Morgunblaðið - 08.04.2003, Blaðsíða 56

MORGUNBLAÐIÐ, KRINGLUNNI 1, 103 REYKJAVÍK, SÍMI 569 1100, SÍMBRÉF 569 1181, PÓSTHÓLF 3040,
ÁSKRIFT-AFGREIÐSLA 569 1122, NETFANG: RITSTJ@MBL.IS, AKUREYRI: KAUPVANGSSTRÆTI 1 ÞRIÐJUDAGUR 8. APRÍL 2003 VERÐ Í LAUSASÖLU 190 KR. MEÐ VSK.
JÓHANNES Pálmason, stjórnarformaður
Kirkjugarða Reykjavíkurprófastdæma, segir
ekki víst að tillögur sem lagðar hafa verið fram
um breytingar á staðsetningu framtíðar-
kirkjugarðs Reykvíkinga henti þörfum kirkju-
garðsins. Nýlega tilkynnti Reykjavíkurborg
að til stæði að veita þremur fyrirtækjum vil-
yrði fyrir 10 hektara lóð í Úlfarsárdal, rétt
neðan Vesturlandsvegar þar sem til stóð að
kirkjugarður ætti að vera. Í staðinn hefur
borgin stungið upp á að færa kirkjugarðana
upp fyrir Vesturlandsveg í hlíðar Úlfarsfells.
„Svæðið við Úlfarsfell er 17 hektarar en
vegna legu landsins nýtast ekki nema 12–14
hektarar sem grafarsvæði,“ sagði Jóhannes.
Á fundi sem borgin hélt nýlega voru kynnt-
ar hugmyndir um stækkun hugsanlegs kirkju-
garðs í hlíðum Úlfarsfells til vesturs í átt að
leirtjörninni sem þar er. Jóhannes sagði erfitt
að ræða um svæði sem ekki væri búið að
teikna upp ásamt því að skógrækt Mosfells-
bæjar nýti svæðið til skógræktar.
Þarf að hugsa í áratugum
Jóhannes sagði að gríðarleg uppfylling
þyrfti að fara fram á báðum þessum svæðum
svo að hægt verði að nýta þau sem kirkju-
garða. Jóhannes sagði jafnframt að nauðsyn-
legt væri að líta til framtíðar þegar kirkju-
garðar eru skipulagðir. Með tilliti til þessa
garðs er verið að líta til áranna 2025–2030 þar
sem mörg ár tekur að gera jarðveginn tilbúinn
undir grafarsvæði. „Menn voru fyrir 15–20 ár-
um að ákveða land í Stekkjabrekkum og þá
hefði engum dottið í hug að búið væri að
byggja í kringum Korpúlfsstaði. Land undir
kirkjugarð er ekkert sem hægt er að grípa til á
morgun, það verður að hugsa í áratugum, ekki
árum.“ Hann sagði einnig að líkbrennsla auk-
ist stöðugt á landinu og alls væri óvíst hvernig
staðan yrði í þeim málum í framtíðinni.
Óvissa um
staðsetn-
ingu nýs
kirkjugarðs
 Svæði undir/20
NEMENDUR, kennarar og annað starfsfólk
Menntaskólans að Laugarvatni atti kappi í
óhefðbundnum íþróttagreinum við Laug-
arvatn í gær. Að sögn Páls M. Skúlasonar að-
stoðarskólameistara fóru leikar þannig að
jafnt var með liðum þegar keppt hafði verið í
öllum greinum. Í knattspyrnuleiknum var úr-
skurðað jafnt með liðum „vegna frábærrar
frammistöðu kennara gegn ofurefli nem-
sögn aðstoðarskólameistara ætluðu nem-
endur upphaflega að hella innihaldinu í
Tjörnina í Reykjavík en ætla nú að láta Stef-
áni Jóni eftir hvað gert verður við vatnið og
„gufuna“.
Á myndinni sést hvar lið kennara undirbýr
aukaspyrnu á hættulegum stað. Hundurinn
fylgist með af áhuga enda tók hann fullan
þátt í leiknum.
enda“, eins og aðstoðarskólameistari komst
að orði.
Á laugardag fagnar skólinn 50 ára afmæli
og verða ýmsir viðburðir á dagskrá út vik-
una. Á föstudag ætla 4. bekkingar m.a. að
hjóla til Reykjavíkur og safna í leiðinni áheit-
um. Meðferðis hafa þeir vatn úr Vígðulaug og
gufu úr hvernum sem þeir munu færa Stefáni
Jóni Hafstein borgarfulltrúa síðdegis. Að
Hitað upp fyrir afmælishátíð
Morgunblaðið/RAX
Kennarar og nemendur skildu jafnir eftir fjörugan leik
GEIR H. Haarde fjármálaráðherra segist vera
þeirrar skoðunar að núverandi skattkerfi hafi mikla
yfirburði yfir fjölþrepaskattkerfi. Þetta sé m.a. að
hans mati staðfest í nýútkominni skýrslu nefndar
sem fjallaði um kosti og galla fjölþrepaskattkerfa.
Skýrslan er afrakstur af starfi nefndar sem fjár-
málaráðherra skipaði haustið 2001, að ósk ASÍ, til
að kanna kosti og galla þess að taka upp fjölþrepa-
skatt hjá einstaklingum og jafnframt var nefndinni
falið að fjalla um hvort setja beri svonefnda viðmið-
unarneyslustaðla fyrir Ísland.
