Morgunblaðið - 08.04.2003, Blaðsíða 21

Sigrún Sveinbjörnsdóttir sálfræð-
ingur flytur fyrirlesturinn; Samkyn-
hneigð, sálfræði og samfélag: Um
ungt fólk í háska á morgun, miðviku-
daginn 9. apríl.
Þar ræðir Sigrún um þekkta
áhættu- og verndarþætti á við-
kvæmu æviskeiði unglingsáranna og
þá þögn og afskiptaleysi sem ríkir
gagnvart sam- og tvíkynhneigðu
ungu fólki með því að gengið er út
frá gagnkynhneigð leynt og
ljóst. Stuðningur við æskuna er sem
rauður þráður í allri umræðu um
uppeldismál, en nær þó ennþá að
minnstu leyti til ungra homma og
lesbía. Í fyrirlestrinum lýsir Sigrún
ástandi mála eins og það kemur
henni fyrir sjónir, rekur merki um
framfarir síðustu áratuga og bendir
á leiðir til útbóta.
Sigrún Sveinbjörnsdóttir nam við
Gautaborgarháskóla í Svíþjóð og
lauk þaðan embættisprófi í sál-
arfræði og síðar doktorsprófi í grein
sinni frá La Trobe-háskóla í Mel-
bourne í Ástralíu. Hún er nú lektor
við kennaradeild Háskólans
á Akureyri.
Fyrirlesturinn verður í Háskólanum
á Akureyri, Þingvallastræti 23 stofu
14 og hefst hann kl. 17. Að honum
loknum gefst áheyrendum kostur á
að berafram fyrirspurnir og taka
þátt í stuttum umræðum.
Á MORGUN
AKUREYRI
MORGUNBLAÐIÐ ÞRIÐJUDAGUR 8. APRÍL 2003 21
SAMNINGUR um byggingu
menningarhúss á Akureyri var
undirritaður við uppfyllinguna
við Torfunefsbryggju í gær, en
það voru þeir Tómas Ingi Olrich
menntamálaráðherra og Kristján
Þór Júlíusson bæjarstjóri sem
undirrituðu samninginn.
Kostnaður við húsið sem rísa
mun á uppfyllingunni við Torfu-
nefsbryggju mun nema 1,2 millj-
örðum króna og greiðir ríkið 60%
kostnaðar á móti 40% hlut Ak-
ureyrarbæjar.
Vonast eftir að ráðstefnu-
hótel rísi á Akureyri
Menntamálaráðherra sagði Ak-
ureyri njóta sérstöðu vegna hins
fjölbreytta menningarstarfs sem í
bænum væri og kæmi sú sérstaða
m.a. fram í samstarfi við ríkið
sem styddi ötullega við menning-
arstarf í bænum. Nefndi hann að
lengi hefði kraftmikið atvinnu-
leikhús verið starfandi í bænum,
Sinfóníuhljómsveit Norðurlands
hefði vaxið og dafnað á liðnum
árum og Listasafnið á Akureyri
hefði markað sér sérstöðu. Í hinu
væntanlega menningarhúsi er
gert ráð fyrir að fram fari starf-
semi bæði leikfélagsins og sinfón-
íuhljómsveitarinnar, en Tómas
Ingi nefndi að eins væri áformað
að þar yrði atvinnustarfsemi sem
tengdist ráðstefnuhaldi. Hann
hefði horft til þess að rekstur
hússins yrði sem auðveldastur og
því væri upplagt að tengja menn-
ingarstarfsemina við ráð-
stefnuhald. Þá væntu menn þess
einnig að í tengslum við menning-
arhúsið risi ráðstefnuhótel á
sömu lóð, en bæði húsin myndu
hafa hag af slíku sambýli.
„Menningarhúsið mun rísa hér
á mest áberandi lóð bæjarins og
mun setja mikinn svip á bæj-
arfélagið í framtíðinni,“ sagði
Tómas Ingi.
Bæjarstjóri sagði að menning-
arhúsið myndi skjóta styrkum
stoðum undir annars öflugt og
kraftmikið menningarlíf bæjarins
og fagnaði hann því mjög þeim
áfanga að skrifað væri undir
samning um byggingu þess. Hann
sagði að nú yrði skipuð sam-
starfsnefnd ríkis og bæjar þar
sem farið yrði yfir verkefnið og
það skilgreint. Gerði Kristján Þór
ráð fyrir að framkvæmdir gætu
hafist eftir hálft annað árið eða
um haustið 2004.
