Morgunblaðið - 15.05.2003, Blaðsíða 10
FRÉTTIR
10 FIMMTUDAGUR 15. MAÍ 2003 MORGUNBLAÐIÐ
SKJÁR tveir verður áskriftarstöð og mun ekki
hafa áhrif á auglýsingastöðina Skjá einn sem
verður rekin áfram með sama fyrirkomulagi. Í
upphafi verður nýju sjónvarpsstöðinni einungis
dreift á breiðbandi Símans en það nær nú til
33.000 heimila í landinu og bætast 3-5 þúsund
heimili við á ári. Dagskrá nýju stöðvarinnar verð-
ur kynnt þegar nær dregur.
„Þetta verður lifandi dagskrárþróun. Við
stefnum á að gera vinsæla sjónvarpsstöð í okkar
anda,“ sagði Kristinn Þ. Geirsson, fram-
kvæmdastjóri Íslenska sjónvarpsfélagsins.
„Þarna verður bæði vandað erlent efni og einn-
ig íslensk dagskrárgerð. Við ætlum að láta stöðv-
arnar vinna saman þannig að þær vegi hvor aðra
upp,“ sagði Gunnar Jóhann Birgisson, stjórn-
arformaður ÍS.
Þeir Gunnar og Kristinn segjast ekki óttast
samkeppnina á sjónvarpsmarkaðnum. „Við teljum
að félagið sé nú komið með þá styrkleika sem
þurfi til að víkka okkar svið. Við teljum að við get-
um búið til fjölskyldu af „skjám“ þar sem við upp-
fyllum allar afþreyingarþarfir heimilanna. Við
teljum að við getum betur gert það með áskrift-
arstöð,“ sagði Kristinn.
Gunnar tók í sama streng. „Skjár tveir verður
af allt öðrum toga en auglýsingasjónvarpið Skjár
einn. Það byggir alla sína tilveru á áskriftum og
við ætlum ekkert að blanda þessum tveimur teg-
undum saman.“
Þeir sögðu að tæknimöguleikar breiðbandsins
hefðu orðið til þess að sá dreifingarmáti varð fyrir
valinu.
„Breiðbandið er í dag eina starfandi stafræna
sjónvarpið og við teljum mjög æskilegt að byrja í
þessari nýju tækni. Þar er Landssíminn lang-
sterkastur og er með breiðbandið til staðar,“
sagði Kristinn og benti á að framtíðarmöguleikar
breiðbandsins væru miklir.
Áskriftarkostnaður ekki látinn uppi
Fyrirtækið vill ekki gefa upp hver kostnaðurinn
við nýja stöð verður en þeir félagar telja að mark-
aðurinn fyrir áskriftarsjónvarp á Íslandi sé veru-
lega stór. „Það eru miklar tekjur í áskrift-
arsjónvarpi á Íslandi,“ segir Kristinn. „Við teljum
núna að við séum komnir með félag sem á fullt er-
indi inn á þennan markað. Við komum inn fyrir
nokkrum árum á auglýsingamarkaðinn þar sem
var talið að ekki væri pláss. Við höfum tekið okkur
mjög sterka stöðu á þeim markaði og ég hef fulla
trú á að við getum gert það líka á áskriftarmark-
aðnum. Hvort kakan mun stækka eða hvort við
fáum hluta af þeirri sem nú þegar er til staðar
verður bara að koma í ljós.“
Gunnar sagði það ekkert leyndarmál að félagið
hefði verið illa statt þegar þeir félagar tóku við
rekstrinum fyrir einu og hálfu ári síðan. „Á 18
mánuðum hefur okkur tekist að snúa þessu félagi
algerlega við og erum nokkuð ánægðir með ár-
angurinn. Næsta skref er nokkuð augljóst. Við
ætlum að færa út kvíarnar og við teljum að okkar
starfsfólk hafi sýnt það og sannað á undanförnum
árum að það eigi eftir að standa sig vel í þeirri
samkeppni sem er á markaðnum.“
Skjár einn hefur náð miklum árangri í að ná til
ungra áhorfenda. Stöðin var til að mynda með 8 af
10 vinsælustu þáttunum meðal áhorfenda 16-29
ára á suðvesturhorninu samkvæmt fjölmiðlarann-
sókn Gallups í mars.
