Morgunblaðið - 10.08.2003, Síða 40

FÓLK Í FRÉTTUM
40 SUNNUDAGUR 10. ÁGÚST 2003 MORGUNBLAÐIÐ
vinnupallar
Sala - leiga
Sími 577 2050 · Fax 577 2055 · GSM 824 2050 · www.formaco.is
Sumarkvöld
við orgelið
10. ágúst kl. 20:
Johannes Skudlik. Leikur m.a.
verk eftir Bach og Liszt.
21. SÝNING MIÐVIKUDAGUR 20/8 - KL. 20 UPPSELT
22. SÝNING FIMMTUDAGINN 21/8 - KL. 20 UPPSELT
23. SÝNING LAUGARDAGINN 23/8 - KL. 16 UPPSELT
24. SÝNING LAUGARDAGINN 23/8 - KL. 20 UPPSELT
25. SÝNING FÖSTUDAGINN 29/8 - KL. 20 ÖRFÆA SÆTI LAUS
26. SÝNING LAUGARDAGINN 30/8 - KL. 16 ÖRFÁ SÆTI LAUS
27. SÝNING LAUGARDAGINN 30/8 - KL. 20 ÖRFÁ SÆTI LAUS
28. SÝNING SUNNUDAGINN 31/8 - KL. 16 LAUS SÆTI
29. SÝNING SUNNUDAGINN 31/8 - KL. 20 LAUS SÆTI
ATHUGIÐ ÓSÓTTAR PANTANIR SELDAR DAGLEGA!
ÉG BÝST við að hitta þá fyrir í
myrkrakompu þar sem lyktin af
tóbaksreyk og kaffi fyllir vitin og
rykfallnir skjalastaflar teygja sig
frá gólfi upp í loft. Ég held til
móts við hálfgerðar goðsagnaverur
sem margir kannast við en fáir
vita hverjir eru. Sumir halda að
þeir séu 12 ára hrekkjalómar í
Breiðholtinu, aðrir að þeir séu allir
Auður Haralds. Enn aðrir halda að
þeir séu fréttastofa Ríkissjón-
varpsins sem dundar sér við að
búa til grínfréttir í tómstundum.
Raunin er önnur, og mæta mér
piltar á þrítugsaldri í nokkuð
björtum og hreinlegum vistarver-
um á ótilgreindum stað í Vest-
urbænum.
Þótt ég hafi fundið þá vilja þeir
áfram njóta nafn- og andlitsleynd-
ar. Þeir verða því titlaðir þeim
skáldanöfnum sem þeir hafa valið
sér sjálfir og notað við skriftir á
vefnum góða: Kaktuz, Númi
Fannsker, Enter, Myglar, Spesi og
Herbert.
Spesi og Herbert eru fjarver-
andi, en hinir fjórir sáu sér fært að
mæta. Veður er gott og við tyllum
okkur á grasbala og ræðum um
fréttavefinn fyndna sem er að
hefja sitt þriðja starfsár. Það er
ekki að sjá á þeim að þeir séu jafn
fyndnir og raun ber vitni.
Í upphafi var
einkabrandarinn
Þeir segja mér frá því hvernig
vefurinn varð fyrst til. Númi
Fannsker verður fyrir svörum:
„Þetta byrjaði bara sem, ja, eitt-
hvað okkar á milli. Við vorum að
senda á milli okkar fréttir á
prívatsíðu. Svo, einhvern veginn,
komst fólk í þetta.“
Myglar bætir við: „Baggalútur
byrjaði sem útgáfufélag í
[ónafngreindum] menntaskóla. Fé-
lagið gaf þar út nokkur rit, en
þetta fór ekki almennilega af stað
fyrr en við komumst á internetið.“
Vefsíðan fær þúsundir heim-
sókna á viku. Þegar sérstaklega
stendur á hefur hæst farið í 20
þúsund gesti þegar Baggalúts-
menn fylgdu fordæmi Íslenskrar
erfðagreiningar og opnuðu ætt-
fræðigagnagrunn, þó eilítið
óvenjulegan.