Menningarsamningur
endurnýjaður
Við sama tækifæri var end-
urnýjaður til eins árs samningur
sem fyrir var um samstarf ríkis
og bæjar um menningarmál. Á
liðnu ári, 2002 námu greiðslu rík-
isins vegna menningarmála á Ak-
ureyri 64 milljónum króna. Þetta
er í þriðja sinn sem samningur
um framlög ríkisins til menning-
armála sem tengjast Akureyr-
arbæ er gerður. Stefnt er að því
að nýr menningarsamningur með
breyttum áherslum taki gildi árið
2004.
Samningur undirritaður um menningarhús á Akureyri
Húsið verður við Torfunef
og kostar 1,2 milljarða
Morgunblaðið/Kristján
Tómas Ingi Olrich menntamálaráðherra og Kristján Þór Júlíusson, bæjar-
stjóri á Akureyri, skrifa undir samningana. Við hlið þeirra stendur Sigrún
Björk Jakobsdóttir, formaður menningarmálanefndar.
Anna Katrín Guðbrandsdóttir,
nemandi í MA, söng sigurlag sitt í
Söngvakeppni framhaldsskólanna,
Vísur Vatnsenda-Rósu, eftir undir-
skrift samninganna.
FRAMKVÆMDARÁÐ hefur
samþykkt fyrir sitt leyti, að
ekki verði ráðist í byggingu
nýrrar slökkvistöðvar sem hýsa
mundi slökkvilið Akureyrar og
flugvallarslökkviliðið á sama
stað. Fram kemur í bókun ráðs-
ins að um væri að ræða fjárfest-
ingu fyrir a.m.k. 240 milljónir
króna samkvæmt frumáætlun.
Á móti yrði núverandi slökkvi-
stöð seld og telur ráðið að áætl-
að söluverð þeirrar eignar sé
ofmetið í áætluninni.
Ráðið telur því mikla óvissu
um fjárhagslegan ávinning af
tilkomu umræddrar nýbygg-
ingar, þar sem núverandi hús-
næði slökkviliðsins er vel stað-
sett gagnvart þjónustu við
íbúana. Auk þess er húsið í
góðu ástandi og uppfyllir þær
kröfur og þarfir sem gerðar eru
fyrir starfsemina og því ekki
verjandi að ráðast í nýbygg-
ingu, að mati framkvæmda-
ráðs.
Ný slökkvi-
stöð verður
ekki byggð
BIFREIÐASTÖÐ Oddeyrar, BSO,
á 50 ára afmæli í dag, þriðjudaginn 8.
apríl, og af því tilefni er gestum og
gangandi boðið í afmæliskaffi í höf-
uðstöðvum félagsins við Strandgötu
á milli kl. 14 og 17. Einnig verður
boðinn 50% afsláttur á leigubíla-
akstri innanbæjar á afmælisdaginn.
Alls eru 22 leigubílar hjá BSO og eru
allir bílstjórarnir hluthafar í stöð-
inni. Þeir reka einnig litla verslun við
Strandgötu og bensínsölu í samstarfi
við Olís.
BSO 50 ára í dag
NOKKUR ölvun var á Akureyri sl.
föstudagskvöld og þurfti lögreglan að
hafa afskipti af nokkrum sem misst
höfðu stjórn á drykkju sinni. Alls voru
átta kærðir fyrir ölvun á almanna-
færi. Fjarlægja þurfti nokkra óláta-
seggi af veitingahúsi í miðbænum og
reyndist nauðsynlegt að vista einn í
fangageymslu. Félagi hans kom svo
skömmu síðar og taldi sig best kom-
inn bak við lás og slá til öryggis og
fékk hann góðfúslega gistingu líka.
Rólegra var á laugardagskvöld,
segir í dagbók lögreglunnar en höfð
voru afskipti af nokkrum ungmenn-
um þar sem þau reyktu hass í bifreið
sinni og í framhaldi af því upplýstust
nokkur innbrot sem framin hafa verið
að undanförnu m.a. í Glerárskóla og
Síðuskóla. Þá voru höfð afskipti af
manni sem ógnaði fólki með hnífi í
miðbænum og var hann handtekinn.
