Morgunblaðið - 16.07.2003, Blaðsíða 36

MINNINGAR
36 MIÐVIKUDAGUR 16. JÚLÍ 2003 MORGUNBLAÐIÐ
Við kölluðum hana
oftast Gunnu á Holtinu.
Hún var systir hans afa
og ég átti þess kost að
búa hjá henni og Pétri á
Fálkagötunni, þegar ég þurfti að vera
í Reykjavík sem barn og einnig síðar í
skóla og vinnu. Fyrir það er ég æv-
inlega þakklátur. Það voru fleiri
frændur á loftinu og vorum við jafn-
framt í fæði hjá henni og alltaf graut-
ur á eftir.
Það var alltaf gott að koma til
Gunnu og börn hennar, barnabörn,
frændfólk og vinir voru oft í heim-
sókn, sem vonlegt var, því það var svo
gott að koma til hennar. Hvort sem
Pétur var á sjónum eða ekki var sama
umferðin í húsinu. Líklega hefur það
þótt sjálfsagt að bæta þessum greyj-
um utan af land við sig í erli dagsins.
Hún hafði þennan sjarma, sem ég
get ekki lýst, en sum góð skáld gera.
Hægt væri að gera íslenska kvik-
mynd um íslenskan veruleika síðustu
aldar, með hana sem persónu í blíðu
og stríðu, þar sem hún er afgerandi,
sterk, gáfuð, ekki endilega í aðalhlut-
verkinu, en því hlutverki sem skiptir
sköpum. Hún hafði góða lund og hafði
einstakt lag á að segja skoðanir sínar
við mann, hreinar og beinar. Alltaf já-
kvæð og brosandi. Ræddi við mann
sem jafningja á hvaða aldri sem mað-
ur var.
Það er gott að fá að lifa yfir 90 ár.
Meðan hausinn er í lagi, þá er ég
ánægð, sagði hún. Þegar ég hitti hana
síðast var ég með móður minni og
Gunna var að segja okkur frá nýjasta
aðilanum sem væri að tengjast stór-
fjölskyldunni og hún ætlaði að tala yf-
ir honum og svo kímdi hún þannig að
manni hlýnaði.
Guð blessi góða manneskju.
Jóhannes Finnur.
Það var fyrir 15 árum sem ég fór að
venja komu mína á loftið á Fálkagöt-
una.
Ég man hvað ég flýtti mér alltaf
framhjá hurðinni á 2. hæðinni því þar
bjuggu amma og afi Einars, sem ég
var að heimsækja. Nokkrum mánuð-
um seinna fluttum við Einar svo á 2.
hæðina á móti ykkur afa, þá hljóp ég
✝ Guðrún DagbjörtSveinbjörnsdótt-
ir fæddist í Hellna-
felli í Grundarfirði
23. mars 1912. Hún
lést á Hrafnistu í
Reykjavík 4. júlí síð-
astliðinn og var útför
hennar gerð frá
Kirkju Óháða safn-
aðarins 14. júlí.
ekki framhjá heldur
beint yfir til ykkar, því
þangað var alltaf gott að
koma, fá sér kaffibolla
og spjalla. Við amma
urðum strax góðar vin-
konur og minningarnar
margar.
Ég man þegar Hafdís
Rún dóttir okkar fædd-
ist og þú komst yfir með
nýbakaðar pönnukökur
og rjóma þegar við
komum heim.
Ég man þegar við
fórum í bæinn að stúss-
ast og komum alltaf við
á Kaffi Mokka og fengum okkur kaffi
eða kakó.
Ég man göngutúrana um Grím-
staðarholtið, Ægisíðuna og gamla
Skerjafjörðinn, þú vissir nákvæmlega
hver byggði hvaða hús og hvernig
þetta var allt saman í gamla daga.
Ég man þegar þú komst með Haf-
dísi tengdamömmu og heimsóttir
okkur til Aberdeen, þú varst 86 ára
gömul og lést það ekki aftra þér að
skella þér upp í flugvél og fljúga til
Skotlands. Það sem þú ákvaðst fram-
kvæmdir þú.
Ég man svo miklu miklu meira og
það geymi ég í hjarta mínu elsku
amma.
Þú lifðir tímana tvenna og varst svo
ótrúlega fróð og minnug, sagðir svo
margar skemmtilegar sögur sem lifa
áfram.
Eitt af síðustu spjöllunum okkar
saman var 10. maí sl., á kosningadag-
inn. Við möluðum eins og myllur, að-
alega töluðum við um tilhugalíf okkar
beggja og hvað við hlógu mikið.
Nú hefur þú fengið hvíldina sem þú
þráðir orðið svo heitt, enda búin að
skila þínu svo vel.
