Morgunblaðið - 16.07.2003, Blaðsíða 48

48 MIÐVIKUDAGUR 16. JÚLÍ 2003 MORGUNBLAÐIÐ
ÓTRÚLEGA mikið hefur gengið á í
gegnum tíðina í samstarfinu sem
gengur undir nafninu Depeche
Mode. Allur rokk og ról-pakkinn
tekinn og það með stæl; höfuðpaur-
inn horfinn þegar hæst lætur,
söngvarinn nær dauða en lífi af dóp-
neyslu, allir að springa af afbrýði-
semi og öfund, gegndarlaust gjálífi
og þjakandi þunglyndi. Mesta furða
er að sveitin skuli enn vera starfandi
eftir góða tvo áratugi í því helvíti
sem þetta fordæmda en um leið far-
sæla samstarf virðist hafa verið. Á
dögunum komu út tvær Depeche
Mode-plötur, eða skulum við segja
hálf-Depeche Mode plötur því þær
eru sólóplötur máttarstólpanna
tveggja í bandinu, neistanna sem
tendrað hafa þetta eldfima samstarf
í gegnum tíðina.
Annars vegar er um að ræða aðra
sólóskífu aðallagahöfundarins Mart-
ins L. Gores sem heitir Counterfeit²
og hinsvegar fyrstu sólóskífu söngv-
arans Dave Gahans Paper Mon-
sters. Ólíkt því sem búast hefði mátt
við er það Gahan sem semur allt efni
á sinni plötu en Gore tók sér frí frá
lagasmíðunum og ákvað að fá að láni
lög frá öðrum. Plöturnar bera þó
báðar sterk Depeche Mode-ein-
kenni. Eru fullar af andstæðum;
kaldar en um leið notalegar, fjar-
lægar en um leið persónulegar og
framúrstefnulegar en um leið kirfi-
lega fastar í fortíð nýrómantíkur og
hljóðgervlapopps.
Vellíðan
Gahan hafði aldrei samið lag fyrir
Depeche Mode, allavega ekkert sem
rataði á plötu – ein hugmynd sem
hann átti að lagi rataði næstum því
inn á Ultra. Allt frá því segist hann
hafa lagt hart að sér að læra að
semja lög og einsetti sér að einn
góðan veðurdag ætti hann nógu
mörg til að geta gefið út sólóplötu.
Hann segist fyrst hafa tekið það
alvarlega fyrir 3 árum. Eiginkona
hans hafði þá verið að hvetja hann
til að gera eitthvað við allar þessar
hugmyndir sem hann hafði safnað í
sarpinn í gegnum tíðina. Þó vildi
hann vinna þetta efni með einhverj-
um öðrum og leitaði því til kunn-
ingja síns, Knox Chandler, sem
hjálpaði honum við að fullklára lögin
10 sem enduðu á Paper Monsters.
Og Gahan var ákveðinn í því
hvaða upptökustjóra hann vildi fá.
„Á meðan við vorum að vinna lög-
in var það sérstaklega ein plata sem
veitti mér mestan innblástur og
hvatti mig til að gera betur. Hvert
sem ég fór gekk ég með þessa plötu
Sigur Rósar á mér, eins og hún væri
biblían mín. Þegar ég heyrði fyrst í
sveitinni þá kviknaði hjá mér þessi
ótrúlega vellíðunartilfinning. Ég
hlustaði stöðugt á þessa plötu, alls
staðar. Það er bara eitthvað við
þessa tónlist sem er algjörlega út úr
kortinu.
Þess vegna datt mér strax í hug
Ken Thomas, upptökustjóri Sigur
Rósar. Ég sendi honum nokkur lög,
spurði hann síðar álits og hann sagði
mér að lögin hefðu vakið upp vellíð-
unartilfinningu hjá sér. Nákvæm-
lega það sem ég vildi heyra, því ég
vildi að plata mín myndi fá fólk til að
líða vel,“ segir Gahan.
Lög að láni
Gore, sem hafði áður sent frá sér
Conterfeit EP plötuna árið 1989,
segir sína plötu sprottna af aðgerð-
arleysi, hann hafi viljað hafa eitt-
hvað fyrir stafni á meðan Gahan
gerði sína sólóplötu. Það hafði
reyndar lengi blundað í honum að
gera eitthvað einn síns liðs og plata