Taldi sig best kominn
bak við lás og slá
UMFERÐIN á Akureyri gekk
vel fyrir sig um helgina og ein-
ungis tvö umferðaróhöpp skráð
hjá lögreglunni. Þá voru fjórir
kærðir fyrir of hraðan akstur og
tveir voru teknir grunaðir um
ölvun við akstur.
Á laugardag kom í ljós að ekið
hefði verið utan í framenda
tveggja bifreiða austan við Bíla-
sölu Sigurðar Valdimarssonar
en framendar bifreiðanna vís-
uðu út á götuna. Sýnilegt var að
bifreið sem ekið var suður göt-
una hefði rekið hægra framhorn
í bifreiðarnar. Af ummerkjum
má ætla að tjónvaldur sé bifreið
af gerðinni Volkswagen Polo ár-
gerð 1995 til 2000 að líkindum
blá að lit. Allar upplýsingar eru
vel þegnar.
Ekið á bíla
á bílasölu
www.solidea.com
Stórsekkir
Helstu gerðir á lager.
Útvegum allar stærðir og gerðir.
Tæknileg ráðgjöf.
HELLAS ehf.
Skútuvogur 10F, Reykjavík,
símar 568 8988, 892 1570,
fax 568 8986.
e-mail hellas@simnet.is
HELLAS
Laugavegi 87
Sími 511 2004
www.dunogfidur.is
fást í flestum apótekum
t.d. í Lyfju, Lyf og heilsu,
og í Iljaskinn Háaleitis-
braut.
Fyrir
ferðalagið
Gilofa
2000
Upplagðir fyrir flugið
Fasteignir Akureyrarbæjar óska eftir kaupendum
eða leigjendum að fasteigninni Þórsstíg 4, Akureyri.
Eignin er til sölu eða leigu og hugsanlegt er að leigja eignina í
nokkrum hlutum.
Um er að ræða iðnaðar- og skrifstofuhús, talið vera 3.773 m², að
hluta til nýbyggt iðnaðarhús og eldri hluti í góðu ásigkomulagi.
Flatarmál lóðar er 7.341 m², möguleg lóðarstækkun 918,5 m².
Þeir sem hafa áhuga á að leigja eignina, vinsamlegast sendið inn
upplýsingar um fyrir hvaða starfsemi húsnæðið er ætlað, hug-
myndir um leiguverð og annað sem viðkomandi telur máli skipta.
Kauptilboðum og eða upplýsingum um áhugasama leigutaka, ber
að skila eigi síðar en 16. apríl 2003, fyrir kl. 16:00 á skrifstofu
Fasteigna Akureyrarbæjar.
Áskilinn er réttur til að taka hvaða tilboði sem er eða hafna öllum.
Fasteignir Akureyrarbæjar, Geislagötu 9, 4. hæð, sími 460 1000,
460 1128.
Akureyrarbær • Geislagötu 9 • 600 Akureyri
Sími 460 1000 • Fax 460 1001 • www.akureyri.is
ÞÓRSSTÍGUR 4,
AKUREYRI
sala eða leiga
ÞRÍTUGUR maður hefur í Héraðs-
dómi Norðurlands eystra verið
dæmdur í 40 daga fangelsi, eins er
honum gert að greiða sakarkostnað
og málsvarnarlaun verjanda síns.
Maðurinn var ákærður fyrir
þjófnaðarbrot, með því að hafa hinn
4. febrúar síðastliðinn stolið plast-
brúsa með bensíni, um 20 lítrum, úr
bílskýli við heimahús og kvöldið eft-
ir, 5. febrúar, stolið fjórum 11 kílóa
gaskútum frá Olísportinu við
Tryggvabraut.
Þáttur manns sem með honum var
var skilinn frá málinu.
Maðurinn hefur sjö sinnum áður
hlotið refsingar fyrir ítrekuð þjófn-
aðarbrot, skjalafals, fjársvik, nytja-
stuld og gripdeild sem og í eitt skipti
fyrir umferðarlagabrot og eitt skipti
fyrir brot gegn ávana- og fíkniefna-
löggjöf. Litið var til þess að hann
framdi brotin í félagi við annan
mann, afraksturinn hafi ekki verið
ýkja mikill, hann játaði brotin und-
anbragðalaust og þá var og horft til
sakarferils mannsins, en að þessu
virtu þótti refsing hans hæfilega
ákveðin 40 daga fangelsi sem ekki
þótti fært að skilorðsbinda.
Héraðsdómur Norðurlands eystra
Dæmdur í fangelsi
vegna þjófnaðar