Guð geymi þig elsku amma.
Kveðja
Rósa G.
Elsku langamma.
Nú ert þú komin til himna þar sem
langafi hefur tekið á móti þér og ég
veit að núna líður ykkur vel saman.
En hvernig er eiginlega þarna uppi
hjá Guði?
Ég á margar góðar minningar um
þig elsku amma, eins og t.d. dóta-
skúffuna á Fálkagötunni, alla hlýju
vettlingana og sokkana sem þú prjón-
aðir og skemmtilegu prjónadýrin sem
þú gafst mér og Bjarka Degi bróður.
Eftir að þú fluttir á Hrafnistu var líka
gaman að heimsækja þig, þú áttir allt-
af Sprite í ísskápnum og nammi í skál.
Þú kenndir mér að að spila Olsen
Olsen og líka að leggja kapal. Þú
kenndir mér Faðirvorið og bænina“
„Vertu yfir og allt um kring“ sem
hangir svo fallega útsaumuð yfir rúm-
inu mínu, núna er ég og mamma að
kenna Bjarka Degi bróður Faðirvorið
og bænina, svo ætla ég að kenna hon-
um að spila Olsen Olsen þegar hann
verður aðeins stærri.
Elsku langamma, Guð geymi þig.
Vertu yfir og allt um kring
með eilífri blessun þinni,
sitji Guðs englar saman í hring
sænginni yfir minni.
(Sig. Jónsson frá Presthólum.)
Kveðja
Hafdís Rún og Bjarki Dagur.
Við hjónin vorum í sumarfríi í út-
löndum, þegar við fréttum andlát
Guðrúnar Sveinbjörnsdóttur. Guð-
rúnu kynntumst við fyrir tæplega 18
árum, þegar undirritaður var ráðinn
safnaðarprestur Óháða safnaðarins.
Guðrún og Pétur tóku vel á móti nýja
prestinum og við Elsa fundum strax,
að þar voru á ferð mikil ágætishjón,
sem alla tíð sýndu safnaðarstarfinu
mikla ræktarsemi.
Guðrún var glæsileg kona, hún
geislaði af hlýju og góðlátlegri kímni
og bros hennar endurspeglaði hrein-
leika hugarfarsins. Óháði söfnuðurinn
átti marga góða og trygga stofnend-
ur, Guðrún Sveinbjörnsdóttir var
einn þeirra. Þátttaka hennar í guðs-
þjónustuhaldi og félagslegu starfi
safnaðarins var með þeim hætti að
ekki verður betur gert í þeim efnum.
Ég bið aðstandendum blessunar
Guðs á útfarardegi hennar og við
hjónin minnumst góðrar og göfugrar
konu meðan lifum.
Þórsteinn og Elsa.
Óháði söfnuðurinn var stofnaður
17. febrúar 1950. Stuttu seinna var
Kvenfélag Óháða safnaðarins stofnað
og var tilgangurinn að efla safnaðar-
starfið og vinna með öllum ráðum að
byggingu safnaðarkirkju. Á daginn
kom að Kvenfélagið átti ríkari þátt í
að gera kirkjubygginguna að veru-
leika en nokkur annar aðili. Konurnar
í Kvenfélagi Óháða safnaðarins hafa
frá stofnun félagsins verið einn af
burðarásum safnaðarstarfsins. Þær
hafa unnið af brennandi áhuga, dugn-
aði og óeigingirni fyrir kirkjuna, jafn-
framt því sem þær hafa lagt þeim lið
sem orðið hafa undir í lífsbaráttunni.
Sá mikli samhugur og gleði sem ein-
kennt hefur öll þeirra störf lýsir óbil-
andi trú þeirra og vilja til að gera veg
safnaðarins sem mestan. Ófáar eru
terturnar og kökurnar sem þær hafa
borið fram á Kirkjudaginn, í Bjarg-
arkaffinu og við mörg önnur tækifæri.
Kátar og glaðar hafa þær lagt á sig
mikla vinnu til að safna peningum til
kirkjunnar, eða annarra hluta sem
hefur þurft að kaupa. Mörg handtök-
in hafa verið unnin, sem seint verða
metin til fjár.
Guðrún Sveinbjarnardóttir var ein
þessara kvenna sem af dugnaði og
óeigingirni lagði sitt af mörkum til
safnaðarins. Guðrún og eiginmaður
hennar, Pétur Stefánsson skipstjóri,
sem látinn er fyrir nokkrum árum,
voru meðal stofnenda Óháða safnað-
arins og tóku alla tíð virkan þátt í
starfi hans. Guðrún lét mikið að sér
kveða og sat lengi í stjórn kvenfélags-
ins og einnig um tíma í stjórn safn-
aðarins. Ljúft og létt skap hennar og
dugnaður hreif aðra með til góðra
verka. Í mörg ár sá hún ásamt öðrum
um þrif á kirkjunni og safnaðarheim-
ilinu Kirkjubæ og þáði aldrei laun fyr-
ir. Þau hjónin létu sér bæði mjög annt
um söfnuðinn og sýndu það margoft í
verki.
