Morgunblaðið - 15.05.2003, Blaðsíða 4

FRÉTTIR
4 FIMMTUDAGUR 15. MAÍ 2003 MORGUNBLAÐIÐ
FJÖLSKYLDA, vinir og samferða-
menn Ólafs Ragnars Grímssonar,
forseta Íslands, efndu til viðamik-
illar dagskrár í Borgarleikhúsinu í
gær í tilefni 60 ára afmælis forset-
ans og var þétt setinn bekkurinn.
Margir listamenn komu fram og
stutt ávörp voru flutt auk þess sem
sýnt var úr kvikmynd með brotum
úr ævi forsetans. Ólafur Ragnar
Grímsson flutti síðan stutt þakk-
arávarp áður en boðið var upp á
veitingar.
Fjölmargir lögðu leið sína í Borg-
arleikhúsið síðdegis til að samfagna
forsetanum. Ólafur Ragnar Gríms-
son og Dorrit Moussaieff, heitkona
hans, tóku á móti gestum í anddyri
leikhússins en síðan var boðið upp á
dagskrá í stóra salnum.
Á meðal þeirra sem skemmtu
voru kvennakórinn Vox feminae
undir stjórn Margrétar Pálmadótt-
ur og við undirleik Arnhildar Val-
garðsdóttur, Íslenski dansflokkur-
inn, Sigrún Hjálmtýsdóttir söng-
kona, Bubbi Morthens og Karlakór
Reykjavíkur. Ávörp fluttu Davíð
Oddsson forsætisráðherra, Halldór
Blöndal, forseti Alþingis, Árni Þór
Sigurðsson, forseti borgarstjórnar,
Grétar Þorsteinsson, forseti ASÍ,
Ólafur Harðarson, forseti félags-
vísindadeildar Háskóla Íslands,
Garðar Halldórsson arkitekt, Einar
Már Guðmundsson rithöfundur og
Tinna Ólafsdóttir, dóttir forsetans,
en Halldór Guðmundsson stjórnaði
dagskránni og var kynnir.
„Það er mikil gæfa að fá að þjóna
fólkinu í landinu á þann hátt sem ég
hef fengið,“ sagði Ólafur Ragnar
Grímsson meðal annars í þakkar-
ávarpi sínu, og sagðist vonast til að
geta gegnt embættinu áfram um
hríð svo þjóðinni líkaði. „Það er
mesta lof sem ég get óskað eftir,“
sagði hann.
Morgunblaðið/Sverrir
Ólafur Ragnar Grímsson, forseti Íslands, og Dorrit Moussaieff, heitkona hans, á fremsta bekk fyrir miðri mynd.
Forsetanum á hægri hlið eru Svanhildur Dalla, dóttir hans, og Matthías Sigurðarson, en lengst t.h. er Guðrún
Tinna, hin tvíburadóttirin, og Karl Pétur Jónsson við hlið hennar. Að baki þeim eru ráðherrar og makar þeirra.
Steingrímur Hermannsson, fyrrverandi forsætisráðherra, og Þorsteinn
Ólafsson, fyrrverandi forstjóri Norræna verkefnaútflutningssjóðsins, voru
meðal gesta í Borgarleikhúsinu í gær og ræða hér við afmælisbarnið.
Fjölmenni í afmæli
forseta Íslands
FARIÐ var yfir ganginn í viðræðum
Pólverja og framkvæmdastjórnar
ESB á fundi EFTA-ráðsins í gær
vegna aðlögunar EES-samningsins
að stækkun Evrópusambandsins.
Pólverjar krefjast enn stærri kvóta
fyrir tollfrjálsan makríl frá Noregi,
að því er greint er frá í Aftenposten.
Samkvæmt heimildum Morgun-
blaðsins lýstu ríkin, sem helst deila
um kvótana, sjónarmiðum sínum á
fundinum og virtust menn heldur
færast í samkomulagsátt og var
reiknað með að framkvæmdastjórn-
in myndi taka upp viðræður við Pól-
verja í framhaldinu.