Það var samt helst af slysni að
úr varð að aðstandendur síðunnar
láta rétts nafns hvergi getið:
Kaktuz: „Við vorum auðvitað
svolítið spéhræddir í byrjun.“
„Þetta var bara óvart,“ segir
Enter. „Þetta hefur náttúrulega
bara undið upp á sig, en ef einhver
spyr hverjir við erum höfum við
ekkert verið að leyna því, nema
kannski ef það er Mogginn sem
spyr.“ Myglar bætir við: „Og það
myndi líklega eyðileggja andann
yfir síðunni núna ef það væru allt í
einu komnar myndir af okkur.“
Umhugað um íslenskuna
Vefsíða Baggalúts er ekki rekin
af græðgi, enda sáralitlar tekjur
að fá af rekstri sem þessum og
heyrir raunar til undantekninga að
sjá auglýsingar á vefnum, aðrar en
þær sem höfundar hennar hafa
sjálfir búið til í gríni. Af nafnleysi
höfundanna má ráða að markmiðið
er ekki heldur frægð. Aðspurðir
segja þeir einkunnarorð vefsíðunn-
ar „Lifi sannleikurinn“. Þeir segja
annars að sér sé sérstaklega um-
hugað um menningarleg gildi:
Enter: „Okkur er sérstaklega
annt um íslenska tungu og sögu.“
Númi: „Okkur fannst líka gott
mál að menn sem kynnu að skrifa
tjáðu sig á netinu.“
Enter: „Já, það er voðalega leið-
inlegt þegar skriffærir menn eru
bara að skrifa eina og eina jóla-
bók.“
Ritstörfin vinna Baggalúts-
mennirnir sex oft hver í sínu
horni. Þeir eru yfirleitt í sambandi
hver við annan um netið en rit-
stjórnarfundir eru fáir og óform-
legir og enda oft í botninum á
glasi.
Vandamál með
bréfsefni Alþingis
Starfsemi vefjarins hefur gengið
nokkuð áfallalítið fyrir sig. Rit-
stjórn hafa borist stöku kvartanir.
„Það var kannski óþarfi hjá okkur
að vera að nota mikið bréfsefni Al-
þingis,“ segir Enter. „Og kannski
skannaðar undirskriftir alþingis-
manna.“ Það hefur einmitt verið
vani að á Baggalút birtast þeirra
fabúleruðu útgáfur af bréfaskrift-
um milli málsmetandi manna í
þjóðfélaginu og birtu þeir, til
dæmis, nýlega eina allskondna út-
gáfu af bréfi Davíðs Oddssonar til
Georgs W. Bush.
Eins eiga þeir til að teygja höf-
undarréttarlög til hins ýtrasta en
greinum þeirra fylgja oft myndir
sem fengnar eru að láni héðan og
þaðan. „Við erum með ljósmynd-
ara á öllum vefsíðum,“ segir Mygl-
ar glettinn.
Nýr og endurbættur
Baggalútur
Vefsíðan hefur legið niðri mest-
an part sumars og endurbætur
staðið yfir. Baggalútur var opn-
aður formlega á föstudag og er
efni síðunnar sem fyrr að mestu
myndskreyttir og sýrulegnir
fréttapistlar. Að auki eru að vanda
pistlar og þrífara-liðurinn þar sem
tvífara-hugmyndin er færð skrefi
lengra.
Til viðbótar er nú komin kross-
gáta og liðurinn Api vikunnar þar
sem tekinn verður fyrir einhver
sem hefur skarað afturúr þá vik-
una, eins og Númi Fannsker orðar
það sjálfur.
Loks er von á að gestir síðunnar
fái að taka gagnvirkari þátt í gerð
hennar og standa vonir til að fljót-
lega verði jafnvel kleift að senda
efni inn á síðuna gegnum farsíma.
Hitt mun ekki breytast, og það
er nafnleynd þeirra sem að síðunni
standa. Og þó, það er ekki laust
við að á félagana fjóra renni tvær
grímur þegar blaðamaður segir að
ef þeir væru frægir gætu þeir
kannski komist framfyrir í röð-
unum á skemmtistöðunum: „Nú,
er það hægt?“
Viðtal við aðstandendur einnar vinsælustu grínsíðu landsins
Morgunblaðið/Þorkell
Aðstandendur Baggalúts gæta nafnleyndar: Myglar, Kaktuz, Númi Fannsker og Enter. Spesa og Herbert vantar.
Á bak við Baggalút
Mikil dulúð hvílir yfir einni vinsælustu vefsíðu landsins,
Baggalutur.is. Á annað ár hafa nafnlausir aðstandendur síð-
unnar birt gamanfréttir af súrustu sort við vaxandi vinsældir.