Við kveðjustund vill stjórn Óháða
safnaðarins þakka Guðrúnu ánægju-
lega samfylgd og fyrir hennar góðu
störf í þágu safnaðarins. Í hugann
kemur ljóð eftir Guðrúnu Jóhanns-
dóttur frá Brautarholti:
Ég kveð þig, hugann heillar minning blíð
hjartans þakkir fyrir liðna tíð
lifðu sæl á ljóssins friðar strönd,
leiðir sjálfur Drottinn þig við hönd.
Stjórn Óháða safnaðarins sendir
börnum Guðrúnar og öðrum aðstand-
endum innilegar samúðarkveðjur og
biður Drottin að varðveita þau og
blessa minningu Guðrúnar.
Jóhann Árnason,
formaður safnaðarstjórnar.
GUÐRÚN DAGBJÖRT
SVEINBJÖRNS-
DÓTTIR
FRÉTTIR
MORGUNBLAÐIÐ birtir afmælis- og minningargreinar endurgjalds-
laust alla daga vikunnar. Greinunum má skila í tölvupósti (netfangið er
minning@mbl.is - svar er sent sjálfvirkt um leið og grein hefur borist)
eða á disklingi og þarf útprentun þá að fylgja. Nauðsynlegt er að til-
greina símanúmer höfundar og/eða sendanda (vinnusíma og heima-
síma). Tekið er á móti afmælis- og minningargreinum á 1. hæð í húsi
Morgunblaðsins, Kringlunni 1 í Reykjavík, og á skrifstofu Morgun-
blaðsins Kaupvangsstræti 1 á Akureyri. Ekki er tekið við handskrif-
uðum greinum.
Minningargreinum þarf að fylgja formáli með upplýsingum um hvar
og hvenær sá sem fjallað er um er fæddur, hvar og hvenær dáinn, um
foreldra hans, systkini, maka og börn og loks hvaðan útförin verður gerð
og klukkan hvað. Ætlast er til að þetta komi aðeins fram í formálanum,
sem er feitletraður, en ekki í greinunum sjálfum. Um hvern látinn ein-
stakling birtist ein aðalgrein af hæfilegri lengd á útfarardegi, en aðrar
greinar séu um 300 orð eða 1.500 slög (með bilum) en það eru um 50 línur
í blaðinu (17 dálksentimetrar). Tilvitnanir í sálma eða ljóð takmarkast
við eitt til þrjú erindi. Greinarhöfundar eru beðnir að hafa skírnarnöfn
sín en ekki stuttnefni undir greinunum.
Ef birta á minningargrein á útfarardegi verður hún að berast fyrir
hádegi tveimur virkum dögum fyrr. Ef útför er á sunnudegi, mánudegi
eða þriðjudegi þurfa greinarnar að berast fyrir hádegi á föstudegi. Ber-
ist greinar hins vegar ekki innan hins tiltekna skilafrests er ekki unnt að
lofa ákveðnum birtingardegi. Þar sem pláss er takmarkað getur þurft að
fresta birtingu greina, enda þótt þær berist á réttum tíma.
Birting afmælis- og
minningargreina
Dagskrá Hóla Fimmtudaginn 17.
júlí kl. 17.00 er boðið upp á forn-
leifarölt. Föstudaginn 18. júlí kl.
13–17 verður bleikjuveiðikeppni.
Verðlaun eru í boði fyrir merktan
fisk. Kl. 18.30 verður boðið upp á
bleikjuhlaðborð að hætti Hóla. Kl.
22.00 um kvöldið verður fjallað um
Galdra-Loft, laugardaginn 19. júlí
kl. 10–12 verða hestar teymdir
undir þeim sem vilja komast á
hestbak. Um kl. 13–15 verða leikir
í lauginni og kl. 15.00 verður aftur
fornleifarölt. Sunnudaginn 20. júlí
kl. 11.00 verður guðsþjónusta í
Hóladómkirkju, séra Jóhanna I.
Sigmarsdóttir messar. Organisti er
Anna María Guðmundsdóttir og
forsöngvari er Jóhann Már Jó-
hannsson.