Tímaramminn í hættu
Aftenposten segir að svo virðist
sem allt sitji fast í viðræðum Pól-
verja við framkvæmdastjórnina og
hætta sé á að samkomulag takist
ekki fyrir 1. ágúst en þá leggst allt í
dvala í Brüssel vegna sumarleyfa.
Þetta kunni að stefna tímaramman-
um í hættu þar sem þjóðþing ESB-
landanna þurfa að staðfesta stækkun
EES í haust og í vetur.
Aftenposten hefur þó eftir heim-
ildarmönnum innan framkvæmda-
stjórnarinnar að menn séu bjartsýn-
ir á að samkomulag takist og
heimildir Morgunblaðsins taka í
sama streng; ekki sé útlit fyrir annað
en málið muni leysast en vissulega
séu Norðmenn viðkvæmari fyrir öll-
um töfum en Íslendingar. Nóg sé þó
að samkomulag liggi fyrir í sumar og
ekki sé að svo stöddu ástæða að ótt-
ast að það muni ekki takast.
Pólverjar og framkvæmdastjórn ESB
deila enn um makríl í EES-viðræðum
Norðmenn
óttast seinkun á
aðlögun EES
OTTÓ Jörgenssen, kjörstjóri
annarrar tveggja kjördeilda í
Keflavík í Suðurkjördæmi, segir
það alrangt hjá Guðmundi Jóns-
syni kosningastjóra Frjálslynda
flokksins, að kjósendum með ut-
ankjörfundaratkvæði hafi verið
vísað frá á þeirri forsendu að
þeir byggju í Grindavík, Horna-
firði, Vestmannaeyjum eða ann-
ars staðar í kjördæminu. Því
hafi engin lög verið brotin við
framkvæmd utankjörfundar-
kosningar.
Komu með atkvæðabunka
Ottó fullyrðir að engum hafi
verið vísað frá, en telur að hugs-
anlega eigi Guðmundur við það
þegar tveir menn frá Frjáls-
lynda flokknum komu snemma
morguns fyrir kjörfund með
bunka af utankjörfundaratkvæð-
um. „Þeir vildu afhenda okkur
atkvæðin og það var alveg sjálf-
sagt að taka við þeim,“ segir
Ottó. „En við bentum þeim hins
vegar á það að ef þeir vildu
hraða afgreiðslu mála, þá væri
miklu skynsamlegra að koma at-
kvæðunum annaðhvort í heima-
byggð eða til yfirkjörstjórnar á
Selfossi. Þar sem þeir voru á
leiðinni til Selfoss, tóku þeir það
fúslega að sér. En við bentum
þeim á að þeir gætu skilið þau
eftir hjá okkur.“
Samkvæmt upplýsingum frá
sýslumannsembættinu í Keflavík
hafði kjördeild hjá sýslumanni
ekkert með mál það, sem Guð-
mundur kvartaði yfir, að gera.
Engum kjósend-
um vísað frá
LITAÐAR, íslenskar paprikur fóru
á markaðinn í vikunni en íslensk,
græn paprika hefur verið á mark-
aðinum í um þrjár vikur.
Georg Ottósson, formaður Sölu-
félags garðyrkjumanna, segir að
áhersla sé lögð á að um vistvæna
framleiðslu sé að ræða. „Við höfð-
um til landans og gæðanna,“ segir
hann og bendir á að viðtökur hafi
verið mjög góðar þegar græna
paprikan fór á markað fyrir
skömmu enda sé um hollustuvöru
að ræða.
Íslenska paprikan er pökkuð og
sérstaklega merkt sem íslensk vara
til hagræðis fyrir neytendur. Georg
segir að í fyrra hafi um 650 tonn af
papriku verið innflutt en um 150
tonn verið framleidd hér á landi.
Íslensk
paprika á
markað
Morgunblaðið/Sigurður Sigmundsson
Guðbjörg Runólfsdóttir, garðyrkjubóndi og húsfreyja að Jörva á Flúðum,
með nýjar, rauðar paprikur, sem nú eru komnar á markað hérlendis.