með lögum annarra var þar ofarlega
á lista, að endurtaka leikinn frá því á
fyrstu sólóplötunni 1989.
„Mér hefur alltaf fundist að á
meðan ég er hluti af Depeche Mode
og aðallagasmiður sveitarinnar þá
geti ég ekki verið að spreða lögum
mínum í sólóverkefni. Ég er heldur
ekkert sérlega afkastamikill.“ Gore
segist alltaf hafa veitt því sérstaka
athygli þegar tónlistarmenn eru að
taka lög eftir aðra. Þá komi áhrifa-
valdarnir svo sterkt í ljós.
„Hér áður fyrr hafði ég mjög
gaman af plötum Brians Ferrys
(söngvari Roxy Music) þar sem
hann tók lög eftir aðra og mig lang-
aði einfaldlega að gera eina slíka.
Ég komst líka að því eftir að vinnan
að plötunni var hafin að ég fór að
hlusta öðruvísi á tónlist annarra og
veita henni meiri athygli. Ég upp-
götvað heilmikið af tónlist þegar ég
var að velja lög til að hafa á plöt-
unni.“
Meðal listamanna sem Gore fær
lög að láni frá á plötunni eru Nick
Cave („Loverman“), Velvet Un-
derground („Candy Says“) John
Lennon („Oh My Love“), David
Essex („Stardust“).
Gore segist velja lög út frá tilfinn-
ingunni. Skiptir þá engu hvaðan þau
koma. Hann segist laðast sérstak-
lega að einangrun og einveru. Lögin
koma úr öllum áttum og spanna vítt
tímaskeið, allt frá 4. áratug síðustu
aldar til hins 10. Gore segir það
einnig hvetjandi fyrir sig sem laga-
smið að taka lög annarra, nú sé and-
inn kominn yfir hann.
Báðir ætla þeir Gahan og Gore að
fara í stutta tónleikaferð til að fylgja
eftir plötum sínum en eru sammála
um að þeir geti ekki beðið eftir því
að byrja að vinna saman aftur og
spennandi verður að sjá hvort sóló-
verkefnin komi til með að breyta
áherslum eitthvað og hvort Sigur
Rósar-aðdáandinn Gahan muni láta
til sín taka áfram sem lagasmiður.
Sigur Rósar-plata
reyndist sem biblía
Fölsun² er önnur sólóplata hins fjöl-
hæfa Martins L. Gores.
Pappírsskrímslið er fyrsta sóló-
plata söngvarans Daves Gahans.
Pólarnir tveir sem
myndað hafa orku-
sambandið Depeche
Mode eru búnir að gefa
út sína plötuna hvor.
Skarphéðinn Guð-
mundsson fjallar um
einlífi þeirra Dave Gah-
ans og Martin L. Gore.
Counterfeit² og Paper Monsters
eru komnar í verslanir.
skarpi@mbl.is
ROKKARARNIR síungu Rolling
Stones héldu tónleika á Parken í
Kaupmannahöfn á sunnudaginn var.
Eins og við var að búast fjölmenntu
íslenskir „stónsarar“ á tónleikana en
hátt í 50 þúsund manns voru mættir
til að sjá Mick Jagger og félaga
„honka“ og „tonka“.
Jón Ólafsson tónlistarmaður var
þar á meðal.
„Ég fór með frúna út og það voru
þarna meðlimir Sálarinnar hans Jóns
míns og fleiri menn úr poppbransan-
um. Ég frétti af því fyrir tilviljun í vet-
ur að þeir ætluðu að fara út á Stones
og mér fannst þetta ágætis ástæða til
að fara í helgarferð,“ segir hann en
vill þó ekki meina að einhver lang-
þráður draumur hafi þar með ræst.
„Ég hef í sjálfu sér aldrei sett upp
neinn lista af tónlistarmönnum sem
ég verð að sjá áður en ég drepst, en ég
sé samt alls ekkert eftir þessari ferð –
þetta var mjög gaman.“
Jón hafði ekki séð Stones áður. „Ég
hef verið frekar latur í gegnum tíðina
– of latur – að fara bæði á fótboltaleiki
erlendis og tónleika,“ segir Jón og
hlær. „Þeir stóðu sig mjög vel. Þetta