Ásgeir Ingvarsson fór á stjá og fann pilta sem kannski verður
minnst sem Fjölnismanna okkar tíma.
asgeiri@mbl.is
HAUSKÚPAN og krosslögðu
leggirnir er táknið í gunnfána
sumarmynda ársins 2003. Öllum að
óvörum er allt útlit fyrir að það
verði sjóræningjamynd af öllu
kraðakinu sem mestrar aðsóknar
nýtur á heitustu
mánuðum ársins.
Slíkar myndir hafa
kolfallið hver um
aðra þvera, þá
sjaldan einhver
hefur lagt út í að
búa til slíka firru.
Það sem gerir
gæfumuninn hér er
einkum hressileg
frammistaða leikar-
anna, gamansöm
atburðarás þar sem
allt er látið flakka
og nýtt og ævin-
týralegt umhverfi,
nauðsynlega ferskt
í allri tölvubrellu-
grámóskunni (sem
er reyndar fyrir
hendi hér en notuð á nýstárlegan
og snjallan hátt).
Sjóræningjar Karíbahafsins
kemur úr Bruckheimerverksmiðj-
unni, hann veit hvað pöpullinn vill
og við fáum eins konar rússíbana-
reið um hálfgleymdan heim sjó-
ræningjasagnanna með öllum
kryddefnunum: Rómantískum
hetjum, blámönnum, aðalsmeyjum
og svörkum, hortugum vonbiðlum,
ósvífnum sjóraufurum, eyðieyjum,
földum fjársjóðum, drykkjusöngv-
um, afturgöngum, bölvun og bless-
un, kaðlasveiflum, skylmingum,
Aztekagulli, Tortuga …
Að hætti hússins er samsetning-
urinn keyrður áfram af ofurkrafti
með aðstoð líflegrar kvikmynda-
töku, hraðra klippinga, listilegra
brellna og vel gerðra átakaatriða.
Ekki veitir af því myndin er hálf-
tíma of löng og maður finnur fyrir
því, þrátt fyrir allt, þegar líða tek-
ur á darraðardansinn.
Efnisþráðurinn er margsnúinn
og litríkur en myndin, sem gerist á
safírbláu Karíbahafinu, segir í
stuttu máli af Will Turner (Or-
lando Bloom), ungum járnsmið (og
syni sjóræningjaskipstjóra) sem
gengur til liðs við Jack Sparrow
(Johnny Depp), fyrrverandi kapt-
ein á Svörtu perlunni, ræningja-
skútu sem nú siglir undir stjórn
Barbarossa (Geoffrey Rush) og
áhafnar hans. Sjóræningjaskips-
höfnin er öll í raun afturgöngur
sem á hvílir bölvun og rænir
Barbarossa landstjóradótturinni
Elísabetu (Keira Knightley) í
þeirri von að hún lúri á meðulum
sem bjargi þeim undan álögunum.
Þeir Turner og Sparrow hyggjast
bjarga stúlkunni úr greipum
drauganna.
Sem fyrr segir standa leikararn-
ir sig firna vel og finna allir rétta
tóninn í gríninu – aðrir en Bloom,
sem sker sig úr, stífur og daufur.
Depp fer á kostum í bráðfyndnum
undirleik og Rush er fyndinn og
ábúðarmikill sem Barbarossa. Sá
sem kemur mest á óvart er breska
leikkonan Knightley (Bend it Like
Beckham) sem lifir sig inn í æv-
intýrið í hlutverki hefðarmeyjar
sem reynist kvenskörungur hinn
mesti þegar á reynir. Aukaleik-
ararnir skila sínu yfirhöfuð vel og
manngerðirnar hárréttar. Útkom-
an líflegasta og óvæntasta
skemmtun sumarsins.
Undir fullum
seglum
KVIKMYNDIR
Laugarásbíó, Regnboginn,
Borgarbíó Akureyri
SJÓRÆNINGJAR KARÍBAHAFSINS /
PIRATES OF THE CARIBBEAN: CURSE OF
THE BLACK PEARL
Leikstjóri: Gore Verbinski. Handrit: Ted
Elliott og Terry Rossio. Kvikmyndatöku-
stjóri: Dariusz Wolski. Tónlist: Klaus Bad-
elt. Aðalleikarar: Johnny Depp (Jack
Sparrow), Geoffrey Rush (Barbossa),
Orlando Bloom (Will Turner), Keira
Knightley (Elizabeth Swann), Jack Dav-
enport (Norrington) og Jonathan Pryce
(Governor Weatherby Swann). 135 mín-
útur. Walt Disney Pictures. Bandaríkin
2003.
Sæbjörn Valdimarsson
Sjóræningjar Karíbahafsins er al-
vöru sjóræningjamynd.