„Aldursdreifing áhorfenda er svolítið sem menn
hafa verið að skoða. Við horfum á sjónvarpsmark-
aðinn þannig að það eru þrjú félög á markaðnum.
Eftir að Íslenska sjónvarpsfélagið kom inn
breyttist rekstrarformið fyrir hinar stöðvarnar.
Ljóst er að Norðurljós er gífurlega skuldsett og á
undir högg að sækja. Við sjáum tækifæri í því að
geta komið inn á markaðinn og nýtt okkur nýja
tækni sem við teljum að þeir eigi mjög erfitt með
að gera, hreinlega þar sem þeir eru of skuldsettir
til þess að geta fjárfest í slíkri tækni. Við horfum
fram á það að vera eina íslenska sjónvarpsstöðin
sem mun skila hagnaði á þessu ári. Við skuldum
nánast ekki neitt. Þó að það hafi verið töluvert mál
að ná utan um skuldir þessa félags þá höfum við
breytt þeim þannig að félagið skuldar nú um 400
milljónir en ekki þúsundir milljóna eins og keppi-
nauturinn. Við teljum þetta vera þann styrk sem
við förum með inn í þessa stöðu,“ sagði Kristinn.
Fara ódýrar leiðir
„Við erum að ná betri árangri en við þorðum að
vona,“ segir Gunnar. „Við stefndum ekki á að skila
hagnaði fyrr en á næsta ári þannig að við teljum
stöðu okkar mjög sterka. Ég held að flestir sam-
keppnisaðilar okkar hafi litið svo á fyrir um einu
og hálfu ári að þetta gæti aldrei gengið því við
værum það skuldsettir.
Við erum að reyna að fara ódýrar leiðir í þessu
og getum samnýtt þá aðstöðu sem við erum með í
dag og nýtt okkur Skjá einn í uppbyggingu á Skjá
tveimur.“
Loka ekki dyrunum á Norðurljós
Fyrir um einu og hálfu ári var sameining við
Norðurljós skoðuð. „Við gerðum tilraun til að
koma að sameiningu. Við vildum hafa frum-
kvæðið. Það getur vel verið að einhvern tímann
komi að því að það teljist fýsilegt en það er ekki
það sem við erum að skoða á þessum tímapunkti.
Við höfum ákveðið að þróa okkar rekstur á okkar
forsendum,“ sagði Kristinn og tók Gunnar undir
það. „Ég tel að þetta sé skref í rétta átt og við
munum tryggja okkur á þessum markaði enn
frekar með þessu. Hvað varðar sameiningu þá er
það ljóst að við erum opnir fyrir öllu og lokum
engum dyrum en við höfum alltént lokið okkar til-
raunum um að hafa frumkvæði að sameiningu.“
Eitt stórt fjölmiðlafyrirtæki
Metnaður félagsins stöðvast þó ekki við Skjá
tvo. „Allir sem eru eitthvað að vinna í fjölmiðlum
velta því alltaf fyrir sér hvernig væri að stofna
stórt, öflugt fjölmiðlafyrirtæki sem rekur alls
kyns fjölmiðla, þar sem áherslan er á að framleiða
fréttir og afþreyingarefni. Síðan væri efninu kom-
ið til skila, hvort sem það væri með prentmiðlum,
eða í gegnum sjónvarp og útvarp. Auðvitað erum
við að velta fyrir okkur slíkum hugmyndum líka.
Þetta eru í dag hálfgerðar vísindaskáldsögur en
það er allt raunhæft í þessu,“ sagði Gunnar.
Kristinn sagði að nú væri reksturinn hins vegar
kominn í góðan farveg og því væri Skjár tveir góð
viðbót. „Með þessari stöð ætlum við ekki að
tryggja rekstur Skjás eins líkt og margir halda,
heldur er þetta þveröfugt og kemur Skjár tveir
frekar sem viðbót við Skjá einn,“ sagði Gunnar.