Á NÆSTUNNI
Appap Papii spilar Í dag, mið-
vikudag, kl. 15.00 mun grænlenska
trumbusveitin Appap Papii - (Stél-
fjaðrir svartfugls) spila þjóðlega
grænlenska tónlist í og við Upp-
lýsingamiðstöð Ferðamála í Ing-
ólfsnaust, Aðalstræti 2. Hljóm-
sveitin sló í gegn á grænlenskum
dögum á Flateyri um sl. helgi en
þeir félagar í Appap Papii eru
einkar lagnir við að blanda saman
gömlum hefðum og nýjum sem og
afrískum töktum í trumbuslætti
og söng.
Þeir fremja sinn tónlistarseið í
búningum og leggja mikið upp úr
líflegri framkomu.
Kvennasamkoma á Hótel Cabin
Í kvöld verður Debra Pollack með
fræðslu og uppörvun á kvenna-
samkomu á Hótel Cabin, Borg-
artúni 32, Reykjavík. Á undan
verður lofgjörð, og hefst stundin
kl. 20.
Annað kvöld, fimmtudag, verður
hún gestaprédikari á samkomu hjá
Hvítasunnukirkjunni Veginum,
Hafnargötu 84, Keflavík.
Debra hefur kennt úr Guðsorðinu,
bæði í heimalandi sínu, Bandaríkj-
unum og í Evrópu og Mexíkó,
jafnt í kirkjum sem og í bibl-
íuskólum og á ráðstefnum. Allir
eru velkomnir. Aðgangseyrir er
enginn. Athugið að í kvöld er
fræðslan þó eingöngu fyrir konur,
en opin öllum í Keflavík á morgun.
Í DAG
TVENN systkini úr Mosfells-
bænum, Guðmunda Íris Gylfadótt-
ir, 7 ára, Þorsteinn Alex Gylfason,
5 ára, og Halldóra Ragnarsdóttir,
7 ára, ásamt systur hennar Helgu
Önnu Ragnarsdóttur, 7 ára, færðu
Regnbogabörnum nýlega um 6.300
kr sem þau höfðu safnað með því
að halda tombólu í heimabæ sín-
um.
Forsvarsmenn Regnbogabarna
þökkuðu börnunum hjartanlega
fyrir stuðninginn og þann góða
hug sem lá að baki honum.
Söfnuðu til styrktar
Regnbogabörnum
UNDANFARNAR vikur hafa staðið
yfir skráningar í verkefni sem felur í
sér þróun á íslenskum talgreini.
Undirtektir hafa verið góðar og þeg-
ar hafa í kringum 1.000 manns veitt
verkefninu lið og upptökur eru hafn-
ar. Íslenskur talgreinir verður sett-
ur á markað í haust en nú standa yf-
ir upptökur af framburði fólks sem
notaðar verða við þróun á honum.
Verkefnið þarf á liðsinni Íslendinga
að halda til að lesa texta sem inni-
heldur öll hljóð í íslensku. Það þarf
að vera dæmigert safn af þjóðinni,
fólk sem er orðið 14 ára og eldra,
jafnt kynjahlutfall og fólk úr öllum
landshlutum.
Liðsinni tvö þúsund Íslendinga er
þörf við þróun íslenska talgreinisins
en safna þarf upplýsingum fyrir vél-
ræna greiningu á íslensku talmáli.
Þannig þarf verkefnið á 1.000 sjálf-
boðaliðum í viðbót að halda, sér-
staklega úr aldurshópnum 18–25
ára. Karlmenn eru sérstaklega
hvattir til þess að hringja auk fólks
af landsbyggðinni. Gríðarleg fram-
tíð er í tungutækni, ef mögulegt er
að tala við tækin og losna við lykla-
borð, er hægt að minnka tækin enn
meira. Ef svo dæmi séu tekin er
hægt að tala við tæki í bíl, þá aukast
við það þægindi og öryggi. Tungu-
tæknin mun í framtíðinni koma alls
staðar inn þar sem tæknibúnaður er
notaður. Sú greining er síðan for-
senda fyrir því að hægt sé að búa til
lausnir til notkunar í síma- og tölvu-
kerfum.
Verkefnið, sem nefnist Hjal, er
samstarfsverkefni Símans, Nýherja,
Háskóla Íslands, Grunns gagna-
lausna og Hex hugbúnaðar, auk þess
sem Scansoft, þekkt erlent tungu-
tæknifyrirtæki, kemur að verkefn-
inu. Menntamálaráðuneytið styrkir
verkefnið. Íslendingar hvar sem þeir
eru staddir á landinu eru hvattir til
þess að taka þátt í framsýnu verk-
efni. Áhugasamir geta skráð sig á
www.tungutaekni.is
Vantar 1.000
manns til
þróunar á
íslenskum
talgreini