betu var Harry sonur þeirra sem
fæddist árið 1954. Harry giftist ung-
ur og á hann uppkomin börn sem eru
gift og eiga börn, svo Beta var orðin
langamma þegar hún lést. Beta var
mikil barnagæla og líf hennar snerist
um Harry, börnin hans þrjú og
barnabarnabörnin tvö. William,
seinni maður Betu, átti líka börn af
fyrra hjónabandi og þau áttu börn og
barnabörn, sem hin hjartastóra Beta
vafði ást og umhyggju, þannig að áð-
ur en yfir lauk var fjölskylda og
frændgarður Betu orðinn ansi stór.
Tveir bræður Betu, Björn og Axel,
fylgdu í fótspor systur sinnar og
settust að hér vestra.
William, seinni maður Betu, lést
fyrir nokkrum árum og bjó Beta ein
þar til hún fékk slag fyrir u.þ.b.
tveimur árum. Þá flutti hún til Harry
sonar síns og konu hans og þau önn-
uðust Betu þar til hún fór á dval-
arheimili fyrir aldraða.
Við Beta vorum alltaf í sambandi í
gegnum árin og hún var dugleg að
senda kveðjur og myndir á hátíðum
og á afmælum. Síðustu myndina fékk
ég vor þar sem Beta sat geislandi af
gleði með einu barnabarna sinna.
Þegar við Anna Björnsdóttir hóf-
um gerð heimildarmyndarinnar Ást
og Stríð var frá upphafi ljóst að Beta
yrði ein af konunum í myndinni og
Beta varð stjarnan myndinni og lék á
als oddi. Í einu atriði sat Beta við
saumavélina sína og söng hið sígilda
lag um saumakonuna Pálínu. Beta
situr ekki á hafsbotni núna eins og
hin fræga Pálína, þess í stað svífur
hún um himingeiminn syngjandi við
saumavélina sína og gleður engla al-
heimsins með engladúkkukjólum.
Blessuð sé minning Elísbetar Ax-
elsdóttur Thomas-Day.
Inga Dóra Björnsdóttir.
ELÍSABET
AXELSDÓTTIR
Jæja, nú ertu farin
frá okkur amma mín.
Þú getur verið stolt af
þeim tíma sem þú áttir hér.
Ég vil þakka þér fyrir okkar kynni
sem voru mest þegar við bjuggum í
Þingholtsstrætinu og þú á Laufásveg-
inum. Alltaf var jafn gaman að kíkja
við hjá þér eftir skóla og spjalla,
borða kökur og fá gos af háaloftinu.
Alltaf talaðir þú við mann eins og full-
orðin væri og hafðir mikið að gefa af
þér.
Þegar leið á veturinn sá ég auglýs-
ingu í Æskunni um að börn ættu að
HELGA JÓNA
ELÍASDÓTTIR
✝ Helga JónaElíasdóttir kenn-
ari fæddist í Hörgs-
dal á Síðu í Vestur-
Skaftafellssýslu 26.
nóvember 1905. Hún
lést á dvalar- og
hjúkrunarheimilinu
Grund laugardaginn
8. mars síðastliðinn
og var útför hennar
gerð frá Fossvogs-
kirkju 14. mars.
taka viðtal við eldra fólk
og yrðu bestu viðtölin
birt í blaðinu. Ég bar
þetta undir þig og þú
varst meira en til í að
leyfa mér að taka viðtal-
ið við þig. Í þetta eydd-
um við töluverðum tíma
sem var mjög fræðandi
og skemmtilegur. Þar
lýstir þú lífinu í sveitinni
í gamla daga og því
hvernig uppvöxtur þinn
var. Einnig bar nú-
tímann oft á góma og
þar varst þú einnig
áhugasöm um alla hluti,
eins og t.d tölvuna mína. Alveg hefðir
þú viljað eiga eina slíka í þínum upp-
vexti. Á einhverjum vikum náðum við
að klára viðtalið og senda það í keppn-
ina og að sjálfsögðu unnum við og
greinin okkar birtist í Æskunni.
Ég vil þakka þér fyrir okkar kynni
og veit að nú ert þú komin á einhvern
fallegan stað þar sem ný verkefni
taka við.
Hvíl þú í friði.
Óli Pétur Pálmason.
Afmælis- og minningargreinum má skila í
tölvupósti eða á disklingi (netfangið er
minning@mbl.is, svar er sent sjálfkrafa um
leið og grein hefur borist). Ef greinin er á
disklingi þarf útprentun að fylgja. Nauð-
synlegt er að símanúmer höfundar og/eða
sendanda (vinnusími og heimasími) fylgi
með. Þar sem pláss er takmarkað getur
þurft að fresta birtingu greina, enda þótt
þær berist innan hins tiltekna frests. Nán-
ari upplýsingar eru á mbl.is. Um hvern lát-
inn einstakling birtist formáli og ein aðal-
grein af hæfilegri lengd á útfarardegi, en
aðrar greinar skulu ekki vera lengri en 300
orð, u.þ.b. 1.500 slög (með bilum) eða um 50
línur í blaðinu (17 dálksentimetrar).