„Sjónvarpsstöð í okkar anda“
Íslenska sjónvarpsfélagið hf.,
sem rekur Skjá einn, mun í
haust hefja útsendingar á
nýrri íslenskri sjónvarpsstöð
á breiðbandi Símans, Skjá
tveimur. Íris Björk Eysteins-
dóttir ræddi við forsvars-
menn félagsins.
Morgunblaðið/Kristinn
Gunnar Jóhann Birgisson, stjórnarformaður Íslenska sjónvarpsfélagsins hf., og Kristinn Geirsson
framkvæmdastjóri fylgja Skjá tveimur úr hlaði í haust og dreymir um öflugt fjölmiðlafyrirtæki.
irisbe@mbl.is
MEÐ launahækkun alþingismanna
og ráðherra um 18-19%, skv. úr-
skurði Kjaradóms, hækka lífeyris-
greiðslur og lífeyrisréttindi þeirra
einnig. Eftirlaun alþingismanna og
ráðherra eru ákveðið prósentuhlut-
fall af launum þeirra á hverjum
tíma.
Ekki er búið að reikna út hve
hækkunin mun leiða til aukinna líf-
eyrisskuldbindinga hjá alþingis-
mannadeild og ráðherradeild Líf-
eyrissjóðs starfsmanna ríkisins.
Þingmenn og ráðherrar ávinna
sér lífeyrisréttindi með nokkuð öðr-
um hætti en almennt gerist. Eftir
úrskurð Kjaradóms eru heildarlaun
þingmanna 437.777 kr. á mánuði.
Eftirlaun alþingismanna eru hlutfall
af þingfararkaupi eins og það er á
hverjum tíma og er það 2% fyrir
hvert heilt ár fyrstu fimm árin en
breytilegt eftir það og verður aldrei
hærra en 70% eftir 25 ára þingsetu.
Skv. reglum sem gilda um eftirlaun
þingmanna hafa þingmenn áunnið
sér rétt til 30% eftirlauna eftir 9 ár
á þingi og 50% eftir 15 ár á þingi.
Eftirlaun ráðherra fylgja ráð-
herralaunum eins og þau eru á
hverjum tíma. Ráðherrar ávinna sér
rétt til 6% eftirlauna á hverju ári en
eftirlaunahlutfallið getur þó aldrei
orðið meira en 50% af þeim launum
sem ráðherra hefur umfram þing-
fararkaup.
Eftirlaunin hækka
í samræmi við
launahækkanirnar
SKÝRINGAR formanns Kjaradóms
á nýgengnum úrskurði dómsins um
hækkun launa þingmanna og æðstu
embættismanna eru léttvægar, að
mati Benedikts Davíðssonar, for-
manns Landssamtaka eldri borgara.
Benedikt gagnrýnir úrskurðinn og
gerir ráð fyrir að margir muni láta í
sér heyra vegna hans á landsfundi
samtakanna sem hefst í dag.
Upphæðir sem jafnast á við
tvöfaldar atvinnuleysisbætur
Launahækkanir sem Kjaradómur
ákvað leiða einnig til verulegrar
hækkunar á lífeyrisgreiðslum þeirra
þjóðkjörnu fulltrúa og embættis-
manna sem dómurinn tekur til. Bene-
dikt segir að þar sé ólíku saman að
jafna við baráttu eldri borgara fyrir
bættum kjörum sl. haust, þar sem
menn hafi verið að togast á um ein-
hverja hundraðkalla eða þúsundkalla.
„Núna er verið að útdeila vegna þess-
ara manna upphæðum sem eru álíka
og fullar atvinnuleysisbætur og jafn-
vel tvöfalt það hjá þeim sem mest er
fært til. Þetta er ekki mjög sannfær-
andi fyrir okkar fólk og er ekki í takt
við umræðuna fyrir kosningarnar, að
sérstaklega þyrfti að huga að því að
bæta kjör þeirra sem lakast væru
settir,“ segir Benedikt.
