Morgunblaðið - 08.04.2003, Blaðsíða 22

SUÐURNES
22 ÞRIÐJUDAGUR 8. APRÍL 2003 MORGUNBLAÐIÐ
BÆJARSTJÓRI Reykjanesbæjar,
Árni Sigfússon, opnaði í gær form-
lega inniaðstöðu fyrir hjólabretta-
og hjólaskautafólk. Aðstaðan er
opnuð til bráðabirgða í húsi sem
áður hýsti loðnubræðslu Fiskiðj-
unnar.
„Undanfarin ár hafa bretta-
krakkar verið að banka á dyr bæj-
aryfirvalda og biðja um aðstöðu.
Við höfum reynt að koma til móts
við þau,“ segir Hafþór Barði Birg-
isson, forstöðumaður félagsmið-
stöðvarinnar Fjörheima. Byggðir
voru pallar úti og síðan var ákveð-
ið að koma upp þessari aðstöðu
inni í húsi Fiskiðjunnar sem stend-
ur ónotað og til stendur að rífa.
Þar eru pallarnir með viðeigandi
veggjakroti í nábýli við víkinga-
skipið Íslending sem þar er geymt
í vetur. Hópur ungmenna var
fenginn til að mála listaverkin.
Hafþór segir að þetta sé tilraun
fram á vor. Segir hann að starfið
byrji vel og vonast hann til að svo
verði áfram. Ef krakkarnir noti
aðstöðuna mikið verði reynt að
finna fyrir þau varanlega inniað-
stöðu til að stunda íþróttir sínar.
Í gær var fjöldi barna og ung-
linga á hjólabrettum og línuskaut-
um á pöllunum.
Hafþór segir að unglingarnir
hafi verið duglegir að hjálpa til við
að koma aðstöðunni upp. „Þessi
aðstaða er liður í þeirri viðleitni
okkar hjá Fjörheimum að ná til
ólíkra þátta unglingamenningar-
innar. Þessir krakkar eru til dæm-
is ólíklegri til að koma í félagsmið-
stöðina til okkar en ýmsir aðrar en
fá í staðinn aðstöðu til að stunda
áhugamál sín,“ segir Hafþór.
Hjólabrettaaðstaðan er opin alla
virka daga frá klukkan 14 til 18.
Umsjónarmaður aðstöðunnar er
Kristján Jónsson.
Opnuð aðstaða fyrir
hjólabretti og -skauta
Morgunblaðið/Helgi Bjarnason
Brettakrakkarnir eru ánægðir með aðstöðuna og fjölmenntu með brettin við opnunina í gær.
Reykjanesbær
Morgunblaðið/Helgi Bjarnason
Máni lendir fimlega úr miklu stökki á einum pallinum.
ODDUR V. Gíslason, björgunarskip-
ið í Grindavík, dró Trylli GK 600 til
hafnar í Grindavík á sunnudagskvöld.
Tilkynnt var að Tryllir væri vélar-
vana tæpa sjómílu suðvestur af Hóps-
nesi. Oddur V. Gíslason fór af stað um
klukkan 18 og var skömmu síðar kom-
inn að bátnum. Greiðlega gekk að
draga Trylli í land. Talið er að gír
bátsins hafi bilað.
Tryllir dreg-
inn í land
Grindavík
LJÓÐAKVÖLD, svokallað Erlings-
kvöld, verður haldið á Bókasafni
Reykjanesbæjar í kvöld, þriðjudags-
kvöld, og hefst klukkan 20.
Hér er um að ræða sérstaka bók-
menntavöku sem kennd er við lista-
manninn Erling Jónsson en hann
hefur ávallt sýnt Bókasafni Reykja-
nesbæjar mikinn sóma, að því er
fram kemur í fréttatilkynningu frá
menningarfulltrúa Reykjanesbæjar.
Erlingur er jafnframt listamaður
aprílmánaðar og mun koma og
kynna verk sitt sem verður mynd
mánaðarins.
Ingibjörg Haraldsdóttir ljóðskáld
er sérstakur gestur kvöldsins og
mun lesa úr ljóðum sínum og Soffía
Auður Birgisdóttir flytur erindi um
skáldkonuna og ljóðlist hennar, en
Ingibjörg hlaut Íslensku bók-
menntaverðlaunin fyrir árið 2002.
Sigurvegarar úr lestrarkeppni
grunnskólanna í Reykjanesbæ munu
einnig lesa sjálfvalin ljóð eftir ýmsa
höfunda. Um tónlistina sjá nemend-
ur úr söngdeild Tónlistarskóla
Reykjanesbæjar við undirleik Ragn-
heiðar Skúladóttur. Umsjón með
þessu kvöldi er í höndum Bókasafns
Reykjanesbæjar, menningarfulltrúa
og Miðstöðvar símenntunar.
Ingibjörg
Haraldsdóttir
gestur á
ljóðakvöldi
Reykjanesbær
LÚÐRASVEITIR Tónlistarskóla
Reykjanesbæjar halda vortónleika
sína í dag, þriðjudag. Tónleikarnir
verða í Kirkjulundi, félagsheimili
Keflavíkurkirkju, og hefjast klukkan
19.30.
Í skólanum eru starfræktar fjórar
lúðrasveitir sem eru auðkenndar eft-
ir getu frá A til D. A-sveit er byrj-
endasveit en D-sveit er lengst kom-
in. Alls munu um 70 nemendur koma
fram á tónleikunum. Stjórnendur
þeirra eru Eyþór Kolbeins, Karen J.
