Morgunblaðið - 21.09.2003, Blaðsíða 23
LISTIR
MORGUNBLAÐIÐ SUNNUDAGUR 21. SEPTEMBER 2003 23
að í samningsdrögunum – sem borg-
in smíðar, eru ákvæði sem tónlistar-
skólarnir eiga erfitt með að sætta sig
við. Eitt þessara ákvæða lýtur að
nemendum í tónlistarnámi á fram-
haldsskólastigi. Áhersla er lögð á að
grunnskólabörn hafi allan forgang,
en að borgin greiði með tónlist-
arnámi framhaldsskólanemenda
skólaárið 2003-2004. Skiljanlegt er
að skólastjórar tónlistarskóla sem
hafa stálpaða krakka í námi, vilji
ekki koma aftan að nemendum sín-
um með því að ekki verði tryggt að
þeir geti haldið námi áfram eftir vet-
urinn í vetur. Hvert eiga börnin að
fara þá? Eiga þau að taka sér pásu
frá tónlistarnámi frá mennta-
skólaaldri, og þar til þau komast í
Listaháskólann þar sem ríkið skaff-
ar? Listaskólar reka starfsemi sem
þolir illa rót, ójafnvægi og óvissu um
framtíðina. Enn er allt í óvissu um
það hvernig framlögum til tónlistar-
skólanna verður háttað í framtíðinni,
og hvaða mat verður lagt þar til
grundvallar.
Niðurskurðurinn nú er þegar far-
inn að skaða starf tónlistarskólanna.
Tónmenntaskólinn hefur boðað að
þar verði deild lokað til að koma til
móts við niðurskurðinn, og Tónlist-
arskólinn í Reykjavík hefur lokað
bókasafni sínu til að bregðast við 19
milljón króna niðurskurði. Það er þó
eitt besta safn sinnar tegundar í
landinu. Þetta er dapurleg afturför.
Þau vandræðamál sem hér hafa
verið nefnd gefa til kynna að borgina
vanti sárlega sýn í menningar-
málum; sýn og stefnu; raunhæf
markmið, og að leiðir að þeim séu
skilgreindar á nákvæman hátt. Vita-
skuld er margt gott gert undir
merkjum Reykjavíkur, og það ber
að lofa. En eftir fréttir liðinna vikna
af þeim málum sem hér hafa verið
rædd, er engu líkara en að borgin líti
á menningarstarfsemi sem einhvers
konar vandamál, hvort sem það er
Sinfónían, Nýlistasafnið, tónlistar-
skólarnir eða Borgarleikhúsið.
Borginni hefur engan veginn tekist
að sannfæra fólk um að hún beri vel-
vilja til margra stærstu menning-
arstofnana sinna. Vandræðagang-
urinn og stefnuleysið virðast ráða
för í stóru málunum, borginni til
mikils vansa og álitshnekkis. Varla
er það óskaímynd menningarborgar.
begga@mbl.is
Jón Helgason
Ókeypis aðgangur
Sýningar eru opnar alla daga
frá kl. 11:00-17:00
Dagskrá helguð ljóðum
Jóns Helgasonar verður sunnudaginn
21. september kl. 14:00
í Þjóðmenningarhúsinu.
Fram koma m.a. Þórunn Björnsdóttir og
Skólakór Kársness, Kór Menntaskólans
í Reykjavík undir stjórn Marteins H.
Friðrikssonar og Bergþór Pálsson.
JÓHANN Friðgeir Valdimarsson tenórsöngv-
ari hefur verið ráðinn sem gestasöngvari við
óperuna í Wiesbaden í Þýskalandi. Hann hefur
ennfremur verið ráðinn til að syngja við óp-
eruna í Karlsruhe og Þjóðaróperuna í Vín-
arborg.
„Ég fór út og söng fyrir þessi óperuhús, og
fékk til baka tilboð frá þeim öllum. Húsin í
Karlsruhe og Vín buðu mér fastráðningu, sem
ég vildi ekki, heldur þáði ég boð um að vera
gestasöngvari við óperuna í Wiesbaden. Þar
var mér boðið að syngja í Boris Godunov og
Madama Butterfly og jafnvel í nokkrum sýn-
ingum á Macbeth.“ Þrátt fyrir að Jóhann Frið-
geir hafi hafnað fastráðningu í Karlsruhe og
Vín munu óperuhúsin á báðum stöðum vilja
ráða hann sem gestasöngvara. „Í Karlsruhe er
mér boðið að syngja í Toscu, en ég veit ekki
hvað ég syng í Vín, það hefur verið erfitt að
samræma dagsetningar þar við það sem ég hef
þegar tekið að mér.
Þá stendur einnig til að ég syngi Macbeth og
Madama Butterfly við fleiri hús, meðal annars
óperuna í Frankfurt.“
Jóhann Friðgeir kveðst hæstánægður með
samningana, og segir lausamennskuna, eða
gestasönginn, henta sér betur; slíkt fyrirkomu-
lag gefi meira í aðra hönd og söngvarar séu
frjálsari að því að velja sjálfir sín verkefni og
þiggja tilboð frá öðrum óperuhúsum. Jóhann
Friðgeir hefur verið fastráðinn við Íslensku óp-
eruna í rúmt ár, en hættir nú störfum þar.
Jóhann Friðgeir
á erlend óperusvið
Morgunblaðið/Ásdís
Jóhann Friðgeir Valdimarsson tenór fékk samn-
ingstilboð frá öllum óperuhúsunum sem hann
söng fyrir.