Morgunblaðið - 16.07.2003, Blaðsíða 52
TVÖ skipa Eskju á Eskifirði,
Hólmaborg og Jón Kjartansson, eru
með tæpan fimmtung kolmunna-
kvótans eða 105.000 tonn saman.
Hólmaborg er með mestan kol-
munnakvóta á yfirstandandi vertíð,
alls 60.000 tonn. Jón er í fjórða sæt-
inu með 45.000 tonn.
Börkur frá Neskaupstað er í öðru
sæti með 58.000 tonn og í þriðja
sætinu er Ingunn AK með 53.000
tonn.
Þessi skip eru með langmestar
heimildir en leyfilegur heildarafli á
vertíðinni er 547.000 tonn.
Hólmaborg/14
Tvö með
fimmtung
kvótans
MORGUNBLAÐIÐ, KRINGLUNNI 1, 103 REYKJAVÍK, SÍMI 569 1100, SÍMBRÉF 569 1181, PÓSTHÓLF 3040,
ÁSKRIFT-AFGREIÐSLA 569 1122, NETFANG: RITSTJ@MBL.IS, AKUREYRI: KAUPVANGSSTRÆTI 1 MIÐVIKUDAGUR 16. JÚLÍ 2003 VERÐ Í LAUSASÖLU 190 KR. MEÐ VSK.
HÆSTIRÉTTUR Íslands braut
gegn ákvæði Mannréttindasáttmála
Evrópu um réttláta málsmeðferð í
máli manns sem dæmdur var fyrir
líkamsárás á skemmtistaðnum Veg-
as hinn 13. maí 1997. Sá sem fyrir
árásinni varð lést nokkrum dögum
síðar. Maðurinn var sakfelldur í
Hæstarétti, en hafði áður verið sýkn-
aður í Héraðsdómi.
Kærandi var fundinn sekur af
Hæstarétti um líkamsárás sem
leiddi síðar til dauða. Í þeim dómi
hnekkti Hæstiréttur dómi Héraðs-
dóms, sem sýknaði manninn sökum
ónógra sönnunargagna. Hæstiréttur
byggði dóm sinn að miklu leyti á
vitnisburði vitna fyrir Héraðsdómi í
stað þess að kalla vitnin fyrir rétt að
nýju.
Í kærunni til Mannréttindadóm-
stólsins kemur fram að kærandi tel-
ur það brjóta gegn lögum um rétt-
láta málsmeðferð fyrir dómi að
hvorki vitni né sakborningur hafi
verið kölluð fyrir réttinn. Á þetta
fellst Mannréttindadómstóll Evrópu
og átelur Hæstarétt Íslands fyrir að
hafa ekki kallað vitnin og ákærða
fyrir og fengið að heyra vitnisburð
þeirra.
Kærandi fór fram á samtals um 32
milljónir króna í skaðabætur, vegna
lögfræðikostnaðar og kostnaðar við
þýðingu gagna fyrir dómstólinn.
Mannréttindadómstóllinn dæmdi
honum samtals um 1,9 milljónir
króna auk vaxta, og á málinu að ljúka
með greiðslu þessarar upphæðar.
Þarf ekki að breyta lögum
Málsatvik voru þau að hinn 13. maí
1997 var kærandi ásamt fjórum
mönnum á skemmtistaðnum Vegas.
Þar lenti þeim saman við hinn látna.
Þegar lögregla kom að var maðurinn
meðvitundarlaus, og lést hann
nokkrum dögum síðar vegna blæð-
ingar í heila. Gefin var út kæra á
hendur tveimur mönnum, og var
annar þeirra sá er kærði til Mann-
réttindadómstólsins.
Þegar málið var tekið fyrir í Hér-
aðsdómi voru fjölmörg vitni að árás-
inni kölluð til, þar á meðal sakborn-
ingarnir tveir. Framburði vitna bar
ekki saman um hvort kærandi hefði
sparkað í hinn látna eða ekki, og þar
sem kærandinn neitaði því statt og
stöðugt þótti ekki sannað að hann
hefði átt hlut að dauða hans. Hinn
maðurinn sem var ákærður var einn
fundinn sekur um líkamsárás. Rík-
issaksóknari áfrýjaði sýknudómi
Héraðsdóms yfir kæranda og var
málið tekið fyrir í Hæstarétti. Þar
var hann fundinn sekur og dæmdur í
rúmlega tveggja ára fangelsi.
Björn Bjarnason dómsmálaráð-
herra segir að ekki þurfi að breyta
neinum lögum vegna dóms Mann-
réttindadómstólsins. Hann vildi hins
vegar ekki tjá sig um hvort Hæsti-
réttur þyrfti að breyta vinnubrögð-
um sínum í framhaldi dómsins.
Að jafnaði leiðir Hæstiréttur ekki
fyrir vitni heldur notast við vitna-
skýrslur úr undirrétti þar sem orð
vitna eru skráð inn eftir upptöku. Í
dómi Mannréttindadómstólsins er
það átalið að vitni hafi ekki verið
leidd fyrir Hæstarétt í þessu ein-
staka máli, en dómurinn átelur ekki
slík vinnubrögð almennt. Í dómnum
kemur fram að þar sem Hæstiréttur
túlkaði framburð vitnanna ekki á
sama hátt og undirréttur hefði átt að
kalla vitnin fyrir Hæstarétt.
