Morgunblaðið - 08.04.2003, Blaðsíða 20

HÖFUÐBORGARSVÆÐIÐ
20 ÞRIÐJUDAGUR 8. APRÍL 2003 MORGUNBLAÐIÐ
KIRKJUGARÐAR Reykjavík-
urprófastsdæma eru í nokkurri
óvissu um svæði undir framtíðar-
kirkjugarð eftir að Reykjavíkurborg
lýsti því yfir að til stæði að veita
þremur fyrirtækjum, BYKO, Rúm-
fatalagernum og Mötu, vilyrði fyrir
10 hektara lóð í Úlfarsárdal, rétt
neðan Vesturlandsvegar þar sem til
stóð að kirkjugarður ætti að vera.
Fyrirtækin hyggjast reisa 40–50
þúsund fermetra stórvöruverslunar-
miðstöð í svokölluðum Stekkja-
brekkum.
„Það var búið að fá vilyrði fyrir
þessu landi undir kirkjugarð,“ sagði
Sigurjón Jónasson, rekstrarstjóri
Kirkjugarða Reykjavíkurprófasts-
dæma. „Við vorum kallaðir á fund til
skrafs og ráðagerða, hvort við mynd-
um vilja láta svæðið eftir með góðu.
Þá átti að setja okkur ofan við Vest-
urlandsveginn, upp að Úlfarsfelli. Sú
lóð liggur heim að og inn í Skógrækt
Mosfellsbæjar. Mér skilst að það
land sé alls ekki falt frá hendi Mos-
fellsbæjar. Þetta er því í mikilli
óvissu,“ sagði Sigurjón.
Búið að þrengja að
Gufuneskirkjugarði
Hann sagði málið hafa verið á um-
ræðustigi að undanförnu. „Ég held
að þetta sé komið okkur úr hendi.
Þegar ég sat á fundi hjá borgarverk-
fræðingi þá var búið að merkja á
táknrænan hátt verslunarkjarna í
þessum Stekkjabrekkum sem um
talar, sem liggja að Úlfarsánni.“
Þrengt hefur verið að svæði Gufu-
neskirkjugarðs en hann átti upphaf-
lega að vera í kringum 90 hektarar,
en er í dag 30 hektarar vegna auk-
innar byggðar. „Það land var látið af
hendi með því að við fengjum úthlut-
að land í svokölluðum Stekkjabrekk-
um. Nú er verið að taka af okkur
Stekkjabrekkurnar gegn því að við
fáum land upp undir Úlfarsfellinu
sem liggur hátt og er alls ekki hent-
ugt.“
Sigurjón sagði að á fundi um málið
hafi verið ákveðið að leita nýs lands
sem hann kvaðst þó ekki geta farið
nánar út í. „Ég veit ekki hvað um
okkur verður í þessu tilliti,“ sagði
Sigurjón.
Stefán Ómar Jónsson, bæjarritari
í Mosfellsbæ, sagði að erindi hafi
borist frá borgarstjóra um flutning
kirkjugarðs og að bæjarstjórinn,
Ragnheiður Ríkarðsdóttir, hafi verið
með málið í skoðun en hún væri nú
stödd erlendis. „Afstaða Mosfells-
bæjar liggur ekki fyrir við þessu
bréfi borgarstjóra en gerir það vænt-
anlega fljótlega,“ sagði Stefán Ómar.
Áform um byggingu verslunarmiðstöðvar við Vesturlandsveg
Svæði undir framtíð-
arkirkjugarð í óvissu
Úlfarsfell
NÝ samhæfingarstöð almannavarna og sam-
eiginleg stjórnstöð leitar og björgunar verður
tekin í notkun innan fárra vikna en þeir aðilar
sem standa að henni skrifuðu undir samstarfs-
samning í gær. Við sama tækifæri gaf dóms-
málaráðherra út nýja reglugerð um leit og
björgun á landi og samstarf lögreglu og björg-
unarsveita.
Í nýju reglugerðinni er fjallað um hlutverk,
skipulag og stjórnun lögreglu og björg-
unarsveita vegna leitar og björgunar á landi
en auk þess er að finna í reglugerðinni ákvæði
um gerð viðbragðsáætlana, samhæfða þjálfun
og fleira.