eru auðvitað fjörgamlir menn miðað
við dægurtónlistargeirann, þótt það
þyki ekkert gamalt í dag að vera sex-
tugur. En það er óalgengara að sex-
tugir menn séu hlaupandi um svið og
út um allt eins og Mick Jagger var að
gera. Það voru þó þarna nokkrir for-
fallnir aðdáendur sem hafa séð þá oft
áður og þeir höfðu á orði að það væri
að hægjast á þeim smátt og smátt.
Þeir stóðu sig samt rosalega vel og
spiluðu mikið.“
Jagger tók sér hvíld
„Stemmningin í áhorfendastúkunni
var ákaflega góð og fólk tjúttaði við
lögin. „Þeir tóku lög eins og „Honky
Tonk Woman“ og „Jumpin’ Jack
Flash“ og öll þessi lög sem við popp-
ararnir höfum verið að tralla á sveita-
böllunum í gegnum tíðina. Svo fóru
þeir aftur í ræturnar og blúsuðu, sem
mér fannst skemmtilegt. Rétt fyrir
miðbik tónleikanna þurfti Jagger
greinilega að fá smáhvíld því hann lét
sig hverfa í 10 mínútur á meðan Keith
Richards söng nokkur lög. Mér
fannst það reyndar rosalega
skemmtilegt, að sjá hann syngja. Síð-
an kom Jagger aftur inn og í lokin var
þetta algjör keyrsla.“
Jón segist þó sjálfur vera meiri
Bítla-maður og honum hafi þótt söng-
ur Keiths hápunkturinn: „Mér fannst
skemmtilegast þegar Keith tók lagið
og söng „Slipping Away“, því það var
bæði svo fallegt og trist í leiðinni. Það
var náttúrulega líka rosaleg stemmn-
ing þegar þeir tóku „Honky Tonk
Woman“. Þetta lag er nánast orðið
eins og „Gamli Nói“, það er búið að
vera svo lengi í eyrunum á manni. En
þegar maður heyrir Stones spila það,
nennir maður alveg að hlusta á þetta
lag. Svo tóku þeir gamlan blús sem
heitir „Midnight Rambler“. Það var
mjög skemmtilegt. Þeir voru alveg
kortér-tuttugu mínútur að juða á því
með allskonar tempóbreytingum og
gaman að fylgjast með Charlie Watts
þar.“
Jón kveðst því hæstánægður með
tónleikana og ekki skemmdi fyrir að
hann sat á besta stað.
Íslendingar sóttu Rolling Stones á Parken
Stemmning
á Stones
Fourty Licks – tónleikaferð Roll-
ing Stones stendur nú yfir. Um
þessar mundir liggur leið hljóm-
sveitarinnar um Evrópu og verða
næstu tónleikar haldnir í Stokk-
hólmi, Hamborg, Prag, Hann-
over og Rotterdam.
www.rollingstones.com
Mick Jagger var að vanda á fleygiferð um sviðið í Parken þótt spekingar
segi að hann sé farinn að þeysa nokkuð hægar.
Sýnd kl. 6 og 8.
Sýnd kl. 4, 7 og 10. Sýnd kl. 5.40, 8 og 10.20 Bi.14.
with english subtitles
Sýnd kl. 6. Ensk. texti
Sýnd kl. 5.45, 8 og 10.15. B i. 12
Fyndnasta Woody
Allen myndin til
þessa.
Sjáið hvernig
meistarinn
leikstýrir stórmynd
frá Hollywood
blindandi.

Mike Clark/
USA TODAY

Peter Travers
ROLLING STONE
i l
I
Sýnd kl. 8 og 10. B.i. 12
YFIR 42.000 GESTIR!

GH
KVIKMYNDIR.COM
"Besta hasarmynd
sumarsins það
sem af er"
t r
r i
f r"
„Líklegast best heppnasta
ofurhetjumynd allra tíma!
Sá græni rokkar.“
B.Ö.S. Fréttablaðið
í l
j ll í !
i .
. . . l i
KVIKMYNDIR.IS

SG. DV
KRINGLAN
Sýnd kl. 6, 8 og 10.
ÁLFABAKKI
Sýnd kl. 4, 6 og 8.
ÓHT Rás 2
KRINGLAN
Sýnd kl. 5.50 og 8.
ÁLFABAKKI
Sýnd kl. 4. Ísl. tal.
ÁLFABAKKI
Sýnd kl. 4 og 6.
KEFLAVÍK
Sýnd kl. 8 og 10.
Frábær rómantísk
gamanmynd.
Þegar tveir ólíkir
einstaklingar verða
strandaglópar á
flugvelli, getur allt gerst.
X - IÐ DV
SG. DV