Morgunblaðið - 12.06.2003, Page 41

MENNTASKÓLANUM á Laugar-
vatni var slitið og stúdentar braut-
skráðir í 50. sinn laugardaginn 31. maí
að viðstöddu fjölmenni eins og endra-
nær.
30 stúdentar voru brautskráðir frá
skólanum, 8 af málabraut og 22 af
náttúrufræðibraut. Þá voru fyrsta
sinni útskrifaðir nemendur af þriggja
ára íþróttabraut skólans. Um var að
ræða tvo nemendur þessu sinni og
stefna þeir báðir á að útskrifast sem
stúdentar frá skólanum.
Viðurkenningar fyrir hæstu ein-
kunnir á stúdentsprófi hlutu þær Sig-
rún Guðjónsdóttir frá Melum í
Hrunamannahreppi, á náttúrufræði-
braut, með einkunnina 9,38 og Kristín
Ingunn Haraldsdóttir frá Haga á
Barðaströnd, á málabraut, með ein-
kunnina 8.68.
Hæstu einkunn yfir skólann hlaut
að þessu sinni Ninja Ýr Gísladóttir frá
Reykjavík, nemandi í 3. bekk náttúru-
fræðibrautar, einkunnina 9,76 og lýsti
skólameistari hana dux scholae.
Næsthæstu aðaleinkunn, 9,51, hlaut
María Þórunn Jónsdóttir, frá Gygj-
arhólskoti í Biskupstungum, nemandi
í 2. bekk náttúrufræðibrautar.
Skólinn veitti nýstúdentum fjöl-
margar viðurkenningar fyrir námsár-
angur í einstökum greinum svo og
fyrir félagsstörf. Nemendasamband
skólans, NEMEL, veitti viðurkenn-
ingu fyrir hæstu einkunn í íslenskri
ritgerð á stúdentsprófi, en hana hlaut
Gísli Viðar Oddsson frá Stöðulfelli í
Skeiða- og Gnúpverjahreppi.
Júbílantar gáfu myndarlega pen-
ingaupphæð til stofnunar fræðastofu:
Stofu íslenskra fræða við skólann, og
er það ósk þeirra að hún tengist nöfn-
um mikilla íslenskumanna sem við
hann hafa starfað, þeirra Kristins
Kristmundssonar, Ólafs Briem, Har-
aldar Matthíassonar og Jóhanns S.
Hannessonar.
Skólaslit á Laugarvatni
FRÉTTIR
MORGUNBLAÐIÐ FIMMTUDAGUR 12. JÚNÍ 2003 41
Kringlan 4-12, sími 568 6211.
Skóhöllin, Firði, Hf., sími 555 4420.
BARNASKÓR
4ra daga tilboð
fimmtudag - föstudag - laugardag - sunnudag
20%
af öllum barnaskóm
ponny - roots - rooteens - melania - star -
victory - imac - nike - adidas
afsláttur
990 - áður 2.490
1.990 - áður 3.990 og 4.990
Áskirkja. Opið hús fyrir alla aldurshópa kl.
14–17 í neðri safnaðarsal. Sönghópur und-
ir stjórn Kára Þormar organista. Kaffi og
með því eftir sönginn. Allir velkomnir.
Óháði söfnuðurinn. Tiltekt á kirkjulóð kl.
18. Svana sér um veitingar.
Fella- og Hólakirkja. Biblíulestur og helgi-
stund í Gerðubergi kl. 10.30–12.
Háteigskirkja. Taizé-messa kl. 20. Kópa-
vogskirkja. Samvera eldri borgara í dag kl.
14.30–17 í safnaðarheimilinu Borgum.
Kyrrðar- og bænastund í dag kl. 17. Fyr-
irbænarefnum má koma til sóknarprests
eða kirkjuvarðar.
Vídalínskirkja. Bæna- og kyrrðarstund í
kirkjunni kl. 22. Gott er að ljúka deginum
og undirbúa nóttina í kyrrð kirkjunnar og
bera þar fram áhyggjur sínar og gleði. Bæn-
arefni eru skráð í bænabók kirkjunnar af
prestum og djákna. Boðið er upp á mola-
sopa og djús að lokinni stundinni í kirkj-
unni.
Hafnarfjarðarkirkja. Opið hús fyrir ung börn
og foreldra þeirra í Vonarhöfn, safnaðar-
heimili Strandbergs, kl. 10–12. Opið hús
fyrir 8–9 ára börn í safnaðarheimilinu
Strandbergi, Vonarhöfn, frá kl. 17–18.30.
Víðistaðakirkja. Foreldrastund í dag kl.
13. Kjörið tækifæri fyrir heimavinnandi for-
eldra með ung börn að koma saman í nota-
legu umhverfi og eiga skemmtilega sam-
verustund. Barnastarf fyrir 10–12 ára börn
í dag kl. 17.
Þorlákskirkja. Biblíupælingar í kvöld kl.
20.