Í ávarpi Sólveigar Pétursdóttur dóms-
málaráðherra í gær kom fram að reglugerðin
og opnun samhæfingarstöðvarinnar eru ein-
ungis tvö skref af mörgum sem stigin hafa ver-
ið í átt að því að auka þjónustu við landsmenn
á sviði björgunar og öryggismála. Nefndi hún
þar til sameiningu björgunarsveita landsins
fyrir nokkrum árum undir hatti Slysavarna-
félagsins Landsbjargar og breytingar á lögum
um almannavarnir sem tóku gildi síðastliðinn
föstudag. Fela þær í sér að verkefni yfirstjórn-
ar Almannavarna ríkisins voru flutt til emb-
ættis ríkislögreglustjóra. Sama dag var nýtt
almannavarnaráð skipað og mun það vera rík-
isstjórninni til ráðgjafar um almannavarnir.
Loks tóku ný lög um björgunarsveitir og
björgunarsveitarmenn einnig gildi sl. föstu-
dag.
„Markmið okkar á sviði björgunar og ör-
yggismála er skýrt,“ sagði Sólveig, „við viljum
efla og treysta öryggi landsmanna allra og öll
þau skref sem ég hef lýst eru stigin með það
markmið að leiðarljósi.“
Tækjabúnaður efldur
Við undirritunina í gær var húsnæði stjórn-
stöðvarinnar og samhæfingarstöðvarinnar
kynnt en það er í nýrri byggingu við eldra hús-
næði Slökkviliðs höfuðborgarsvæðisins í Skóg-
arhlíð. Hin síðarnefnda mun taka við af sam-
hæfingarstöð almannavarna sem er til húsa í
lögreglustöðinni við Hverfisgötu og er gert
ráð fyrir því að hún verði virkjuð þegar al-
mannavarnaástand skapast. Þá verður stjórn-
stöðin virkjuð við stærri leitar- og björgunar-
aðgerðir.
Í nýju byggingunni er að auki fjarskipta-
miðstöð lögreglunnar, Neyðarlínan, Landhelg-
isgæslan, Flugmálastjórn, Slysavarnafélagið
Landsbjörg og Vaktstöð siglinga og er þannig
stefnt að því að þessir aðilar hafi í framtíðinni
milliliðalaus samskipti sín á milli.
Fengu gestir við undirritunina í gær að
kynna sér hin nýju húsakynni Fjarskipta-
miðstöðvarinnar og Neyðarlínunnar við þetta
tækifæri. Kom fram í máli Sólveigar að flutn-
ingur þeirra á stað sem er sérhannaður fyrir
starfsemina hafi verið kærkominn og var tæki-
færið einnig notað til að efla tækjabúnað á
báðum stöðum. Eru þessar stjórnstöðvar í
nánum tengslum við stjórnstöð leitar og björg-
unar.
Samhæfingarstöð almannavarna og sameiginleg stjórnstöð leitar og björgunar tekin í notkun á næstunni
Markmiðið að efla
og treysta öryggi
landsmanna
Í Fjarskiptamiðstöð lögreglunnar eru aðgerðir nánast allra lögregluembætta á suðvesturhorni
landsins samhæfðar og er vonast til að í framtíðinni muni þessi sameining ná yfir landið allt.
Morgunblaðið/Golli
Hér má sjá f.v. Jón Gunnarsson, formann Landsbjargar, Björn Friðfinnsson ráðuneytisstjóra,
Sólveigu Pétursdóttur dómsmálaráðherra og Harald Johannessen ríkislögreglustjóra. Á milli
Sólveigar og Haraldar situr Jón Birgir Jónsson, nýskipaður formaður almannavarnaráðs.
Hlíðar
NAUÐSYNLEGT verður að reisa
a.m.k. 200 íbúðir á Seltjarnaresi á
næstu árum eigi Seltirningum ekki
að fækka. Rannsóknir í lýðfræði Sel-
tjarnarnesbæjar og nýsamþykkt
svæðisskipulag gefa vísbendingar
um þetta en endurskoðun aðalskipu-
lags Seltjarnarness stendur nú fyrir
dyrum.
