Morgunblaðið - 15.05.2003, Blaðsíða 20

AKUREYRI
20 FIMMTUDAGUR 15. MAÍ 2003 MORGUNBLAÐIÐ
Frá Tónlistarskólanum á Akureyri
Minningarsjóður Þorgerðar Eiríksdóttur auglýsir eftir
umsókn um styrki til framhaldsnáms í tónlist.
Hlutverk sjóðsins er:
Að styrkja nemendur frá Tónlistarskólanum á
Akureyri til framhaldsnáms.
Umsækjendur þurfa að gera grein fyrir
framtíðaráformum sínum og framvísa staðfestingu
á skólavist skólaárið 2003-2004.
Umsóknarfrestur er til 23. maí 2003.
Skólastjóri
STYRKIR
FÓLK sem fermdist frá Akureyrar-
kirkju vorið 1953, þ.e. þeir sem
fæddir eru árið 1939, ætlar að hitt-
ast og minnast þess að 50 ár eru lið-
in frá fermingunni. Árgangurinn
var óvenju fjölmennur, en þetta vor
fermdust um 140 börn frá kirkjunni
og hafa menn nú 50 árum síðar sest
að víða um heim.
Ætlunin er að hópurinn hittist
24. maí nk. kl. 11 við gamla Barna-
skóla Akureyrar sem gjarnan var
kallaður Barnaskóli Íslands í þá
daga. Farið verður í gönguferð um
gamalkunnar slóðir og minningar
rifjaðar upp, en um kvöldið verður
sameiginlegur kvöldverður. Heima-
menn geta aðstoðað þá sem lengra
koma að að útvega gistingu. Vænta
aðstandendur samkomunnar þess
að fólk láti vita af henni sín á milli,
en þátttöku má tilkynna til Þráins
Karlssonar, Heiðu Hrannar Jó-
hannsdóttur, Gísla Braga Hjart-
arsonar, Jennýar Karlsdóttur, öll á
Akureyri eða Láru Ingólfsdóttur og
Soffíu Jakobsdóttur í Reykjavík.
50 ára fermingarafmælis minnst
JÓNI Arnþórssyni forstöðumanni
Iðnaðarsafnsins á Akureyri varð
hugsað til þess hvernig yrði með
áframhaldandi samstarf vínanda
og heilags anda, eftir að hann sá í
frétt á baksíðu Morgunblaðsins að
framleiðslu messuvíns hefði verið
hætt en það var blandað hjá
ÁTVR. Iðnaðarsafninu áskotn-
aðist forláta miði á sínum tíma,
sem á stendur messuvín stórum
stöfum en neðst á miðanum stend-
ur um innihaldið; 16% vínandi
84% heilagur andi. Jón sagði að
þessi miði, sem trúlega hefði ver-
ið gerður til gamans, vekti jafnan
mikla athygli hjá fólki sem sækti
safnið heim.
Vínandi og
heilagur andi
BYGGING fjögurra nýrra íbúða er
að hefjast á Grenivík í Grýtu-
bakkahreppi, en gert er ráð fyrir
að hafist verði handa þegar í
næstu viku. Íbúðirnar verða við
Lækjavelli og verktaki er Tré-
smíðaverkstæði Sveins Heiðars á
Akureyri. Byggt verður eitt par-
hús sem Grýtubakkahreppur hefur
fest kaup á og hyggst nota til að
leiga út. Þá er að sögn Guðnýjar
Sverrisdóttur sveitarstjóra ekki
búið að ákveða hvort byggt verður
annað svipað parhús eða tvö ein-
býlishús.
Guðný sagði að atvinnuástand
væri gott á Grenivík, næg atvinna
væri til staðar en húsnæði skorti.
Hún sagði að fólk hefði á síðustu
árum verið eilítið hrætt við að
byggja á staðnum, „en nú með
betri tíð og blóm í haga ætti sú
hræðsla að heyra fortíðinni til,“
sagði hún. Hún sagði að fólk setti
fjarlægðina, tæplega hálftíma
akstur, til Akureyrar ekki fyrir sig
og þá væri það liðin tíð að fólk
þyrfti að selja hús sín á tombólu-
verði flytti það úr byggðarlaginu.
Guðný sagði að einstaklingar
hefðu reist sér hús í hreppnum á
síðustu árum og þá hafði hrepp-
urinn forgöngu um að reist var
hús með 6 íbúðum í kaupleigukerf-
inu fyrir um áratug.
Nokkur uppbygging hefur verið
í hreppnum síðustu ár og fólki
fjölgað. Þar er nú 392 íbúar, en
þeim fækkaði um 2 milli ára. „Nú
spýtum við bara í lófana og höld-
um uppbyggingunni áfram. Það er
engu að kvíða og sem dæmi má
nefna eru um 40 börn á aldrinum 2
til 6 ára á leikskólanum, þannig að
það er að vaxa úr grasi hér góður
hópur,“ sagði Guðný.