Landakirkja í Vestmannaeyjum. Kl. 10.00.
Mömmumorgunn í Safnaðarheimilinu. Allir
foreldrar hjartanlega velkomnir með börn-
um sínum í spjall og góða samverustund.
Kletturinn. Kl. 19 alfanámskeið. Allir vel-
komnir.
Akureyrarkirkja. Kyrrðar- og fyrirbæna-
stund kl. 12. Léttur hádegisverður á vægu
verði í Safnaðarheimili eftir stundina.
Safnaðarstarf
Opið hús verður í Vin og Dvöl, at-
hvarfi Rauða krossins fyrir geðfatl-
aða í Reykjavík og Kópavogi, í dag,
12. júní, kl. 13–16. Þar getur hver sem
er kynnst starfsemi Vinjar og Dvalar,
en markmið hennar er að rjúfa fé-
lagslega einangrun geðfatlaðra. Opna
húsið er í tilefni af sumarhátíðinni
„Lykill að betri framtíð“ sem fer fram
á Ingólfstorgi á morgun, föstudaginn
13. júní.
Rauði krossinn rekur þrjú athvörf
fyrir geðfatlaða, Vin í Reykjavík,
Dvöl í Kópavogi og Laut á Akureyri.
Í haust tekur fjórða athvarfið til
starfa, Lækur í Hafnarfirði.
Klúbburinn Geysir verður með op-
ið hús í Skipholti 29, í dag, fimmtu-
dag, kl. 10–16. Klúbburinn Geysir er
fyrir þá sem eiga eða hafa átt við geð-
ræn veikindi að stríða. Klúbburinn
starfar eftir alþjóðlegri hugmynda-
fræði Fountain House sem byggist á
markvissri uppbyggingu einstak-
lingsins, þar sem horft er á styrkleika
hvers og eins, segir í fréttatilkynn-
ingu.
Sumarganga skógræktarfélag-
anna verður í dag, 12. júní, í fræðslu-
samstarfi skógræktarfélaganna og
Búnaðarbanka Íslands. Mæting er kl.
20 á bifreiðastæðunum við Reykja-
lund. Þar uppfræðir Birgir Sveinsson
kennari um Reykjalund og umhverfi
Reykjalundar er skoðað. Genginn
verður Skammidalur, Helgafells-
megin og inn Æsustaðahlíð að gróðr-
arstöðinni Mosskógum þar sem boðið
verður upp á léttar veitingar. Rútur
aka þátttakendum að Reykjarlundi.
Elísabet Kristjánsdóttir, formaður
Skógræktarfélags Mosfellsbæjar,
verður göngustjóri. Skógargöng-
urnar eru léttar göngur, við allra
hæfi, ókeypis og öllum opnar. Nánari
upplýsingar á heimasíðu Skógrækt-
arfélags Íslands, www.skog.is. Gang-
an er á vegum Skógræktarfélags
Mosfellsbæjar.
Námskeið í gerð flugdreka verður
í Árbæjarsafni í dag, 12. júní og á
morgun, föstudagdaginn 13. júní, kl.
13–16 báða dagana. Ætlast er til að
börn komi í fylgd með fullorðnum
sem aðstoða þau. Þátttakendur skrá
sig í miðasölu safnsins. Þátttökugjald
er 4.000 kr. fyrir parið og 1.000 kr.
fyrir aukabarn.
Fimmtudagskvöldgöngur hefjast í
þjóðgarðinum á Þingvöllum í dag,
fimmtudag. Bjarni Harðarson blaða-
maður mun leiða fyrstu fimmtudags-
kvöldgöngu sumarsins og fjalla um
sögur af höfðingjum og almúgamönn-
um undir heitinu Baráttan við holdið.
Í göngunni verður farið frá fræðslu-
miðstöðinni og gengið í Skógarkot og
stöðvað á völdum stöðum þar sem
Bjarni rifjar upp sögur.
Í DAG
Sumarferð Símans. Dagana 1. til 6.
ágúst fer eftirlaunadeild símamanna
í árlega sumarferð. Farið verður frá
Umferðarmiðstöðinni 1. ágúst kl. 9
að morgni og ekið til Borgarness og
Akureyrar.
Næsta dag er ekið til Mývatns, í
Hólmatungur, að Dettifossi, komið
við í Ásbyrgi og gist í Lundi í Öxar-
firði. Þriðja daginn er ekið um Mel-
rakkasléttuna, komið við á Kópa-
skeri og Raufarhöfn og ekið út á
Langanes. Gist verður á Þórshöfn.
Næsta dag er ekið vestur Öxarfjarð-
arheiðina til Kelduhverfis, Þeista-
reykja, að Goðafossi og gist á að
Stórutjörnum.
Á fimmta degi er ekið til Mývatns og
til Herðubreiðarlinda og Öskju.