Hann gagnrýnir einnig aðferðir
Kjaradóms, sem hann segir að hafi
farið með úrskurð sinn eins og eitt-
hvert pukurmál og viðmiðið sem dóm-
urinn notar er einnig gagnrýnivert,
að hans mati. „Sjálfsagt fer Kjara-
dómur eftir öllum lögum og reglum,
en það er alveg út úr kú að taka mið,
vegna þessara starfsmanna okkar, af
einhverju allt öðru en almennt geng-
ur og gerist í þjóðfélaginu,“ segir
Benedikt. Bendir hann í því sambandi
á þau ummæli formanns Kjaradóms
að ákvörðunin um hækkun launa tæki
mið af yfirstjórnendum annars staðar
í þjóðfélaginu „Ef það á að geta haft
áhrif á svona ákvarðanir að stjórn eða
forstjóri einhvers fyrirtækis ákveða
að hygla sínum stjórnendum með tug-
um milljóna, þá erum við komin í al-
gjörar ógöngur,“ segir Benedikt.
Benedikt Davíðsson gagnrýnir úrskurð Kjaradóms
Viðmið dómsins getur
leitt í algjörar ógöngur
SFR – stéttarfélag í almannaþjón-
ustu stendur fyrir ráðstefnu fyrir
ungt fólk á vinnumarkaði í Iðnó í
dag, fimmtudaginn 15. maí. Ætlunin
er að koma víða við og ræða þau mál
sem brenna á ungum félagsmönnum.
„Er unga fólkið að gera það gott?
Er lífsgæðakapphlaupið að sliga
það? Um hvaða lífsgæði snýst þetta
kapphlaup? Offramboð er á lánum –
en ekki nóg framboð af tekjum! Það
getur nálgast kraftaverk að koma
öllu því sem gera þarf á hverjum
degi heim og saman. Vera á frama-
braut í starfi, halda sér við með sí-
menntun, ná í börnin á leikskólann á
réttum tíma o.s.frv,“ segir m.a. í
fréttatilkynningu vegna ráðstefn-
unnar. Hvernig er forgangsröðin?
Er sveigjanlegur vinnutími af hinu
góða? Þyrfti yfirvinnan að vera
minni? Vinnuvikan styttri? Þessar
spurningar eru meðal þeirra sem
reynt verður að svara á ráðstefnunni
í dag.
Friður og réttlæti
„Áhugi á hverskyns réttindabar-
áttu fer nú vaxandi víða um heim og
kröfur um frið, réttlæti og jafnari
skiptingu veraldargæða eru hávær-
ari en oft áður. Hefur þessi þróun
áhrif á ungt fólk á Íslandi? Hvað
liggur því á hjarta? Hvers þarfnast
það frá okkur?
Með breyttu samfélagi koma nýj-
ar þarfir og breyttar áherslur. Það
eru fjórar ólíkar kynslóðir á vinnu-
markaði með mismunandi vænting-
ar, þarfir og kröfur. SFR vill vera til
staðar fyrir alla sína félagsmenn og
hefur sett sér það markmið að ná
betur til þeirra yngstu. Er það upp-
lifun þeirra að stéttarfélög séu þung-
lamaleg og gamaldags? Hafa stétt-
arfélögin kannski gleymt unga
fólkinu?“
SFR hvetur alla unga félaga sína
til þátttöku í ráðstefnunni. Aðgang-
ur er ókeypis. Skráning er á
www.sfr.is.
SFR er stéttarfélag í almanna-
þjónustu með um 5.100 félagsmenn,
félagssvæði þess er allt landið og er
það stærsta aðildarfélag BSRB. Til-
gangur félagsins er að vera í forsvari
fyrir einstaklinga við gerð kjara-
samninga og vinna að öðrum hags-
munamálum, vernda réttindi félag-
anna og beita sér gegn hvers konar
misrétti í launagreiðslum og starfs-
kjöum, segir ennfremur í fréttatil-
kynningu.
Ráðstefna
SFR í Iðnó
„Er unga
fólkið að
gera það
gott?“