Sturlaugsson, Lára L. Magnúsdóttir
og Sturlaugur J. Björnsson.
Nýverið tóku nemendur úr D-
sveitinni þátt í æfingabúðum Lúðra-
sveitar æskunnar og léku síðan með
henni á tónleikum í Ráðhúsi Reykja-
víkur sunnudaginn 30. mars sl. undir
stjórn norska hljómsveitarstjórans
Kjell Seim. Lúðrasveit æskunnar er
skipuð lengst komnum blásara- og
slagverksnemendum úr skólalúðra-
sveitum landsins og þurfa nemendur
að taka inntökupróf í sveitina til að
öðlast sæti í henni. Lúðrasveit æsk-
unnar var að þessu sinni skipuð um
40 nemendum og voru 14 þeirra frá
D-sveit Lúðrasveitar Tónlistarskóla
Reykjanesbæjar.
Fyrir skömmu hljóðritaði Ríkisút-
varpið um 30 mínútna efnisskrá með
D-sveitinni og verður það efni vænt-
anlega sent út um páskana.
Frítt er inn á tónleikana í Kirkju-
lundi í kvöld og eru þeir öllum opnir.
Vortón-
leikar lúðra-
sveitanna
Reykjanesbær
„ÞETTA er mjög fínt en leggja mætti meiri pening í
þetta. Til dæmis lekur þakið,“ sagði Máni Ingólfsson
línuskautakappi sem ásamt Ragnhildi Jónasdóttur og
Þorbirni Einari Guðmundssyni hafa aðstoðað við það
í sjálfboðavinnu að koma brettaaðstöðunni upp.
Þau aðstoðuðu við að hanna pallana og koma þeim
upp. Svo fengu þau styrk frá bænum til að kaupa
úðabrúsa fyrir vinnu við veggjakrotið. Þau segjast
aðeins hafa fiktað við veggjakrot áður, við mismikla
ánægju lögreglunnar og bæjaryfirvalda, og því væri
einstakt að fá svona stóra veggi til að fá útrás á.
Strákarnir hafa báðir dvalið í Danmörku og segja
að miklu meira sé lagt í að koma upp góðri aðstöðu
þar heldur en hér á landi. Máni segir til dæmis að
upphaflega hafi verið áformað að brettaaðstaðan
fengi hálft Fiskiðjuhúsið en víkingaskipið taki allt of
mikið pláss frá þeim. Þá mætti setja einhvern pening
í að útbúa fleiri palla. Öll eru þau þó sammála um að
gott sé að fá þessa aðstöðu inni.
Mætti leggja meiri
pening í þetta
JÓHANNES Jónsson opnaði á
laugardagsmorgun nýja Bónus-
verslun á Fitjum í Njarðvík þar
sem Hagkaup voru áður til húsa
með því að bjóða viðskiptavini
velkomna. Þá þegar hafði safnast
saman fólk við búðina.
Bónusverslunin er tuttugasta
verslun keðjunnar og í hópi
þeirra stærri. Í tilefni af opnun
verslunarinnar í Reykjanesbæ
ákvað Bónus að láta eina milljón
króna af hendi rakna til góðra
málefna í sveitarfélaginu.
Afhenti Jóhannes Jónsson
fulltrúum félaga og stofnana
styrkina við athöfnina. Íslands-
meistarar Njarðvíkinga í 8. flokki
karla í körfubolta fengu 200 þús-
und krónur, Heilbrigðisstofnun
Suðurnesja 400 þúsund krónur til
að bæta aðstöðu við móttöku
sjúklinga.
Loks fékk Íþróttasjóður menn-
ingar-, íþrótta- og tómstundaráðs
Reykjanesbæjar 400 þúsund krón-
ur.
Ljósmynd/Hilmar Bragi
Ingólfur Ólafsson, formaður unglingaráðs, tók við gjöfinni úr hendi Jóhannesar Jónssonar.
Gáfu milljón til góðra málefna
SLÖKKVILIÐ Brunavarna Suður-
nesja var kallað út vegna tilkynn-
ingar um mikinn eld í húsnæði fisk-
eldisstöðvar á Vatnsleysuströnd í
fyrrinótt. Reyndist tilkynningin
fölsk.
Sigmundur Eyþórsson slökkvi-
liðsstjóri sagði að á þriðja tímanum
í fyrrinótt hafi Neyðarlínan tilkynnt
að fiskeldisstöðin væri alelda. Allt
fastaliðið hafi verið kallað út og
sent af stað með forgangshraði á
dælubíl, auk slökkviliðsstjóra. Þeg-
ar liðið var komið eitthvað áleiðis
bárust því upplýsingar um að til-
kynningin væri ekki rétt en slökkvi-
liðið lauk þó ferð sinni og gekk úr
skugga um að allt væri með felldu á
staðnum.
Lögreglan rakti símtalið og kom í
ljós að ölvaður maður hafði hringt
og var tilkynningin liður í einhverj-
um deilum manna í milli.
Sigmundur segir að það sé stór-
alvarlegt mál þegar slökkvilið sé
gabbað með þessum hætti. Það
skapi hættu, bæði fyrir þá sem
sendir eru af stað og fyrir aðra íbúa
á svæðinu þar sem dregið sé veru-
lega úr styrk liðsins til að kljást við
raunverulega bruna eða slys sem
geti orðið á sama tíma. Þá kosti
slíkt útkall nokkur hundruð þús-
unda króna.
Röng til-
kynning um
eld skapaði
hættu
Vatnsleysuströnd
♦ ♦ ♦
♦ ♦ ♦