Fjórar nýjar
íbúðir byggðar
á Grenivík
GÚMMÍVINNSLAN hefur þróað
framleiðslu á svonefndum „hoppara-
lengjum“ sem um skeið hafa verið
reyndar um borð í Kaldbak EA með
góðum árangri. Verkefnið er þróun-
arverkefni GV, Ísnets á Akureyri og
Sveins Hjálmarssonar skipstjóra á
Kaldbak. Það fékk styrk frá Rannís
og vann Steinar Magnússon ráðgjafi
að verkefninu ásamt þeim sem áður
eru taldir.
Þórarinn Kristjánsson fram-
kvæmdastjóri GV sagði að um stórt
umhverfismál væri að ræða því um
30 kíló af gúmmíúrgangi væru notuð
í hverja skífu. „Þessi framleiðsla ætti
með tímanum að draga gríðarlega úr
innflutningi á gúmmíi,“ sagði Þórar-
inn, en um 5-700 tonn af svonefndum
„rockhopper“ skífum eru flutt inn
árlega. „Ég tel að við ættum að geta
minnkað innflutning um helming á
einu til tveimur árum,“ sagði Þór-
arinn, en hann sagði framleiðslu GV
endingarbetri en þær skífur sem fyr-
ir eru á markaðnum.
Skífurnar eru notaðar við veiðar í
troll og eru til þyngingar á neðri
hluta opsins á trollinu. Þær renna
eftir botninum og er ætlað að
tryggja það að pokinn haldist opinn.
Um síðustu áramót var umhverf-
isgjald lagt á innflutta hjólbarða, eða
rúmar 36 krónur á hvert kíló dekkja.
Stjórnvöld hafa því stigið það skref
að safna dekkjum af landinu saman
til að endurvinna þau og sagði Þór-
arinn að framleiðsla GV væri góður
kostur til að leysa úr umhverfis-
vandamálum auk þess að passa
ágætlega við Kyótó-bókunina sem
stjórnvöld hafa skuldbundið sig til að
fara eftir.
Þórarinn sagði að íslenska fram-
leiðslan væri eitthvað dýrari en sú
innflutta en á móti kæmi að menn
losnuðu við að kaupa ýmsan auka-
búnað sem notaður er til að þyngja
veiðarfærin. „Þetta sýnir að margt
er hægt að gera þegar fólk, fyrirtæki
og stofnanir taka höndum saman,“
sagði Þórarinn.
Búnaðurinn verður prófaður
áfram að sögn Þórarins, en ætti að
vera tilbúinn á markað eftir um hálft
ár. Hann sagði ánægjulegt fyrir GV
að bjóða nýja vöru nú á 20. afmælis-
ári fyrirtækisins. „Við teljum þetta
nokkur tímamót,“ sagði Þórarinn.
Fyrirtækið hefur framleitt milli-
bobbinga úr gúmmíi frá árinu 1987
og eru „hopparalengjurnar“ viðbót
við þá framleiðslu.
Framleiðsla á nýjum „hopparalengjum“ hjá GV
30 kíló af gúmmí-
úrgangi í hverja skífu
Morgunblaðið/Kristján
Þorvaldur Sigurðsson og Kristján
Pétursson, starfsmenn Ísnets á Ak-
ureyri, hafa unnið við að setja
hopparalengjurnar saman.
LÆÐAN Freyja, sem særðist mjög
illa er hún var skotin með loftbyssu
eða loftriffli inni í miðju íbúðarhverfi
á Akureyri á dögunum, er á batavegi
og komin heim til fjölskyldu sinnar í
Múlasíðu. Læðan var kettlingafull er
hún varð fyrir árásinni, en hún
missti kettlingana, auk þess sem
Elfa Ágústsdóttir dýralæknir gerði á
henni umfangsmikla aðgerð.
Að sögn Elfu virðist Freyja ætla
að ná sér að fullu en tvísýnt var um
líf hennar á tímabili. Fjarlægja
þurfti legið og annað nýrað sem var
sundurskotið, þrjú göt voru görnum
og blæðing á lifur en kúlan fannst í
kviðarholi kattarins. Elfa sagði að
mikil gleði hefði ríkt á heimili Freyju
þegar hún kom af dýraspítalanum.
Það skyggir þó á gleðina að læðan
mun ekki geta eignast kettlinga en
margir biðu spenntir eftir kettling-
unum sem hún gekk með þegar hún
varð fyrir skotárásinni. Atvikið, sem
varð um miðjan dag í íbúðarhverfi
þar sem jafnan eru fjölmörg börn að
leik, er litið mjög alvarlegum augum
og var það kært til lögreglu.
Læðan
Freyja á
batavegi