Skattfrelsismörk eru óvíða
hærri en hér á landi
Geir segist telja að skýrslan upplýsi mjög vel að
það hafi ekki verið nein tilviljun að ákveðið var með
lögum árið 1987 að hverfa frá fjölþrepaskattkerfi.
„Mín skoðun er sú að það væri mikil afturför að fara
aftur inn í svona kerfi,“ segir Geir. Hann telur
ókostina við fjölþrepaskattkerfi vega miklu þyngra
en kostina. „Helstu gallarnir við fjölþrepaskatt eru
mikil eftirágreiðsla skatta, sem kæmi sér m.a. sér-
staklega illa fyrir fólk sem er með sveiflukenndar
tekjur eða vinnur á fleiri en einum vinnustað,“ segir
hann.
Geir bendir einnig á að margvíslegar athyglis-
verðar upplýsingar um skatta komi í skýrslunni.
Hún staðfesti m.a. að skattfrelsismörkin séu óvíða
hærri en hér á landi.
Nefndin, sem skipuð var fulltrúum fjármálaráðu-
neytis, ASÍ og Þjóðhagsstofnunar, tekur ekki af-
stöðu til þess hvort sé heppilegra núgildandi tekju-
skattskerfi eða nýtt fjölþrepakerfi en fjallað er í
ítarlegu máli um kosti og ókosti þessara kerfa.
Helstu gallar fjölþrepaskatts eru að mati nefnd-
arinnar flóknari skattframkvæmd, að erfiðara yrði
að eiga við sveiflukenndar tekjur, t.d. hjá sjómönn-
um, meiri breytingar yrðu í eftiráuppgjöri skatta og
skatteftirlit yrði einnig erfiðara. Kostirnir við fjöl-
þrepaskatt eru hins vegar taldir þeir að hann gæfi
færi á ódýrari útfærslu til tekjujöfnunar en núgild-
andi kerfi, auðveldi breytingar á jaðaráhrifum og
gæfi möguleika á að draga úr tekjutengingu bóta og
færa þá tekjujöfnun inn í skattkerfið.
Skattlagning á tekjur
undir meðaltali OECD
Í skýrslunni er gerður samanburður á skattkerf-
um milli landa og kemur þar m.a. fram að skatt-
lagning á tekjur einstaklinga hér á landi er undir
meðaltali OECD-ríkjanna. „Það má annars vegar
rekja til mun hærri skattleysismarka hér á landi en
í flestum öðrum OECD-ríkjum. Eins stafar það af
því að launafólk greiðir ekki tryggingargjald hér á
landi líkt og víðast hvar annars staðar,“ segir í
skýrslunni.
Fjármálaráðherra um nýja úttekt á tekjuskattskerfum
Staðfestir galla
fjölþrepaskatts
 Gefur færi/12
„ÉG hef aldrei séð eins mikið af rjúpu í einni
fjallaferð,“ segir Pétur Blöndal Gíslason,
ferðaþjónustubóndi í Hvammsvík í Kjósar-
sýslu, en hann var í árlegri hálendisferð á
dögunum.
Pétur Blöndal Gíslason fór meðal annars
um Sprengisand og Kjöl og segir að rjúpa
hafi verið alls staðar á leiðinni. „Miðað við
hvað við sáum lítið af henni á rjúpnavertíð-
inni voru þetta gleðileg tíðindi,“ segir hann.
Ferðaþjónustubóndinn segist fara í jeppa-
ferð um hálendið á hverjum vetri og oft hafi
hann séð rjúpu inni á hálendinu en aldrei í
eins miklu magni og nú. Hugsanlega hafi
veðrið haft þessi áhrif.
„Það er lítill snjór á hálendinu, en ég held
að rjúpan hafi haldið þar til í allan vetur og
ekki komið niður á hinar hefðbundnu veiði-
slóðir enda var veður á rjúpnavertíðinni með
eindæmum slæmt fyrir veiðimennina,“ sagði
Pétur.
Mikið um rjúpu
á hálendinu
Morgunblaðið/Sverrir
LÖGREGLUMENN höfðu
farið með vasaljós um úfið
hraunið við Vallarhverfi í Hafn-
arfirði, leitarhundur fenginn til
aðstoðar og björgunarsveitar-
menn voru komnir á staðinn til
að leita að týndum sex ára
gömlum dreng í gærkvöldi.
„Þetta leit illa út,“ sagði varð-
stjóri lögreglunnar í Hafnar-
firði í samtali við Morgunblað-
ið.
Tilkynning barst lögreglu
klukkan 21.50 um að drengur-
inn væri týndur, hann væri skó-
laus og aðeins klæddur í buxur
og stuttermabol. Vallarhverfi
er í byggingu og stendur þar að
auki við úfið hraun. Hætturnar
eru því margar fyrir ung börn
og í ljósi aðstæðna var fljótlega
ákveðið að kalla björgunar-
sveitir af höfuðborgarsvæðinu
og Suðurnesjum til leitar.
Klukkan 23.21 kom loks til-
kynning um að drengurinn
væri fundinn. Að sögn lögreglu
hafði hann skriðið út í horn
undir tvíbreiðu rúmi, raðað
ýmsu dóti í kringum sig og
steinsofnað. Og þar fannst
hann.
Lá týnd-
ur undir
rúmi