Samningur um endurskoðun
skipulagsins var undirritaður á dög-
unum en bæjaryfirvöld hafa fengið
ráðgjafarfyrirtækið Alta til liðs við
sig við verkið. Alta sá m.a. um skipu-
lagningu íbúaþings sem haldið var í
bæjarfélaginu í nóvember síðastliðn-
um undir yfirskriftinni „Nesið í nýju
ljósi“. Kemur fram í fréttatilkynn-
ingu frá bænum að íbúaþingið verði
lagt til grundvallar vinnunni fram-
undan.
Samhliða aðalskipulaginu verður
unnið svokallað umhverfismat fyrir
skipulagsáætlanir enda gera ný
skipulagslög ráð fyrir að slíkt sé gert.
Þá verða einnig unnin fyrstu drög að
aðgerðaáætlun fyrir aðalskipulagið.
Áformað er að vinnunni ljúki vorið
2004 og hefur skipulags- og mann-
virkjanefnd bæjarins lagt til við bæj-
arstjórn að nýtt aðalskipulag gildi
fyrir tímabilið 2004–2024. Hægt
verður að fylgjast með skipulags-
vinnunni á heimasíðu bæjarins,
www.seltjarnarnes.is og koma þar at-
hugasemdum á framfæri.
Undirritun samningsins fór fram í gamla Mýrarhúsaskóla á dögunum. F.v.
Hlín Sverrisdóttir skipulagsfræðingur, Halldóra Hreggviðsdóttir, fram-
kvæmdastjóri Alta, Jónmundur Guðmarsson bæjarstjóri og Inga Her-
steinsdóttir, formaður skipulags- og mannvirkjanefndar Seltjarnarness.
Aðalskipulag
í endurskoðun
Seltjarnarnes
ÞAÐ hljóp heldur betur á snærið hjá samtökunum Ein-
stökum börnum og Regnbogabörnum á dögunum þegar
12 ára nemendur í Ártúnsskóla stóðu fyrir árlegu
menningarkvöldi sínu en allur ágóði af kvöldinu rann til
þessara félaga. Fékk hvort félag um sig 42 þúsund
krónur í sinn hlut sem eflaust hefur komið í góðar þarf-
ir.
Að þessu sinni var kvöldið helgað verkum Jónasar
Árnasonar, rithöfundar og fv. alþingismanns. Sýndu
nemendur kafla úr leikritum skáldsins auk þess sem
samdir voru og sýndir stuttir leikþættir eftir smásögum
þess. Þá sungu nemendur og léku ljóð og texta Jónasar
þar sem lög Jóns Múla, bróður hans, komu margoft við
sögu en dagskráin var um tveggja klukkustunda löng.
Alls eru 37 nemendur í 12 ára bekkjum Ártúnsskóla
og lét enginn sitt eftir liggja til að kvöldið mætti heppn-
ast sem best. Meðal annars stóðu þeir í ströngu við
bakstur og annan undirbúning dagana fyrir kvöldið en
bakkelsið var síðan selt í kaffihléi til styrktar samtak-
anna tveggja eins og áður segir.
Bakað til styrktar börnum
Árbær
Fröken Reykjavík var í „ótrúlega rauðum skóm“ eins
og hennar er von og vísa og ekki var kjóllinn síðri.
VEIÐI hófst í Vífilsstaðavatni á ný í
síðustu viku og hafa veiðimenn tekið
ágætlega við sér. Ekki fer þó sögum
af aflatölum enn sem komið er.
Eins og Morgunblaðið greindi ný-
verið frá var veiði bönnuð í vatninu
eftir áramót og fram til 1. apríl.
Ástæðan var sú að ekki var ljóst
hvernig veiðileyfasölu skyldi háttað
eftir að umsjón veiðileyfa komst í um-
sjón Garðabæjar.
Nú hefur verið ákveðið að sala
veiðileyfa fari fram í Golfskála Golf-
klúbbs Kópavogs og Garðabæjar og
sem fyrr segir var opnað á ný fyrir
veiði í vatninu hinn 1. apríl síðastlið-
inn. Samkvæmt upplýsingum frá
Garðabæ kostar dagurinn 1.000 krón-
ur en leyfi fyrir sumartímabilið sem
er frá 1. apríl til 15. september kostar
10.000 krónur. Börn að 18 ára aldri
borga 200 krónur fyrir daginn en elli
og örorkulífeyrisþegar í Garðabæ
geta veitt í vatninu endurgjaldslaust.
Veiði hafin í Vífilsstaðavatni
Garðabær