Gengið er að Öskjuvatni og Víti. Í
bakaleið er farið austur yfir Jökulsá
á Fjöllum og Kreppu og komið á
hringveginn hjá Möðrudal. Þaðan er
hringvegurinn ekinn til Mývatns og
gist aftur á Stórutjörnum.
Sjötta og síðasta dag ferðarinnar er
ekið suður um Sprengisand til
Reykjavíkur.
Fararstjóri verður Ragnhildur Guð-
mundsdóttir, fyrrv. formaður FÍS,
og leiðsögumaður Valgarð Runólfs-
son. Nánari upplýsingar gefur
Ragnhildur Guðmundsdóttir á net-
fanginu vallirun@binet.is
Farida Sharan – náttúrulækn-
ingar. Fyrirlestrar og námskeið
Náttúrulæknisins Faridu Sharan
sem vera áttu í þessari viku er frest-
að þar til í október nk. Upplýsingar
hjá Lilju Oddsdóttur á jak-
@ismennt.is
Listasmiðjan Nú býður upp á jóga-
tíma, opna og lokaða og steinanudd.
Einnig er boðið upp á jóga og leik-
listarnámskeið fyrir börn á aldrinum
8–13 ára í sumar. Einstaklingar, pör
eða litlir hópar geta pantað sinn eig-
in jógatíma. Allar nánari upplýs-
ingar má finna á heimasíðunni
www.listasmidjan-nu.is. Listasmiðj-
an Nú er á Skólavörðustíg 65.Á NÆSTUNNI
LEIÐRÉTT
Rangt starfsheiti
Í frétt Viðskiptablaðsins fimmtu-
daginn 5. júní sl. um ferðaskrifstof-
una GB-ferðir var rangt farið með
starfstitil viðmælanda hjá Íslands-
síma. Hann var sagður hafa verið
framkvæmdastjóri sölu- og mark-
aðssviðs. Hið rétta er að hann starf-
aði áður sem framkvæmdastjóri
sölusviðs Íslandssíma GSM. Beðist
er velvirðingar á þessu.
Myndabrengl
Í viðtali við Dick Ringler í Lesbók
sl. laugardag slæddist með mynd
sem ekki átti þar erindi. Myndin var
í myndatexta sögð götumynd frá
Kaupmannahöfn en var annars stað-
ar frá og tengdist ekki greininni.
Sveinn Ívarsson arkitekt
Rangt var farið með nafn Sveins
Ívarssonar arkitekts í grein í Lesbók
sl. laugardag. Er beðist velvirðingar
á mistökunum.
ÞRJÁTÍU og níu nemendur, þar af
29 stúdentar, voru brautskráðir frá
Menntaskólanum á Ísafirði við hátíð-
lega athöfn í þéttsetinni Ísafjarðar-
kirkju laugardaginn 31. maí sl. Úr
verknámi útskrifuðust að þessu sinni
1 málarameistari, 5 vélstjórar, þar af
1 vélvirki, og 4 nemendur af starfs-
braut, þar af einn á Hólmavík. Stúd-
entarnir skiptust þannig að 7 voru
brautskráðir af náttúrufræðibraut,
11 af hagfræði- og tölvubraut, 5 af fé-
lagsfræðibraut og 6 af mála- og sam-
félagsbraut. Fjöldi gamalla nemenda
var við skólaslitin og fluttu fulltrúar
nokkurra afmælisárganga ávörp.
Alls hafa 63 nemendur útskrifast frá
Menntaskólanum á Ísafirði í vetur.
Í ræðu sinni sagði Ólína Þorvarð-
ardóttir skólameistari að Mennta-
skólinn á Ísafirði væri svo lánsamur
að eiga trausta bakhjarla í félaga-
samtökum og atvinnufyrirtækjum á
svæðinu sem hafa rétt styðjandi
hönd þegar á hefur þurft að halda.
Síðastliðið haust barst skólanum
stórgjöf frá Vélstjórafélagi Íslands,
eða 8 milljóna króna höfuðstóll til
ávöxtunar í tilefni af 100 ára afmæli
vélbátaútgerðar í landinu. „Þetta er
stærsta gjöf sem skólanum hefur
verið færð og mun án alls vafa verða
lyftistöng fyrir verknámsgreinar
skólans og þá einkum þær sem
tengjast vélstjórnarnámi. Fyrirtæk-
in Póls, Fálkinn og KM-stál ehf., 3X-
Stál, Húsasmiðjan, Vista, Rafskaut
og Björgunarsveitin í Bolungarvík
hafa fært skólanum kennslubúnað
og tæki sem nýtast verknámsgrein-
um, auk þess sem Orkubú Vestfjarða
hefur um langt árabil útvegað skól-
anum aðstöðu fyrir lokaáfanga vél-
stjórnarnema í rafmagnsfræði.“
Menntamálaráðuneytið hefur nú
veitt skólanum styrk til þess að
koma á fót fjölmenningarbraut – al-
mennri námsbraut fyrir nýbúa.
Morgunblaðið/Halldór Sveinbjörns
Brautskráning frá MÍ