Dómur fellur íslenska ríkinu í óhag hjá Mannréttindadómstóli Evrópu
Fékk ekki réttláta máls-
meðferð í Hæstarétti
ALEXÖNDRU Dóru, 9 ára, og Svanhildi Alexöndru, 8 ára, sem búa
á Akranesi, langaði óskaplega mikið að fá að klappa hundinum Ses-
ari er hann beið í bílnum í öllum hitanum og sólinni uppi á Skaga í
gær. Sesar er gæfur hundur og tók allri athygli með stökustu ró.
Morgunblaðið/Árni Sæberg
Fallegur hundur
HREIN raunávöxtun séreignardeilda lífeyris-
sjóðanna var neikvæð um 6,3% í fyrra. Best
ávöxtun var á leiðinni Framtíðarsýn 2 hjá Lífeyr-
issjóðnum Framsýn,
eða 9,3%. Ávöxtunin
var lökust í Ævisafni I
hjá Almenna lífeyris-
sjóði VÍB, -11,3%.
Þetta kemur fram í
samantekt Fjármála-
eftirlitsins úr árs-
reikningum lífeyris-
sjóða árið 2002.
Þar kemur einnig
fram að uppsafnaður
séreignarsparnaður
hefur vaxið um 25% á
ári frá árslokum 1999
til ársloka 2002. Hann var um 8,2% af heildar-
eignum lífeyriskerfisins í árslok 2002 og nam
tæpum 59 milljörðum króna.
Hrein raunávöxtun lífeyrissjóða var mjög mis-
jöfn á síðasta ári, að því er fram kemur í skýrsl-
unni. Að meðaltali var hrein raunávöxtun -3,0%,
en náði allt frá því að vera neikvæð um rúmlega
11% upp í að vera jákvæð um 8%.
Af fullstarfandi sjóðum var Lífeyrissjóður
starfsmanna Búnaðarbanka Íslands hf. með
hæstu hreinu raunávöxtunina, 5,3%. Lökustu
ávöxtuninni skilaði Lífeyrissjóður Austurlands,
en hrein raunávöxtun hans var neikvæð um
11,2%. Nýr framkvæmdastjóri hefur verið ráðinn
þar til starfa, Garðar Jón Bjarnason, en Elfar
Aðalsteinsson, stjórnarformaður sjóðsins, segir
ljóst að afkoma sjóðsins á síðasta ári sé óvið-
unandi.
Lífeyrissjóður verslunarmanna, næststærsti
lífeyrissjóður landsins, var með 2,8% neikvæða
raunávöxtun á síðasta ári.
Þorgeir Eyjólfsson, forstjóri sjóðsins, segir að
útlit sé fyrir umskipti á þessu ári. „Við erum
nokkuð bjartsýn á útkomu ársins hjá LV þar sem
ávöxtun á fyrri helmingi ársins samsvarar liðlega
8% raunávöxtun á ársgrundvelli,“ sagði Þorgeir
Eyjólfsson.
!" #
$%%! #
&'!
(
)#
Hrein/14
Ávöxtun sér-
eignardeilda
neikvæð um
6,3% í fyrra
Raunávöxtun lífeyris-
sjóða neikvæð um 3%
SAMKEPPNISRÁÐ hefur komist að þeirri
niðurstöðu að Icelandair, dótturfyrirtæki
Flugleiða, hafi brotið gegn ákvæði 11. gr.
samkeppnislaga með því að bjóða og kynna
sértilboð, svokallaða Vorsmelli og ódýrustu
Netsmellina á flugleiðinni milli Keflavíkur og
Kaupmannahafnar annars vegar og flugleið-
inni milli Keflavíkur og Lundúna hins vegar,
á tímabilinu frá 1. mars til 15. maí 2003. Tel-
ur samkeppnisráð að þær aðgerðir hafi verið
í því skyni að koma í veg fyrir að Iceland Ex-
press næði fótfestu á markaði. Vorsmellirnir
voru á 14.900 kr. og ódýrustu Netsmellirnir
á 19.800 kr. Samkeppnisráð telur ennfremur
að Icelandair hafi brotið gegn 11. gr. sam-
keppnislaga með lækkun á viðskiptafargjöld-
um, eftir að Iceland Express hóf áætlunar-
flug, um allt að 41% á flugleiðinni milli
Keflavíkur og Kaupmannahafnar og um 43%
milli Keflavíkur og Lundúna, á sömu brott-
farartímum og í flugi Iceland Express. Að
mati samkeppnisráðs fólst í þeirri lækkun
sértæk aðgerð sem beint var að ákveðnum
hópi viðskiptavina sem hugsanlega gætu
nýtt sér áætlunarflug Iceland Express.
Fram kemur í samtali við Guðjón Arn-
grímsson, upplýsingafulltrúa Icelandair, að
fyrirtækið hyggst áfrýja úrskurði sam-
keppnisráðs til áfrýjunarnefndar samkeppn-
ismála. „Við virðum að sjálfsögðu úrskurðinn
en erum ósammála honum í grundvallarat-
riðum.“
Talsmenn Iceland Express segja félagið
ánægt með þessa afgerandi niðurstöðu sam-
keppnisráðs. Ólafur Hauksson, upplýsinga-
fulltrúi fyrirtækisins, segist þó undrandi á að
Icelandair skuli ekki hafa verið beitt sektum.
Verðtilboð gegn
ákvæðum laganna
Fyrirtækið/4
Samkeppnisráð úrskurðar í máli Iceland Express gegn Flugleiðum